彩福皇宴 (置富都會)

營業中

休息中

上星期五,九點幾至食飯,見呢間未食過就試.有D好抵食,不過全部都話賣晒.三個人叫三人叫個,有咕嚕肉($55),脆皮雞半隻($68)同粉絲節瓜煲($48).諗住食住先,唔夠再叫,點知原來好大碟,尤其是咕嚕肉,食唔晒.雖然唔算平但味道同份量都令人滿意.唯一稍為不滿是當有宴,成晚有人唱歌,成間酒樓都聽到,呢D免費娛樂末必人人受落.

早上飲茶叫外賣，居然不是早茶優惠的價格而是照原價並且再加一!怎麼會有這種食店?從此不再去，而寧可走遠一些至紅磡熱鬧處叫外賣，不但依早茶價各收費並且不加一這是一家服務差到爆並且外賣不但沒有優惠還要更貴上許多的店，差到爆!

食物尚算OK,但係D服務態度真係好差！漏左單連一句唔好意思都無，仲要十分不耐煩地咁話"碟野唔會啦...你地夠唔夠飽？唔夠就幫你地落過囉..."我記得呢番話係出自一個高高瘦瘦長頭髮女部長！

表哥結婚, 嚮呢度設宴. 食物係一般婚宴的食物, 但質素唔錯, 不過唔清楚收費貴唔貴.美中不足的是沒有洗手間, 去廁所就要去商場的洗手間, 但商場的洗手間就有點污穢......

為了方便之後的家有喜事活動，所以揀了呢間酒樓。最特別今次係老公首次提議，佢話食過都唔錯。D點心確係唔錯，選擇又算多。其他人未到，我又好肚餓，急不及待已點了芝麻香蕉棗、灼芥蘭同炸兩食住先，個芝麻棗除了新鮮熱辣外，仲有食到一陣香蕉香味；碟芥蘭15蚊好大碟，又又靚；炸兩入面舊油炸鬼仍然略脆的，而出面層腸粉都算滑。其他親戚亦陸續來到，再點第二、三輪點心，大致上都算係即蒸即炸，因為每點心上台都係好熱好脆的，雖然話好多點心係熱辣辣先好食，但係有時D 酒樓一上台時只係暖或微溫，尤其時炸物就算微溫已經係唔多好食。只可借人手不太足，招呼服務有點兒混亂。