御品·千之味 (深水埗) (已結業)

咪以為深水埗得電腦商場，仲有好多又平又靚又正既美食ga!!行過一見到半價，仲要有成板海膽，師奶仔心態又為食既小妹即刻兩眼發光🤩，對腳即刻好唔聽話咁拉住朋友仔行左入去叫野食我就御品丼，朋友仔叫左海膽帆立貝丼。叫完先知原來仲有味噌湯同沙津送，即刻覺得抵上加抵味噌湯一般，所以連相都費事影啦個沙津有驚喜，一來因爲小妹本身鐘意食沙津醬，醬夠多，唔會得啲菜乾爭爭，仲有啪啪聲既蟹子，真係到主角啦，真係一板海膽ga，實在太幸福啦啦啦，海膽色靚，好有鮮味，一啖海膽，一啖飯，人生真係太美好啦，特別一讚係，餸同飯既比例好好，唔會飯多過餸，講真$129就食到，真係物超超超所值另外，帶子丼，帶子都好多，而且有厚度，絕不是薄切帶子，咪睇一葉海膽無一板海膽咁多，朋友仔話食落都唔少ga，而且仲有爆爆既三文魚子，真係好味到不得了百幾蚊就食到咁正既海膽丼，真係大滿足

經過深水埗，發現有一間以三文魚為主題的放題，而且價錢便宜，完全適合愛三文魚的香港人，這個店舖不只有三文魚放題，還有甜蝦放題，裝潢日式風格，員工也穿著日式的衣服，感覺真的走到一間日本餐廳。我和朋友則選擇三文魚放題，另外再加38元升級優惠，而且又可以多了更多食物，何樂不為呢？在刺身方面，最滿意的是珍寶特大赤蝦，我都連續叫了三轉，因為首先真的好大舊，有一些大到好像手掌那麼大，而且吃下去十分鮮甜，好高質的赤蝦，平時吃的赤蝦大舊但通常沒有甚麼甜味，但這店完全不是！在壽司方面，花之戀雖小，但可以一口吃下去，滿足感很大，忌廉芝士三文魚壽司裏面的芝士很重味。在小食方面，分別叫玉子燒和蕃薯，玉子燒層次豐富，而且重蛋味，蕃薯入口即溶。最推薦的是豚肉烏冬，烏冬彈牙，豚肉油脂分佈好好，肥膏不會很多，咬下去有嚼口，鹹度適中，比得上外面的烏冬專門店。

聽朋友講深水埗有間食魚生丼好抵嘅餐廳，前晚放工即刻去試吓先。餐廳喺西九龍廣場附近，坐位唔算多，想食嘅朋友記得早少少去😬半價推介😍只需要like同share就有😍我梗係唔會執輸啦😂Creamy😋海水味偏淡但好鮮甜👏蟹子沙律x麵豉湯❤️海膽帶子丼❤️賣相吸引，份量十足，海膽質感好rich , 有驚喜喎！帶子足足有成10片，上面亦有三文魚子同蟹子，大滿足~埋單時仲發現呢度有埋三文魚放題，一於下次再嚟試試先👍😋

係香港食一個丼飯都要二百多元，身為窮L既我都好少去食，點知早幾日係網上發現這間千之味推出晚市半價丼飯優惠，百多元就有得食，我同女友決定去食。店內環境清潔。半價丼有4種，最平100蚊都唔洗！我叫左御品丼，而女友叫左海膽帆立貝丼。味噌湯先到，夠熱，鹹度岩岩好。沙律不錯，蔬菜夠爽夠脆，配上蟹籽，口感十足！主角出場，*御品丼*，丼飯唔會因為半價而份量減少，值得一讚，海膽份量多，而且新鮮，入口甘甜而細膩，好食。吞拿魚蓉份量多，配上脆紫菜，正，飯也飽滿，口感十足！*海膽帆立貝丼*丼飯同配料份量很多，帶子很大隻又多，唔會切到很細，口感一流，仲充滿鮮味。埋單連加一先$267，丼飯用料新鮮，高質，真係好抵食，有機會會再黎惠顧。

