御品·千之味 (深水埗) (已結業)

朋友剛從大阪返嚟，話帶咗手信俾我D貓，咁緊係要約食飯啦！我Suggest咗串燒、西餐同呢間嵐千之味，朋友食日本嘢食唔夠，毫不猶疑都係揀咗呢度。千之味主打係魚生丼飯小店空間唔大，一眼睇得曬。Menu都好豐富，尤其D丼，配埋圖片寧捨吸引。跟住落嚟喺重頭戲，心心念念想食嘅丼飯😍！前菜味嚐湯味道唔錯,湯律都好開胃丼飯真係常常食，但呢度有樣我覺得幾別出心裁既，就係丼入面加咗秘密武器——海膽酸醋啫喱，晶瑩剔透撈埋飯食好特別講番D海鮮食材先，海膽丼視覺效果真係好正，粉嫩嘅Tuna上面放咗海膽，海膽倒落去撈勻，十分夠寧捨鮮味。睇睇塊海膽，有光澤，入口潤滑，肥嫩可口，吞拿魚獨特的鐵鏽香味喺舌頭綻開。尤其食埋D三文魚籽，三種口感互相交織。呢個真係超抵，除咗有有吞拿魚蓉，三文魚籽亦都有海膽。如果要同朋友一齊share，建議問職員拎兩個碗仔先，因為丼嘅料好滿，好難係個大碗入面攪拌。食咗咁多嘢，兩條友埋單都係人均$200左右。淨係食碗丼好D嘅出面都要200幾，，係抵食抵玩嘅。對日本嘢情有獨鍾嘅我，相信都一定會再try

之前食過一次放題都覺得呢間餐廳食品質素好好，我食過別的放題唔難食都算係咁，呢次我一心又黎食返個放題之制，去到門面唔見有放題的廣告牌，之後問下店員，得知放題原來已經完左不過我係一心想食呢仲間餐廳先黎，店員介紹之下，原來有多野食做緊半價，即刻坐入去，第一時間叫左個三文魚頭$48，半價左都係$24（勁抵！）今日三文魚刺身做緊買一送一（即$48有$10件）仲有海膽井飯$129有成板海膽刺身比哂你，仲有吞拿魚蓉（最愛😍),仲仲有好多三文魚子，個井飯又送三文魚湯又送沙律🥗！我朋友食左個壽司冷麵定食，哇哇哇！個定食原來又有炸雞翼、甜品、沙律、飲品送💥💥*佢有成23款定食選擇*💥💥點解可以咁抵食，仲要係高質素。最後埋單原來$300都唔使，仲平過放題既價錢，真係日日黎食當飯堂都得。P.s.有位店員好風趣，服務好好，值得一讚!!

通常去深水埗買電子產品都會行下黃金廣場 再去西九龍中心其間想食壽司就去到這間店舖點了2款午餐(有主食+沙律+玉子+甜品+味噌湯或飲品)而今次玉子轉了雞翼三色丼壽司餐這間店舖的服務很好每台配有兩款豉油店員會用心解釋用法(左)甜豉油點壽司飯(右)而昆布豉油點刺身另外亦配有鮮磨wasabi不要直接落甜豉油拌勻會浪費芥末既鮮味三色丼 $88帶子刺身鮮味肥美魚子咸咸香香味道偏濃建議與壽司飯拌勻反而三文魚比較一般加左昆布豉油鮮wasabi會令鮮味既刺身丼增加層次但不建議落太多鮮wasabi因為真係太攻鼻壽司餐 $88(有三文魚2件，油甘魚、白玉豚、赤蝦、吞拿魚蟹子、熟蝦、玉子、饅魚及蔥三文魚吞拿魚蓉手卷各1件)9件壽司配1件手卷個人最喜歡白玉豚壽司白玉豚肉厚嫩滑肥美口感鬆軟滑溜！蔥三文魚吞拿魚蓉手卷餡料豐富 滿滿的三文魚及吞拿魚令人食得滋味又滿足整體味道不錯！頗飽肚！

