彌敦左岸

營業中

休息中

美國菜向來給予我偏濃偏膩的感覺，在時今講求健康生活的世代，大家都講求少油少鹽，當然在餐桌上也要食得健康啦！ 前幾日和朋友食了這間美國菜餐廳，讓我改變了最初對美國菜的觀感。餐廳的氣氛不錯，與朋友醉酒談心，晚上十時還會有 現場live band，將氣氛推高到熾熱一點。美式煙燻醬燒西班牙黑毛豬肋骨，蝴蝶結姐姐知道烤豬肋骨是很考究烹調的功夫， 這個醬燒黑毛豬肋骨刀落時柔軟細滑，一點也不會韌，而那個燒醬汁亦不會過份濃郁，與肉的口感剛剛好。低溫慢煮燒原隻法國黃油春雞，釀西班牙辣肉腸及意大利白豆配薯條 ，以慢煮的方式將黃油春雞燒製，肉汁能夠緊緊鎖在雞肉裡，而口感亦會更為之滑。雞肉內裏釀了西班牙辣肉腸及意大利白豆，令到雞肉和肉腸之間亦吸收了各自各的精華。北海道鮮帶子煙肉露筍香辣蒜片汁扁意粉，意粉上到枱面，那巨型的帶子相當吸睛，扁意粉炒得不硬也不太軟，有少少辣 ，但很香，好似蝴蝶結姐姐不太食得辣的 也能夠接受呀。為了一睹live band ，我們不知不覺也欣賞到了十一點，呷一口酒，聽著音樂，當日有什麼壓力也通通忘記了。

朋友為我慶祝食遲來既生日飯，揀左呢間酒吧。本以為係一般既西餐，無諗過有咩特別，食物卻係意外地好味酒吧環境昏暗，內裡有桌球檯供客人篤下波；9點後仲有live band，可以任意點歌添，氣氛熱鬧朋友攜同2個小朋友一齊，酒吧竟然送左2 set木顏色筆俾小朋友作為小禮物；仲安排坐靠角落既4人梳化位，有空間俾佢地嚮小梳化度碌黎碌去；而且有小童膠碟餐具供應，好細心，service值得一讚Passion Fit有新鮮熱情果原隻奉上就咁食又得，加入梳打水混合，酸酸地好開胃！set dinner既前菜揀左煎帶子配松露蜜糖油醋汁，帶子內裡如刺身般軟，醋汁甜甜酸酸，連平時唔食菜既小朋友都食個配菜。野菌湯既蘑菇味亦好濃郁。主菜係7成熟既烤西冷牛扒伴珍珠麵，啖啖肉有炭燒味，肉汁豐富有咬口；好似豆咁既珍珠麵圓軲轆，得意好味。略嫌個雪葩太早上，食唔切！Pizza 採用薄餅底好香脆，配料十足！炸甜蕃薯好好味！烤薯條配有茄汁或鹽，粗身質地，炸得剛好唔會燶。烤黑毛豬扒叫左7成熟感覺仲好生，切開係血紅色，好難咬墨魚柳BB菠菜芝士煙肉忌廉汁意粉略嫌份量較少，墨魚柳非常鮮嫩彈牙。

這間餐廳位於K11附近，非常就腳，是夜帶honey黎慶祝食生日飯，很有情調呢！餐廳有live band ,可惜撞唔岩時間睇表演。部份小食分左bite 同full, 我地點左兩個小食，要bite的份量就夠了。先黎既係我地點既mocktail, 粉紅色果杯係left ice, 材料有honey最愛既籃莓同紅莓，入口果味濃。而我點既係crazy juice , 味道較honey點的那杯甜。香蒜辣椒欖油煎大蝦配多士，多士香脆唔左講，最正既係橄欖油加左香蒜同辣椒味道濃烈，大蝦完完全全索左香味，脆上多士，口感同味道都係滿分呀！黑毛豬肋骨雖然點既係bite size , 但份量比想像中多，足足冇四節骨！而且仲有炸薯條同沙律作配菜，夠哂抵食！主食點烤黑毛豬扒7成熟，豬扒好厚，比手掌還要長！豬扒入口烤香滿載之餘，仲好juicy，肉味濃郁，比和牛更好味呀！帶子煙肉蘆筍蒜片鮑汁扁意粉意粉清清地冇咁heavy。最愛既係蘆筍切成片，加左蒜片同鮑汁一齊煮去除左蘆筍既青味。意粉入口有嚼勁，水準不俗。主角北海道鮮帶子勁大粒，仲有3隻之多，好抵食！帶子肥大肉厚，輕煎過令帶子表面入口更香，口感爽嫩。整碟意粉賣相不但吸引，

