御品·千之味 (深水埗) (已結業)

同Honey去完鴨寮街後醒起早排有朋友話有間新餐廳好抵食，於是就黎試吓。好好彩一去到就有位唔使等😊坐低後職員就問，想食放題還是散叫，因為天氣熱無咩胃口食唔到咁多野，所以就揀咗散叫。散叫款式都算多熱辣辣唔想食熱野，所以我就叫咗個細嘅冷麵，話就話細size，不過比我想像中大碟Honey就叫咗個日式魚生飯，吞拿魚我偷食咗一塊😋幾好，唔多筋另外再叫咗兩個小食一口牛好好味，好少食到會軟淋淋，仲要咁平咁大碟，真係好好抵仲有個雞軟骨，味道好濃，送啤酒一流（不過可惜無啤酒）埋單計埋加一都唔使$300，果然好抵食👍🏿

今日同老闆去琛水埗買料，老闆話見人少少請我地幾個同事食日本，經search之下，琛水埗呢間千之味係食放題，仲係百零蚊，boss say yes啦，你班大食怪，放題啱哂啦！響鴨記行去都要8-9分鐘，近大馬路，好易搵，店仔細細，可能我地早，冇book位可以直入。原來用餐可揀散叫同放題，唔哂梗係放題啦，$158 可以點三文魚放題，加$38可以點埋甜蝦等其他刺身同小食，我哋梗係有大食大要埋其他刺身啦！成班同事咩都點，挨刀成枱面都係，我覺得呢間鋪頭嘅三文魚幾好質素，啲三文魚好新鮮，而且佢係比三文魚腩部位，己有誠意，另外其他刺身有甜蝦、馬刀貝、墨魚、吞拿魚刺身，仲有好多款返卷可以選擇、燒雞翼等等，加＄38我覺得好抵喎。誠意推介去呢一個鰻魚卷，鰻魚燒得好香而且唔係機制嘅食得出米飯嘅軟熟。其實以放題來講，呢間鋪頭嘅種類唔算好多，但係樣樣都好有質素，我嘅大食同事話唔夠飽，最後叫咗手卷、刺身飯等等，呢度嘅手卷同壽司好好食，真係同連鎖式餐廳冇得比，其實唔好睇佢係放題咁食，以就咁散嗌呢個價錢都食回票價。

久唔久都會去食放題，因為諗唔到叫乜，放題就咩都點D，食豪D，最近聴朋友講深水步有間新開食三文魚放題，$158/位，平時食幾件三文魚都幾十蚊啦，今次仲可以任食日式三文魚刺身，價錢好吸引喎。喺深水埗地鐵站行過去餐廳大概8分鐘左右，都唔難搵，喺大馬路前邊，今日七點鐘左右入去，見到都有三四台人喺度食緊放題，我坐低個店員介紹左佢哋嘅三文魚放題餐單，另外加＄38就可以食其他魚類刺身。不過我只係鍾意食三文魚，所以我都淨係叫咗$158試試先！三文魚刺身必點啦，先來8件滿足下，刺身油脂較少，不過都幾鮮甜。在你兩件三文魚壽司，今次有三文魚腩，三文魚腩特別肥美，我最鍾意。花之戀亦係要必食推介，細細件一口一粒好正！一定要帶三文魚頭同埋三文魚較，出邊叫一份都要過＄100 ,到嘅燒三文魚頭好大件，燒得好香口，不錯不錯！除左刺身、壽司，仲有三文魚沙律、三文魚飯、三文魚麵等等。我覺得個三文魚放題Menu都算多選擇，如果係三文魚愛好者一定好鍾意滿足晒佢嘅要求啊！

平日既晚上 兩個人的晚餐 不用排隊，點了一客日式魚生飯（6款魚生），軟殼蟹天婦罹（呢客蟹算呢好肉又juicy，第二度食果D太乾身同硬），火炙壽司併盤,芝士炸蝦卷都晤錯，朋友就食左個牛肉烏冬，埋單三百多，不錯不錯

尋晚同老公、阿仔行完西九龍廣場，行過荔枝角道見到一間日式小店叫千之味，我就決定今餐晚飯就試呢間嗱，到達後店員安排入座，安排左我地坐張四人卡位，跟住我地開始睇餐牌ka，職員有介紹原來這裏係有分放題或散叫的，因為我地食左下午茶唔太肚餓所以最後決定散叫，跟住order左刺身(三文魚腩、赤蝦、油甘魚、劍魚腩)、一口牛、火龍卷、三文魚海胆卷、栗米壽司、汁燒牛肉飯同生姜豚肉飯等，整體食物新鮮好食，特別推介刺身同生姜豚肉飯👍🏻這間千之味食物質數唔錯，價錢亦學生價，係值得向大家推介的👍🏻😋