千之味即將去日本旅行，唯有去深水埗買張電話卡用下啦。到咗午飯時段，就去咗Openrice 搵下食，一搵見到間日本餐廳擁有不少食評，加上見到啲食物相都幾正，咁樣就行咗過去睇下情況。到了餐廳門口，我已經感覺到濃厚嘅日本嘅氣氛了，心諗明明仲係香港，未到日本㗎喎⋯⋯原來門囗一直播著日本歌曲，令到此餐廳非常有日本味道。加上，午餐仲做緊半價添，嘩⋯⋯唔再諗又唔再搵lu......一於揀佢啦 <御品。千之味店>。餐廳供應咗兩種豉油：昆布豉油，高身果支，專用來點刺身的，帶多點咸味。甜豉油，矮身果支，專用來點壽司，帶點甜可化解帶酸的壽司飯。三色丼(三文魚，帆立貝，魚子)三文魚，厚切，份量算不少，味道新鮮，加少少昆布豉油，魚肉味更濃。帆立貝，白白淨淨，肉身彈牙，味道帶甜，厚身大件，加少少甜豉油，可帶點海洋味。魚子，非常多，大大粒，味道帶咸，用來餸飯真的不錯，粒粒魚子像水珠般爆開，鮮魚味爆發。推介指數：7/10壽司餐(三文魚，油甘魚，白玉豚，赤蝦，吞拿魚，蟹子，熟蝦，玉子，饅魚，蔥三文魚吞拿魚蓉手卷)油甘魚壽司，油甘魚味濃郁，整件放落口內，非常有口感。吞拿魚蓉，味道鮮甜，與三文魚一起做成手卷

出開深水埗就有鋪癮，或許深水埗太多吸引人之處。既然要到深水埗行街，就搵下有冇啲平民又高質嘅食店啦。好好彩，咁都俾我搵到。該店名為御品－千之味。點解會到呢間呢，係因為「御品」呢兩隻字吸引我。入到店舖內，裝潢日式風格，估計該店一定係日式料理店。無耐店員為我哋帶來menu。見自己好耐都冇食過魚生飯同鰻魚，咁我就選擇咗御品吞拿魚蓉飯，而另一半就選擇咗御品鰻魚手打烏冬。等咗一陣，店員為我哋送上蟹子沙律，很鮮甜，。再嚟就送上芥辣八爪魚手卷，好耐都冇食過咁好味嘅手卷，紫菜脆脆，八爪魚又彈牙。之後送上小食，炸雞翼，能夠鎖住肉汁，很棒。再嚟送上御品吞拿魚蓉飯。魚生很鮮甜，飯味十足，根本不需要加芥末及醬油調味。而且魚生啖啖肉。。最後送上御品鰻魚手打烏冬。鰻魚燒得很美味，又不腥。烏冬彈牙，湯底很濃郁。完晒主菜後，就送上甜品。

其實時不時到會到深水埗D商場執筍嘢，先至有机會行下又食下，所以都會搵D平民美食品嚐下，其實係呢度真係大把好嘢食，只係有留意得到，今次無意間見到呢間日本料理店做緊推介優惠又推出定食套餐款式同口味都有好多組合，已包括主食、沙律、味噌湯，如果唔夠仲可以追加食物同其他特色小食，係咁多款式中揀咗呢款御品丼，就咁睇相已經好豐富，唔知來度係唔係一樣好期待，而且做緊半價優惠好抵食等咗陣先飲番啖味噌湯暖暖胃，其後到沙律材料有豆腐、蟹虸、蕃茄等等，配埋胡麻醬汁食落特別開胃輪到主角出場材料鋪滿整碗丼，估唔到真係咁足料，分別有海膽、魚子、吞拿魚碎，真係未食先興奮當然先品嚐海膽，入口香滑軟綿味道濃厚食嘴舐舐，魚子入口亦一樣卜卜脆鮮甜又多汁，輪到吞拿魚碎細嫩滑溜入口即溶再配啖飯已經滿足晒食慾不知不覺又品嚐一餐超值海鮮丼。

今晚同朋友去行深水埗買玩具，他就買到心頭好，我就沒有收獲，他見到我就推介了這裡，原來他知道這裡嘅海膽丼做緊優惠，就係咁他就帶去了這裡，位置都唔難搵，望到西九龍中心再向深水埗警署方向行就見到，餐廳都有好多座位，但就比較緊密，沒有所謂啦，有最愛嘅海膽丼，除此之外這裡亦有好多不同嘅定食套餐選擇，當然今晚係為了個海膽丼，就一定係佢啦，再望餐牌居然有四種選擇，朋友就點了個御品丼$129有一板海膽，而我就點了個海膽帆立貝丼$114，因想吃帆立貝多過吞拿魚嘅關係！最快上就係碗熱盪盪嘅麵豉湯，跟住就係個日式麻醬沙律，上面淋滿了香濃麻醬加埋件滑嫩嘅豆腐同爽口沙律菜入口份外醒胃！主角登埸海膽帆立貝，中間位置就放滿了海膽，周圍就用帆立貝圍邊，十分感動，加埋店員奉上嘅鮮芥末加埋個醬油攪勻伴飯就真係一流！朋友見到都同樣照做，大家吃得都好高興，以呢個優惠價錢絕對超值，幸好有個為食朋友推介！

