御膳

營業中

休息中

觀塘果然是臥虎藏龍的地方,舊同事又介紹了一個好地方,不過今次是吃中菜,名字還很有派頭,叫御膳, 叫得御膳, 當然要招呼皇帝~(即我們)光是前菜已經不簡單,青瓜爽脆鮮甜,炸豆腐更是驚人,裡面鬆軟得像一咬即溶天樣,夾上去又不易斷,炸蒜亦成了很好的點綴另一道小食拼盤也是出色,豬大腸的主力肥膏沒有清走,配以鹵水味完全把不該有的味道蓋掉,左邊的牛雜配以微辣, 醒胃非常蟶子雖然略為韌了一點,但蒜蓉醃制得出色,吊得出蒜香味,提升了其鮮味不得不說這隻避風堂炒蟹超乎期望,蟹肉不離殼, 味道鮮甜,而且沒有縮水, 啖啖都有豐富的蟹肉炸蒜不辣但香口,撈飯一流黃金蝦的蛋黃味道調得出色,咸香細緻, 跟鮮味的蝦肉配得很好,令人幾乎連殼也吃掉了炒白菜仔有什麼特別?特別在它的菜沒有渣,吃下去爽脆有水份,非常好吃御膳炒飯用上了鮮蝦仁和連皮豬肉,豬肉好吃的地方在於它們的皮上的骨膠原,咬下去雖然很黏口,但正正跟珍珠米很配,跟一般炒得很乾身的炒飯不同,它微黏但不濕的口感很新穎令女士非常驚喜的一道甜品+果盤混合體,西瓜盅除了西瓜, 還有甜甜的奇異果跟青提子,好好地填滿了整顆西瓜,西瓜水份極充足,多得連底層也盛著多於一杯的西瓜汁,

早前母親節因工作關係不能在香港與媽媽一同渡過雖然已經預早和媽媽慶祝但心裏就是有點內疚回港後決定與媽媽再慶祝一家人齊齊整整的一同吃豐富大餐深知媽媽愛吃海鮮所以特別安排海鮮盛宴給她不過地點卻不是平日慣性到訪的海鮮酒樓而是工業大廈內的樓上食肆 - 御膳御膳是由一位在觀塘區工作的好朋友介紹主打每日有新鮮海鮮運到而且主廚最擅長烹調海鮮菜式 餸菜碟碟夠鑊氣, 當中以避風塘炒大肉蟹及椒鹽特大瀨尿蝦最出名最重要是價錢合理, 那就訂枱吧~ 位置一點都不難找~距離地鐵站約5-10分鐘路程而且店內的食客蠻多, 有老有嫰相信大都到來都是為了吃海鮮吧~麻辣滷水拼盤拼盤共有三款滷水食物分別是滷水大腸、麻辣雞絲及麻辣滷水金錢肚 麻辣滷水牛肚滷水煮得非常入味 味道淳香, 充滿辛辣的香氣而牛肚口感帶有點彈性入口微辣, 慢慢地麻辣燙感覺湧現越食越刺激, 個人來說最愛這一款~ 麻辣雞絲雞絲的麻辣感不及麻辣滷水牛肚但仍然帶有麻、辣、鮮、香的味道 雞絲肉質幼嫩, 配合青瓜一同享用感覺清新, 非常爽口 滷水大腸滷水做得相當不錯, 味道就是不會過鹹八角的味道挺突出, 色澤亦不會太深不過, 大腸內的脂肪量太重如果可以瘦一點的話,

