御品·千之味 (深水埗) (已結業)

日本料理種類繁多遍地開花食物質素有保證推出至今大受歡迎，就挑一個晚上在小店品嚐，和式餐廳格調以百多元左右親民價錢食三文魚坐鎮放題人氣之店出現於深水埗，位置交通四通只需步行5分鐘便到達，位於附近大型商場尾端故對是次壽司/刺身質素絕非一般，貨式雖然便宜、但平民化以90分鐘且可口內任吃品質快靚正口味飽受當地街坊住客喜愛，平日約齊三五知己友人歡樂盡情瘋狂就啱啱好，店內一入去提供單點之餘亦可選擇時段放題，窩心配合食量小的人恰到好處，亦建議大家預鬆時間以免落空要自己大排長龍，正因如此座位面積空間有限時間限制故此掌握電話預先訂座就有優勢，讓日式三文魚控迷一口氣滿足你多個願望享受，滿足口腹之慾！食客可隨手剔紙仔點選，四周環境開明水準不俗，近25多款特設廚師推介share就最啱，我最喜歡味噌三文魚湯、角切魚生飯、忌廉芝士卷、帶子炒飯和魚子冷豆腐…………濃厚鮮味噌湯底熱辣辣不過不失，數款魚生角切放在酸度適中軟糯珍珠米飯上味美，匯入餸料加醬汁料即叫即撈非常引人入勝享受多層滋味，魚生刺生保持魚甘令本身魚肉質感口感大增，最為突出不可不提刺身色澤光亮沒有腥味之餘，以這個價位全店最佳味覺甘甜無比足料十足頗高令人胃口

對於鍾意食三文魚粉絲們滿滿是一大喜訊不過亮點之一當然是新鮮三文魚所匯集無窮美食，選擇好豐富每晚即切即做非常貼題，由於香港識飲又識食無論主題單點日式壽司或限時放題速食文化也不會計較，尤其係平時忙碌生活節奏而又有質素keep住order refill,甘平唔食真係對唔住自己，有前菜、刺身、壽司卷物和食等…………價錢連加一$174左右，每逢公眾假期好多人即使長龍頭也人頭湧湧不時要排隊輪候，非常邪惡絕對有驚喜吸引不少打工OL一族或情侶門一起光顧醫肚，唔同追加有唔同任優惠，不同升級不同配料大家不妨有機會試試該店，陣陣香味離遠都聞到！位置配套方便雖然環境狹窄但尚算舒適，有美譽三文魚之稱，滿滿厚切肥美，味道清新魚油四溢排得整齊皆有水準之作又能鎖往當中原味鮮甜口內秒間融化，份量頗大件令人大飽確係實惠俾個讚享受愉悦！以優質三文魚具備不同烹調口味風格可謂最佳食材而不馬虎用膳體驗，手卷壽司品種結實不鬆散包括火炙、碎葱吞拿魚、沙津、軍艦任君選擇，師傅不同巧手炮製無法抵擋飽吃海洋滋味，微暖壽司飯保存水份不乾柴粗糙效果:彈牙煙韌香甜，款式上加添秘製醬料夠多元化而不膩，附送自助區無限凍飲料，富有日式東瀛滋味卻算不錯

深水埗有間好邪惡嘅日本餐廳，就係可以一個價錢任食三文魚嘅食品, 選擇都有廿幾款咁多， 頭盤當然係三文魚刺身，雖然係任食，但質素一啲都唔差，三文魚好大塊 ， 好清晰可以見到佢啲紋理，食落去真係啖啖肉。前菜 三文魚腩麵 ，胡麻醬三文魚沙律 ，三文魚子冷豆腐我都叫曬 ，因為通常我好鍾意將呢三樣嘢撈埋一齊食 ，豆腐好滑， 仲有好多胡麻醬 ，沙律夠新鮮爽口。壽司種類都叫咗好多款 ，火炙三文魚忌廉芝士卷 都係第一次食， 感覺都好surprise ，因為芝士都好大舊，建議唔好食咁多 ，留返啲位食其他嘢。

今日同朋友係深水埗行街，心血來潮想食日本野，見到附近有間日本餐廳，諗都唔諗就入咗去食。當時六點半，餐廳已經差唔多坐滿人。店員問我地食放題定係散叫，因為趕住去睇戲冇乜時間，所以就決定散叫啦！環境唔算寬敞，坐得都比較親密，不過店員都幾有禮貌，服務幾好👍🏻打開餐牌，呢度嘅食物種類都幾多喎！刺身同壽司當然唔少得，仲有拉麵同炒飯等等嘅主食可以選擇，連壽司蛋糕都有添。我哋嗌咗一個三文魚帶子炒飯，食落啖啖蒜香，好滋味。而且帶子，三文魚同蟹籽份量好慷慨，每啖都食到海鮮嘅鮮味，不過食咗三份二已經好飽～要朋友幫手食先食得晒！七味粉雞翼拉麵，拉麵嘅湯底好香濃，而且唔會膩。雞翼係分開上，幾香脆，表面灑上七味粉，好惹味啊！輪到我最愛嘅刺身！呢度嘅刺身真係非常新鮮，而且價格合理，都唔會話太貴，分量都幾多，CP值高。三文魚同甜蝦超級鮮甜，三文魚子就爆曬汁，回味無窮，每款刺身都好好食，冇諗過用百幾蚊嘅價錢就食到咁高質既刺身。刺身好正，CP值高，食得出佢嘅食材好新鮮，下次我會再嚟食放題，專食刺身先得😍

