彩食酒宴 (已結業)

經常光顧此店，因為沖繩一遊留下了深刻印象沖繩是個鄉下地方，食物本就比較簡樸，老實說下酒菜和小食都比主菜美味是夜點了以下菜式：涼拌梅子苦瓜：苦瓜是沖繩名產，切得薄薄。苦味比日本的同類強，想必是運輸需時所至。梅味不太突出。花生豆腐：又是沖繩名產，切勿期待它像花生味山水滑豆腐！這款豆腐應該是入口 muddy 才正宗。一萬個好吃！水雲酢：也是沖繩名產，以醋拌着一種叫 mozuku 的海藻，像滑捋捋的髮菜吧。曾經自己買過一包，超鹹，要不斷用水沖走海水鹽分，所以絕對是看不出來花時間的小菜。鰹魚牛油果：極濃味極腥的鰹魚漬混牛油果粒和蔬菜，牛油果太少，但下酒一流！熱炒苦瓜：跟沖繩吃到的一模一樣，是豬腩肉、雞蛋炒苦瓜，蛋香圓潤了苦瓜的甘，粗樸卻好吃。厚燒牛舌：忘了牛舌上那些碎碎是什麼，但記得是好吃的！串燒雞肉棒（拌生蛋）、青椒仔、雞肉蔥串：我喜歡汁燒，友人喜歡鹽燒。awamorita：其實是以沖繩獨有泡盛 awamori 製成的 margarita，好喝。環境：店內布局一如沖繩的居酒屋，實而不華。如果滿座可以十分吵。洗手間內一如沖繩那樣有漱口水等供客人使用，十分細心。服務：可能是沖繩食店的服務太好，其實

呢間野最近做PROMOTION(至1/31)話和牛, 蟹鍋放題任食兩個鐘做緊8折, 咁見佢折左都係$256, 應該都OK, 咁咪訂定位試囉. 準時6點入到去坐底諗下食蟹鍋定係酢鍋咪叫個侍應問下食法有咩分別, 點知整件菲傭既物體, 問乜佢都唔識答, 反而要我用英 文解返中文" 蟹鍋同酢鍋"英文比佢知. 佢都係牛頭唔答馬咀...叫佢搵個識廣東話既侍應佢又一舊雲咁.....都算喇! 唔同佢計較, 我於是搵個香港人侍應落ORDER喇, 點知我一話要食蟹鍋佢就話"今日無晒&爐用喇" 我真係呆左廿秒呀!!! 我訂位時佢又唔同我講, 我入店前佢又唔同我講話無得食! 跟住最正係佢話因為我電話無人聽, 所以無得食喎 !!!!!! 嘩! 真係火都滾呀!我咪同佢講我一早訂位你唔出聲, 況且我個電話無可能打唔到! 個侍應又叫我等一陣, 再返轉頭同我講話如果我19:30交返張台比佢就可以食喎, 佢真係有病呀, 明明係食兩個鐘, 而家好似打賞咁叫我食小45分鐘喎, 真係佢咁都講得出口呀, 我已經無向佢開火喇! 即刻起身走人喇! 再同佢講好似貼錢買難受咁! 點知最搞笑佢仲同住僅有既兩台客講話我係因為無爐兩唔食! 呢

主題沒有睇錯. 我們一行六人去食長腳蟹鍋任食放題$280-每人+茶介$20-每人+$100飲料每人+10% = $450-(貴嗎?如果真的很好吃咁就ok啦!)BUT,當你專程是來吃長腳蟹的,你會勁失望.我們六人坐一張長檯只有一個火鍋(無石油氣爐加不到),先來一個長腳蟹鍋裡面有豆腐(百福),野菜(本地),金菇...,三碟長腳蟹, 一碟雜菜,後來先後order了四次長腳蟹每次一碟(我們六條友呀小姐,每次二or三碟可以嗎?)(長腳蟹碟全是細size碟), 跟著想再order長腳蟹oh!sorry長腳蟹今天缺貨停止供應,請各位轉吃肥牛,我們其中一位不吃牛的,唯有另外order了一客炒飯($65-).講真就算有長腳蟹都係有時大隻有時細隻,肥牛又黑黑地唔多新鮮,什麼跟什麼呀!總之吃到一肚氣.

