彩福皇宴 (京瑞廣場1期)

營業中

休息中

朋友推薦這家石門京瑞廣場一期的彩福皇宴。位置很方便，就對著港鐵站。裝修蠻簇新的，樓底高高，空間感十足，也有獨立的廳房，這天和家人吃了數款點心，味道不錯，賣相也吸引。朋友的確好介紹。港式街頭蝦米豬腸粉 $30腸粉算滑，有米香。真功夫潮州蒸粉果 $28皮薄饀料香爽，比一般的潮州粉果好吃。枸杞肉片粥 $24枸杞菜味濃，粥底綿滑。椒鹽九肚魚 $46蓮蓉壽桃包 $19原個椰皇燉燕窩 $48椰皇新鮮清甜，燕窩份量不少，滋潤又滿足！黑糖蒸紅棗糕$22有紅棗香，軟軟甜甜，不覺膩。

居住在大埔的中學同學， 提議我們來到著名的大排檔吃過晚飯， 不過可惜排隊人數實在太多，輪候了一小時，還是要等了又等。因此我們轉場 附近的酒家吃一個晚飯。剛好是「彩福龍蝦節」，生猛加拿大龍蝦低於半價每斤88元，可以配搭不同麵底、選擇不同食法，實在是以上不到的驚喜。生猛加拿大龍蝦是以上湯開邊焗兩隻加拿大龍蝦，配伊麵底。上湯湯汁稠密濃郁，伊麵口感軟硬適中，吊掛上湯美味可口。龍蝦大大隻蝦肉飽滿，肉質爽口彈牙，上湯吸附在蝦肉內，味道清香鮮味。脆皮黃金南乳雞師傅把雞皮燒至超薄香脆沒肥膏，雞肉肉質柔軟彈牙，味道鮮甜富南乳咸香味，入口雞肉香嫩多汁。粟米魚肚羹羹湯底濃郁但不過稠，透明而富光澤，質感水潤柔薄偏滑。入口粟米粒飽滿脆口，魚肚爽而吸湯，增加豐富口感卻不易濟。蒜蓉莧菜師傅以蒜粒爆香再爆炒莧菜，莧菜口感柔中帶爽，入口甘香，並有「長壽菜」的美譽，可見莧菜的功效與作用大，好味又有營養。海皇櫻花蝦炒飯以蝦仁、翠玉瓜粒、雞蛋等香炒米飯，每啖口感除了米飯的柔、瓜粒的爽、蝦仁的鮮，還有蛋香，整碟香而不油膩，飽肚另一選擇。黃金脆皮饅頭饅頭炸至金黃色，表面香脆，內里柔軟鬆香彈牙，加上煉奶一流。整體來說，彩福價錢大眾

今晚去石門福彩皇宴晚飯，位置夠曬方便，一出石門站就到，非常就腳海鮮夠曬新鮮，好生猛果然係做開婚宴，裝修好新淨、地方乾淨舒適、環境衛生！地方寬敞，枱同枱之間唔逼，重有四部大電視價錢比起出面酒樓更大眾化款式選擇多，而且有唔少特價菜式及套餐！我地點左半隻燒鵝$240皮薄而脆，肉質鮮味結實，連骨都充滿住濃郁鵝香味褔建炒飯$113非常足料！！有冬菇粒、雞肉粒、蝦、菜心粒、 瑤柱絲飯質很好，粒粒分明，濕度適中！而且好足料所以每啖飯都伴隨好多配料，口感比一般炒飯豐富蒜蓉粉絲日本大元貝$108/4隻非常非常非常抵食平均$27隻咋！香濃既蒜味，非常入味！隻隻都大隻又厚肉最值得讚係，雖然餸菜夠味，但唔會過咸，亦無咩味精，食完唔會口乾