第二次黎呢到食啦，會返轉頭既餐廳真係唔多，呢間係其中一間，無論系氣氛，抑或系food quality，都真系相當唔錯! 野飲叫了mocktail第一款的BC punch, 由berries syrup，lime juice 同plum溝soda water，飲落酸酸地，好refreshing，如果想再酸d既話，可以擠埋青檸汁。香辣牛肉墨西哥烤餅，上次食完印象好好,所以今次又再叫，我覺得可以再辣d，不過要配合大眾口味，我明白，但已經好惹味! 拿上手熱辣辣， 塊餅烤得好香，牛肉也很出，食既時候記得加d sauce食，味道層次會更豐富，我最鐘意加埋tomato salsa，因為可以幫助balance肉味，味道會清新d。烤乳豬件，豬皮脆，肉質嫩到不得了，豬味新鮮，仲有薯仔焗到有點煙煙韌韌咁，堪稱完名既一道菜。至尊pizza，配料豐富，有蝦仁，辣肉腸，雞肉，蕃茄同大量芝士等，超級大堆頭，真系幾rich，薄餅又薄又脆。

一間餐廳能令我再三encore定必有它的魅力，Nathan Left雖然是一間酒吧餐廳，但無論飲品還是食物都比許多西餐廳還要岀色，每次都令我十分回味。餐廳地方頗大，燈光舒適，加上輕快的音樂，不失為放工後happy hour或與好友相聚的好地方。好友放工遲到，點菜的重仼就交由我發辦。輕煎北海道帶子伴63度溫泉蛋（$148）一客有三隻北海道帶子，中間伴有一隻搖搖欲墜的溫泉蛋。帶子表面輕輕煎香至金黃色，賣相誘人。帶子口感柔軟飽滿，味道鮮甜，上面放有脆Parma ham，鹹香度低了，但口感更為豐富。鮮牛肝菌燴乳鴿肉自家製寬條麵配白松露菌油（$188）一上桌就已經聞到牛肝菌的香氣傳來，我們立即夾起來試試，先要讚讚寬條麵的口感，煮得夠al dente不淋身，吃來略有咬口，生熟度控制得宜。乳鴿肉切成粒狀，燴得入味，牛肝菌用上新鮮的，也明顯令整體味道更香，水準之作。煙三文魚pizza ($138)想不到這兒連pizza也如此有水準！pizza屬厚底，新鮮熱騰騰岀爐趁熱食，餅底做得夠軟熟有質感！輕輕一拉亦有芝士拉絲，芝味十足。煙三文魚也下得慷慨，每啖都充滿鹹香，加上燈籠椒、洋蔥等配料，味道豐富。飲品方面

尖沙咀的赫德道酒吧林立，要增加競爭力，好多舊鋪都會翻新 M1 就係其中一間~ 呢間門面充滿懷舊色彩的，就係以前的M1, 依家改左名 ~彌敦左岸~ 樓下就似ROAD SIDE BAR咁，好RELAX, 好開揚~ 但一上到樓上就完全唔同哂 好似過左條時光隧道~ 好有OLD SCHOOL 既英倫FEEL~ 而且佔地仲好廣添~ 有一個長長吧枱之餘，仲有一個大堂同高腳吧枱位~ 最吸晴的，當然係呢個咁有氣勢的LIVE BAND STAGE~ 每晚九點開始就會有LIVE BAND 係度演奏~ 家下有LIVE BAND 的地方真係好少~ 配合埋呢度既環境，真係好有時光倒流的感覺~ 落單後先送來兩塊免費多士~ 香脆可口 西班牙辣肉腸白酒忌廉汁煮紐西蘭刀見蜆 HKD 168 估唔到刀見蜆咁大隻，成塊多士咁大~ 蜆肉超大，煮到剛熟，好嫩滑~ 配有辣肉腸, 菇片和忌廉汁~ 開始仲以為辣肉腸會有少少辣，但原來一D 都唔辣 忌廉汁的味道亦較淡，落多2粒鹽吊下味會更惹味~ 西班牙黑毛豬火腿蜜桃BB菠菜沙律配芥茉籽蜜糖油醋汁 HKD 118 好欣賞呢個沙律 菠菜好夠fresah, 黑毛豬片唔太咸

