微辣大排檔 (已結業)

作為微辣粉，當然要黎打下卡，好多佈景好得意，有地鐵站、渡海小輪、大排檔，充滿香港特色情懷。食物有好多係傳統小吃，勾起兒時回憶！咪走雞好大個雞煲，店員即場表演-將啲酒淋落去時，成隻雞燒著🔥原隻雞用葉包，鎖住肉汁，配料有大量蒜頭🧄、香葱，好香、好入味！Yelo咖哩大雜燴喜歡掃街的人一定要點呢個！有咖哩牛栢葉、魷魚、魚蛋，咖哩汁不辣而惹味，仲有火爐keep warm，熱辣辣~冰鎮素咕嚕肉素食者都岩~佢同真咕嚕肉根本一樣，個皮好脆，內裏好稔，加上個汁又酸又甜，送飯一流。甜品叫咗雪糕格仔餅，係士多啤梨雪糕🍦x雞蛋仔，好大份，好扺食，雞蛋仔少少似麻糬，較軟熟，有蛋香味，一定要留肚食！