大前日(22-7-2019 Mon)同女同事CY, CS 嚟食晏,當日朝早打電話嚟book枱,開頭接電話嗰個好有禮貌咁轉俾佢同事,到佢同事接手,我表明想book3人枱,佢語氣麻麻話:”3人枱冇得book,你嚟等位啦.”講完即刻收線,拜拜都冇聲,我亦完全冇可能再講.本來都唔想寫呢篇食評,不過我哋呢次叫嘅女食都唔錯,所以都寫,而其實我喺16-7-2019 (Tue),同男同事RL, FCP,女同事ES 都嚟過,不過冇寫,因為食嘅女都大同小異,只係可能提一提嘅,就係佢哋嘅燒鵝唔太差,唔講我皮脆,但味道同口感都幾好.而今次我哋早去到,好快有位,我哋要咗:1. $45.00嘅麻香牛蒡金錢絲份量唔多,我係咁搵牛蒡,但一條都搵唔到,牛肚絲爽口,調味就有少少麻辣,好彩係輕微,都OK 嘅.味道:5分2. $45.00嘅淮香椒鹽白飯魚炸得靚又乾身,外脆又夠味,唔錯.味道:5分3. $46.00嘅黑醋咕嚕肉呢個口感亦都脆口,感覺冇用茄汁咁膩. 味道:5分4. $30.00嘅龍皇野菌腸原本諗住平平無奇,但一咬落去就有驚喜,薄薄一層嘅腸粉,入面重有一層脆口,然後至到滿滿嘅雜菌.雜菌味道唔濃,卻食得出腸粉嘅米香味

家族裡面有長輩生日，呢啲場合最穩陣就係揀生日宴。物色咗幾間酒樓，彩福最經濟實惠，上網已經睇到菜單，星期一至五都係$2,480 全包，仲有埋壽包符合曬我哋嘅主題上湯焗加拿大龍蝦(烏冬底) – 餐牌上寫埋龍蝦重量，夠曬均真，龍蝦好多肉食，烏冬煙韌，吸曬啲上湯，好入味鴻運吉祥乳豬全體 - 皮脆，少肥膏，厚切瘦肉夠嫩滑惹味帶子小炒王 – 好多帶子同大大隻蝦乾! 炒到好香鑊氣，淨係呢味都可以送幾碗飯柚子香荔蜜梅骨 – 簡單講即係梅子排骨，個汁酸酸地幾開胃。擺咗啲炸荔頭粒喺底，荔頭粒表層被凝結咗嘅醬汁包住，營造出咬落去外脆內軟嘅效果紅燒花膠海皇翅 – 雖然味道偏淡，但足料嘅程度係食完一碗即刻有飽感，好豐富清蒸沙巴龍躉斑 – 條魚蒸到剛熟，火候控制得好好，魚肉結實而且嫩滑，係今晚最出色嘅菜式羅漢野菌扒菜膽 – 有竹笙、荀、草菇、蘑菇、粟米仔、雪耳、雲耳、生菜，用料有質素，濃淡適中當紅脆皮炸子雞 – 皮脆肉嫩香燒金菰伊府麵 - 濕潤度控制得剛好，略嫌配菜落得唔夠多，似淨伊麵咁彩福驚喜大蟠桃 - 每一個壽包裡面都有大大個蛋黃！食唔落，帶返去第二朝做早餐都得總括嚟講，味道調配方面中上，材料新鮮足料，物有所

