御品·千之味 (深水埗) (已結業)

一向喜歡食三文魚既我, 從網上廣告得知深水步近排新開左間專食三文魚既放題, 以三文魚創作不同款式既食物。同樣喜歡食三文魚既友人咁岩今晚都不用OT, 擇日不如撞日就相約今晚一齊去潮聖~ 門外展示了不同的折扣優惠, 更列明任食的款式同埋價錢, 這裡沒有劃分入座時間限制, 時間較易掌握, 入座起計1.5小時任飲任食!除了任食放題外, 原來還可以選擇散叫刺身款式, 都是買一送一啊!!!假設覺得只吃三文魚有點寡, 可以每人多加HK$30升級, 可以額外任食炸物同埋小食。而我倆都是三文魚腔, 所以鎖定目標, 沒有追加, 只選任食三文魚的款式就夠了!!!想不到"三文魚"都可以創作成咁多款配搭, 先來一碟三文魚刺身, 三文魚都是厚切, 質感偏林, 沒有魚油味, 但比爭鮮質素為高一點~辣味三文魚軍艦這款配搭在味覺上有點驚喜, 整件放入口, 鹹中帶甜的千島醬帶出了味道, 多粒三文魚粒仲有少少蟹子, 增添了層次。火灸三文魚壽司火灸後亦不見太多魚油, 反而增加了一點焦香, 入口微暖火灸三文魚忌廉芝士卷火灸三文魚壽司多加了忌廉芝士, 帶少訐鹹香味, 加軟滑芝士, 多了一點邪惡感碎蔥吞拿魚三文魚卷吞拿魚蓉份量較少

好耐無見朋友約食下午茶放題，大家相約係深水埗等，呢個放題有十款食物任食，五款炸物五款冷前菜落完order 等左15分鐘先話無 八爪魚算，再等個樣好似好OK ,大拿拿等左20分鐘，以為係即整，但點知原來係凍食，連翻熱都慳返，勁雞翼有七味粉，但皮係淋，重點係佢應該無落鹽，得七味粉味，雞肉係無味炸蠔個心未熱，其實面都吾熱，腥腥地一口芝士，芝士味好淡，粉好厚餃子我本身吾鐘意食，見到個樣都吾想食炸蝦，其實如果係熱食都吾算差，但可惜全部都係微溫，好似放左好耐凍左咁連凍食都要等15分鐘，仲要係分開上頭20分鐘等炸物，再隔15分鐘先有凍食，前後已經等左35分鐘，但佢限時90分鐘，雖然我食得吾多，但都吾伐表我要去半個鐘去等食物侍應態度最差，問佢幾時有佢吾答你，但我居然見到廚房d入好開心玩緊同傾計，我吾係太明螺肉點解要用半個鐘去整，好明顯想dum時間，呢個做法真係好cheap 最慘係食完後胃痛，有d想嘔，好吾乾淨永遠無下次

之前千之味其中一間分店做甜蝦任食 我都有幫襯過 今日咁啱經過深水埗 原來都有千之味喎 一於入去幫襯懷緬下先一條友悶悶哋 打算食少少嘢就返屋企晏晝四點幾餐廳已經座無虛席 勁旺場見好多人都係叫三文魚放題 158蚊任飲任食 加1蚊仲有星級優惠 無限追加甜蝦三文魚放題 食材主要都係圍繞三文魚 選擇都幾多另外仲有一個 下午茶炸物放題 只需68蚊咋雪櫃嘅嘢飲 仲可以任飲 其實真係幾抵 不過一條友就無謂食放題啦 最後我都係決定散叫油甘魚壽司 海膽軍艦壽司 火炙左口魚邊壽司 芝士炸蝦卷壽司油甘魚厚切 魚味十足 刺身大過舊飯火炙左口魚邊壽司 火炙過嘅壽司有陣陣獨特嘅香味 魚脂豐富 淡淡油香 入口即溶海膽軍艦壽司 紫菜依然卜卜脆 海膽新鮮無比 入口甘香鮮甜 我的最愛芝士炸蝦卷賣相已經非常吸引 壽司飯包住原條天婦羅炸蝦 蝦肉彈牙爽口 而且有大量蟹籽 卜卜脆增加口感 醬汁亦是靈魂之處 沙律醬和芝士味道極為邪惡 好味到暈埋單價 一百四十幾蚊 已經加埋一整體壽司質素高 新鮮是最重要的 下次有機會約埋三五知己 一齊嚟試下佢個三文魚放題 非常期待

