御品·千之味 (深水埗) (已結業)

今天朋友知道我最喜歡吃三文魚，故便介紹我到深水埗荔枝角道御品千之味吃三文魚日式放題，雖然店舖唔算太大，但座位都舒適。   $138三文魚放題內有刺身、壽司、卷物及和食，另外飲品任飲，飲品種類亦有很多選擇，包括最新Coke Plus，如果想吃多其他食物亦可追加$38。      迷你三色井很新鮮，尤其是吞拿魚蓉。 三文魚剌身雖然唔係三文魚腩，但仍然很肥美及彈牙。 味噌三文魚湯味道鮮甜，唔太肥膩。 迷你角切魚生飯D魚生比其他店舖大件很多，口感比較好。 蒜香三文魚帶子炒飯，飯很香再加上扑扑脆蟹子很特別。 仲有多款卷物，非常吸引。   店內店員態度很好，上菜亦很快，在上三文魚水撥時，因上不齊我叫的數量，佢即時已通知我，其餘的正在焗緊轉頭會上回比我，我真係好驚喜，因為其他放題店員好少會主動話比客知，所以抵贊。

今日豪一豪，同d同事去深水埗食三文魚午市放題，依間舖唔係好大，下午時段都有唔少人光顧，依間店簡直係三文魚fans天堂，$138放題主推三文魚，有刺身、壽司、卷物、和食⋯⋯三文魚刺身，新鮮肥美，任叫任食，剩係食三文魚都可以翻本花之戀及三文魚壽司～賣相可以，飯唔硬，啱啱好任食三文魚水潑，炸得好香、脆卜卜蒜香三文魚帶子炒飯，足料，炒飯入面有三文魚、帶子、蟹子～好有鑊氣，炒得好香、好好食胡麻醬三文魚沙律，配合蟹柳、生菜，

是日晚上到西九龍商場與媽媽行街，媽媽喜歡吃日本餐，西九龍的斜對面便是吃日本料理的御品千之味。餐廳以簡潔為主，乾淨俐落的簡單佈置毫不花巧，座位與座位之間空間十足我們點了幾款熱門壽司三文魚忌廉芝士卷三文魚那甘香鮮味溶合芝士一併吃，這個組合是無敵夾火炙三文魚腩壽司三文魚腩相當肥美，魚油含量相當高加上火槍燒過，迫左D魚油出黎，魚味香濃，入口即溶呑拿魚蓉軍艦不得了！啖啖都係香濃吞拿魚，超好味！本身我對吞拿魚唔太狂熱都覺得好味鵝肝壽司推薦香到漏油既鵝肝壽司，入口细腻種類超多

超級抵食，佢有放題食，但我地無要放題，我地叫左刺生食，佢所有刺生而家做緊優惠買一送一，真係平平地食下都唔錯，刺生還可以，唔算貴，可以接受，下次可以試埋佢個放題。

今日中午行經深水埗，突然想食日本野，女友介紹千之味俾我，話佢價廉物美，我決試下。店內裝修不錯，也很清潔。有唔同lunch set 選擇，唔怕唔岩食Lunch set 送飲品一客，款式不少。我叫左一個壽司烏冬定食，烏冬彈牙有咬身，而且刺身新鮮。Lunch set 還送沙律同加州卷，蔬菜爽甜配上和麻醬很夾。女友叫左一個七味雞翼烏冬定食，我地各自另加$10 要左餃子同炸蝦，炸物即叫即炸，夠熱夠脆，不錯。我地食左咁多野先$156，而且唔收夠一，女友果然冇介紹錯

每次去黃金都會openrice 睇下深水埗有咩食，千之味出現過幾次郁冇選擇，以為佢係d 普通日本店幾十蚊但是是旦旦果種。今次去試一次幾果係有驚喜。位置唔難搵，係警處附近（對面），好在book 定位，店仔雖小，但下午荼時段都係坐滿晒人，人多心理上都有d保證。下午荼竟然有放題？！雖然係小食炸物類放題，但$68 定價已有9樣食物任食，再加$30 都係$100 內再多7 樣食物 及飲品任飲。飲品櫃亦算大，種類都多。如果唔食放題，當然都有抵食套餐選擇。唔好意為店仔細細就唔掂，我覺得比一般$200 以上放題（同樣食品）質素仲要高。明顯係即叫即整，雞翼，一口牛，炸蝦 全部咬落去都會出煙，熱辣辣真係好好味，小店就係有呢個好處。亦睇得出千之味細心程度都幾高下，某d 食物盤摸落去係有暖的，看似係用高溫洗過/預先預熱，畀人感覺乾淨，食落都放心d. 值得推介！