大家平時都會去酒樓飲茶食飯，總有一間係你住附近夠晒方便，而且一定有佢吸引之處係度，所以每個月總有幾次前去品嚐一下美食，咪以為去酒樓食就會好貴，其實同出面街外食一樣都要咁上下價錢，只係大家冇留意到先唔知，是日晚又去左呢度開餐入去已被魚缸吸引住有多款生猛海鮮供應，真係得酒樓先有咁多選擇唔止食海鮮仲有其他撚手小菜一坐低先點番個人氣必食海鮮生猛加拿大龍蝦，配埋上湯再加伊麵底簡直完美配搭，睇下餐牌仲有乜抵食推介，再點番幾味精選小菜就食得先有金裝潮式滷水拼盤有豬耳、掌翼、腎同腸等食材配埋香濃滷水汁食落津津樂道，最啱飲啖酒一路食緊接另一款係松子沙汁蜜桃青瓜蝦球，入口開胃之餘，仲食到大大件蝦球肉質爽彈飽滿再來有巧手煎焗新會陳皮豚肉粒，入口啖啖香軟嘅豚肉仲食到鮮甜肉汁，加上陳皮濃厚味道會更加滋味最後食埋加拿大龍蝦配伊麵底超足料，兩個人食份量啱啱好，一啖鮮甜龍蝦肉再食一啖上湯伊麵特別滿足一餐精美小菜又品嚐完了。

對上一次來這裏是參加朋友的婚宴，今次是跟合作夥伴吃晚飯，這裏跟他的辦公室很近。彩福晚市人很多，訂位是必須的。喜歡這裏其中一個原因是紫色為主的環境，以晚飯的價錢可以享受婚宴宴會的裝潢，環境優美而且乾淨俐落，樓底高空間感夠大，感覺冠冕堂皇，夠氣派。《生猛加拿大龍蝦 》$88/斤看到菜單原來正值彩福龍蝦節，優惠真的是震撼價 $88/斤。龍蝦以隻計，當晚一斤2一隻，大概 $99。加伊面底另加$30。食法是上湯開邊焗，最能夠吃得到龍蝦的原汁原味。龍蝦大隻又新鮮，龍蝦味濃郁，肉質爽口彈牙，絕對抵食夾大件，誠意推薦！伊麵吸收了龍蝦精華的醬汁，好味又唔會油膩，味道不錯。另外店員推介了主打的幾款晚飯小菜。價錢經濟實惠！《松子沙汁蜜桃青瓜蝦球》$92這菜式我覺得開胃很適合女士吃呢！差不多是中式沙律一樣，松子酥脆、沙拉汁、蜜桃酸酸甜甜、青瓜清爽、蝦球外層炸至金黃香脆，肉質嫰滑。《海皇醬花生苗玉瓜炒牛柳絲》$92海皇醬醬料夠惹味，花生苗口感特別，牛柳絲份量好充足，食得出牛肉的鮮味，有鑊氣味道非常唔錯。《巧手煎焗新會陳皮豚肉粒》$92新會陳皮有一種特別鮮甜味道，大大粒豚肉口感一流，值得一讚。《海皇櫻花蝦炒飯》$

這天晚上我約了家人在吃飯，經過我的介紹，我的家人決定跟我來到這一間中式酒樓試一試，餐牌上的選擇很多，食物的定價也很合理，食物的種類也很多，店內環境非常非常寛敞，富有空間感和十分清潔衛生，給我一種很舒服的感覺懷舊金獎叉燒($236)叉燒非常香稔軟嫩，非常惹味，也可以說是我人生中吃過的叉燒中，最好吃的頭幾位，而叉燒的定價合理，食物的份量很多，性價比十分高，由於太好味的關係，大家都十分喜歡吃，所以我們點了兩份，結果叉燒全部被我們都吃清光松子沙汁蜜桃青瓜蝦球($92)松子沙汁酸酸甜甜，令人十分開胃，蜜桃十分鮮甜，青瓜爽口微彈，蝦球爽彈鮮美，食物質素很不錯，食物的份量十分多蒜茸蒸龍蝦($198)龍蝦非常清鮮美，份量非常多，師傅會先將龍蝦開邊，令客人吃得更方便，大量細碎的蒜茸，蒜茸味恰到好處，味道不會太濃郁，人們較容易接受得到，非常抵食者者蝦干肉碎通菜煲($79)蝦干清鮮甜美，肉碎十分新鮮，通菜爽口微彈，將所以材料放入瓦煲中，作用是能夠保持食物在很高的温度，這道菜簡單，好味和快捷，最適合忙碌的都市人原個椰皇燉燕窩($45)先將原個椰子挖空，再放入清新和鮮甜的燕窩，有養顏和補身的作用，以燉的煮法烹調

