彩福皇宴 (京瑞廣場1期)

營業中

休息中

「彩福皇宴」是非常值得一試的酒樓，其走大眾化路線，晚市價錢划算，份量亦大，由於有著婚宴、宴會的定位，所以配傭婚宴裝潢，環境甚為優美，以一般酒樓的價錢有著婚宴裝潢的環境，性價比相當高。「彩福」於晚市推出不少優惠菜式，當中最受歡迎的是$70元半隻的脆皮南乳雞，亦有不少$78元起的又大大碟的小菜。脆皮燒鵝皇 ($240/半隻): 雖然彩福的皮片鴨($288/隻)及脆皮雞($70)很便宜，但友人想吃燒鵝也沒辦法，燒鵝大小適中，不會太瘦，皮脆肉嫩，鵝油豐富，味道還不錯。中式牛柳條 ($90): 雖然經常說牛的價錢貴，但餐廳絕不吝嗇，整碟也是滿滿的牛柳條，肉質幼嫩而有肉感，甜酸汁濃度適中，味道不錯，性價比很高。四季豆野菌炒鳳凰蚌 ($76): 基本上四季豆炒甚麼也好吃，比起上海式的先炸後爆炒的四季豆，清炒較爽甜，油膩感較低，珊瑚蚌亦爽口彈牙。

今日專登同屋企人到石門彩褔飲茶，因為朋友早前提過這裏的點心質素相當不俗，又是得奬點心，在好奇心驅使下亦加上未去過石門飲茶，所以一早book定位去等食。酒樓位於一座簇新的銀座式商業大廈三樓全層，樓底高，環境寬敞，食客可透過一排大玻璃窗遠眺室外一遍綠油油的景致，室內燈光柔和，配合牆身及精心打造的天花裝飾及吊燈，感覺頗有氣派。除了得奬點心外 ，還有很多傳統點心及小菜可供選擇，眼闊肚窄，同屋企人商量左一大輪才決定下單。原隻鮑魚燒賣皇 $37首先賣相已經相當吸引，頂層鮑魚仔口感彈牙，燒賣亦比相像中大粒，入面大部份是蝦仁、豬肉、冬菇等，口感豐富。旋風黃金流沙包 $32一款頗花功夫的點心，一層白麵糰，再鋪上一層由竹炭粉造成的薄薄麵糰，反復砌出黑白螺旋型層次，十分有位體感，點心師傅真有心思；黃金流沙餡料相當有爆漿感，一咬開便澎拜地湧出來，咸蛋黃香味四溢。海皇太子餃$30原本想叫蝦餃皇，不過海皇太子餃外型好似較吸引，似一條魚，又是得奬點心，所以最絡點了一客，果然皮薄多饀，啖啖鮮蝦肉，好正XO 醬蒜香煙肉炒花生苗 (小食）　$44花生苗真係第一次食，據聞有助降血脂和有增強身體免疫力的功效 ，今次特別叫一客

今日同個好耐無見嘅朋友敘舊，朋友中意食中菜，所以就試下呢間。我地總共叫左3樣野食，分別係片皮鴨，蒜蓉蒸扇貝，椰皇燉蛋白。  第一樣野嚟嘅係個片皮鴨，呢度嘅片皮鴨係會先原隻上，再係你面前即刻皮，份量好足，隻鴨做到外脆內軟，又有肉足，非常好食，好推介大家試下！  之後嘅蒜蓉蒸扇貝都好新鮮，粉絲亦都吸哂蒜蓉味，好香口，蒜蓉嘅份量唔會太多，本身我唔太中意食蒜都接受到。  甜品我地就叫左一個椰皇燉蛋白，椰汁味超濃，而且甜度適中，食完片皮鴨咁油膩嘅食物，食返呢個蛋白，令成個餐嘅感覺冇咁油膩。  值得一提嘅係，依家嘉士伯啤酒做緊優惠，每枝都係大約20蚊，非常抵飲！我地2個人都飲左3枝，解油膩一流！

