得龍大飯店 (已搬遷) 新店位置

呢世人第一次去新蒲崗, 見呢間飯店在openrice排第一位, 即管去試下. 之前打電話去問下晝開唔開, 同埋附近有無得泊車, 接電話個阿姐好熱心地回答, 第一個印象非常好. 去到一推開門就知呢度係做街坊生意, 裝修好舊式, 迫迫地, 要搭檯, 個個侍應都同D客人好熟, 會傾下閒偈, 感覺都幾warm. 好想食金錢雞, 但係無預訂無得食, 叫左另一個招牌菜, 花彫話梅豬手, 是冷盤來的, 豬手好爽口彈牙, 又乾淨, 最怕有好多豬毛, 話梅味好甜, 無咩花彫味, $80碟, 唔係好多件, 我覺得有小小貴. 另外叫左三個蒸的點心, 相反地點心就好低食, 平均$20一籠, 大大件的, 即叫即蒸. 山竹牛肉球一籠有三粒, 大粒過乒乓波, 好有牛味. 豬潤燒賣呢D懷舊點心而家好少茶樓有得食, 雖然豬潤唔算好滑, 但係下面的燒賣吸收晒豬潤的香味, 好正. 見到隔離果籠蝦餃好似好好味, 都忍唔住叫一籠試下, D蝦幾鮮, 皮又薄, 有四粒, 好低食. 餐牌仲有好多款炒粉麵飯, $29至三十幾蚊一碟, 好想叫但係已經好飽, 下次要叫多幾個 friend 一齊黎試多幾款先得.

說起那一家飯店人人都愛的話, 非得龍飯店莫屬了去到飯店晚晚都人山人海, 食客其實都已經是街坊街理, 個個都是熟面口當然, 有很多都是名而來次次我去吃都是這幾味, 百吃不厭古法太爺雞, 食得多已經知佢係每天限量供應, 所以嚟之前既一日我都會同你老闆講幫我定半隻,太爺雞光聞已經好有濃郁的煙燻味, 滷水入味且肉質嫩滑, 呢到的名菜之一鴨腳包, 雖說鴨腳包非健康之物, 但出邊的餐廳都買少見少了, 我依然都吃了很多年了, 這味道都已經變成我人生的一部份, 就平時多做運動補償吧, 鴨腳包中包著鴨腳, 雞肝, 腩肉及叉燒, 外邊掃上麥芽糖, 整個卷都是極品, 當中我最喜歡是那個不起眼的芋頭, 它吸收了各材料的精華, 一咬下油脂就爆出, 舌尖滿足到極點.金錢雞又是少不得的一味, 一串串 川串成金錢狀非常壯觀, 用以冰肉, 叉燒等製成, 其實光吃那冰肉已經值回價錢, 因製作需時, 已經不多餐廳會做最後的是生楂咕嚕肉, 汁醬一定不會是街邊那些味精的酸味, 不是太酸就是太甜, 這裡的汁有山楂的果香, 甜酸汁包住脆脆的的外皮絕對令我大快朵頤我實在離不開得龍, 可能是吃過這純正的味道, 就厭惡起出邊的味精劣作了

預早同外母慶祝母親節, 原本想食大榮華但訂位已滿, 最後黎左得龍食晚飯, 附近開了譽.港灣的mikki商場, 多了停車場位泊車方便. 同平時食開既得龍一樣, 保持水準, 呢餐有魚有肉有菜, 值得推介既有芝麻蝦. 一家人六位都係七百蚊有找, 食得滿足.

離開咗香港咁耐, 今日突然間好想食一D懷舊嘅粵菜, 就諗起已經遺忘咗嘅得龍, 好懷念未被時代衝擊嘅菜式, 所以今天決定去回味下. 得龍大飯店已經係新蒲崗康強街超過40年喇, 菜式依舊, 好開心我仲可以食到我最愛嘅古法太爺雞, 咁馳名嘅太爺雞每日都係限量供應, 不過好彩我都食到. 肉質鮮嫩, 最緊要係佢嘅淡淡茶香同煙燻味令我食欲大開. 3個人叫半隻都已經好夠. 第二道菜式鴨腳包真係好好食, 包得好精緻好有技巧, 所以好吸引. 鵝腸裡面有叉燒, 雞肝,腩肉同鴨腳, 包得唔錯所以口感非常好. 兩個肉類已經好夠喇, 所以我決定叫一個清新D嘅餸, 蝦籽柚皮蚊得好林, 味道唔錯好清甜有幫減輕油膩感, 加上香口的蝦籽同適量嘅調味令到個柚皮好嘢味.最後甜品我地3個食咗個焗西米布甸, 個布甸好滑而且好有椰香味不過我就嫌佢太奶同有少少太甜, 可以有進步嘅空間. 不過總結黎講都算唔錯, 食到我要嘅味道而已服務態度好好. 下次再去要試更多其他菜式.