一家人長輩壽宴，今次去了石門新開的彩福皇宴酒樓。週六晚上，酒樓接受訂位，我們一行13人去食，準時去到就有位，不用等好耐。是一間負責任有留位俾客既酒家。當晚都有套餐，不過都主要係食翅，所以我地冇叫，叫左D孖寶、3寶餐，再散叫左D小菜。整體D小菜都幾大碟，而且個質素都好好，比起海X、富X真係好食好多。同行中都有D要求高既家人，佢地都覺得OK，咁就代表都真係好有質素了。環境坐得好舒服，因為地方大，樓底高，而且每圍之間都有好多空間，唔會逼住曬。不過小插曲係埋單時，信用卡機壞左，冇得俾卡，好在大家都有D現金，見同埋都好多人要走去拎錢埋單，呢個情況都真係幾估佢唔到....

這天太座在沙田開會，而我要去馬鞍山上課，大家不約而同腦裏閃起一個主意，就是在石門吃晚飯。知道這酒樓集團做的promo幾實惠，便約定在那裏會合，晚上六時半，偌大的酒樓仍有很多檯，接待員安排了一張近舞臺的檯給我們，裝修是華麗的，適合婚宴酒席等用途。餐牌的食物與集團其他區域的分店一模一樣，價錢亦如是，並沒有因在銅鑼灣而收貴些，(或是在石門收平些)，當然亦有供應招徠的加拿大龍蝦，$88一斤，相當吸引。我們點了一隻加拿大龍蝦，以蒜蓉蒸加淮山麵底，侍應告訴龍蝦每隻是一斤二兩，又點了果皮蒸南非鮑魚，滷水鵝掌翼，脆皮燒腩仔，原個椰皇燉燕窩。滷水鵝掌翼，很喜歡這個滷水汁，香味剛好，鹹度適中，吮鵝掌翼時，非常入味，倍感享受。果皮蒸南非鮑魚，彈牙煙韌，淡淡的果皮香，溢於其中，只是$36一隻，每人一隻，難得的奢侈。吃晚飯要有點肉，感覺較實在，見有脆皮燒腩仔，中正下懷，清晰看到五層，脆皮，肉、肥膏、瘦肉等，不太鹹，很回味！蒜蓉蒸加拿大龍蝦加淮山麵底，中間開邊蒸，蒜香四溢，與太座每人一邊，肉質爽嫩鮮甜，在酒樓以刀叉品嘗龍蝦，份外滋味，墊底的淮山麵，吸收了龍蝦汁和蒜汁，非常好味，以$129一隻龍蝦連麵，相當實惠。點

「彩福皇宴」這家中菜廳以平價但高質素作招徠，加上華麗的婚宴場地裝修，非常划算值得一試。掛爐燒鵝皇(半隻)賣相吸引用心，㕑司用鵝頭、鵝身和鵝脾等砌成原隻鵝形上碟。鵝皮燒至脆口，味道亦很有層次，有燒烤的味道，甜甜的醬汁，卻沒有遮蓋鵝肉原本的味道。客家風味燜豬肉這道客家菜用石頭窩盛載。上台時不但氣勢十足，香氣撲鼻，而且十分保温。豬肉燜得夠淋，脂肪和肉呈黃金比例，香口鬆軟，一值得一試。乳香藕片炒鮮魷南乳味濃，藕片切得夠薄，所以十分爽口。另外還有荷蘭豆和紅椒作伴菜，視覺上不錯。美中不足的是鮮魷未夠入味和有點咬不開。