同事們起哄話找一個沒有那麼忙碌的Friday Night, 去附近工廠大廈裏的私房菜，個大廚有超過20年經驗，又説每人300-350元便可吃到豐富又好味的私房菜和海鮮。心想不會那麼便宜吧，海鮮同私房菜每樣都係五佰一位起錶的，更説很豐富的，好奇心驅使下撇低家人去一試！TGIF! 放工後大家浩浩蕩蕩出發，由APM 跟著大家行，行過一條頗舊和長的街一直行去街尾.....大家為了尋找隠世廚神和食好嘢都非常有決心，最後去了一座舊式工廈，還坐上舊式人手拉閘的升降機令成件事更加神秘！終於到達了！好期待那些傳聞中的美食，因同事訂位時已同餐廳溝通過，所以不用點菜，省時方便一坐低就有得食，對我這些有選擇困難症的佳音！嘩！食物陸陸續續的送來，我們都是奉行相機先食的潮流；這也難怪，每樣食物也聲香俱全！先來兩個冷盤做starter，麻辣鹵水拼盆和香芒沙拉大蝦球麻辣鹵水拼盤賣相已很精美，有鹵水牛肚, 豬肚，手撕雞。牛肚豬肚好腍唔靱醃得好入味，手撕雞混合了芝麻醬，蔴油等配以爽口的雞肉, yum yum!香芒沙拉大蝦球 由新鮮爽甜的沙律菜，水果和啖啖肉的爽甜大蝦, 真的令大家胃口大開！雖然是中菜，但餐廳菜單的佈局卻好

觀塘呢個地方唔常去，但次次黎都係有好野食：）今次黎到呢間「御膳」私房菜實在食到唔停得口。先黎個麻辣鹵水大拼盆，有豬腸、雞絲同牛肚，辣得夠惹味，豬腸同牛肚都唔會一陣內藏臭味。再黎個開胃前菜，香芒沙拉大蝦球好精美和豐富的前菜，沙律配新鮮水果做底，大大隻蝦係面，炸粉薄薄地炸得香脆可口，唔會搶哂D蝦味。意料之外是只要現金付款，就免費送麻辣拼盆，有雞翼尖、豬紅同雞腳：）個豬紅正正正!!!入口又滑又嫰，辣得黎又幾Juicy，最緊要係冇腥味，勁鐘意啊。薑蔥炒大肉蟹（上）、胡椒炒大肉蟹（下）我最愛既蟹出場啦♥兩隻大肉蟹都很新鮮，薑蔥很香口，胡椒就惹味D，有返咁上下SIZE咬落啖啖肉，超滿足的!!!食蟹都係要落手食先夠風味，重點是食完要舔手指((打飛!!!蒜蓉粉絲蒸大元貝ORZ!!!超巨的扇貝!!!淨係賣相已經哇哇聲啦XD一隻有我成個拳頭咁大隻呀!!!肉質彈牙，成啖咬落去都咪話唔正呀：）我而家唸起都流哂口水呀T^T粉絲墊底，一定要食埋，精華係哂到，雖然有少少油XP啫啫鮑魚煲又一回味之作!!!蒜頭我係唔食既，但同鮑魚係個砂煲到熱辣辣撈黎撈去，香味四溢>////<鮑魚咬落爽口得黎好煙韌，外層

其實我都很有好奇心古時的皇帝時常吃的 御膳是什麼來的..相信一定是味道不錯的山珍海錯吧~~~好奇上OP 查一下, 原來真的有食肆名叫御膳看看菜式評價各樣都不錯剛好這天又要BOOK 枱和老闆吃生日飯看看這裡可以與店子度身訂造菜式而且最緊要豐儉由人每位大概預Budget 二,三百元都可以了再加上公司很近觀塘所以就由我來發板選了這間在觀塘工大廈開業的 "御膳"來!地點算是相當好找(因為op 己詳細教了我們方向, 照着行約在mtr 5 分鐘就成了!)到達了餐廳, 侍應勤快的先領我們坐下送上熱茶招呼一下這裡的地方相當乾淨地下沒有積水污水, 鋪面整潔老闆都笑着點一下頭 (過骨!)嬙上貼着這裡很多招牌名菜原來辣蟹和海鮮都相當出名好吧, 就讓我這小小秘書發一下板點幾個心水靚菜給老闆先~~先來是麻辣鹵水拼盆(例)鹵水拼盆有三樣鹵水物分別是 鹵水大腸、麻辣雞絲和麻辣鹵水牛肚!其實三個鹵水全都非常好吃!!鹵水把東物弄得非常入口入口不會太濃太重味, 味道適中是非常好的開胃前菜!!!麻辣鹵水牛肚非常有彈性入口就被 鹵水的香味佔據舌頭了!!!一會兒後就會慢慢浮現微微麻辣的感覺刺激了味蕾好一會兒呢~鹵水大腸、麻辣雞

