御品·千之味 (深水埗) (已結業)

媽咪平時番工煮飯做家務咁辛苦，係時候俾佢放下假，帶佢周圍去食好西。今次選了這間位於深水埗的日式小店，位置非常方便，好近MTR。進到店內裝修雖簡約，卻不失日本之風，裝備卻一應俱全。其實這店係有放題食的，但媽咪和我都習慣晚上吃少些，同埋午餐都食左好多了，怕勉強食放題會浪費，只好選單點。因為媽咪唔點食生冷野，經過一番討論同嚴選後，決定了點以下四樣，刺身類-三文魚5件（$48）、壽司-鰻魚2件（$18）、小食類-芝麻雞翼2件（$36）及手打烏冬類-黑豚肉手打烏冬（$88）。三文魚刺身，雖然無冰托底，但溫度都夠凍，好既！鰻魚壽司，鰻魚好味又唔腥，醋飯夠晒醋，正！芝麻雞翼，係真正的外脆內有嫩肉，仲有肉汁添...非常驚喜，我地都一致讚好！黑豚肉手打烏冬，湯底似係味噌湯，幾濃幾好味，手打烏冬似係稻庭烏冬款，爽口彈牙又滑，黑豚肉有驚喜，係肥牛咁薄，完全唔鞋，夠曬煙韌，超好味！雖然只係食左四樣，但係我地都食得好滿足好開心咁離開。眼見其他食客食放題咁開心，款式又多，媽咪都話下次午餐食少d來食放題。

和好友見到雜誌報導這店舖，感覺很好吃，於是便去了吃這個店舖，不過吃完之後沒有後悔山長水遠去到深水埗吃這個店舖。這種只有三文魚放題的主題好適合有三文魚癮的食家。一入到店舖，店員都好有禮貌帶著我和好友入座位，會有好有耐心甜蝦放題和三文魚放題，而且會好詳細解釋餐單，最後我和好友都選擇三文魚放題，再加錢去升級。因為有加錢去升級所以有兩張紙，說到三文魚，最好吃的一定是三文魚刺身和花之戀，三文魚刺身十分新鮮，紋理都清楚，吃下去都好新鮮，似日本築地所吃到的三文魚，值得一試。而花之戀的沙津醬不會很多，上面的蟹籽的份量不會很吝嗇，令我和好友都吃到好滿足，另外最值得讚賞是珍寶赤蝦，因為真的是很大隻，而且很鮮甜。在炸物方面，叫了炸蝦和炸蠔，不會有冷藏味，肉質鮮美。叫了三文魚炒飯，飯粒飽滿，蟹籽很多，三文魚肉也很多，炒到很有飯香味。一口牛的牛粒肉質鮮嫩，可以一口吃一粒牛，真的是一大享受，煮得剛剛好，不會說咬不開。

今晚行開西九個邊，是但行左入呢間日本野食，因為唔使等位！睇睇menu佢有三文魚放題同散叫！唔想剩係食三文魚所以散叫左幾樣野食！整體黎講食物質素比出面放題好小小👍環境比較細間，如果多人應該坐得唔舒服！服務唔錯👍埋單2百幾！早知食放題啦😂

今日跟蝦子餅路經荔枝角道，見到這間御品•千之味坐滿食客，原來有 「$88 甜蝦放題」，但可惜筆者不吃蝦。再看看門外餐牌，價錢相宜，於是入內試試。《壽司拼盤 12件 $78》店員服務貼心，因為我不吃吞拿魚的關係，店員願意替我轉另一款壽司，他們說可以另選擇，真好，我改為北寄貝。拼盤當中包括：三文魚2件、北寄貝、鰻魚、油甘魚、墨魚、蟹子、龍蝦沙律、加州卷4件。質素比預期好，而且夠大件，對於街坊來說其在夠飽又抵食。《照燒雞肉飯 $48》燒汁味香氣撲鼻，雞肉嫩滑而且入味，飯拌勻燒汁更加惹味。《和風冷麵 小 $28》冷麵夠凍，三文魚子脆口，蟹柳絲清甜，青瓜絲清爽，配上胡麻醬一同食用口感味道豐富，夏天食一流。吃到8時已有不少人於店外等位，所以我們起程去吃甜唔了。