得龍大飯店 has about 50 years of history in Hong Kong. It is located in one of the industrial area – Sun Po Kong. It was started as a food stalls (大排档) and eventually opened its only restaurant at Sun Po Kong in 1963 to serve factory workers. The restaurant has been serving nostalgic Cantonese food since, such as金錢雞, 鴨腳包, 鵝炆豬腩, 佛跳牆, 梅菜扣肉and太爺雞 etc. 得龍 is probably one of the fewer places where diners can taste nostalgic Cantonese cuisine. The décor is old fashion and very localise. Cuisine: Nostalgic

22/4/2012全城熱話燒鵝飯！早幾日睇左個燒鵝飯大比拼，我都心郁郁食個燒鵝飯再寫個食評先。今日中午去得龍叫左個燒鵝飯外賣 (HKD33)，飯可以配例湯 or 蒸餾水；本人習慣唔飲餐湯，要左支 蒸餾水。師傅切翼位附近俾我，鵝份量適中，有答多2條油菜。燒鵝微暖、鵝皮保持香脆。。。但鵝肉比較乾身，所以口感比較"鞋"(可能係翼位附近既關係)33蚊係新蒲崗可以有更好的選擇，所以試過就算了。

始於1963年的得龍,被選為2010米芝蓮精選食肆及米芝蓮2011推介食肆, 位於新蒲崗康強街的得龍大飯店超過 40 年歷史,以懷舊粵菜聞名,得龍大飯店老闆曾國生堅持用新鮮的靚的材料及著重師傅的工藝,因此吸引不了新舊顧客幫襯, 隨著時代的變遷, 不少老店為了保持競爭力, 難免不得不"改變"的命運, 但得龍偏偏繼續用懷舊的菜式去招攬客人, 而且更推出失傳的懷舊菜式, 讓歷史悠久的得龍自成一派, 追捧者當然不會少, 更不少食客慕名而來,聞名不如見面, 適逢妹妹的生日, 今天我一家四口去了得龍慶生得龍堅持以古法泡製造懷舊菜式,例如金錢雞,鴨腳包及太爺雞等還有"金錢雞"和"鴨腳包"也是早期廣東燒臘菜式,而且要預早訂不可以馬上order就有, 入座時好細心帶我們入座及問我們飲什麼茶, 之後枱上有一張黃色的紙就是今天的menu , 而且寫上是日的日期, 相信是每天都會有些不同的菜式改變, 前菜給我們一碟鴨腳, 鹽水浸過, 味道帶少少鹹及好夠腍身....等了十五分鐘後終於上菜, 伙計都好熱心的服務問我們需不需要飯, 之後order了兩碗古法太爺雞($168半隻) ----馳名的太爺雞,每天限量供應

一說起懷舊粵菜，小弟第一時間想起得龍，在於價錢公道，食物質素好，而且還有複雜的懷舊菜供應，並且堅持以古法泡製，如金錢雞、鴨腳包及太爺雞等等，每次一想起也流下口水來。來這兒吃飯總不能在意環境，也不能在意員工的態度，老牌舊式飯店總不會有光鮮的門口及裝修，但這兒的員工態度卻很親切，令人有在家的感覺。今次受了食友的邀請，到來一嚐兼為食友慶祝生日。小菜款式夠特式之餘，原來前菜也有老舊的味道，現已絕跡於酒樓的白雲鳳爪、鹵鵝翼及酸喬頭，整整齊齊放在轉盤的兩邊，吃下一顆酸喬頭，為大吃大喝揭開序幕。當然先來的是馳名的金錢雞及鴨腳包，許多人也會以為金錢雞真的以雞來泡製，這樣就會大錯特錯了。因金錢雞的材料是叉燒、雞肝、冰肉及酸薑，而冰肉更是製作需時的極品，以醃料來處理肥豬肉，醃幾天才能完成，只吃那塊肥而不膩的冰肉已絕對值回票價，幾種不同質感的食材混在一起，給人一種鬆化惹味的感覺，很是美味。鴨腳包的名字很有趣，曾有朋友真的以為是燒腩卷般，在蒸包內加入鴨腳而成，當然又是謬誤啦。實情是以一條鵝腸或鴨腸包捲著多款材料，材料當中有鴨腳、雞肝、叉燒及沙葛等等，感覺很奇妙，如吃燒味大雜燴般。兩道味道霸道的前菜後，一整梅子

這店舖我以前常來買外賣，味道也可以，自從得都米芝蓮就無來過。那天與丈夫來試下，唉!! 著名吃燒味的地方，叫一個燒味拼盤，叉燒、雞、鵝、熏蹄都是又乾又硬。古法扣肉，好大雪味。 而且價錢也不便宜。可能是新年的關係吧，員工也在做盤菜，所以大失水準。