3文魚控又黎到飯堂開飯喇$15x任點任食3文魚魚生 壽司🍣....仲要任飲唔好以為 任點任食 就Hea整比你食每樣食物 都好新鮮 3文魚生超肥美 食到lamlam脷今次加左$38升級，多幾款刺身，有甜蝦、馬刀貝、吞拿魚、墨魚同其他炸物及和食，唔想咁悶齋食三文魚都係一個唔錯選擇！仲要用3文魚精心製造不同款式食物 包你唔會覺得悶☺️☺️ 講真呢個價錢真係抵到喊，食2碟三文魚刺身已經回本，仲有勁多手卷壽司揀，細食唧我都感覺賺哂👍🏻

下午行開深水埗，揾個地方醫肚先$138 三文魚任食，好似幾給引我地先食三文魚刺身，三文魚都幾厚切，又肥美食完第一輪，再點多轉都正常ge，質素繼續保持新鮮當然唔少得食壽司啦三文魚壽司、火灸三文魚壽司、辣味三文魚軍艦、三文魚沙律軍艦，壽司飯還有微温，細細件花之卷，上層鋪滿蟹籽，入口脆卜卜三文魚水撥，煎得很香口，很多魚油三文魚冷麵還有三文魚忌廉芝士卷三文魚手卷，還有幾粒魚籽，入口有爆珠感覺飲品也是放題形式的，還有新的白色可樂

今日陪朋友去長沙彎政府合署整証件，朋友帶我去食lunch ，原來係食三文魚放題喎🍣餐廳喺深水埗警署對面，都好近，但坐位唔多，約有二十個左右，我地下午2:00去，好彩仲有位✌🏻除咗放題仲有set lunch 我地最後都係揀放題$138任食任飲全部都係三文魚迷你三色丼花之戀胡麻醬三文魚沙律三文魚冷麵三文魚刺身不同款式的三文魚壽司加州三文魚卷三文魚頭（好大個）加三文魚水潑呢個價錢食到咁多款美食，超級超值，仲要樣樣都新鮮即做飲品款式選擇多，連新出既coke plus 都有，值得一讚

今天下午工作累了，想用美食打打氣，又要抵食、又要好味的我想起了《深水埔的御品·千之味》，位於深水埔站C2 出口步行5分鐘。 環境光亮、整潔、還有梳化座，夠舒服服務員有禮，落單快、準食物：有自助餐也有單點 Wasabi 是不拱鼻的火炙左口魚邊 2件 $22很好味！魚除了新鮮外咬下去後魚油在口腔內爆發出來，表層還要被燒過。軟殼蟹手卷 1件 $28咬下去後脆卜卜，外層炸得很脆，又薄。紫菜挺身，沒有棯.特上魚生飯(七款) $108有三文魚、油甘魚、甜蝦、北寄貝、帶子、海膽、魚子 — 全都是厚切，色澤光亮、新鮮，這個價錢很抵食, 飯份量也很多鰻魚小卷(6件) $20一口卷的，容易食。鰻魚很棯又冇骨。鰻魚汁適量，跟飯比例剛好，不會過甜。

今晚本身想去潮聖食甜品當晚餐，但行到半路忽然落大雨令我卻步，於是就睇下就近有咩食。行左幾步就行到呢間，望望門口既單張原來係食日本野既，天氣悶熱都想食下壽司。餐廳唔大，當時都有幾枱客，見佢地都有叫壽司。原來壽司又唔貴，而且仲可以講話平，鰻魚小卷都係$20/6件，甘當然唔會有好多鰻魚，但$20算係甘。之後再點埋火炙左口魚邊 $22/2件、劍魚腩壽司 $28/2件、左口魚壽司$20/2件。估唔到左口魚都有，仲幾大片下，大片過出面d放題，燒香左嗰種魚脂味好香。劍魚腩同無燒既左口魚都大片而且無雪藏味。壽司飯就比較大舊，實夠飽肚，但無甘濕會好d。再點多個軟殼蟹手卷 $28/件，紫菜軟左唔算脆，但軟殼蟹就夠香脆，飽晒！

好朋友由新界搬到了深水步，正好是我們的中間點，令我又多了個藉口可時常聚聚了。今晚就襯下班有空檔去找她吃個便飯聊聊天。我們隨意走到了這家近長沙灣警暑的御品味之千，因為見單張價錢抵吃而且地方光猛。員工有禮貌，並介紹了三文魚放題，但可惜我們都只想吃熟食。既然店員推三文魚，那我就點個《蒜香三文魚帶子炒飯 $65》頂部放了很多三文魚籽很吸睛，炒飯亦拌有很多三文魚肉和帶子肉。炒飯夠熱度，味道亦香口，份量亦足。《芝麻雞翼 2件 $36》雞翼炸得香脆又大隻，咬開仍有肉汁。《七味雞翼手打烏冬 $78》手打烏冬和七味雞翼分開上。七味雞翼有3隻，炸得卜脆香口並灑上了七味粉。