Set Lunch 好平好抵食仲要星期一至日都有Lunch仲送沙律，玉子，甜品，汽水或湯落完單，好快黎到好多野食，都唔知食邊樣先好角切魚生飯，$62 賣相好靚，滿滿的，大大粒的魚生好新鮮呀都幾大碗壽司冷麵餐，有六件壽司，一件三文魚手卷嘩，手卷D三文魚好厚好多粒，好正不過紫菜好淋呀冷麵好多醬，撈得幾好食日本豚肉手打烏冬$68呢個餐好正喎，另外仲有個是日手卷跟埋，今日係三文魚吧抵到呢！小食叫左吉列炸蠔，ER，一食，點解入邊係細粒蠔，有幾粒甘，再用炸粉炸到大大舊怪怪的哈哈，軟殼蟹天婦羅就一般啦，份量唔多！跟住打卡，有雞翼送，唔錯，幾好味的仲有飲品幾好，可以自已出去雪櫃到任揀，款式好多！同埋芥辣唔辣既，如果辣D會更好！呢間千之味係正的，會有下一次的

今日同朋友去咗深水埗買嘢, 行到差唔多就順便搵下有乜好嘢食下, 咁啱見到有間日本餐廳個樣都幾得下, 特別在依度有個任飲任食三文魚嘅放題, 我地見門口已經有人開始排隊, 心諗應該係正嘢嚟, 所以就決定試一試。唔同一般放題, 依度你所見到嘅係以三文魚做主打嘅放題, 全個放題清單裡面, 每樣都同三文魚有關。我同朋友都係三文魚嘅fans, 今次仲唔擦餐勁!?先黎主打當然係三文魚刺身啦, 睇下張相就知道係厚切果隻, 口感滿足之餘, 食落新鮮! 正! 之後係勁多種不同嘅三文魚壽司, 分別有火炙三文魚, 三文魚沙律軍艦, 辣辣三文魚軍艦, 蔥吞拿文魚壽司, 花之戀, 火炙三文芝士。。。。等等, 特別要推介嘅係辣辣三文魚壽司同蔥吞拿魚壽司, 好味到無話可說, 依兩隻我encore咗好多次, 食得仲多過三文魚刺身, 絕對係必食推介。除咗刺身同壽司之外, 當然要試下其他小食啦, 我哋點咗個冷麵, 豆腐同沙律, 都好有水準, 而我朋友都唔夠喉, 最後再點埋個三文魚帶子炒飯, 食完真係捧住個肚走。 如果下次有機會再黎, 可能會試下佢個蝦刺身放題。

好小日式居酒屋會有三文魚放題食，今日來到長沙灣就⼀於試一試。胡麻醬三文魚沙律胡麻醬一向都是我最愛，加係沙律都係一樣咁好食👍🏻三文魚切了粒伴在沙律上，食落好惹味同開胃。生菜食落都好爽口。三文魚冷麵小店既三文魚都好新鮮，食落三文魚味十足，肥瘦厚度適中。冷麵都處理得好好，食落夠凍同爽口。冷麵上伴左魚子，食落每一啖特別充滿口感。花之戀三文魚厚厚地包住飯團，有小小沙律醬再加上滿瀉既魚子，口感相當不錯。三文魚壽司三文魚大塊到飯團都看不到，三文魚夠凍，食落非常新鮮。三文魚刺身三文魚刺身肥瘦適中，口感相當不錯。三文魚手卷三文魚手卷裡面除左手卷外，仲加左好多其他配料，包捨魚子同腐皮，所以食落一點都不單調，同埋細細個好岩放題每款試小小咁。三文魚子冷豆腐豆腐超級滑溜，加左胡麻醬，感覺豆腐份外香口惹味。火炙三文魚壽司味噌三文魚湯充滿三文味既湯，好飲但係唔會腥，飲落湯好足料，因為三文魚味好濃。迷你三色丼有三文魚， 吞拿魚蓉同魚子，這個配答有點特別，滿滿的三文魚同一粒粒細細的魚子襯托著，再加三文魚蓉，食落味道十足同幾夾。要特別要留意，咪做大晒鬼，落單時候要因應返自己嘅食量，因為如果食剩壽司，小食或丼飯，小店會收取