可選擇蝦放題或三文魚放題。我地就叫左個三文魚刺身放題，另外加錢升級， $158 +30 ,再加一，埋單每人二百幾，食完後覺得一啲都唔值得呢個價。首先食物種類單一，沒有選擇，食到口寡寡。食材又不新鮮，甜蝦和玉子是黑色的，真的嚇到我了。刺身很不新鮮，熟食還好，如果能提供多一點熟食種類，我覺得能加分。要讚賞的是服務員的態度非常好👍🏽

深水埗鴨寮街其實都幾多嘢睇, 我同朋友去鴨寮街買嘢, 睇下睇下唔覺已是下午兩點幾, 個肚打晒豉才知道已過午飯時間, 於是在附近搵間餐廳醫肚, 天氣咁熱,都唔知食咩好, 我們見到街邊有間細細間的日本餐廳,有魚生, 壽司等等的嘢食, 啱晒我們, 於是便入到去座低, 店舖細細, 但它竟然有放題食, 價錢都唔貴, 雖然好吸引, 不過由於已是下午兩三點, 食了放題的話夜晚都不用食晚飯了, 我們都決定食套餐, 套餐都非常抵食,包括有主食 + 沙律 + 加州卷(2件) + 飲品, 飲品有好多款摆放在雪櫃, 你自己喜歡邊樣攞邊樣, 非常好!我叫了個冷面壽司餐, 個餐包括有三文魚, 鰻魚, 熟蝦,蟹子, 芥辣八爪魚, 加州手卷及和風冷麵, 咁多款嘢食再加套餐送嗰D沙律, 加州卷及嘢飲, 才68元, 我真係覺得好抵食! 好快先上了沙律, 新鮮的生菜絲, 仲有粟米, 仲有勁多的蟹子, 我將所有材料撈勻後食一啖, 生菜好新鮮, 甜甜地, 加上好多的蟹子在口腔裡面, 食到索索聲, 仲有沙律醬的酸酸甜甜, 超好食! 食咗這個沙律, 個人即刻覺得好開胃, 急不可待的等套餐中的其他嘢食上枱, 加州卷外層都鋪滿了蟹子,

真系好難食囉，總要二百幾，服務個個講啲吾講啲，有話138三文魚放題.加多好似48就有蝦放題2樣一齊食，問佢系咪咩蝦都食得佢話系，點知原來系得甜蝦😒😒⋯⋯⋯⋯

午餐款式多，所以吸引我入去試食。原來有三文魚午餐任食，不過狀態不佳，所以沒有食任食套餐。我食咗個角切魚生飯，魚生新鮮，多款，飯的份量多，真抵食。我老公叫咗個日式魚生飯，魚生同樣大件新鮮。另外，我哋叫咗個刺身，是買一送一的，我們等了帶子和劍魚腩，帶子相對較薄片，不過呢碟刺身都只係$68，所以唔叫貴。

通常去得深水埗都係為咗我部電腦，幾個商場做下格價專家，然後其實都係買得嗰少少野。今日仲落住雨要去鴨寮街買啲零件，肚餓了就喺附近食晚飯。見到有一間日本料理小店，未夠七點已經爆滿，質素應該都唔錯掛，我又學人排下隊。小店座位不多，節奏很快，我見大部份都係年輕人食放題，我食唔到咁多野啦！散叫都OK。壽司拼盤八件都只係＄58，唔怪得咁多人食啦！有梳化位坐、有綠茶飲，平均只係幾蚊一件壽司。賣相都唔錯喎！用木板上菜更加有質感，壽司都算新鮮，壽司飯酸度適中夠濕潤。如果淨係食壽司好似唔夠滿足，所以決定加入個軟殼蟹 天婦羅，$58 已經有四件，又真係抵食，外脆內軟的唔油膩。今晚平平哋已經食得好滿足，下次有機會試吓訂枱食放題先。

兩年前已經見過呢間野做甜蝦放題，不過去到之後（舊址）等位等到痴左線，而且又大熱天時30-40度。係門口起碼等成個鐘。所以最後決定放棄左無試，跟住近排見到佢又出返呢個放題，仲要價錢不變😍就緊係去試下😋😋自己鐘意食幾多夾幾多真係好爽😍😍我唔駛30分鐘而經夾左50隻有多。佢地仲要不停補甜蝦入雪櫃保持新鮮。值得一讚👍🏻👍🏻無論質素 價錢 同流程都好好。甜蝦迷既我無野可以挑剔，希望佢個優惠可以做長小小等我下次再黎就好啦🤣🤣

