彩福皇宴 (京瑞廣場1期)

營業中

休息中

去到石門的彩褔，因為限聚令，所以中午非常小人飲茶，目測大約20枱，究竟無咩人係咪代表食物準備速度可以有所提升呢？答案係 NO🤣 我唯有當佢係即叫即整啦，不過落左單都有幾款食物已經無晒，可能係因為已經係下午茶時段同埋呢排食肆準備嘅食材預小唔預多有關😫😢以下係1 d聲稱得到旅發局點心獎的點心，有造型的點心，味道大約值7/10分，不過不失啦👌好彩炸的夠熱，凍盤的夠冷，流沙包真係會流沙（有飲開茶的都知道要做到以上3點實在不容易😅）。大家去到石門，想飲茶的時候，可以考慮去呢間金碧輝煌的彩褔皇宴啦😉

上星期,約咗女同事ES,男同事RL同FCP今日(1-6-2020 Mon)食晏,ES book咗呢喥,我哋去到,啲枱係擺疏咗.睇完menu,要咗$290.00嘅四人餐,亦另要兩個點心.3. 套餐中嘅香煎花姿餅一客3件,爽口彈牙,ok.味道:3分2. 套餐中嘅銀牙肉絲炒麵味道清淡,ok可接受.味道:3分1. 套餐中嘅金牌燒味拼盆燒腩仔皮脆又唔太鹹.味道:5分蜜汁叉燒夠味又唔乾,好食.味道:5分海蜇正常爽口冇問題.味道:4分來貨煙鴨胸冇想像中咁鹹.味道:3分白切雞肉嫩,都ok.味道:4分4. 套餐中嘅蟲草花素粉果一客3件,澄麵皮已經腍晒,冇口感;蟲草花份量唔多,而味道都係菇菌類嘅味道.味道:2.7分6. $48.00嘅石鍋XO醬煎腸粉好熱,有啲熱到腍晒,由於係辣,所以我只食兩件算.味道:3分7. 大點$27.00嘅竹笙高湯鮮竹卷一客3件唔大件,餡料多數係豬肉,ok啦.味道:3分5. 套餐中嘅蟹籽燒賣皇又係熱騰騰,但唔知係咪蒸耐咗,豬肉口感竟然腍晒.味道:2.7分價錢:原來叫陳皮普洱茶,要另加$5.00.其他:其實4人餐,有套餐裡面嘅點心係咪應該係4件?上次食評: https://www.o

每逢星期日，都係同屋企人既family day，今日我哋就去咗石門彩福酒樓飲茶，依間彩福次次去親都好多人等位，今次都唔例外，大約等左30分鐘先有得入座。呢間酒樓嘅點心款式好多，而且全部都好好味，而每次去親都會叫旋風金黃流沙包🥰呢個包除咗個外相好吸引，味道都唔錯，一咬落去，啲熱辣辣既鹹蛋黃流沙餡好澎湃咁勇用出嚟，真係好香，好好食！另外就係蝦多士，呢個都係每次一定必叫嘅小食，底層嘅多士炸到卜卜脆，再加埋放喺上面嘅大蝦同千島醬，咬落去勁爽口，真係一個好完美嘅配搭，真係一個人食晒成碟都冇問題😝

  我唔係特別鍾意飲茶，可能因為人多又嘈，有時又要等位。不過當屋企人話去飲茶，自自然然大家就會話好吖，因為飲茶係一家人可以聚埋一齊，傾吓計嘅好機會，所以會好珍惜每一次。因為呢次疫情，真係好耐冇飲茶，唔多唔少都會掛住D燒賣，腸粉，炸春卷…大家都忍唔住要撐吓場，就決定朝早去石門飲茶。   實施限聚令，每枱最多只可以4個人，去到都唔少人，但明顯比以前少。叫咗孖寶餐，可以粥配米粉，算扺食！Joy Joy子覺得粥嘅份量ok，米粉就細碟D。綿花雞好滑，配料都好足，鹹水角夠脆口，唔太油，好食！而芋頭糕唔駛點醬都夠味，最鍾意香口嘢，食多幾件都得！就離食完想埋單之際，殺出個程咬金，竟然黎左碟炸九肚魚。原來仲有一樣未黎，耐到唔記得咗~望落金黃色已經好吸引，個樣同平時直筒型的唔同，連骨食落去更加有口感，就係熱氣咗D，所以少食為佳。

上次來白石彩福皇宴是吃晚飯，今天一行四人來到是吃午餐。～雜菌雞柳炆伊麵雞柳比雜菌份量不多，翠玉瓜爽口清新，伊麵炆得恰到好處，一點也不膩。～鮮蝦茜芹炸春捲非常脆口，有芹香。～燒汁煎釀鮮冬菰又是一個到彩福必吃的，味道恰到好處。～原隻鮑魚燒賣皇 這個得獎點心已吃過多次，水準依然。～鮮蝦西洋菜餃蝦肉爽口，西洋菜濕潤，餃皮又不會癡牙。～香茜牛肉腸粉腸粉皮薄，牛肉碎也不韌，沾上醬油吃味更佳。