平時好小會經過深水埗，聽朋友介紹好似有間日本野餐廳好平同好抵食。見有時候就去睇下係咪真係咁正。餐廳裝修簡潔，店內嘅位唔多，大概二十個位左右。我地就叫左1個丼飯、1個烏冬壽司加1份三文魚腩。角切魚生飯。丼飯係一個套餐，會包埋沙律、玉子、甜品同野飲。魚生飯有三文魚、甜蝦、油甘魚等等，仲有一啲青瓜等等。飯同醋嘅比例啱啱好，唔會太酸都唔會太淡。魚生都好新鮮。壽司烏冬餐。烏冬可以揀凍食或熱食，壽司就有2件三文魚、油甘魚、鰻魚、龍蝦沙律各一件。龍蝦沙律好誇張，好似瀉出黎咁，食到一舊舊嘅龍蝦肉，一啲都無偷工減料。油甘魚壽司係厚切，好滿足。烏冬仲要大大份，望到隻溫泉蛋就好開心！烏冬偏向扁身，湯底有好香嘅麻油味。燒三文魚腩+骨夜晚時段串燒仲有半價。三文魚腩好肥美，魚骨煎到好香口。

黎緊會去泰國玩，準備買定啲電話卡，買開都去深水埗，直接訓醒出去都已經14:00喇。落車搵埋個朋友，食埋個lunch先買卡都唔遲啦，真係勁肚餓朋友介紹左一間食日本野既，佢平時係附近返工，所以食過呢間話唔錯，我諗都唔諗叫佢帶我去，因為我平時都好鐘意食日本野我地睇左個 menu都好抵食，我地叫左2個lunch set先黎既係我既，沙律，我揀左麵豉湯， 我朋友就揀咗跟嘢飲嘢飲係自己出去攞嘅，成個飲品櫃嘅嘢，都可以選擇之後黎既係跟餐既雞翼，( 本來我個餐係跟玉子)因為冇貨,所以轉咗做雞翼,炸咗嘅雞翼都好好味，好香口朋友嘅餐就跟手卷，係芥末八爪魚手卷， 壽司飯唔會太酸， 飯都暖暖地，唔錯幾好食(p.s 店員好清楚，主動，咁樣解釋咗有兩支豉油一支甜豉油點壽司嘅，一支就係昆布豉油係食刺身用既)nice哇，跟住係我既~御品吞拿魚蓉飯~到喇入面好豐富，有油甘魚啦，三文魚，三文魚籽，吞拿魚蓉，吞拿魚，劍魚腩，螺肉……等等超級足料重本!!!!!仲有蛋粒，青瓜粒。。。。真係cp值好高甜蝦下層就係三文魚蓉啦朋友既什錦天婦羅手打烏冬，烏冬超彈牙，湯好甜，仲有溫泉蛋丫~~正天婦羅啲炸粉唔厚，熱辣辣好香，最鐘意食係金菇

深水埗出名多野食，不過平日返工都食得7788，今次行遠少少，食日本野!呢野千之味仲有90分鐘放題食，不過lunch唔夠時間啦~叫返普通野食啦~叫左2個餐，呢度好得意，野飲係自己出去揀架，仲有少有ge清涼爽呀~餐廳係細左少少，不過都坐得舒服。先食個螺肉手卷，螺肉好凍，份量都還好~御品牛肉手打烏冬，睇落都算豐富。溫泉蛋，一般般，烏冬絕對係林左好多，唔太似手打...牛肉就唔錯，好香好滑~仲有唔少野菜~御品鰻魚手打烏冬，鰻魚唔算好好食，不過不失，不過份量就夠曬。埋單都略貴，不過可以比多次機會佢，下次希望更好食~

下班後到深水埗買東西順道覓食，找到了一家正在做海鮮丼半價的日式小店，感覺超抵食，所以就在這裡晚餐啦只要 like facebook就能半價享用刺身丼，另外這裡還有放題呢！半價刺身丼還有齊前菜和湯。胡麻醬豆腐沙律色彩豐富，有沙律菜，車厘茄和蟹子，份量不小！味噌湯有豬肉的味道，不會太濃。重點來了，我點了最豪華的御品丼，有原板海膽和大量蔥吞拿魚和三文魚子，紫菜也有一疊果然是御品！看這鮮橙色的海膽，雖然板不大，但是舖得密密麻麻的，相當足料！先用紫菜同吃，咬過脆口的紫菜，就感受到鮮甜的味道，質感嫩滑，好正！整板海膽都有甜味，完全沒苦味，好新鮮接下來吃蔥吞拿魚。粉紅的吞拿魚全打成蓉，蔥是生的。原以為用生的蔥會有辛辣感，但原來配了軟滑的吞拿魚，味道剛剛好，一點也不嗆呢！無論放在紫菜上或混進飯中，都能感受到吞拿魚甘香的味道。三文魚子不用多說，每一口都鮮味爆發，讓平平無奇的飯都好吃起來，無得輸！來一口大豐盛的，全部材料混在一起吃，鮮味十足，正呀！！一碗都頗大的，刺身和飯的比例平均，不會有吃完刺身剩下飯的問題！142元而已，大滿足！！