(上圖 Photo credit to Groupbuya.com)見到網上報導$88 任食三文魚刺身就想睇下是什麽料子，橫掂一枝公又近近地～去到就見到佢寫6pm後入座就$158任食刺身，壽司，和食等，就一於試試！(6pm前離座$138) $158任食之餘仲係任飲！ 飲品一啲都唔差，絕對唔係次等系列， 連最新嘅coke plus 都有， 忌廉zero, milky soda等亦有，俾個讚佢！ 辣味三文魚卷有好大Pat 辣醬好開心，唔會太辣，但又過癮。 花之戀， 兩片三文魚內包住好細舊飯而上面舖左好多脆卜卜的蟹籽，絕不稀場！ 碎葱吞三文魚卷，頂部嘅吞拿魚新鮮裏面嘅芝士又夠大粒，我覺得足料過元氣添！ 親子三文魚三文魚籽手卷唔會因為係放題而hea左，都有不少三文魚同一咬爆汁嘅三文魚籽，好過癮！ 我覺得依個價錢食到咁嘅質素嘅食物，真係要帶埋屋企人嚟食！ ~我加左錢追加左要炸物同小食，所以有一口芝士，炸軟殼蟹，中華沙律等食物，一口芝士好鬼香又流心，我encore左四次！

以前有叫過呢間公司既外賣～都留意左專頁好耐。知道老闆係個80後香港人由大圍小店做起既本土小店，所以知道佢新鋪開左專登過黎支持下，但三文魚放題就唔係咁岩我喇🤣🤣因爲同家人食～都會食熟野多，又唔係好大食既人~咁岩有家人生日前7日 仲有全單8折😍😍所以都幾抵食。散叫左個御品卷 幾特別 上面滿瀉既魚子 海膽 同吞拿魚蓉，3樣都係最愛，所以個人覺得無得彈😍😍仲有牛肉手打烏冬 用既都係靚烏冬 好彈牙😋😋壽司散叫左 油金 帶子 蝦 三文魚 等等。好味道 8折真係抵食～生日既真係推介去食下支持下本土小店

週末傍晚，走到深水埗做gym，之前先去醫肚。當刻想吃日本菜，路過不用等位喲，隨即入座去。當時餐廳正提供放題，但單點的食物更加合心水，所以還是從餐牌挑選喜歡的食物。餐牌彩色印刷，選擇不少。主食揀了吉列炸蝦手打烏冬(HKD75)。炸蝦另外放在碟上，避免被湯浸淋，是一個細心的安排。一客共有三隻，新鮮炸起，保證鬆脆。手打烏冬甚有嚼勁，帶點煙韌。半熟流心蛋也是賣點之一。另外還追加了一件軟殼蟹手捲(HKD28)。軟殼蟹也是即叫即炸，這才夠滋味；加上濃厚的沙律醬，味道有夠豐富。簡簡單單又一餐，而且餐廳位於深水埗警署對面地舖，還算方便啊。

之前見到電視賣過有專食三文魚既放題位於深心步，聽到依個消息 第一時間同三文魚腔既媽媽聽。相約左日子就食了！前排就去左深水步分店，入面空間不太大，所以建議訂定位比較方便。入面除左提供任食吾同既三文魚之外，仲可以加錢食下啲熟食。刺身：三文魚厚度剛剛好，所以食落有足夠既口感，溫度還是凍冰冰的；魚油味較少，但味道比爭鮮為好。花之戀：花之戀既三文魚吾系平時系街見到用三文魚啲頭頭尾尾整食，三文魚為薄身將整個飯包上。另外，中間放上不少既蟹籽，食落增加口感！冷麵：三文魚冷麵刀系第一次聽，所以order左黎食。原來系一粒粒既三文魚粒粒加上冷麵和芝麻醬一同食用；同樣地加入左大量蟹籽、青瓜絲、蟹柳絲食用，用左芝麻醬整成，味道香口。火灸三文魚壽司：口感入口即溶，經火灸之後三文魚特別香口啊！三文魚籽冷豆腐：豆腐好滑身，加入芝麻醬十分香口；三文魚籽大大粒，食落卜卜的。另外，飲品方面是自取形式，種類繁多