We randomly made a family dinner at Nathan Left on a Thursday night. Food is surprisingly exquisite in a bar restaurant and surprisingly full-house (95% seated on a normal Thursday night!). I would truly recommend this place with big area and numerous friendly servers to relax and chill, despite of relatively small food portion.Healthy selectionAlaska king crab meat avocado roll with mango sorbet $148So delicate, quite a nice match. Big bitesGrilled Spanish duroc pork loin steak $158Roasted Aust

經過這邊總會被它的霓虹光管所吸引。步入這邊感覺立即融入了這邊的氣氛，幽暗的環境叫人相當放鬆。再者，這邊的酒水也蠻多款式的，一班好友來這邊嘆一嘆就是不錯的選擇。 小食拼盤 ($298) 這個小食拼盤該是我這陣子吃過最豪華的小食拼盤，拼盤入面包括：澳洲和牛串、德國腸、香蒜辣椒欖油煎虎蝦、法式焗田螺、炸雞鎚、脆炸軟殼蟹、巴馬火腿蜜瓜。 我很喜歡當中的澳洲和牛串，外層金黃，中間嫩而多汁，而且不會膩，而且吃過返尋味；德國腸中間部分帶點點辣的，而且帶點油油的感覺，為味道跟口感帶來更豐富層次；香蒜辣椒欖油煎虎蝦帶些微辣，器皿內因為裝著欖油，讓蝦可以保持著溫度，吃的時候味道恰到好處，而且還爽爽的，叫人愛不釋口，但蝦的確要快食，要不然就會過熟；法式焗田螺相當彈牙，廚師加入牛油焗製田螺，此舉乃正常之事，但略嫌它有點鹹跟不夠牛油香；炸雞鎚外層香脆，中間部分嫩滑多汁，相當不錯；脆炸軟殼蟹金黃香脆，油膩感並不算重；巴馬火腿夠鹹香，加入清甜多汁的蜜瓜，兩者再一次在我口腔之中發揮著讓人意想不到的化學作用，一次過感受到鹹甜之間，由鹹到甜再混合在一起的豐富味道，讓人喜歡。 Peachy Coco ($68)P

尖沙咀   要搵個地方 飲下野傾下計 其實唔難  一街都係Bar  一街都係餐廳但係要搵間可以飲下野 傾下計  而食物有返咁上下質素既其實有難度好彩  今晚經朋友介紹   去左呢間Bar度坐左晚  食左餐高質晚餐 呢度樓高兩層  坐低眼見好多放工一族都過左黎飲野   同朋友都唔算係好大食既人   所以我地只係叫左兩樣野  不過都夠哂飽  因為份量都幾足 手拆蟹肉蟹粉汁自家製意大利粉伴鮮海膽 (限量發售)意粉唔係出面現醒買返黎  聽店員講係廚師親自製造咬落口 口感又真係比一般既有小小唔同  麵身彈牙得黎又有口感海膽就更加唔話得    你可以就咁食一啖  FEEL一FEEL佢個鮮味當然又可以撈埋成個意粉連SAUCE咁樣食  兩個唔同感覺當然最重要係唔好擺到最尾食呀  如果唔係幾高級食海膽都會有腥味嫁喇另外要讚讚個蟹粉汁 又CREAMY  又夠味又香濃  真係一開始食就食到我地兩個心心眼呀!   再睇下Menu   樣樣小食都想食  但係又知道你唔會食得哂  好彩朋友眼利見倒個小食併盤  岩哂數  就呢一個喇建議大家一黎到要食左個香蒜辣樣欖油煎虎蝦 同埋  法式焗田螺先兩個都係熱辣辣送上枱 

