彩福皇宴 (置富都會)

營業中

休息中

星期一至六,早上11:45前入單,小點只係$6,中點只係$10,仲有多款特價點心.鱆魚雞粒飯 -- 六蚊雞,又唔算細碗,味道又不錯,抵到爛.皮蛋瘦肉粥 -- 又係六蚊,一般酒樓水準,亦抵食.咸肉糉 -- 勝在綠豆多,不過要十蚊.金菇雞絲腸 -- 都係十蚊,饀料都不少,燒賣 -- 中點要十蚊,味道不錯.茶錢只係三蚊一位,食咗五樣嘢,埋單都只係五十七蚊,比埋貼士,每人都係三十蚊,好抵食.

一行四人周日晚上吃飯,因為是為朋友餞行, 早於周五已打電話訂位, 本來訂了七點半, 與朋友早了十分鐘到, 赫然見到成間酒樓都坐滿人...(因為一向以為國際都會商場係個冇人去的場, 估唔到有咁多人黎呢間食晚飯! 但個心就安心d, 因為未黎過食飯, 如果有咁多人幫襯, 都應該唔係太衰...). 去到門口, 姐姐話已經執緊檯, 但等左廿幾三十分鐘都未輪到...門口亦有好多本來訂了檯的食客在輪候, 大家都唔明, 訂了檯點解仲要等咁耐? 人人鼓譟, 姐姐手忙腳亂, 只話訂了檯係優先, 但我一d都唔覺得係有優先囉! 後黎都有d人話已經等左半個鐘, 要走人.如果訂檯黎到仲要等, 咁就唔係訂檯啦! 因為當晚d朋友好準時, 我又話已訂檯, 但人地準時黎到又要等, 真係唔係幾好意思!後來終於入座, 其實間酒樓食物味道ok, 價錢也相宜(4 餸一湯, 有雞有魚,再加兩個甜品, 共$460). 希望配套上有所改善, 否則就真係趕走有心黎食的客人!

多年無見的友人從外地回來，並介紹他外國好友給我認識，希望大家敘敘，分享不同國度的有趣事物，認識新朋友，談天說地，豈不快哉！為了遷就他友人入住的酒店，我選了在他附近商場的酒樓，雖是地點較偏僻，但也不乏捧場客，偌大的酒樓，由抵步時的三成到走時個多小時內已坐滿近八成。餐牌的價目也很合理，如清蒸大青班約兩斤，賣 $128一條，小菜約五十餘至七十餘。友人堅持要做東，便由他發辦。誰知他所點的，落單兩分鐘後侍應回來告訴：迷你冬瓜盅，片皮鴨兩食，是晚孖寶全部賣光，要重新叫過，最後點了招牌雞煲鮑翅，清蒸大青班，炸子雞半隻及蒜蓉炒莧菜。招牌雞煲鮑翅用一大瓦煲上，湯料甚豐，約有半隻雞，和一梳梳的翅仔，湯水呈奶白色，翅仔賣相不錯，湯味算濃郁，三人每人可分三碗，炸子雞皮薄香脆，肉帶黃油，肉質雖不及北角鳳城的嫩，但我已覺得滿意，蒜蓉炒莧菜也見水準，莧菜不老、無渣，清蒸大青班火候剛好，肉離骨，豉油調較得宜，魚是新鮮的，肉質算滑，但沒有海魚的獨有鮮味和爽。過幾天，老友又要返國了，不知何日君再來？

今晚和姊姊們嚟紅磡做D嘢，跟往就一齊食飯，近近哋就嚟呢度啦。我哋8點鐘到達，但只得3成客左右，真替佢擔心，其實食物都OK呀，可能location唔喺幾好啦。清蒸海班 (一斤$68) - 嚡咗D，但都算新鮮炸蟹拑($68) - 又脆又爽口，少少蝦味京都肉排($55) - 味道都幾好，有D仲脆脆哋tim貴妃雞半只($34) - 都幾滑，但咸咗D，OK啦蕃薯糖水($12) - 薑味重，不錯埋單$298，都幾抵食啦。

放假時約了朋友在紅磡吃午飯，選擇了人流較少的國際都會商場，去了商場中唯一的酒樓喝中茶，因為位置較偏中午時份座位也只有六成多滿，彩福的環境不俗，枱間距離較闊，不怕大聲談天騷擾鄰近其它客人，最適合跟友人茶聚或飯聚。朋友的胃納有限，只叫了四款點心分別是素菜餃、蒸蘿蔔糕、春風得意腸及鹹肉糉，最平的小點要十多元一款，錢定位不算平宜，而味道平均水準都合格，其中以春風得意腸最合口味，路經附近不妨一試。