炸子雞：皮脆肉嫩，雞非常有雞味，雞肉帶點點鹹味。而且雞很大隻，一圍12人好夠食。西芹炒大班：魚的份量算多，魚肉是一疏疏的，非常新鮮，西芹翠綠，沒有太多根所以很脆口，一下去也吃到鑊氣！不錯！生炒排骨：有青椒和菠蘿配合，不過排骨是急凍的沒有肉味，肉質也很硬，放涼了一會兒無人喜歡吃。魚香茄子煲：這個做得比較出色，茄子和肉碎也很多，帶一點鹹香味，不過煲底太多油，多到有點嚇人！燒味拼盤：10分豐富，有乳豬、叉燒、油雞、海蜇，兩樣都OK！

三位，唔該，等了十五分鐘，才有位來一碟小吃，生炒排骨，不太酸，但係口感ok . 一碟义燒腸，皮厚了一點一點，炸腐皮卷非常油🧐差韮菜鮮蝦餃，賣相不靚，但食落都唔錯指椒鯪魚肉，不辣，好吃雞扎，入面有幾片東菇，蟹柳，雞肉，麻麻地都喺有魚肚的雞扎，好食D炸白飯魚好油⋯⋯小食，但是口感不似魚，一堆油粉🤨聖誕節後當然要賀一賀，鮑魚燒賣，燒賣入邊好多肥豬肉，鮑魚是蠔油鮑魚，唔合我胃口

棉花雞發現有鋼絲，要求取消該碟食物收費不果，硬要我們再點該類別食物，及至老公跟他們理論，才獲取消該碟有問題嘅棉花雞。雖為無心之失，但處理確實失當，為何一定要客人發脾氣，職員才願意合理地處理問題？這是香港的風氣嗎？要大聲説出問題，他們才能聽見？否則，便要無奈地接受安排？

上菜快，份量都算大碟，價錢大眾化，食物質素算OK：乳豬皮脆肉嫩滑，蒸魚無過火、魚質亦好滑、豉油亦調得好，魚本身魚味少，劏魚有魚麟要加注意⚠️脆皮雞亦做得好👍皮脆雞肉嫩滑。服務可以接受，加油💪下星期另一班朋友又約咗呢度，希望唔好再食魚麟啦🤣🤪

工作午餐，有時候大家得閒、輕鬆，都會找個舒服一點的地方充實地去食一個午餐。人多，就好自然會想食酒樓。因為飲茶食點心永遠都是開心的飲食活動。沙田石門，就有三間大酒樓，中午要飲茶的話，絕不需要等位。而這一天，老闆娘叫飲茶，我們一行五人就選中了《彩福皇宴》，吃美味點心。位於京瑞廣場3樓，擁有露天平台的一層，就是《彩福皇宴》。這酒樓，是一個長方型的無柱大廳，大廳外就是一個平台花園。怪不得這立即成為了沙田區擺婚宴的熱點啦。加上，海濱、碧濤一帶冇野食，石門又對馬鐵沿線居民十分之方便，所以，這一區的酒樓，在星期一至星期天，都咁好生意。石門，是一個工商區，所以酒樓會在午市推出商務套餐。有小食及飯麵點心，而打響頭炮的，就是一個味部拼盤。有燒腩仔、燒排骨、鴨胸、豉油雞及海蜇。這一些燒味，簡單快捷味道亦不會出錯，一圍四、五人，開心分享，也可開胃。飲茶，好多時都會叫腸粉，因為這是一個老少咸宜的美食。香滑的牛肉腸，內外都滑，而且肉味濃厚。再加埋豉油，更香口。春卷，一定是越脆越好食。包到厚厚，內側層的不脆，很是影響食慾的。這一個，餡料是傳統簡單的肉絲餡，皮不厚而且層層脆，很是不錯。點心界的皇牌之一，是鳳爪。豉味濃

3人份量晚飯。三人份量食到飽。服務質素: 服務質素可以媲美五星級或者六星級嘅酒店超級有禮貌, 即使服務員講野亦都唔係純正廣東話, 但係佢加態度極之有禮貌同好有笑容, 因此服務質素我會俾佢滿分｡環境: 酒樓嘅環境亦都好舒服, 亦唔會俾隔離枱嘈到聽唔到人地講咩。 可能因為佢樓底非常高｡食物: 首先我地嗌左例牌燒鵝，非常之脆但係好多油｡ 同埋呢間野加招牌龍蝦, 我地揀嘅係正再加粉絲, 非常香口, 同埋好新鮮｡ 石斑魚不在話下非常新鮮｡海鮮雜菜煲亦都好好味｡非常推薦一家大細去食。另外想推薦羊腩煲， 我自己冇叫到,但係見到隔離枱好似好好味｡