今日放假，特登同爸媽去飲茶，見石門呢間酒樓都開左一段時間都未去過，今日就黎呢度會一會佢。去到酒樓原來呢間酒樓都唔算細，個大堂都幾大，又冇柱位，裝修都幾光猛時尚，座位夠濶落，唔會俾人覺得枱連枱既擠逼感。如果擺酒呢度都幾適合。因為我預先book了枱，所以唔使等位就可以直接入去，侍應安排了我們入房坐和預先問定我們要什麼茶，所以一坐低就好快有茶送上。房入面得幾張枱，環境清靜，同朋友黎飲茶傾偈就啱晒！我們坐下後第一時間就睇下有咩好野食，原來呢度有幾款點心係得過獎，咁當然唔好執輸叫幾款黎試下佢啦，額外再叫了其他點心和一碟炒野。三個人食應該夠吧！叉燒腸上枱，他們用一隻長碟來盛載，叉燒餡算幾多，腸粉都幾滑，唔錯！第一款得獎點心上枱，呢碟叫做芝心海皇千絲春卷，淨係睇個樣都已經殺晒！啲米粉絲炸得好鬆脆，包裏入面的芝士餡幾濃，入面仲有冬菇，加埋一些蝦粒，外脆內軟，非常香口鮮味，食完一粒都忍唔住要再食多一粒！我最喜愛的咸水角新鮮炸起，面頭好脆，入面熱騰騰，餡料十足，正！銀芽肉絲雙面黃，一上枱感覺好大碟，未食都覺得抵食！麵炸得好脆，加上肉絲同芽菜，令成碟麵都香氣撲鼻，我都不禁食左三碗！嘻嘻！！第二個得獎點心係旋

今日番學校搞少少野，完左之後就同朋友黎左呢間平時番學會食lunch既酒家食野晚飯，本來都怕貴點知原來佢地個龍蝦做緊優惠，仲要只係88蚊折。一坐低二話不說就叫左斤龍蝦，極力推薦要加佢個伊麵底，因為佢個芝士汁真係好好好好食，十個讚！有得揀我仲想問佢可唔可以加兩份！龍蝦都非常大舊，完全冇hea你！除左佢個龍蝦之外，我地仲叫左佢個原隻片皮鴨，值得一提既係佢係新鮮整出黎之後係我地面前切，夠晒誠意！唔洗多講，睇個樣咁吸引都知有幾好食！皮脆肉多汁最後埋單只係一人二百幾蚊，抵到爛，下次再番黎呢邊一定會再食！

一直以為呢一種老牌酒樓裝修會好老土，點知入到去，嘩！好靚喎，紫色銀色做主題，喺呢度擺婚禮都非常之好，夠哂堂皇冠冕。以為裝修到咁靚價錢一定會加返唔少啦，打開餐牌，又唔係喎，都係一般街坊酒樓價錢，四人餐都係 五百幾，仲有好多款特價食品，我哋就叫咗唔使$200嘅波士頓龍蝦兩隻再加伊面底。 另外再加南非鮑魚兩隻，一行四大兩細食到捧住個肚走，又蒸海魚、又雞、又抄雙蚌、燉湯，仲要打包走，都係$1000買單，真係好抵食。

海皇醬花生苗玉瓜炒牛柳絲$92牛柳份量好充足，食得出牛肉係新鮮嘅，而且有鑊氣，係一款好好嘅添飯餸。醬爆花姿珊瑚蚌$102珊瑚蚌同花姿都好爽口，新鮮，醬料夠惹味。海皇櫻花蝦炒飯$113炒飯鑊氣好足，亦都炒得夠乾身，粒粒分明。櫻花蝦好香口，如果份量可以再加多d就更好。原個椰皇燉燕窩$45呢個甜品係成個晚餐之中我覺得最鍾意嘅，一來佢價錢好合理，足料又好味，而且又唔會過甜，好啱我胃口。整體嚟講呢餐我覺得價錢合理，食物無論喺味道，份量方面都好滿意。