係Openrice訂左位店員就安排好座位，隨即介紹一下Menu和各項優惠，十分熱情有禮貌還叮囑即磨山葵唔好同埋D豉油混在一起，那就浪費山葵仲有既係，記得上一次黎食Lunch既wasabi係唔辣既,今晚好鬼辣仲幾香！好正呀今晚就叫左壽司餐F,有成十件壽司加一個手卷，睇賣相都覺得好豐富可惜唯獨個蟹子有怪味無食到!而御品海膽*當*是朋友叫的，因我成碗都唔食唔食海膽魚子吞拿魚既不過朋友話海膽真係幾好味都好大碗店員仲話影相打卡可以用半價$129 享用。另外再打卡又再送小食，揀左兩件三文魚，好厚切，美味沙律，湯，甜品，玉子都係跟餐，但無玉子，轉左雞翼，辣辣地，但好厚炸粉呢而串燒因為半價，叫左三串黎食，嘩，個金姑肥牛卷估唔到甘大件，汁又多，金姑仲要唔痴牙

天氣熱, 無胃口。就算在深水埗這個美食之地閒逛, 也沒有太多地方引起我們的"食慾"。街邊小吃不是不好, 但沒有冷氣或是人太多都不是這刻我們想要的。實在很需要一個冷氣地方舒舒服服的吃午餐, 吃日本魚生飯應該可以滿足我們, 於是便走進了這進了這間平民化的日式食店。店不算大, 除了冷氣十足 , 原來LUNCH SET 也有很多選擇。三十多度的天氣最好當然是吃魚生飯, 既是涼的, 又好味。這兒的款式都幾多, 由心多多的雜錦魚生飯到貴價的海膽丼也有。此外, 還有後面全版熱食的定食餐, 不過我倆還是好吃這這些"生勾勾"。很快我們便選了兩個魚生飯, 沙律和前菜也立即送上。沙律菜加上蟹子和胡麻醬, 簡單的日式沙律完成, 清清爽爽又不錯的。前菜是玉子卷, 自家製的煎蛋卷蛋味十足, 不會添加太多調味, 作為前菜小吃很適合。想不到LUNCH SET 的餐飲也有很多選擇, 除了啤酒基本上全都揀得, 很有食放題FEEL (餐廳晚市也有做放題, 價錢亦很大眾化)。身邊那位揀了較少有的薑啤, 而我就飲消暑的冬瓜茶。這個三色魚生丼舖滿了魚生, 橙白雙併的, 十分漂亮。三文魚是腩位, 十分肥美, 滿口魚油香。而帶子也很

深水埗行街想食日式野就即時聯想到千之味。睇見佢地有新lunch set 推出，又有半價串燒，馬上去試。一睇餐牌，幾十蚊有齊主食，沙津，小菜，飲品，仲有甜品！ 抵過附近拉面店勁多！沙津足滿一碗，湯亦大碗好夠味。手卷主食更係畀足料，湯烏東d 菜竟然係有預先炒過，好香口。鰻魚厚身大大塊，漿汁香濃。另一個餐叫左壽司拼盤，大大份連旁邊食客都嘩左一聲。前菜冇左玉子，竟然有雞翼補上！牡丹蝦大大隻，蝦頭多膏。最後叫多兩串串燒，半價真係抵食到，亦唔係hea 燒，仲好多肉汁。最後當然勁飽咁走，好滿足，推介！

聽聞講深水埗有間食魚生丼好抵嘅餐廳，放工順路即刻去試吓先😍😍餐廳喺西九龍廣場附近。位置方便！我揀咗海膽帶子丼，朋友就揀咗三文魚子吞拿魚海膽丼～前菜有蟹子沙律同麵豉湯，蟹子數量唔少架😍😍麵豉湯鮮甜，唔會太咸~主菜到喇！嘩！賣相好吸引，梗係相機食先啦，朋友嗰個係原版海膽上！！份量十足！試吓質素先，海膽質感好rich , 有驚喜喎！平時就咁食板海膽都要差唔多$200，依家有埋三文魚子同吞拿魚都唔使$130,一個字，抵啊！😍😍我個海膽帶子丼都唔弱架~海膽份量雖然無一板咁多，但帶子足足有成10片，上面亦有三文魚子同蟹子，好豐富😋埋單只需$267，性價比極高👍👍會再推介比朋友去😛