偶爾看到網上談及此食店小弟最鍾意食軟殼蟹見佢過下入午茶放題menu有軟殼蟹一於試一試店舖門口唔難搵係深水埗警署對面店內環境新淨但位置不多我諗最多容納50人多啲啲廢話講完去相1. 芝麻八爪魚，中華沙律，螺肉味道及賣相合乎想像，唔會失望2. 七味雞翼雞翼異常地脆，但肉質一啲都唔乾身，個人首選推介3. 芝麻雞翼，軟殼蟹天婦羅，雞軟骨芝麻雞翼一樣超出水準，外脆內嫰，推介雞軟骨反而有戰失色，炸過龍變得乾身，而且味道唔夠惹味至於軟殼蟹，可能我期望過高，加埋相片四件，我總共叫左16件，點解叫咁多？因為頭四件全部都係蟹腳冇蟹身，我以為自己唔好彩，點知餘下既12件全部都係蟹腳again，我終於明白「世事豈能盡如人意」既道理4. 吉列炸蠔，炸餃炸蠔一咬落去有汁出來，證明炸得岩岩好，讚！炸餃不過不失，你睇我叫得一隻就知5. 八件軟殼蟹，海老天婦羅係咪全蟹腳(蟹鉗)，大家自己分辨海老天婦羅只能合格，估計全部一齊炸，有啲地方好粉，而且黏埋一齊，味道正常6. 凍豆腐有人講過話味道怪怪，我又唔認同，我覺得味道好好，而且賣相吸引精緻7. (無圖)蟹籽沙律，一口牛，蟹柳玉子燒蟹籽沙律比例做得好好，味道賣相吸引一口牛叫左

早前去完深水埗買野，照舊行去搭巴士回家，在等巴士的時候，見附近開了一家新店，名叫千之味，有專食三文魚的放題，我一向喜歡食三文魚，有新店當然要試試，今天放工就約左女兒前往，嚐嚐這裡的三文魚！無限量供應的三文魚刺身，肥美厚切，當然食多幾轉。全部食品都是即叫即做，等候需時。要早些下單啊！火炙三文魚壽司：用火輕輕燒過的三文魚，魚油特别香。花之卷：雖然比較細少，但一口一舊方便進食，三文魚、蟹籽、壽司飯，一口裏有多重口感，好味！加州三文魚卷：材料豐富，三文魚、蟹籽、玉子、蟹柳等，食材新鮮，口感豐富，好味！三文魚子冷豆腐：豆腐滑溜，三文魚子夠大粒，加埋特製一醬汁甚惹味！放題全以三文魚為主，飲品任飲。

岩岩去食完因為本身鍾意食三文魚，見間野有三文魚放題，咁去試下啦入到去，環境係唔錯既，接待我地既員工既服務態度都好好 但去到最尾 啲態度就開始嚴重地走樣喇1.係啲客人面前大大聲話我地阻佢收工。我地九點三左右去到，十點三就想趕人走？說好的90分鐘任食呢？2.望下客人張枱仲有幾多野食 再大大聲同啲同事報告 仲要望左兩三次3.收完錢，大大聲話：終於可以清機了。你要清機，你唔識早少少過黎有禮貌地收錢？一定要俾說話客人聽？

大家咪以為深水埗，只係在福榮街先有好嘢食， 但原來在深水埗警署旁的荔枝角道也有，因今日就食左一間叫[ 千之味 ]的食日本菜的小店，也正因中午時間以為沒什麼好吃，但他竟有日式放题食， 價錢也不貴，仲要係以三文魚為主老實講門面本來真的不太起眼，就正因在這條街你沒想到有一間食店，所以才發現到雖是放題，但飲品種類也不少店鋪坐位真不多，也不算大，但也不會比人感覺很逼三文魚刺身絕不孤寒，每片都很有口感這個戀之花上的蟹籽，咬落粒粒脆口，不會林謝謝說明以三文魚為主，當然有不同的款式，三文魚也很新鮮減肥美，油脂的分佈也很均勻，咪以為放題質素就很差，絕對和一些有名的壽司店不忘多樣除了刺身和壽司以外，更叫來燒三文魚頭及三文魚水撥， 燒起來不會感覺很乾，特別這個三文魚水撥， 三文魚的油分直滲出嚟，咬落口很有魚味連加一也只需158的三文魚放題，可算是物超所值，還可以以優惠價升級多款小食，這當然同樣時放題任食

評語：價錢如果食一餐壽司黎講 算抵嘅 因為平時食20件刺身已經over 158蚊☺☺ 三文魚刺身厚身 但唔算特別新鮮 蟹籽有陣怪味😣 花之戀好細舊😂😂 👦🏻話係玫瑰之戀唔係花之戀😹😹😹 整體質素好過爭鮮但差過元氣 特別係無加工過嘅三文魚壽司款式～ 會食得出無乜鮮味😢 嘢食選擇唔多，只得一頁紙around 20-25款嘢食揀（全三文魚），但飲品任飲😆建議飲解茶消滯👍🏻但俾我會揀俾多廿蚊去旺角食放題！因為食到中間真係唔想再食三文魚😂😂 質素唔夠嘅話情願用款式搭夠 起碼唔洗淨係食三文魚先😤推介：火炙三文魚 芝士三文魚卷🤗