本來心想相約朋友到觀塘工廈吃私房菜, 應該會碰得一面子灰, 要居住新界區的朋友千里迢迢來九龍東, 已經不容易, 還要是工廠大廈!! 怎料...這次大家竟然也表現得很受落和配合, 或許因為珍惜聚會的機會, 對其他事的執着相對又會減低, 造就了這一餐很特別的工廈私房海鮮餐.御膳在觀塘工廠中, 地點老實說一點不就腳, 地鐵站走過來要10分鐘左右, 也不是顯眼的工廈, 我們就曾經走過了頭. 入口是停車塲位置, 典型的那種上一層台階就是客笠和貨笠的位置, 而最經典的莫過於那要人手開關的電梯閘門, 幸好今次男士們眾多, 是他們表現的時侯. 女士們要推開閘門也會有點吃力.工廈的私房菜, 沒有很華麗特式的佈置, 入到店內, 大約有5-6張圓枱, 每枱可容納10人左右, 以木色為主, 簡單的擺設, 很有種工廠飯堂的感覺, 不過環境也相當企理, 打理得整潔.一早跟餐廳方面溝通過菜單, 最重要是大家也不想傷腦筋, 我們發板, 大家一邊傾談一邊乖乖等上菜.先來一個湯水滋潤一下. <砂窩大魚頭豆腐湯> 未品嚐已先傳來一陣魚的鮮味, 還有芫茜的香味, 令飢腸轆轆的眾人更難按捺.奶白色的魚湯, 味道

前兩晚中同飯局，同學book咗呢間喺佢公司附近位於官塘工廠區内嘅隱世私房菜!入到大廈一出𨋢就見到鋪頭大門，門面簡簡單單推門入到鋪內見到有四張大枱+一張細枱裝修佈置跟我想像嘅私房菜差不多唔花巧坐位寬鬆舒服又有電視睇！同學㸃咗幾道食過好味嘅推介餸菜！呢間私房菜有兩種付款食法，可以自己散叫餸逐碟計算，又可以逐人頭收費，廚房有個價錢預算去為客人準備驚喜餸菜！而今次因為我哋人少只得幾位，所以選擇自己散㸃菜😋 首先係冷盤*麻辣鹵水拼盆*，三款都好香好有麻辣麻痺感尤其牛肚好入味又爽一d都唔韌之後係海鮮主菜**避風塘炒大肉蟹**個人最愛食香口嘢,肉蟹面鋪滿香脆炸蒜好香口啖啖蟹肉唔會得個味冇蟹肉！**蒜蓉粉絲蟶子皇**蒜蓉蒸粉絲加埋彈牙蟶子肉一齊食滿口蒜香味,粉絲夠淋蟶子大大隻！**胡椒鮑魚**最有驚喜，濃濃胡椒味襯住鮑魚新食法夠野味又唔太辣,胡椒味道啱啱好！配番鍋*砂鍋大蜆豆腐湯*大蜆嘅鮮味落曬豆腐湯內清甜可口，飲完一碗又一碗！最後係食雞*江南百花雞*雞肉面鋪住厚厚蝦膠去蒸,雞肉嫩滑加埋蝦膠啖啖肉好滿足!今次初嘗私房菜感覺好好，與一班中同食得飽飽呢😄！下次要試吓等廚師決定食材一定更有驚喜^^