<三文魚！三文魚！三文魚 ! 任食 任食 任食！><越邪惡越開心😈三文魚放題 >🐟#fafafoodblog深水埗呢間喺ssp荔枝角道既御品之之味 90 分鐘放題 三文魚類食品任食 每位158 蚊(6pm 前離座 138 蚊) 鍾意食三文魚唔好錯過😈 (其實佢仲有得加38 蚊 有埋其它刺身同燒物食 但我今次三文魚就夠哂皮😂)1.有分刺身類 🐟壽司類🍱卷物類 和食類 其它類等等 關於三文魚既食物其實真係有好多 包食到飽 刺身厚切大大件 絕對唔係行貨😍 唔同既壽司好似 三文壽司，有特色既辣味軍艦 沙律軍艦 😁 仲有充滿魚子既花之卷都十分唔錯 . 但因為小弟太飽既關係 我食唔到勁多款既卷物 希望下次再試😂2.提議大家要試佢既迷你魚生飯 角切魚生仲帶d帶子同八爪魚 落足料🐟🐙三色don有三文魚 吞拿魚蓉 同魚子都十分唔錯 😈3.另外 和食點左三文魚頭同 水潑(魚旗位) 都燒得好惹味 魚肉質別充滿骨膠原好香滑 點特制既酸汁更正 😃 4. 蒜香三文魚 帶子炒飯 都炒得好好🐟切碎勁既三文魚同帶子 連埋有口感既魚子 炒既餅夠乾身盡吸肉汁 正😍仲有香滑 豆腐 三文魚

呢個深水埗唯一一間放題都俾我搵到😂我都覺得自己為搵食可以有幾盡！呢間餐廳細細，好街坊feel，放題野食種類唔多！但都叫樣樣有d咁⋯😜第一張係三文魚蟹子沙律，好正常！👍🏻跟住就小食啦～基本野黎！壽司軍艦⋯都有幾款，叫黎試下先，火灸三文魚都唔錯⋯炸物-有吉列蝦vs天婦羅蝦 前者勝🤣🤣後者淋巴巴⋯釀雞翼vs芝麻雞翼. 芝麻勝😝我唔太喜歡佢釀餃子餡入去，芝麻雞翼香口d😋 一口牛味道唔錯，比起大間既放題店好食，牛肉多汁唔硬！好食👍🏻👍🏻刺身-款式唔多，但全部都幾新鮮！三文魚係厚切！😋無偷雞切薄！好豐富！其實我重食左d卷物，但竟然唔記得影相🙈🙈鰻魚忌廉芝士卷 係唔錯既！👏🏻😜野飲都齊既，有茶有汽水，最特別係呢個蜜桃烏龍茶，好香蜜桃味🍑☺️☺️好飲！👍🏻餐廳唔多人～可以普通散叫或者食放題，朋友傾計坐下都唔錯！侍應態度都幾好呀！不過下次我會試散叫喇～😜😜

同朋友響深水埗行街，血拼完當然要搵個地方醫肚，經過依間日本野，就入去試試。一望餐牌琳琅滿目，有好多選擇，樣樣都好吸引，樣樣都想試，最後我地揀左日式魚生飯，同燒汁牛肉飯，另外再加多份壽司拼盤。魚生飯足料，共有6款魚生，材料新鮮，唔會有飯多過魚生既情況出現，實在抵食。牛肉飯份量十足，牛肉嫩滑，有牛味，再加上燒汁，完美組合。壽司拼盤，款式雖然普通，卻十分新鮮。晚飯食日本野，2個人夾埋都唔洗200蚊，實在抵食。

之前看到一間餐廳話係全三文魚放題，作為一名三文魚控，一直都想去試一試。今日跟朋友經過深水埗，就決定試一試這間餐廳。 第一次原來地方不算太大，大約就三十餘個位置。地方小也有好處，不像其他的放題店般嘈吵。一問之下原來可以不吃放題，叫單點。另外，他還可以加38元追加其他食品。不過我們一心都想試一下三文魚放題，所以還是選放題的好。 雖然說是三文魚放題，但還是有不少款式可以選擇的。當然必選是三文魚刺身，我們兩人都encore 了幾次，質素不錯，都鮮美，而且沒有漏單。 另外，火炙三文魚亦不錯，燒得剛剛好，值得一試。 三文魚頭也是推介的，這裡的三文魚頭比較多肉，我們還叫了兩次，一人一個魚頭。 最後值得一提是他的飲品櫃，飲品種類很多，由汽水、茶、甚至荳奶都有，真係任君選擇。 最後埋單158 加一，環境清靜、絕對是抵食之選。