每次想約朋友傾計 一定會去呢D有酒飲既地方 因為好多時都唔會限幾時要交枱 感覺亦都relax d 尖沙咀都有好多間呢類型既餐廳 咁岩搵到呢間未食過 就決定係度食晚餐坐低無耐 餐廳有live band演出緊食住飯有live band聽下都幾relax法式焗田螺Escargot一直都係我既all time favorite份量都唔少 有6隻田螺薯仔巧妙地放係田螺下面配上香草牛油一齊焗吸收哂所有精華味道特別香濃一道令人滿足既前菜低溫慢煮三文魚藜麥香芒沙律三文魚用宜家好受歡迎既低溫慢煮烹調方法令到魚肉保持嫩滑藜麥配上香芒酸酸甜甜 非常開胃呢個沙律好味之餘亦好健康12小時低溫慢煮烤乳豬件乳豬好嫩 切開既時候 已經感覺到外皮好脆 但入面係好軟 食落重有肉汁 一啲都唔肥 烤乳豬既時候 薯仔已經同乳豬一齊烤 所以豬既油份會入左落D薯仔度 薯仔食落好香上碟時 整份食物都好夠熱 係即叫即做的感覺Peachy Coco有少少桃味 唔會太甜 飲落好香 香味重會停留一陣係個口度 上面重有2粒荔枝 味道好夾 係清新的感覺Nathan Garden呢杯mocktail調得非常好飲第一啖 係好新鮮既蘋果汁味再停留係口

友人呢兩日生日，剛巧原來逢星期日有特別優惠，凡點任何飲品，即可全單食品七折，超級抵。無啦啦平了一截，可多點一杯drink雖然逢星期五有live band氣氛較hyper，但其實平日靜靜地沒live show，這寧靜對我這種納悶的人更為合適。Nathan Left 彌敦左岸系一間 Bar & Restaurant，食物整體可以說是非常非常不錯，酒類亦有大量選擇，無論是Signature Cocktail、Mocktail、Spirits或是一般較大眾化的Alcoholic/ non-alcoholic drinks，應有盡有。Earl Grey on Rock($88 H.H./ $108 N.H.): 由Gin、伯爵茶、肉桂及蘋果汁等調製的一款Cocktail，Earl Grey及肉桂味較突出，蠻有特色，另外還滲透著陣陣Gin酒味。Passion Fit($68 H.H/ $88 N.H.): 由熱情果、veggie fruit及西柚等水果作主調，加上梳打水的一杯無酒精Mocktail，味道柔和而偏酸，較適合女性，友人表示讚好。小食拼盤($298*30% off) (澳洲和牛串、德國腸

三五知己Happy Saturday行街食飯飲野 今次就揀左呢間近赫德道 有兩層地下個層飲酒Happy Hour 我地會食Dinner所以被帶上兩樓 嘩 原來有表演舞台架 今晚仲有DJ打碟 好有氣氛 西班牙黑毛豬蜜桃BB波菜沙律芥末蜜糖油醋汁 份量都多 BB波菜嫩囗 配鹹香黑毛豬火腿 鮮蜜桃 同食好開胃 真係不錯的選擇 法式焗田螺 田螺肉夠晒滋味 薯蓉又滑 正呀手拆蟹肉蟹粉汁自家製意大利粉伴鮮海膽賣相靚 味道一流 蟹肉同蟹膏都好多 加埋新鮮海膽 忍唔到即刻食左海膽先 竟然甘香滑鮮 同埋係無腥味架西班牙黑毛豬火腿火箭菜pizza焗得pizza皮脆仆仆 火箭菜嘅辣味同鹹香火腿互相輝影 實在太好味 我一個也食左三塊炸甜蕃薯條炸得好酥 鬆脆 較特別 同薯條唔太同 辣肉腸白酒忌廉汁煮紐西蘭刀貝蜆 跟多士蜆肉煮得剛剛熟 又咬口唔韌 好鮮甜 辣肉腸切粒同忌廉汁同煮 好香用多士點來食好正多款cocktail同beer選擇 自家製好靚又好飲

