御品·千之味 (深水埗) (已結業)

深水埗有間好邪惡嘅日本餐廳，就係可以一個價錢任食三文魚嘅食品, 選擇都有廿幾款咁多， 頭盤當然係三文魚刺身，雖然係任食，但質素一啲都唔差，三文魚好大塊 ， 好清晰可以見到佢啲紋理，食落去真係啖啖肉。前菜 三文魚腩麵 ，胡麻醬三文魚沙律 ，三文魚子冷豆腐我都叫曬 ，因為通常我好鍾意將呢三樣嘢撈埋一齊食 ，豆腐好滑， 仲有好多胡麻醬 ，沙律夠新鮮爽口。壽司種類都叫咗好多款 ，火炙三文魚忌廉芝士卷 都係第一次食， 感覺都好surprise ，因為芝士都好大舊，建議唔好食咁多 ，留返啲位食其他嘢。