唔知係咪因為地段好,同樣係彩福集團,點心紙都一樣,價錢就貴好多!好似椰皇燉燕窩咁,北角係$18,呢度要$28,size都一樣,真係好搵笨囉!講返今日,星期日價錢,7個人叫左$427,其中有個$140的午市套餐~午市套餐:星期日最抵食0既plan,有:杭州骨:甜0既,港式糖醋排骨,味道都OK,肉唔會韌灼生菜:菜唔新鮮,麻麻避風塘炒飯:幾夠鑊氣,唔錯!其他點心:金瓜芋夾:其實係煎芋頭絲,芋頭幾黏身,夾住小小南瓜蓉,口感軟糯,超好味叉燒飽:叉燒好味,包身軟熟,正奶黃千層糕:好軟熟,奶黃味夠香,正春風得意腸:春卷幾脆,腸粉皮薄,好味糯米卷:有D UN胃,麻麻潮州粉果:一般牛肉球:一般意式千絲酥:炸芝士,即炸勁香脆,D芝士好"吱"出黎,好味!鳳尾蝦:炸芋角,又係即炸,好味!咸水角:厚一D,麻麻小籠飽:有D酸,怪味點心比較細碟,但係幾好食,算新鮮,不過服務態度差,叫極都唔收野同加水,心不在焉,要扣分!

今天去紅館睇女排決賽，　因為未夠時間所以同男朋友去都會的彩福飲茶其實o個到既員工都幾好禮貌, 不過個個都唔知攪緊乜2:00pm 第一次入紙, tick 左6 樣點心, 呀姐話有一樣賣晒, 然後同我地講 "你地點左2 樣野jar wor".......-.-" (吓?)我地即刻指出我地點左5 樣之後就等左20mins , 一樣點心都未黎催左1 次, 終於黎左碟腸粉同雞包仔......之後等到 2:30pm 都仲未有其他點心黎過.....之後再催, 佢話幫我攪, 等左5mins 再催, 又話幫我攪最後有條友 print 左張單出黎先知有d 又漏左單...總之就亂晒龍......最後等到 3:00pm , 第一次入紙既點心都仲未黎齊隔離檯遲過我地黎都已經食完超嬲情況下未飽都決定走人, 等左咁耐只食左4 樣野!!

三個人完成任務後去嘆茶也.侍應見我們一坐低便推銷海蝦炆伊麵, 之後又不斷說我們吃椰皇燉雪蛤, 都幾煩下.鴨舌拼海哲 - 鴨舌都幾入味和香軟.XO醬炒腸粉 - 腸粉比平常吃的軟, 似蘿蔔糕多些, 味道倒還可以.鯪魚球粥 – 粥底幾綿, 鯪魚球則不夠彈牙.煎釀三寶 – 有苦瓜, 青椒和矮瓜, 但全都油淰淰, 又煮得不夠, 不好吃!!糯米卷 – 軟熟熱辣辣, 出乎意料地好食.炸雲吞 – 脆卜卜, 也不錯.牛栢葉 – 不過不失.椰皇燉雪蛤 – 幾香滑, 但食落幾膩.

貼錢受氣- 紅磡都X廣場彩X海鮮酒家一班朋友12人去食, 選擇小都算喇, 最後選了個套餐都成$2,000. 菜未來時, 已在身邊有兩台食客跟他們之主任投訴, 大約如下. A台: 叫炒面由幼面改粗面要加$20, 那食客呀伯說從來未聽過其它中式酒樓有呢D野. B台: 叫了一客佛跳牆, 先給了另一圍後來之食客, 先來落單者反而無, 那部長只是說另一台單不是他落, 賣光都無辦法, SORRY都無聲, 氣得那氣媽媽聲. 到我地喇, 食物上菜都一般啦, 到比錢時就出現古怪野喇, 我地問有無泊車優惠, 他同我地說今天有演唱會, 未必有位. 我地說, 無位點來食野呀, 我地問有無免費泊車呀. 跟住來了個部長, 比完錢, 我地說我地有2部車, 唔該比2架車之泊車優惠, 他說, 每台只有一部, 公司定下, 便走了. 到等簽卡時, 找了一個MK仔形之WAITER來, 態度極差, 我地說是否唔使比錢呀, 你地一個二個都系咁. 我唔知佢地老細系咁而令到之職員系咁, 定職員想佢老細死. 佢地個場本身已經唔旺, 好多都是駕車客, 好吾想做生意唔緊要, 但令我食完度氣消不到事大, 各位留意.

三個人去食晚飯, 都冇咩人, 服務殷勤.叫左班球, 椒鹽豆腐, 1/2雞, 全部都偏咸.價錢不菲. 連一飯一粥, 成三百.....