如果是"叫餸食飯"的飯局，通常會是家庭或者公司的聚會較多，一般來說莉莉人都是被帶去的~Hahaaa今次的朋友飯局裡，我被帶了去一間很港式，而且有生猛海鮮吃的私房菜餐廳"御膳"~這裡位於美食林立的觀塘工廠區(晚上有點不認得路>•<)，全靠識食朋友才認識到這間店呀^^麻辣鹵水拼盤 (麻辣金錢肚﹑ 麻辣手撕雞﹑ 麻辣豬大腸)賣相伴碟好像不錯啊！麻辣口味是我的"飛佛"呀，但不吃內臟的莉莉人只能進攻中間的麻辣手撕雞>•<雞絲與青瓜絲mix了麻辣＋麻醬，感覺開胃惹味，辣度適中，口感涼爽。另一set麻辣系列：麻辣翼尖 ﹑ 麻辣豬紅﹑ 麻辣雞腳喜歡麻辣的朋友不要錯過，特別推薦麻辣豬紅，非常入味，豬紅又很滑嫰。以小型沙拉盤伴上香口的蝦球，女孩子對材料十足的鮮果沙拉一定不抗拒，不過吃起來有點麻煩，鮮果粒粒總往桌上掉，繽紛的擺盤好看多於好吃呢！女孩子很期待的菜色，不過每片骨的size都很大，如果小塊一點會吃得方便些。肉質不會靭，但口味偏甜了~ 我還是比較喜歡菠蘿骨之類偏酸的口味！金華雞 (半隻)金華火腿片夾著軟滑雞肉，咸鮮味很balance，雖然個人不太喜歡玻璃獻汁，不過味道

朋友搞局，話食私房菜，懶神秘話仲要晌觀塘廠廈裡邊，哈哈，原來喺御膳，即時話佢知小弟曾經到訪過，不過，依然有興趣再訪，因為，佢哋嘅私房菜實在有質素，似乎做出啲成績，有種載譽歸來之勢。今次重臨，門面無晒啲雜誌專訪嘅報導，更有私竇感。因為有朋友打點，所以，唔使其他人操心，亦一早收到菜單，多款菜式都喺未試過。而去到餐廳，仲一早坐滿客人，真喺唔訂位就無得食。麻辣鹵水大拼盆唔使多講，就知喺麻辣夾鹵水嘅組合，拼盤有牛肚，雞絲，豬腸，惹味還惹味，但真喺辣得刺激，而牛肚好爽口，雞絲好綿滑，豬腸唔肥又無乜豬臊味。蒜蓉粉絲蒸大蟶子皇第二道上場喺熱辣辣嘅蟶子皇，隻隻都好大隻，斤兩十足， 蟶子既彈牙，又鮮甜，而且蒜味香濃得恰到好處，唔會冚晒啲蟶子鮮味。底下沾滿蒜香及豉油味嘅粉絲，亦唔好錯過。避風塘炒大肉蟹依度整肉蟹有好多做法，四川香辣炒、豆豉涼瓜焗、薑蔥上湯炒、麻辣水煮……等等，避風塘炒算得上店家嘅招牌。睇見對蟹鉗，就知隻蟹斤両十足，一整碟鋪滿炸蒜粒，香氣四溢，我哋選上小辣，微辣醒神，蒜香惹味，肉厚味鮮，所以，大家都讚，食到吮晒手指。花彫雞油蛋白蒸大肉蟹食完個避風塘炒，再嚟個花彫雞油蛋白蒸，實在滿足晒鍾意食蟹，

係香港零舍想食海鮮, 貪佢夠新鮮, 又多選擇講到食海鮮嘅地方都係三門仔, 鯉魚門, 西貢及香港仔海旁, 聽人講要識人先好去食, 如果唔係劏到你一頸血!! 不過嚟呢度就唔怕!八點半嚟到店長已經預留好枱比我哋 喺相嘅右手邊有另一邊廂, 可以拉上木門, 就成為私人空間, 空間一樣大, 適合家庭朋友公司聚會嚟包場! 打電話嚟book枱嘅時候, 會定好餐牌麻辣鹵水大拼盆 (5/5)有牛肚, 雞絲拌青瓜, 豬腸之前唔會食內臟, 都比屋企人笑我“咩都唔食點做食家呀!!” 今次就決心試下 牛肚豬腸嘅味道差不多, 醬油麻辣味濃, 煮得好淋, 雞絲有啲麻辣, 不過連埋青瓜辣味就唔算重! 好開胃嘅頭盤 蒜蓉粉絲蒸大蟶子皇 （5/5)為保持女神形象 , 應該用刀叉食, 因為肉質好厚身, 有個位差啲咬唔開, 不愧為蟶子皇, 粉絲放係底比你大大撮咁夾起, 好入味!!避風塘炒大肉蟹一隻 (5/5)可選特辣, 大辣, 中辣, 小辣未真正食過避風塘炒蟹, 因為有啲做到太濕, 唔似得呢個效果, 炒蒜好脆身, 睇到即刻想叫碗白飯, 蟹殼都沾滿辣味, 用鉗一下力就拆開, 簡單到好似出奇蛋一開就開到, 蟹鉗肉好juic