離清明節一個月左右，鵝子也開始變得肥美了，廣東人吃鵝變化多端，如得龍將原隻鵝加入豬腩肉同炆，鵝肉不但肥美，而且味道濃郁充滿傳統味道，而紫蘇葉香氣更有助中和膩口感，用料絕對稱職，提提大家由於製作需時，是須預訂的。

This restaurant is quiet famous in San Po Kong. It is not my first time to come to this restaurant. Their Chinese food are so nice. We order 4 dishes, soup and dessert.I like their Fried Spareribs in Hawthorn Sauce (山楂咕嚕肉) best. It is said to be one of the signature dishes.Restaurant has given us Osmanthus Cake as dessert. Tasty n yummyLove this Chinese restaurant. <3

由父母上一代開始的傳統食店, 太多陸沈在大型連鎖店及地產霸權下得龍是在這熱浪下的生存者, 我認為要對香港如此有特色的餐廳多加支持吃過絕對值得要打一篇食評餐廳裝潢似舊式酒樓, 食客多至極, 熱鬧非常介紹的都會是最impress 的菜色- 山楂咕嚕肉口感是肉感, 不是炸粉, 吃過口腔有酸酸甜甜之感, 非常開胃粒粒的咕嚕肉各青椒都拈上山楂醬汁, 餸飯一流另外的金錢雞亦是上品中間夾著的雞肝特別討我歡心, 咬下有先脆後綿之感, 底下加上甜甜醬的叉燒片, 比光吃燒味, 更為痛快!另外亦有幾味炒青菜, 味道亦叫出色, 最後奉上的紅豆沙和清香的桂花糕, 這傳統之宴來得甚為完美.

之前晚飯曾試過不太差, 今晚再試....... 唉! 又小一個選擇 >-<雖然有訂位, 但仍在門外呆等45分鐘, 食物有質素冇所謂, 但這樣的味道, 材料差, 服務差, 我唔會再試囉!一行18人叫了1.5席套餐 + 一個佛跳牆(價值700多元, 但淡而無味, 可和茶記例湯比較), 燒味併盤(鹹) 大蝦烏冬(材料不新鮮) 之後一個一個都食之無味, 還好太爺雞還可以. 但用45分鐘等位, 不太平的價錢, 接受追趕的起菜速度, 冇招呼的服務, 好肥的杯, 碗筷, 呢餐真是超難忘.

向來喜歡吃傳統粵菜，加上份屬重口味人士，一直很想到人人贊好的得龍大飯店，只是一直湊不齊腳去應付那份量十足的菜式．這次到得龍吃晚飯，能夠一箭雙鵰，沒甚麼比這更美好了． 要到位於新蒲崗的得龍大飯店，說易不易，其實從地鐵站直行便是，途中更會經過傳說中的紅A大廈．燒味有鴨腳包，圓形的一個個，之前未見過．一直以為是用鴨腳皮包著餡料，原來是用豬腸包著幾種內臟和鴨腳！質感偏實淨，邊皮頗脆身煙韌，裡面有肝，膶等等，味道酥香，鴨腳的軟骨咬下是咔咯聲脆卜卜的，加上帶麥芽甜的醬汁，真是五味芬陳，每人一件剛剛好． 再來是得龍名物：金錢雞．燒得軟綿甘香的雞肝外皮燒得香脆，裡面入口即溶，上面有質感像糖冬瓜，香甜極的冰肉，平衡了雞肝的膩．底下是塗上了甜麥芽醬的叉燒片，鬆軟的肉質又和粉綿的肝成一反比．每一口的香甜都充滿罪惡ie.卡路里加膽固醇，但難得來這裡一次－最多之後努力減肥好了！ 吃中菜不喝湯總不成事，這晚就來個佛跳牆吧！我只在電影食神中聽過這湯名，卻一直未試過．看見阿姐不停從偌大的湯窩中弼出一碗碗香噴噴的湯水和堆成小丘的湯料，未喝這湯已經知道一定香甜十足．果然，深色的湯水中藏著無限肉的鮮甜，也有海產的咸鮮，美味

平日早上7時多來這裡跟朋友品茗怎料到原來得龍的質素是如此之低早上人客多「搭臺」是無可避免的人多擠迫的情況下不能好好吃東西茶葉是劣等貨, 只有澀味而沒茶香味點心更是不堪入目蝦餃比微波爐點心還差皮爛蝦不新鮮味精極重煎餃也是水準之下其他點心也是下等沒有一款令人滿意只好急急埋單離開得龍的早市與其引以為傲的晚市小菜真的差很大