今晚高興約左朋友去晚飯傾計 約左8點鐘先到先等…大家都差不多時間到 聽聞話有現場歌手註場 可惜原來閒日先有時段 而今晚就係DJ 打碟 都幾有氣氛啊 搵次閒日去同聽下歌 飲品分有酒精或無酒精 有特色自家制造 cocktails BC punch 又靚又好飲 雜莓梳打不太甜 Earl Grey On Rock酒味濃 特別用左Earl Grey Tea 製原味冰粒時唔會越飲越淡 passion friut西班牙黑毛豬蜜桃BB波菜Salad配芥末籽蜜糖油醋汁 $118簡單新鮮已經好好味 黑毛豬嘅鹹香 配蜜桃而用上新鮮的 BB波菜亦好新鮮無菜腥味 正開胃本人推介 西班牙辣肉腸白酒汁煮紐西蘭刀貝蜆 $118跟兩片多士 個汁真係好好味 而蜆本身煮得剛熟 口感鮮 蜆肉肥美又帶些喊喊海水味 加左惹味辣肉腸辣有嚼頭 小食拼盤 $298識揀更係揀拼盤 每樣都可以食到 澳洲和牛串 牛肉軟身 外層燒得香脆 德國腸 夠惹味 酥炸軟殼蟹 外脆鬆化蟹肉嫩 法國焗田螺 田螺嘅薯蓉最好味 田螺就靠調味 巴馬火腿蜜瓜 兩者同食完美配搭 炸雞搥 醃得入味 食時還Juicy 香蒜辣欖油煎虎虾 微辣開胃 彈牙爽口 西班牙火箭菜

第二次來這間酒吧餐廳吃晚飯了。 這兒的環境很舒服, 比較昏暗, 製造了一種很舒適的氣氛, 很適合和朋友來這裏喝酒和吃晚飯。飲品方面, 我們點了一杯有酒精飲品和一杯Mocktail。我點了一杯有雜莓成份的mocktail, 入面用了mixed berry puree、雜莓、牛奶混合而成, 酸酸甜甜很開胃。小食方面, 我們點了低溫慢煮三文魚藜麥芒果沙律和法式焗田螺, 另外, 我們也點了牛肉墨西哥烤餅。三文魚藜麥香芒沙律的份量比我想像中大, 裡面的芒果酸酸甜甜, 很開胃, 上面的三文魚肉質嫩滑。牛肉墨西哥烤餅是配了酸忌廉、牛油梨醬及蕃茄莎莎。甜品方面, 我們點了半熟芝士撻伴榴槤雪糕和法式綠茶拿破崙伴紅莓雪葩。半熟芝士撻的芝士味濃郁突出, 咬一啖已充分吃到芝士的味道, 入面是半融狀態, 流心的芝士醬很滑。綠茶拿破崙很鬆脆, 帶點綠茶甘香味。

自從結婚後已經好耐冇試過同朋友去酒吧飲野或者夜晚約人出街睇波，今晚趁老婆約左朋友我都約老友食飯。老友訂左呢間尖沙咀赫德道的彌敦左岸同我撐枱腳。👬由於太耐冇過呢邊飲野，所以我都不知道赫德道開左呢間有LIVE BAND表現的酒吧餐廳。由於老友驚我搵唔到，所以仍約我係N1出口等，轉個彎就到彌敦左岸。餐廳位於1樓，係地下果層經過可能留意唔到原來有間餐廳。彌敦左岸裝修好有格調，我地坐的位置好接近LIVE BAND用的表演臺，不過由於時間尚早所以未有表演。根據之前去好多酒吧食野的經驗，一般食物款式選擇唔多，我以為老友係貪呢度環境氣氛好，所以黎飲野吹吹水。但當店員攞Menu俾我地再細心介給餐廳的菜式時，我先知原來呢度係一間正正式式的西餐廳。🙈夜晚會有Live Band表演，不過我地今日早黎未有機會欣賞到。餐廳入面仲有一部份應該係要預訂先可以享用的地方。餐牌上食物款式好多，花多眼亂所以我地先點左飲品再慢慢揀野食。😆我地一人點左一杯Mocktail，老友點左Left Ice，我試左一啖，味就好自然，奶味唔會太濃，果味好突出，同埋唔會太甜。我點左杯清清地的Peachy Coco，茶底主要係蜜桃味紅茶，有微