母親節就來，想同屋企人去附近酒樓食餐好嘅～所以就來福彩食晚飯，平日晚飯有好多特價野食，所以叫得太多食唔哂🤣龍躉兩味龍躉球炒西蘭花啲魚塊炒得岩岩好，肉質仲係滑溜有鮮味，而蒸龍躉頭腩亦都唔會太熟，加埋好好味嘅豉油，送飯都冇得輸～南乳燒雞南乳燒雞本身都好夠味，如果鐘意再重啲南乳味佢都有額外俾醬。啲雞皮脆肉嫩，雞唔算大隻，好快都清哂。芝士焗波士頓龍蝦龍蝦做特價好抵食，基本上台台都食，而且仲好新鮮，加上伊麵底，一滴芝士汁都唔會晒。海皇炒飯最後一定要來個充滿鑊氣嘅炒飯啦，食到好滿足的一餐👅👅👅

女同事ES,男同事FCP, RL約埋今日 (22-5-2019 Wed) 食晏,但FCP臨時有事食唔到,就得我哋3個食,我哋叫咗:1. 蝦腸(特點)一碟6件,每年都有一隻大蝦仁,蝦仁爽口,腸粉食到米香味. 味道: 5分2. 唔記得咩上素卷原來係炸,薄腐皮係炸嘅,外脆內軟,味道清淡.味道: 3分3.  潮州粉粿呢個一般冇驚喜.味道: 2.8分4. 唔記得咩脆米炒飯都幾大碟,食到有蝦醬味,都唔錯.味道: 4分5. 流沙奶黃包流沙真係好流又熱,味道唔太甜.味道: 4分6. XO醬石鍋煎腸粉熱騰騰,唔太辣,不過腸粉似乎腍咗啲.味道: 3分抵食係2.5分上次食評: https://www.openrice.com/zh/hongkong/review/%E5%8A%A0%E5%92%97%E5%83%B9-e3363076

假日去了沙田踩單車，其實數數手指，大大話話超過10年無去踩單車，途經石門區，覺得它的變化很大。以前是工廠區和未開發區，現在已興建了很多屋苑、商廈、商場、學校。既然來到，大家便在這裡吃個晏，順便休息一下。這間彩福酒家真的很大 (極可能是因為它座落於這個新開發地方，新的是地方)，裝修很裝潢華麗。我們點了些點心和一個套餐。套餐$168，有菜、有燒腩仔和班腩炒河，這個套餐算抵食。其他點心是水餃、鯪魚球、牛肚、黑糖馬拉糕、上湯鮮竹卷，還有一個較得色的沙薑炒淮山。說老實，食品質素只是一般般，但是，環境算不錯。

係石門火車站附近有好多野食，我跟家人就再選擇了彩福皇宴，7點左右都不算太多人先來了燒雞，比起之前食的，肉質更嫩更滑！而且味道剛剛好，不會太咸再來就是蒸魚，個人不是太喜歡魚類，小試了一口，比起街外吃到的都更滑嫩，十分推薦然後是芝士龍蝦伊麵，龍蝦的份量非常多！芝士十分香濃，一個必點的菜式！廚王炒飯，就像小炒王似的炒飯，有十分多材料，而且非常有鑊氣，比起瑤柱蛋白炒飯更好食！最後是西蘭花班球，鑊氣都非常足夠，魚的肉質都很鮮總括來說，彩福是一個食中式晚餐的好地方！