今晚家人去左飲，無飯開嘅我收工突然好想食日本嘢，於是乎就開飯搵下附近有咩日本餐廳😆見到千之味正正喺西九龍商場對面街，地理位置好方便易揾！餐廳環境夠晒光猛，一D都唔暗！食落亦非常寬敞舒服👍值得一提嘅係呢度嘅上菜速度都幾快，因為放左工好攰，都唔想等得太耐。另外，嗌個SET就最岩我！咩都有D，唔洗咁DRY。本身擔心食唔飽仲特登嗌多左個冷麵，但原來套餐都幾多嘢同份量都幾多，夠晒飽！有味噌湯， 沙律🙌 冷麵有青瓜、蟹柳、同埋超多蟹籽！食落口感好豐富~炎炎夏日食冷麵啱晒！御品丼竟然係成板嘅海膽上！而且海膽夠creamy又 RICH，一個字，正！加埋D 吞拿魚碎撈埋D WASABI 少少鼓油同海膽，一個字，正！

逛深水埗順道覓食，見到這間御品·千之味，價錢頗吸引，便決定試試。這裡放題的價錢很便宜，不過我倆都不是大胃王，還是散點算了。午餐餐牌價錢親民，跟沙律、甜品、玉子或是日手卷、味噌湯或飲品，好像很豐富。Like Facebook 還有不同優惠呢。跟餐沙律，算是不過不失。味噌湯味道算不錯，不會很鹹。燒玉子熱騰騰的，不會煎到過火，味道亦不錯。三色丼 $88包括有三文魚、帶子和三文魚籽，刺身的份量不少，不會太凍亦沒有腥味。不過飯真的很多，最後吃不完。御品鰻魚丼 $78鰻魚很大件，魚肉的口感紮實有彈性，蔬菜的份量也不少，飯也一樣的多。跟鰻魚丼的蟹籽手卷，一樣大大件飯很多。甜品是朱古力泡芙，內裡的像是吉士醬，不是我杯茶。這裡午餐還不收加一，這個價錢吃到捧著肚走，預算不多的朋友可以考慮。

今日行開深水埗，見facebook咁多人like千之味，就試下啦，可能今日係平日，唔多人，唔使等位見到Lunch menu好多選擇，搞到我有選擇困難症上身，佢仲放題，大食既話真係可以試下，因為我帶住小朋友，食得唔多，所以就叫lunch set再加d小食，真心推介，lunch價錢又唔貴，仲有沙律、飲品、甜品送，（飲品有好多選擇）侍應既服務態度又好又有禮貌，上食物既速度又快，有下次（原來仲有壽司蛋糕，又係有好多選擇，下次試吓先）

深水埗舊樓林立，基本上一講起行街shopping ，都一定會諗起西九龍中心，但係估唔到西九龍中心嘅附近都有啲好嘢食！首先推薦一下七味雞翼手打烏冬，七味雞翼同烏冬都係分開上，慎防雞翼浸到淋晒，真貼心！值得讚嘅係雞翼10分入味，而且烏冬好彈牙，正！和風冷麵好有日本嘅味道，咁熱嘅天氣去想冰鎮的冷麵，簡直係涼透心，配上和麻醬，好滋味呀！雞軟骨粒同埋軟殼蟹天婦羅都好出色，唔會炸到油淋淋，但食落去仍然香脆可口，兩個都係10分推薦嘅一份小食。如果大家行完街食厭咗西九龍中心嘅嘢食，不妨行多幾步嚟呢度試一試！

梳化坐落幾舒服😌基本上嚟得呢間餐廳嘅食客，都會惠顧三文魚放題，Like and share facebook page 可以有免費魚生塔不過我地就嚟到但係唔食放題，因為突然想食吓少少炸野軟殻蟹天婦羅 $58雞軟骨粒$48雞軟骨上枱熱辣辣脆卜卜，再配埋百搭嘅沙律醬芝士炸蝦卷$38四件38蚊都幾抵食～和風冷麵 $38由蟹籽、青瓜絲 加 胡麻醬 涼拌麵食自己mix 多醬少醬隨你喜好七味雞翼手打烏冬 $78係豚骨湯底亦有唔同配料

星期一放工之後，尼到深水埗買野，落住雨所以都費事出返旺角食野，去左御品.千之味度睇吓，見到有新野所以入去試吓啦。入座果陣都仲未有好多人，所以有梳化位坐。呢個就係新menu 喇，我就揀左左下既海膽+帶子丼。丼飯包埋沙律同味噌湯，沙律汁如果多D就好啦。到左主角既海膽帶子丼，海膽，帶子同三文魚籽都好足料架，海膽質素都唔差，唔會話散收收咁，帶子都夠大隻，帶有鮮味。三文魚籽撈飯好正。唯一唔好既係wasabi 冇咩味，唔攻鼻。

今天收工後突然心血來潮，跑到深水埗區掃街，突然看到御品·千之味的日式丼店，感覺很餓，看到剛好做特價，合情合理，一百多, 己有數種選擇，馬上坐下!小店的位置既簡潔又舒服，待應小姐問我想吃什麼，我order 了海膽帆立貝丼，没想到有湯和沙律送的!邪惡的海膽帆立貝丼很吸睛，我馬上相機先吃!海膽很濃而帶子也很多，感覺新鮮又好味，加上魚子和青瓜，很香也很夾，略欠飯較少，因為今晚太餓了，竟然不同半小時就吃光光了，整体丼感覺很可口，又新鮮，最重要才1百1十多，好抵食呀!