臨時起意的飯局，由原本的兩個人變成六個，由於有人提議日本菜，碰巧這裡又有位，便揀了這店。雖然我早對這裡的長腳蟹放題頗有興趣，但也明白並非人人都愛蟹，所以也沒打算叫其他人試。反而在座有人看到menu之後提出來，糾纏一輪半推半就之下，最終都選擇了放題。放題是蟹酢和蟹鍋兩食，即可凍食或放鍋。蟹比想像中新鮮, 以放題的質素來說, 非常滿意。蟹鍋內有津白、菠菜、冬菇、豆腐等的新鮮蔬菜, 也是任添的, 清淡的蔬菜配上略鹹的湯就剛好。最後服務員會加白飯及蛋進湯內煮蟹粥, 老實說只嚐到湯的鹹味, 而不大覺有蟹味。結果呢，有人覺得整頓飯只吃蟹，太單調沉悶，我就覺得很痛快，皆因我本身喜愛吃蟹和蔬菜，以放題而論，那裡供應的蟹水準又意外地好。愛蟹者可以一試。

我最鍾意食既蟹....任食....癲左....無腥UN..UN...味既蟹腳...食到你夠...食到你唔想食...最後個粥...又香又甜...真係唔講得小....環境好地道日本FEEL....服務又好親切...唔錯.....

誤打誤撞上去一試估唔到成為最好味既日本菜兩個人點左四樣野包括:蘿蔔煮豬腩肉-蘿蔔非常入味, 不過甜, 但可再淋一點, 豬腩肉當然係肥, 但瘦肉部份亦煮得入味, 不愧為招牌貨軟殼蟹卷-反而一般, 但軟殼蟹食到最後仍然係脆脆的炒墨魚汁麵-麵中有不少魷魚, 難得魷魚煮得一點都不"un",墨魚汁麵較油, 但味道夠鮮厚燒牛舌-一碟只有四粒, 外形並不是平時食的一片片, 而係一大粒的, 咬下去時肉汁是爆出來的, 真係好好味, 如果去開, 一定要叫, 唔好走寶店員非常有禮亦耐心埋單388價錢唔算平但食到咁高水準的食物絕對是值得的

某天在公司內看見一張類持門票的宣傳單張，原來是有午市特價，但我們打工仔，午市多是糊塗一餐便算，時間亦不容許『嘆』，反倒是晚市任食北海道長腳蟹引起我興趣。於2005 入東時去小樽，想尋回那間任食蟹店，誰知竟然結業了，變了壽司店。沒有任食蟹實在不便宜，當時只吃了幾隻燒蟹腳( 幾年前連吃都沒有，街邊小食應該是香港人要求日本人做的吧) 。難得機會，約了朋友去試，朋友口味很中西式，甚少吃日本食物，但試過都讚味道好，難得蟹肉沒有了某些大酒店的苦澀味，猜想是因為乾冰的味道滲進肉內，所以變難吃，這裡的蟹完全合格!至於服務，因為價錢不算貴，自不能期待有專人服侍，但店內亦算多侍應，手腳亦快，禮貌不錯，但這裡不宜大聲喧嘩，要大聲歡呼的朋友要另覓去處，小酌談話則無妨。消費包括加一及飲品，喝了幾杯可樂，不便宜但蟹抵食，所以算是拉平。

講到好正喎, 信佢地啦, 話晒佢地係日本人應該信得過o既...餐前小食係我最憎o既芽菜... 算啦...其他都冇咩特別, 最正係食完刺身後個魚頭做左鹽燒, 超正呀!!侍應們d service 唔係好得, 叫好多次先到, 落漏order 仲死撐話冇... 唔掂啦!!