去西九龍中心打機後，三點去食tea。行行下，見到鋪前很多人排隊，原來有下午茶放題。餐廳坐得滿滿都是人。食物款式十分多， 有三文魚放題， 適合熱愛三文魚人士。也有小食放題，加$30更可以任食天婦羅。我們則選擇散叫，因為我們缺乏戰鬥力，就怕眼闊肚窄。適逢刺身正做買一送一優惠， 就選了鮮甜的甜蝦和帶子。七味雞翼幾香口，肉汁多再點了極上魚生飯，包括三文魚，魚子，八爪魚，吞拿魚，帶子，大蝦，油甘魚，北寄貝…非常豐盛。下一次有機會要試試它們的放題！

係Facebook到見到好抵食既小食放題，今日甘岩經過深水埗，所以一於就去試下啦！$68放題，只有炸物及小食兩大類，前後合共不超過十款食物炸物類:炸餃子:即炸即係，脆口👍🏻炸雞翼:外皮加有七味粉，七味粉無咩味，不過雞翼炸得剛剛好。炸蝦🍤:剛剛好，粉不會太多。炸蠔:我猜應該是日本蠔，細細粒，粉漿有點厚炸芝士:👍🏻👍🏻👍🏻，原粒三角芝士，好香口，好creamy。小食類:凍豆腐:基本，好滑，不過外面加左D不新鮮的三文魚子，好奇怪，即扣分。螺肉:辣得黎好野味，正芝麻八爪魚🐙:好入味，原隻上中華沙律:扣分，無嘜味，好深色蟹籽沙律🥗:一般，無特別綜合味道分數:3.5分抵食分數: 2.5分（款色太少)推介指數: 3分

食物可接受  算新鮮唯服務態度極差  whatsapp訂位遲遲不回覆就算想問清楚細節都以唔禮貌嘅回覆答我好失望 另外等位亦係第二個問題由於我係wtsapp訂位但佢冇覆所以親身去排 結果等左3張枱但等左1個鐘可一不可再

間鋪好細間，但係叫野食要等出奇地耐，我同朋友午市去，壽司到晒，但係刺身就遲遲都未到，追單個陣竟然同我地講漏單...成間鋪得幾個人，你呃鬼咩大笨象！ 雖然野食都算唔錯，不過真係去一次就算，唔會再去！PS: 3點半去，4點先有壽司，4點半都未有刺身..

Poohpooh好鍾意食三文魚，所以今日就嚟咗呢間Facebook成日彈出嚟嘅三文魚放題餐廳。.＄88就可以任食三文魚刺身，加多＄60就可以任飲飲品同埋其他三文魚和食，價錢相宜！.三文魚刺身幾新鮮，質素比一般放題好。厚切所以口感唔錯，可惜每次只可以叫十片。.其他以三文魚為食材嘅食物都幾好味，個人推介炙燒三文魚壽司，油香滿溢，雖然飯大舊左啲。炒飯蒜蓉味濃，可惜份量太大。..總括而言三文魚迷可以一試，但係我始終覺得普通放題多啲種類，唔會咁膩。

被門口的放題招牌吸引進店只怪自己沒好好看清楚原以為`升級´只是任飲汽水誰知$88只是 只是 只是三文魚刺身任食要食其餘14樣三文魚料理均要`升級´進店時沒有店員講解我是到結帳時方被告知(借一下師兄的照片)環境比較窄 桌子偏小與鄰桌只有小小的窄巷距離服務方面Order 安排混亂鄰桌比我們遲點菜卻先上菜全部 order 都要追頭20分鐘，除了刺身甚麼也沒有到過連最後結帳都要追3次再談談食物 (等太耐，餓了，沒拍照)只有15種款項選擇三文魚刺身: 不算厚切，不算肥美，只可說不過不失三文魚頭: 烤得不夠時間，中間還是生的三文魚水撥: 前後叫了兩件，大小極大差距，一件只有兩隻手指般大，一件則有大半手掌大，味道尚可花之戀壽司: 只有一片三文魚包著，飯上一點蟹子，沒有花之戀應有如花綻放的外貌辣味三文魚卷: 只是大大堆辣醬在壽司上三文魚冷面，三文魚沙律: 大致上都是一樣，都是蟹柳碎，蟹子和麻醬舖面。只是下邊是面和菜絲的分別全部壽司都是偏細件，每人約$160(連加一)，這個價錢，可以到有更多款式選擇，服務更好的日式餐廳。

My boyfriend and I went to this Japanese cuisine today. Obviously, the salmon sushi and sashimi are delicious but the serving attitude is not good at all.First of all,we were the first one that order food.But the staff miss our order many times and give the food to other customers.The main point is that we were the first customer that order food.They should be careful for the sequence of giving out the food.But why they didn't do it? Everyone customer get the food that they ordered but we didn't