星期日上午11時左右飲茶食點心.點心紙上種類都很多. 是日2人, 點了叉燒酥,綠茶煎堆仔,春卷及牛肉.叉燒酥內的叉燒太少,多一點會味道豐富一點;春卷及牛肉是一般水準;值得一讚的是綠茶煎堆仔,煎堆仔是剛炸起,熱騰騰的,香脆的芝麻外皮包含綠茶味糯米粉團,糯米粉團有著濃香豆沙,一邊飲香濃普洱,一邊享用綠茶煎堆仔,配合非常.唯一不好的是服務,沒有人等位,又有吉位,知客只顧做自己的事又不帶位.不明所以.但整體可接受.

20070707可能也是一個好日吧，據說“777”對於西方人是幸運數字，原來東方人也受落，今晚我們這張9人枱的旁邊，就是一場婚宴，竹戰之聲清晰可聞，還好我們趕在七時半落單、九時前走人，避免了與婚宴正面交鋒爭奪廚房：P這裏原先也是普通的中式酒樓，後來目標明確，主打婚宴酒席，連室內裝飾的風格也換了，白紗紅玫瑰一溜過去，讓我們這些吃些家常菜的人也“浪漫”一下：）8個大人1個小朋友，叫了一個四人套餐，另加兩個餸，已經飽到不得了，四人套餐裏面的菜式並沒有因價就市用例牌的分量，件件大碟頭，如果真的四個人吃，怕有一半要打包回家。鮑魚海鮮羹：這類羹湯味道都差不多，不太鹹，加點浙醋，也易入口，剛好分了九碗；沙薑雞半隻：都幾嫩滑，只雞不會“癡肥”；清蒸大海斑：一斤二兩左右的樣子，新鮮，清淡；芝士龍蝦配伊底：沒有試，看起來蝦很多，食極都有；蒜茸小棠菜：菜炒得很爽嫩，有鍋氣；（上述為四人套餐，只要368元，誇張吧~）燒鵝半隻：吃不出有什麼特別好，當然，也絕對不差；京式賽螃蟹：味道極清，蛋白極滑，但吃不出所謂“京式”，有什麼不同。其實都是一些酒樓的尋常菜式，不至於齒頰留香、回味無窮，但如果你只是找一間環境還算企

上次晚飯太夜去到冇晒D特價,今次早D到,果然食到好.叫條魚(一斤)$68,半隻雞$38,椰皇燕窩墩奶$38,芝士西蘭花$50,咕嚕肉$50再加半打壽包$48.最抵係條魚,雖然細D但都係游水,其他都幾好.食滿$300重送隻乳豬俾你下次食.

20070603星期日大早去飲茶，五個人，等了幾分鍾後，就有了一張“二線海景”的大小合適的枱，左近大都是手持報紙的公公婆婆，或齊齊整整的一家大細，姐姐仔間中過來吹兩句水，雖然是在人流混雜的火車站頂，但也有濃濃的紅磡街坊風情。優惠組合是一碗粥加一籠點心，只收18元，而且會自動幫你從所選的點心中挑出最貴的來進行搭配：）不錯。選了幾款平常的點心，一碗鲮魚球粥，一碗金銀蛋瘦肉粥，味道都頗令人滿意：）見到廣告做晚市的海鮮特價，好像很吸引的樣子，找一天來試一試：）

彩福皇廷　2007-05-18這間位於紅磡火車站旁國際都會的食店，炒菜不好吃，坐位間通道很狹窄，招呼差，價錢貴，如果我選食店，一定不揀這裡，可是我愛人的家族聚會，偏偏每次在這裡，唉！今次菜單如下：北京片皮鴨(二食)(138)　　片皮鴨皮很脆，鴨肉較多，海鮮醬不鮮，"麼麼"是塊五吋丁方的黃色薄餅，無味，（為甚麼不用圓形的白色薄餅），拌片皮鴨吃的竟是普通蔥花！不是京蔥，甜美的京蔥變了辣喉的普通蔥。可能因第一次片皮鴨肉較多，七彩炒鴨絲的鴨肉很少，很咸。大班兩味(138)　　金銀蒜蒸頭腩，西芹炒班片翠塘豆腐(55)　　假豆腐很咸蒜香燒汁牛柳粒(78)　　牛柳很咸迷你一品冬瓜盅(108)　　湯無鮮味蝦乾銀絲節瓜煲(55)　　節瓜無節瓜味，蝦乾無蝦乾味？其他只是一般味道彩虹玉帶花枝片(68)，馬拉盞炒通菜(48)，清炒北京菜遠(55)白飯(13碗@8)，瑤柱白粥(8)，紅豆沙(8)，豆腐花(2碗@8)芒果布甸(2碗@10)，楊枝甘露(10)，原個椰皇燉燕窩(38) 茶芥(11人@10)總數$1057加一後$1163