去探望朋友剛出世嘅BB去到石門， 1家5口最好都係食中餐啦。朋友介紹去屋企附近嘅彩福佢話好好食，所以就去咗了。嘩！一入到去見到富麗堂皇，直頭成個婚宴場合咁樣。周圍都bling bling 好靚呀！ 我哋一行五人有大有細叫咗個晚市四人餐，跟住見到波士頓龍蝦做特價所以又帶咗兩隻。 先講個波士頓龍蝦，兩隻波士頓龍蝦加伊面底只係二百幾蚊，真係超抵食自己去街市買來煮都未必得。而且肉厚爽嫩，好新鮮好好食。四人餐都唔使$600 ，超級抵食，每一碟都大大碟，食到我哋飽到上心口。 真心推介燒雞同埋炒雙蚌，燒雞皮脆肉嫩，炒相蚌，非常爽脆。

中午突然起了興致，4個人去嘆中午茶哈，見石門有彩福，試過紅磡那間幾次都很滿意，便提議到這間試試看。中午時間都幾乎爆滿，幸好預約了台子。這間點心種類多，而且不少都頗具特色，也有大眾熱門愛吃的，算是照顧了不同類型的客人。下邊這個脆絲炸春卷就外邊炸得蘿蔔絲很香脆，裡頭海鮮餡料又熱又軟，有口感有層次很不錯。旋風流心包，裡頭的奶黃真的是流心，熱騰騰上籠一定要趁早吃，外邊包皮軟彈，裡頭流心香濃，很好味。香脆豆腐粒自然是外脆內軟，皮不厚火喉控制得不錯。豆味都濃郁，很香口。另外點了蕃茄蠔仔粥，一般來說，浸什麼蠔仔粥會加蕃茄，加了後又酸又甜挺開胃，比想像中清新好吃。因時間關係打包燕窩燉蛋白，蛋白燉得很香滑又香濃的椰奶蛋白味，上邊有燕窩增加口感，很不錯的一餐茶哈。

話說老豆生日 佢就係石門放工既所以我同媽咪一早book左呢間彩福皇延黎食唔洗老豆走咁遠一入到去見到環境都唔錯 樓底好高 坐得都幾舒服野食方面我地就交比老豆發板啦\佢就叫左個做緊promotion既芝士龍蝦e面同埋片皮鴨個芝士龍蝦e面食落好重芝士味 龍蝦都好足料 芝士濃度岩岩好而片皮鴨係個師傅即場片出黎比我地食 所以好夠熱同埋口感都好好總括黎講, 呢間酒樓食物算係幾高質下 又坐得舒服 有樽會都會下次再戰

返工等食lunch，無可否認係好多打工仔現實嘅寫照，當然係包括我自己！今日好辛苦捱完個上晝，決定同同事仔一齊去飲個茶食個包！今次就揀咗石門附近嘅彩福皇宴！好好彩😝去到都唔駛等好耐就有位！彩福皇宴面積都幾大，容納到好多張枱，裝修設計都比一般酒樓高貴，環境唔錯，坐得幾舒服！一坐低就急不及待嗌嘢食。等左一陣，嘢食就陸續送到！先係石碢珍菌百福豆腐！石鍋一上枱熱辣辣，豆腐同菇菌都非常惹味，估唔到呢間酒樓嘢食都幾打咭able!之後就係佢哋嘅得獎點心：原隻鮑魚燒賣皇！大大粒燒賣除咗有鮮蝦外，仲有一整隻鮑魚，即刻將成籠點心upgrade，鮮味逼人！喺酒樓食點心嗌一碟菜係我嘅習慣，清清地，幾好！唐山菜都幾新鮮，配住薑絲一齊食，一絕！之後就係海皇太子餃。呢款餃食落外皮有黏黏煙韌感覺，唔會太重口味。外形趣緻，cute!最後就係佢哋嘅金獎叉燒！叉燒係半肥瘦，外皮微燶香脆，肉質淋軟，令人食完一舊又想再食一舊！正呀！叫咗咁多嘢食，最後兩個人埋單除翻開都係百幾蚊，CP值都算係咁上下！絕對有encore嘅機會呀！