今日同事食飯，四個人打算係觀塘試私房菜，聽朋友講呢間好多海鮮又新鮮，我最鍾意食海鮮呢! 又話好抵食，所以我都好想試…麻辣鹵水拼盆鹵水牛肚，同埋麻醬雞絲，鹵水豬腸…。 鹵水好入味， 落咬落去麻辣味慢慢滲出嚟，食唔停!砂鍋大蜆豆腐湯魚湯好鮮甜，奶白色湯底，聞落已好香…隻蜆好鬼大， 成隻碗咁大，豆腐勁滑，好正嘅開場!避風塘大肉蟹 蟹肉鮮甜，係優質肉蟹， 1斤岩岩好，夠晒4個人食! 避風塘好惹味，不過好辣，一開始唔覺，食落啲辣味好搶口，食左一舊就辣得滯食唔到…蒜蓉粉絲蟶子皇蒸海鮮先可以試出真功夫，識食一定食粉絲底，蟶子真味落晒去，加埋蒜蓉香味，好正! 蟶子夠大隻肉厚，除香口蒜蓉之外，辣椒係點晴之作，吊起鮮味!胡椒鮑魚胡椒汁好均勻咁包住隻飽魚，小小咸味加上彈牙鮑魚! 講真，係完全未試過咁樣嘅鮑魚煮法，而重點嘅鮑魚更係鮮味爽口，大廚仲幫隻鮑魚介花，更入味!士多啤梨骨聽聞係呢度嘅招牌菜，未食已經聞到士多啤梨香味，咬落甜甜地，肉質好鬆嫩入味，令到人想一食再食! 御膳炒飯有汁嘅炒飯，但仍然可以炒到粒粒分別，飽滿嘅珍珠米，粒粒都沾有汁~好~滿~足~!咁樣食法先每人$400! 邊度搵!下次要食下啲餐，$3x

一對友人家住麗港城, 我和另外一個朋友都在官塘附近工作, openrice 找到這家大家都方便的私房菜. 一星期前已經打電話訂位, 因為人不算多, 我們沒有選擇既定的套餐, 選擇了散叫.餐廳位於麗港城對面, Manulife Financial Center 旁邊. 門口沒有店舖名字, 只有門號.去到大概8時, 估不到這隱世私房菜平日夜晚都全場爆滿, 全店大約有4張大枱, 只有我們一桌細枱.香芒沙拉大蝦球好精美和豐富的前菜, 大大份, 用蔬菜做底, 上面有新鮮水果做的沙律, 水果有蘋果, 蜜瓜等, 然後就是一大塊芒果和最上面的大蝦球. 大蝦球面頭有薄薄的炸粉, 香脆可口, 再加上芒果, 酸酸甜甜, 非常開胃, 令人期待之後的主食.啫啫鮑魚啫啫鮑魚用了啫啫煲的做法去處理鮑魚, 煲內有京葱, 洋蔥, 紅椒等配料, 很惹味. 鮑魚底界了橫橫直直的坑紋, 令配料香料的汁都滲入鮑魚, 非常入味. 唯鮑魚放在熱煲裡可能有點過熟, 建議上菜或放入煲前不要將鮑魚煮到全熟, 效果應會更好.大蜆燉蛋這是清酒煮蜆和蒸蛋的混合體, 大蜆成個碗咁大隻, 肉厚爽口, 蒸蛋很滑很嫩. 蒸蛋配合大蜆一起吃, 大蜆更顯