今日同家人黎左石門飲茶，依間彩福一如既往，都係咁多人。見左個好似好豪華的鮑魚仔燒賣黎試下，每一粒燒賣上面都釀左一粒小小的鮑魚。鮑魚好細粒好可愛，應該係預先炆好左的，上哂色，入口好有咬口，好入味，好似有微微的煙薰味，幾好食。下面嘅就係一般嘅蝦肉燒賣，但都做得新鮮，幾彈牙嘅。再加多幾個點心，飯咁樣，埋單大概一人$100到，平日有特價可能會平Ｄ，都算係石門飲茶唔錯嘅選擇。不過，星期六日咁都已經好多人，一遲左少少去，就要等位等好一輪先有。

唔好睇小石門依間呢度，只係石門站果一兩間商場，已經有非常之多間酒樓，競爭可以話非常激烈。屋企人黎飲茶通常都係會揀彩福或者皇苑，今日就嚟咗彩福。一排冇黎，人呢，就仍然非常多，可能係因為星期日六嘅緣故。啲嘢食嘅選擇都多咗，今日嗌咗個幾款點心，仲有好似幾得意嘅海鮮炆鴛鴦米。海鮮炆鴛鴦米嚟到，份量非常大，上面有好多唔同嘅海鮮配料。驚喜地係竟然有珊瑚蚌，而且份量都唔少，其他仲有帶子，同埋蝦，當然仲有啲洋蔥同韭菜花之類嘅蔬菜啦，價錢只係90幾蚊，算係比較驚喜嘅一味炒粉麵。份量多到三個人食，都差啲食唔晒。另外今日嘅點心，比較特別嘅係有一個鮑魚仔燒賣。鮑魚仔好細好細一粒非常CUTIE，個樣就好似嗰啲貴價蠔皇鮑魚咁樣，只不過就縮細左多好細粒咁，咬落都仲有幾有質感同埋鮮味。下面嘅就係普通燒賣，入邊嘅蝦肉同豬肉都幾彈牙㗎。仲嗌左一個煎鯪魚肉釀尖椒啦。今日呢份辣椒，有一半唔辣，另外一半都幾辣，就睇下大家彩數啦。埋單大概$300到，都算係唔錯嘅選擇，所以次次黎都非常多人。

上星期,男同事FCP,RL同女同行ES,約噚日(18-9-2019 Wed)食lunch,原本想食西餐,但最後因要等遲嚟嘅FCP,所以都係飲茶方便啲.我哋仍決定要$290.00嘅免茶芥午市自選超值套餐(A) 4人餐,今次我哋揀咗:6. 散叫$35.00嘅XO醬炒腸粉同以往一樣,熱騰騰唔太辣,ok嘅.味道: 3分5. 套餐入面嘅香煎花姿餅味道同口感都正常.味道: 3分2. 套餐入面嘅鮮茄肉碎蠔仔泡飯大大煲熱騰騰,蠔仔份量比我想像中多,啖湯都幾好味,呢個唔錯.味道: 4分1. 套餐入面嘅潮式鹵水拼盆有鴨翼,豬耳,豬肚同臀,全部入味但唔太鹹同過濃,既口感都切合返0同食材,啱啱好. 味道: 5分6. 鮮蝦炸春卷熱騰騰脆卜卜,餡料都唔算孤寒,蝦仁爽.味道: 4分3. 套餐入面嘅蟹籽燒賣皇味道同口感都正常.味道: 3分 7. 散叫$24.00嘅棉花雞魚肚都算多,口感同味道都好,好食. 味道: 5分食完後話叫甜品,我哋要咗同樣係$20.00嘅金箔芝麻卷同唔記得咩椰汁糕8. 金箔芝麻卷口感正常,芝麻味濃,亦食到磨細咗嘅芝麻粒.味道: 3分9. 唔記得咩椰汁糕,係一半桂花糕一半椰汁糕,桂花糕嗰邊味道清淡

這陣子跟男朋友四出睇婚宴場地，因為本身我地二個都住沙田，依家石門開左好多酒樓都係以婚宴為主有戶外證婚之餘個場地都幾靚。所以今個假日我勢就入左去石門睇睇。彩福戶外場地鎖左我地就出唔到去睇，但證婚場地好大同埋成個花花背景，都好靚！室內樓底都算高，無柱位👍🏻精選點心有點貴。外觀同味道都算不錯，旋風黃金流沙包有點流沙👍🏻口感豐富。真功夫潮洲粉果都是普通的潮洲粉果，但真係十分足料👍🏻👍🏻👍🏻其實點心外表係幾靚同精緻的。但價錢有點貴，服務質素有進步空間。