我同朋友都好鐘意食三文魚既，見到最近長沙灣新開左間有得食三文魚放題既日式小店當然要來品嚐一下啦。你餐廳有得選擇單點或者放題，放題都只係百零一位，幾超值，有$88 赤蝦放題可供選擇，而三文魚放題就係$158，仲可以加$38升級，有更多熟食同飲品任飲。由於我地諗住主攻三文魚，所以就無upgrade 到。花之戀花之戀上面有很多粒魚子，魚子每一粒都透明通透，顏色鮮豔而咬落卻非常有彈力，配合一大塊三文魚同一時間放進口，口感豐富。三文魚頭三文魚頭很香脆多肉，肉質嫩滑，啖啖肉非常美味，夠滑而且多汁👍🏻熟既三文魚都好美味。三文魚炒飯三文魚炒飯炒得相當香口，未食已經聞到香味，食落炒得夠乾身，而且細細碟就算係飯都好易食得哂，可以放膽叫來試下食。火炙三文魚壽司三文魚燒得通透，又不會過火，算是剛剛好，而且飯入面也加了芝麻，令飯的口感也增加了不小。味噌三文魚湯味噌湯味道飲落相當鮮甜，而且三文魚有豐富既奧米加3，十分有益，有養顏的作用。賣單兩個人三百幾，鐘意食三文魚既都不妨試試這間小店的三文魚放題。

一個人大熱天時行完深水埗買電腦野，想食啲唔好咁熱又開胃嘅嘢我第一時間會諗到日本野！所以上網搵一搵發現附近有一間任食甜蝦放題嘅小店！之前雅x都有係YouTube 介紹過!但唔知係咪因為天氣太熱我就唔係太大胃口！所以今日都係唔食放題😂8點左右唔算好多人！等左5分鐘左右！就入得👍🏻環境都幾舒適！大部份都係卡位！就算散嗌都有好多選擇！我點了壽司拼盤！8件先係$58！勁抵！一心諗住咁抵應該都會有d伏？點知上枱真心驚喜賣相一啲都唔差！玉子食得出唔係平時好甜嗰種！睇Menu話係自家製的👍🏻另外三文魚肥美，有油脂嘅感覺！重點係佢啲飯唔係啲cheapcheap放題嘅質素！唔會有暖暖地既感覺！我額外點了一份火炙左右魚邊壽司！外層油脂燒一燒... 太好食了！一個人食10個壽司真係有啲飽！但係貪心嘅我另外重點了炸軟殼蟹😂外皮唔會太厚！新鮮熱辣！香脆可口...不錯不錯...總括來講我覺得性價比幾高！用料新鮮而且價錢便宜！就算一個人食都有好多選擇！如果有機會下次一定要試吓佢嘅三文魚放題！眼見旁邊的客人食物出品都同樣吸引👍🏻

其實不嬲鍾意食日本野，一直都食開油站對面個間不過間野近期加租執左，所以行多兩條街去到荔枝角道果邊試新野-御品 千之味，雖然鋪頭細細但係都選用大部份卡位讓客人坐得舒舒服服，餐廳有得選擇放題或者散嗌！放題都有分兩款！三文魚放題及甜蝦放題....其實甜蝦放題都幾新穎好少放題店有做的而且只是＄88！甜蝦嘅質素是連頭大大隻果款！一般食日本野的店鋪六隻都差唔多要＄88啦一定回本！但係因為今日得一個人！所以費事食放題😂只是散叫了兩款平日必食的款式...首先我點了一個火龍卷！一碟有八件！整個賣相十分吸引....上面的蟹子十分慷慨數量很多😍脆卜卜...而且內裏的大蝦都是新鮮熱辣的！要做得好食嘅話真係唔係間間都做到❤️另外還點了和風冷麵😂$38估唔到有咁多！一個人真係食唔哂！冷面有得選擇胡麻醬還是辣辣汁！清涼嘅冷麵配上青瓜和蟹柳簡直是絕配！食完勁滿足！另外不得不提店員服務態度真係要表揚一下👍🏻有禮貌之餘仲不時為我更換碟子和跟進上菜速度👍🏻這就是我支持本地小店的主要原因！食得出的人情味！