用網上外賣平台訂左呢間日本餐廳A Set 25件$268不過係Uber eats apps 到叫真係貴過落街買，但懶得出去買既我都係叫外賣算，在家等食，係最爽既，落左單唔洗半個鐘就送到黎，同埋而家有$100優惠用下呀，都算抵既。拼盤入面有帶子、三文魚、吞拿魚、玉子仲有鰻魚壽司，質量唔錯都幾新鮮，不過d飯一夾就散，我都唔個夾散左幾多件，但最後都係選擇用傳統食法，用手食算。之前有堂食過一次，刺身都唔錯，算新鮮！

第一次見到日式料理可以食某一項食物的放題，真係好特別，呢間舖細細間，但是都有其個人特色及賣點，就係可以$88任食甜蝦，加多$30可以任飲及任食埋大大隻赤蝦，百幾蚊亦可以揀三文魚放題，款式亦有好多；吾鐘意食放題，散叫又得，或食套餐都得，真係花款多多！我個人就揀咗散叫，日式煎餃子，外皮脆，內裡軟，熱辣辣食，超好食。七味炸雞翼，把雞翼炸香，再放上七味粉，不太辣，雞翼肉嫩、香脆。熟蝦壽司，同北寄貝壽司新鮮，加州反卷一口一件，食得滿足。

今日和同事係深水埗做完野，想食返個日式平價午餐，但出面食都唔平，網上見到一間推出抵食午餐。千之味，我覺得吸引，所以決定黎試。店內環境清潔。午餐選擇多，價錢便宜，仲要唔收加一。午餐包1樣飲品，款多，連最新既plus 可樂都有。前菜有沙律，蔬菜既爽甜配上沙律醬很夾。三文魚刺身新鮮肥美，炸餃子新鮮炸，外皮脆同多肉汁！主菜方面，我叫左豚肉飯，份量足，豚肉又多，豚肉肥瘦均勻，有肉味，好食。同事叫左壽司鳥冬，鳥冬彈牙，壽司用料新鮮，飯軟硬適中，唔錯！最後，我地食左咁多野先$146，日式黎講俾其他抵食，下次會再黎惠顧。

大多數人鐘意去飲飲食食咁先至放鬆一下生活壓力，而我就不分平與貴都一於去品嚐，就今期去咗深水埗食吓日本料理其實食落質素一D都唔會差而且份量又足，好似呢度除左有刺身，壽司同和食，仲有任飲任食放題主打係三文魚放題包含咗以佢做嘅食物，嫌唔夠又可升級加錢食埋其他，總之會食到飽，不過今次冇乜時間就食住其他先，留番下次再來品嚐首先食有火炙芝士鰻魚壽司，香滑芝士已溶係鰻魚上，食落特別滑溜加上火炙過口感十足，鰻魚肉質亦好嫩滑再來另一款小食厚燒玉子，玉子燒得啱啱好食落好香甜，入口滑嘟嘟蛋味濃食完小食後我都唔執輸食番個燒汁牛肉飯，估唔到牛肉飯份量足出乎意料之外，而牛肉蓋滿晒飯面上，趁熱食先最好味，入口肉質肥嫩又多汁，配燒汁同洋蔥一齊食更滋味，一啖肉一啖飯就最完美嘅食飯話咁快又品嚐咗一餐日式風味。

黎親深水埗都係食西九food court，所以今日行遠少少見到呢間日本野，就入左去試下。店面唔太大，但好乾淨企理，好似真係去左日本咁(最鐘意日本人果種認真同整潔！！) 佢啲餐具一份份放好曬，啲筷子冇就咁放盒或者放枱面，呢樣我好鐘意，感覺衛生好多。入到去店員都好有禮貌即刻迎上黎問我幾多位，雖然我得一個佢都俾左張四人枱我勁好！因為我好唔鐘意食野要同人逼，但呢度好大方俾我自己坐曬成張枱嘻嘻。間野好似都主打放題，我見隔離枱都係食放題，不過我今日得自己一丁友就揀左散叫算。野食黎得勁快，點完好快就有得食，呢樣好抵讚！首先黎到既係個玉子燒，細細份但個盛器好靚，藍白相間，個玉子燒雖然貼頭唔大，但配蛋黃醬好正，而且好有蛋味，好岩啲鐘意食蛋既人，加上佢微溫，所以應該係岩岩新鮮整起既跟住之後黎既係壽司，佢擺得都幾有心思，有片綠葉係底，十幾蚊兩件算好抵食。但最值得一提既係個冷面，個冷面超大份！大到要兩個人先食得曬，而且佢好好食，個面質好硬，似係稻庭烏冬😍，唔係普通果啲cheap cheap759烏冬。整體黎講，間野服務唔錯，啲野食都算大份，價錢親民，值得一試！