今晚跟家人出來食飯，好彩有訂位，如果Walk In就有排等。因為已經有兩個大Function, 佔用了成間酒樓的4/5 位置，只有8-10張檯是食晚餐的。 原本想給屋企人食阿拉斯加長腳蟹，但今日他們沒有貨。期間有職員問，還剩半隻燒鵝皇，問我們有沒有興趣？我想了幾秒，立刻應承。 我們再睇下食咩，最後叫了薑蔥美國筒蠔，巧手煎焗新會陳皮豚肉粒，拍蒜豉味涼瓜炆班頭腩，肉蟹兩隻(清蒸/薑蔥焗)兩食。 先來的是燒鵝皇半隻，味道非常唔錯，有一種特別味道，好彩有要咗佢。那個美國筒蠔好鮮甜，其中有4隻是大大隻，。班頭腩件頭，大大件，又新鮮，值得一讚。至於大肉蟹，我比較喜歡清蒸，非常鮮甜。

幾丁友玩即慶，朋友介紹石門彩福，又來一試。7pm 到已有七，八成滿，似乎平日都多人棒場客。見門口做$88斤龍蝦，問清楚係逐隻計，當一斤二兩一隻，伊面底另加$30。就叫了龍蝦(上湯伊面底)加一個小菜套餐。好快就上菜，先來龍蝦，幾大碟，新鮮，味道不錯，不過龍蝦開邊上，三個人分有D論盡。小菜套餐有三個餸，叉燒拼海哲，一般貨色，叉燒偏瘦，略咸。瑤柱野菌浸菜苗，其實係浸白菜。這個反而偏淡口，但份量夠多。篜老虎班，新鮮肉嫩。我地加了杏汁燉椰皇。這個返而有驚喜，杏汁香，椰肉多又甜，聽侍應講唔係時時有的。快閃一餐。石門好似多咗好多食嘢的地方，有機會再來搜索下。

剛好朋友生日請佢飲茶, 來到佢番工石門附近, 彩福都有幾間, 且都夠大多人食, 所以就決定去呢間~佢點心都幾多款式選, 不過我同朋友都食不多所以就專點朋友中意食既。佢點左紅油抄手, 抄手啖啖肉, 汁就配合香港人口味唔係太辣, 不過不失。然後我點左豆腐, 呢個都不錯, 豆腐外邊既炸皮唔係太硬,又唔會太厚。呢樣都幾考功夫。再點左個墨魚餅, 加左粟米蔥都煎得幾香口, 咬落都彈牙唔會好淋。例牌飲茶梗係點蝦餃同燒賣啦, 蝦餃皮唔太厚,幾薄下裡頭蝦好多, 幾好咬。燒肉都係啖啖都係肉, 水準都還好, 不會令人失望。

「彩福皇宴」是非常值得一試的酒樓，其走大眾化路線，晚市價錢划算，份量亦大，由於有著婚宴、宴會的定位，所以配傭婚宴裝潢，環境甚為優美，以一般酒樓的價錢有著婚宴裝潢的環境，性價比相當高。「彩福」於晚市推出不少優惠菜式，當中最受歡迎的是$70元半隻的脆皮南乳雞，亦有不少$78元起的又大大碟的小菜。脆皮燒鵝皇 ($240/半隻): 雖然彩福的皮片鴨($288/隻)及脆皮雞($70)很便宜，但友人想吃燒鵝也沒辦法，燒鵝大小適中，不會太瘦，皮脆肉嫩，鵝油豐富，味道還不錯。中式牛柳條 ($90): 雖然經常說牛的價錢貴，但餐廳絕不吝嗇，整碟也是滿滿的牛柳條，肉質幼嫩而有肉感，甜酸汁濃度適中，味道不錯，性價比很高。四季豆野菌炒鳳凰蚌 ($76): 基本上四季豆炒甚麼也好吃，比起上海式的先炸後爆炒的四季豆，清炒較爽甜，油膩感較低，珊瑚蚌亦爽口彈牙。