最近一次去, 麻麻了...而且上菜都幾慢囉! 如果佢地有搞D 長期VIP / COUPON 就好了雜錦魚生定食, 似果D 刺身碎多D 囉!

今日放工後約咗男朋友仔食lunch, 本身打算去板前, 但d人多到好似唔洗錢咁, 行吓吓, 都諗唔到食邊間, 只係想食日本0野,最後去咗彩食酒宴.入到去環境唔錯, 睇lunch menu有個特大雜錦魚生飯, $88, 係定食, 打算叫呢個同埋吞那魚腩香蔥飯, 點知兩款都賣晒, 唯有改刺身飯同兩餸飯-燒鯖魚加漢寶扒.基本上, 都唔錯, 但見到人哋檯檯都有魚生飯,我哋奐食唔到...好似有d唔抵咁.其實刺身好新鮮, $88都好抵....不過,就蠢啦, 冇拎85折coupon.

雜錦魚生家食, 有好多剌身.. $88 仲要係定食, 有前菜蒸蛋, ;3 鼓湯..... 抵抵抵!好多好多日本人去食! 大多更係生意佬! 不過可能佢地太正宗既口味,有D 香港人未必鐘意提提大家去食之前, 記得去樓下拎COUPON 先上去, 果張85折可多次用, 就當冇加一囉! LUNCH TIME ONLY.不過唔係先前朋友帶,都好少行去果度食野.仲要係上樓舖!

20050506 7.30pm我有一個勁鐘意食刺身同buffet o既媽媽, 一個無咩所謂又懶book 檯o既弟弟. 本來一心想book Todai, 不過我太遲, 早就全full, 諗諗下不如搵間好少少o既日本料理食o左佢算數.3人吃- (你見好多粉麵飯出現, 因為阿媽出街食飯o既concept 係一定要好飽先叫抵食, 所以......都無咩好揀了=_=)* 極上刺身拼盤($470) - 激讚, 勁新鮮, 牡丹蝦隻蝦有兩隻中指咁粗大, Tora 都好得, 最讚係扮"樹葉" 果舊紫菜魷魚, 好鬼好味.* 雜錦天婦羅拼盤($98) - 十分唔錯, 炸蝦最得.* 沖繩風炒幼麵- 麵有小麥粉味, 幼滑, 配韭菜花, 木魚碎, 阿媽最鐘意呢個wor.* 墨汁炒麵- 呢個我全晚最buy, 有沖繩style 炸肥豬肉薄片, 加鮮味墨汁麵, 同埋鮮魷韭菜花一齊炒, 好正.* 三文魚茶漬飯($45) - 細佬遲到, o黎到時已經食得七七八八, 另外叫o左呢個自己食, 佢話都OK wor.* 鰻魚蛋炒飯- 食到最後阿媽無端白事話想食飯唔夠飽(但其時我已經頂住個胃), 本來想order 另一個唔知咩沖繩風

果日本妹幾靚女下! 生為女仔既我都有D "度紀"冇錯(正如之前果食評者講) 佢同廣東道間CHURA 沖繩日本料理都係同一集團! 二者都唔差, 裝修都正! 不過CHURA 多日本人食! 可能果度多遊客... 朋友生日黎呢度唔差! 食物都係一般, 呢度係咪日本廚師就唔知了!

午餐的海膽三文魚子飯味道一流!沖繩豬肉亦好好食. 廁所非常清潔而且又有hand cream, 隱形眼鏡藥水等提供, 十分細心.只是價錢略高

今日嚟食飯，九成幾蘿蔔頭，食物同廣東道彩星大廈地庫既chira差唔多，兩者中chira 水準較好，不過呢度都可以既服務可以，當中有個日本妹就幾掂，樣同service都係，所以畀