Victor 細佬今天興高彩烈地和我說，深水埗的御品·千之味 的海瞻丼做特價，祇要用FB就可享受半價的價錢，去吃一客有海瞻丼，而且有幾款可選，風球又落了，我們6時已到深水埗，亦無擋我們的興致吧，實在太高興了!我們2人不約而同都叫了御品丼，就是用上海膽，魚子及吞拿魚碎再加上新鮮的壽司飯而制的，令我們十分期待，原價是258的，難得做128，就等如買一送一，太好了!麵豉湯不太鹹，感覺不錯，日式沙律小小的，但也蠻新鮮的，主角御品丼，很精緻，海膽一整板送上，海膽很新鮮而且很甘香，伴上三塊紫菜，包起來吃也不錯，魚子加上吞拿魚碎，真的是殺手，令我們吃到停不了口，真的大滿足了!

千之味，之前同朋友黎過食放題，質素都唔錯食物種類又多，都係200蚊左右但記得唔好浪費食淨野呀~!今次係沖住丼飯黎食，見佢做半價，點可以唔試!?所有丼飯都做半價，可以話係大特賣!半價就緊係試佢御品丼，見到仍個板海膽已覺得物超所值先上左跟餐既湯同沙律湯係普通既味噌湯，我比較鍾意沙律!主要因為佢用和風醬仲有豆腐~每次去日式餐廳如果有凍豆腐我都一定點呢度個沙律已經滿足左我我要求，除左豆腐都係普通沙律菜但佢加左昆布，煙煙韌韌幾有咬口丼飯終於上台，佢唔係埋砌到好高好誇張既大碗飯，而且大碗上鋪滿食材，同樣震撼!同碗湯比，真係冇得比第一啖緊係要試下d海膽先!，海膽超香，而且夠甜，少少creamy既口感，送飯一流拖羅都夠滑，但可能油脂唔夠，唔夠香，但同樣口感一流!略兼淡口加左少少豉油，味道即刻唔同哂，鮮味左唔少三文魚籽味道較濃，食日本野我都鍾意將濃味野放最好因為三文魚籽本身較咸，送飯一流食丼飯最好就係有得mix & match! 可以配出唔同既口感同味道最值得一讚既係紫菜，餐廳比既紫菜非常多，一啖包一張都夠你食哂食碗飯!又可能我食得大啖~~總體黎講，味道唔錯，而且做緊半價優惠，性價比超高

今晚同BF行開西九龍中心個邊, 行到6點幾肚餓諗住係附近搵D野食下! 見呢間唔使排隊就入左去食! 佢地有個三文魚放題$158 但男朋友想食其他野,所以我地決定散叫! 一開始就叫左D刺身食先, 叫左5件北寄貝,5件赤貝, 都幾新鮮好鮮甜之後我地叫左火灸三文魚,火灸三文魚腩,火灸左口魚邊,燒得岩岩好,入口即溶咁,好好食 之後我地又叫左4件加洲反卷, 呢個冇咩特別,不過不失啦!再黎叫左軟殼蟹天婦羅, 佢D炸炒岩岩好,唔會炸到好厚! 好好味最後男朋友叫左個牛肉手打烏冬食, 烏冬好彈牙好有口感,牛肉一般啦, 隻糖心蛋唔錯整體黎講都幾好食

同朋友平日六點多便黎到食晚飯，當然是不用排隊啦，坐位大概五十位左右，我地無選擇三文魚放題，拿餐牌散點，最值得推薦軟殻蟹天婦蘿，炸出來不會太硬，而且蟹身也不少，相當好肉,然後又點了火炙三文魚，呢度仲有我最愛既左口魚壽司，炸蝦卷等都水準晤錯，最後我點左一個四餸魚生飯，朋友都點左個牛肉烏冬，最後埋單以日式料理黎講都算好平，係深水埗日式選擇不多呢間真係有水準，不過晏左去就一定要排隊了，下次都值得再去幫襯一下