係深水埗，西九龍中心和警署附近，有一間比較特別既日式小店！一般日本小店都會以單點食物為主，但今次尼間居然有放題任食任飲選擇😱可惜，因為自己趕時間，最後只可以單點！優惠時段，刺身買一送一，我點了一份三文魚腩和一份劍魚腩刺身，食落好鮮味，魚肉與脂肪分佈得岩岩好，食落好有口感！注意，只要係Facebook專頁讚好，以及分享專頁，就可以免費得到一份刺身塔😍之後，再點了一個蒜香帶子三文魚炒飯，味道岩岩好，飯身唔會太濕，而且帶子仲要係原隻添呀👏👏👏最後，再點了一個七味粉雞翼，雞翼唔會炸得太熟，岩岩好，配上七味粉亦唔會太濃味👍

一間餐廳吸唔吸引唔係睇佢大細，而係睇到佢嘅食物同價錢都相符。呢間餐廳嘅食物同價錢都好吸引，所以就試一次啦！餐廳座位不多，佈置旗算是簡單，雖然是日式餐廳，但也是平淡、低調的風格。另外，餐廳主打三文魚刺身。而且餐牌上有多種優惠，比起一般放題價錢較平。話明放題餐廳當然唔少得飲品啦！呢度飲品嘅選擇都有好多，絕對足夠一餐放題嘅選擇。不過對於細食嘅我，今次選擇左單點，因為唔會浪費太多。點了三文魚刺身飯，三文魚超厚而且好滑，每件都好新鮮，份量都好大，對於晚餐一個飯嚟講非常足夠。而飯又唔會太硬，暖暖地的。點了一份日式小食，玉子燒。玉子燒很厚，而且都好香蛋味，雖然同日本嘅味道不同，不過都好香、好滑。睇得出有好多層次，而且蛋汁都好豐富。幾層都好有口感餐廳另外送左份什錦刺身塔，雖然份量細細，不過都好有心思

呢間係香港人最鍾意嘅魚生放題🐟三文魚！價錢都叫過得去唔會話太貴🤗應該因爲黎得快去得快，三文魚都幾新鮮，幾彈牙添😋雖然唔係三文魚腩，但都幾肥美🤤就咁三文魚都有好多種食法，卷物，刺身，和食，冷盤等～全部都係三文魚既配搭，共24款，menu 私訊問吧😂Btw如果唔係熱愛三文魚既，都唔洗黎haha🥤仲有飲品任飲吖挺愛三文魚忌廉芝士卷～忌廉芝士味道很重另外點了火燒海膽，挺有趣的！平時少吃，味道唔算好鮮甜，但燒過後別有風味甜蝦刺身另外點的～蝦肉也不錯，大大隻

今晚食晚飯放題，只有三文魚魚生任食每人加錢$30只係多左3，4款食物雖然食物上得好快，但食物款式太少，食物名唔同，但都係三文魚包住壽司加啲蟹子，兩個豆腐都係同一個醬，食物唔算新鮮天婦羅炸得太油，比較好食係芝麻雞翼每人$210，食物飲品款式少，味道唔得唔會再幫襯...

三文魚炒飯 賣相可以 但食落無味 飯又硬所有壽司既飯都好硬一口牛 只係微暖 亦都無咩味三文魚味噌湯 好似用微暖既水沖岀黎咁 所以有啲腥炸物比起其他餐廳 佢所有既炸野都超級多油 三文魚刺身 只可以用正常黎形容 但刺身只有三文魚 其他魚生要額外加錢 小食亦要另外加錢連對食物無咩要求既朋友都講左三次唔係好掂唯一既好處就係上菜好快 其他真係諗唔到總括而言，加多少少錢就可以食到其他質素好好多既放題 所以真係唔值得食 如果唔係之前有報導講到好高質素咁都唔會食