今晚一條友行完鴨記後，再向南昌個邊行，行到去荔枝角道見到呢間日本料理都有人在門口排隊，行開過去望望，個餐牌都唔錯，有任吃，有叫餐，今日自己狀態未必可以盡力回本所以就選了餐牌，有丼，有壽司，就係咁點了個壽司拼盤12件$78，因為差不多樣樣都有啲，三文魚就夠晒肥美，而鰻魚肉質就香滑，另外墨魚壽司就夠煙韌，龍蝦沙律都幾鮮味，加埋4件加州卷，同吞拿魚、油甘魚、蟹子壽司，其實都已經差不多，但始終都係欠啲肉，於是加埋一口牛$68，大大份，一口一粒，入口軟熟香滑，食埋就真係啱啱好！而下次可以試吓呢到嘅放題任食！

星期日去$158+1 完全可以接受，但原來只得三文魚的食物 一張紙 咁多可以選擇，如果想吃其他燒物和刺身，需另加38，即196 再加一， 咁就非常唔抵食。座位 逼夾， 坐得不舒服。食物分量頗大 不能選多款，而且講明食剩要加費用 ，令人食得不開懷。食物味道還算可以 飲品選項亦算多最搞笑是燒物，出來的竟是烚熟的蔬菜，加火炙扮燒物， 蔬菜內還是水汪汪的， 一點燒物的香味也沒有。特大赤蝦 也不是特別甜美，質量一般燒赤蝦 也是同一赤蝦， 有點擔心刺身的蝦的品質。

今天與朋友到深水埗見到御品·千之味的90分鐘甜蝦放題$88，也可以升級加$30 任食赤蝦及飲品任飲，非常吸引， 於是決定試嚇。餐廳食物種類也很多，有各款刺身，壽司卷物，飯類，烏冬，冷面沙拉類.....等等。甜蝦是自助形式的，在冰櫃中自助任取。甜蝦粉紅粉紅的外表，格外誘人，有已剝殼的，也有未剝殼的，但通常已剝売的都會很快給人取走了。有些裡面有很多灰色的蝦籽，剝殼後的甜蝦格外吸引，肉質帶㸃透明透明的，我取的都是未剝殼的，自已一邊剝殼一邊食，很享受那種感覺呢。壽司拼盤$78。有三文魚蓉，鰻魚，三文魚，吞拿魚，北寄貝，劍魚等。材料新鮮，味道清甜。 其中我最喜歡鰻魚，三文魚，吞拿魚，北寄貝。現在想起，還有那甜蝦的鮮甜味及鳗魚.三文魚及天拿魚的鮮美。

今日8:15去到， 不用等位。刺身三文魚甜蝦都一般， 其他都可以， 不算特別好食。張枱好細， 食到10點15，飲品任飲， 但見不到有雪糕食， 每位$215.5，覺得還可以， 外面的放題比較吸引!

今天來深水埗買電子產品，逛了一整天后又餓又累，天氣最近都很悶焗，見到西九龍對面看到這間御品·千之味，看到門外有很吸引我眼球的三文魚放題及甜蝦放題，就決定試嚇。店的面積不是很大，優雅舒適。客人都很多，看到附近的客人都點了放題套餐。我和朋友商量好后還是想要試一下甜蝦放題~這個價錢很難抗拒，相信對於甜蝦的忠粉絲也有同感，喜歡單點日本料理的客人也可以單點。食物種類也很多，有各款刺身，壽司卷物，飯類，烏冬，冷面沙拉類等等。畢竟外面的店有很多都會有很多類型的放題。但甜蝦放題還是第一次見呢。於是選擇了90分鐘的~~甜蝦放題$88 也可以升級加$30 任食赤蝦及飲品任飲但我和朋友沒有升級套餐，因為還想要點其他的食物。店員都很貼心，知道我們點了甜蝦套餐就給我們提供了牙簽，手套和濕紙巾。甜蝦是自助形式的，在附近的冰櫃中自助任取。但店裡的枱都有黏貼 “食得嗮先好點，不要浪費食物“不然的話就會有收費的機會喔。我們拿了大概12隻蝦先試試，好緊張啊。是原隻連殼甜蝦！但裡面有很多灰色的蝦籽，蝦肉挺鮮甜的，有驚喜哦，肉質透明透明的，不過怕剝殼的殼人記緊要隔一回兒就查看一下冰櫃，因為會有有用透明小圓碗裝住已剝好的小甜蝦