影片
更多
2017-08-09
48 瀏覽
尖沙咀 要搵個地方 飲下野傾下計 其實唔難 一街都係Bar 一街都係餐廳但係要搵間可以飲下野 傾下計 而食物有返咁上下質素既其實有難度好彩 今晚經朋友介紹 去左呢間Bar度坐左晚 食左餐高質晚餐 呢度樓高兩層 坐低眼見好多放工一族都過左黎飲野 同朋友都唔算係好大食既人 所以我地只係叫左兩樣野 不過都夠哂飽 因為份量都幾足 手拆蟹肉蟹粉汁自家製意大利粉伴鮮海膽 (限量發售)意粉唔係出面現醒買返黎 聽店員講係廚師親自製造咬落口 口感又真係比一般既有小小唔同 麵身彈牙得黎又有口感海膽就更加唔話得 你可以就咁食一啖 FEEL一FEEL佢個鮮味當然又可以撈埋成個意粉連SAUCE咁樣食 兩個唔同感覺當然最重要係唔好擺到最尾食呀 如果唔係幾高級食海膽都會有腥味嫁喇另外要讚讚個蟹粉汁 又CREAMY 又夠味又香濃 真係一開始食就食到我地兩個心心眼呀! 再睇下Menu 樣樣小食都想食 但係又知道你唔會食得哂 好彩朋友眼利見倒個小食併盤 岩哂數 就呢一個喇建議大家一黎到要食左個香蒜辣樣欖油煎虎蝦 同埋 法式焗田螺先兩個都係熱辣辣送上枱
一街都係Bar 一街都係餐廳
但係要搵間可以飲下野 傾下計 而食物有返咁上下質素既其實有難度
好彩 今晚經朋友介紹 去左呢間Bar度坐左晚 食左餐高質晚餐
呢度樓高兩層 坐低眼見好多放工一族都過左黎飲野
同朋友都唔算係好大食既人 所以我地只係叫左兩樣野 不過都夠哂飽 因為份量都幾足
手拆蟹肉蟹粉汁自家製意大利粉伴鮮海膽 (限量發售)
意粉唔係出面現醒買返黎 聽店員講係廚師親自製造
咬落口 口感又真係比一般既有小小唔同 麵身彈牙得黎又有口感
海膽就更加唔話得 你可以就咁食一啖 FEEL一FEEL佢個鮮味
當然又可以撈埋成個意粉連SAUCE咁樣食 兩個唔同感覺
當然最重要係唔好擺到最尾食呀 如果唔係幾高級食海膽都會有腥味嫁喇
另外要讚讚個蟹粉汁 又CREAMY 又夠味又香濃 真係一開始食就食到我地兩個心心眼呀!
再睇下Menu 樣樣小食都想食 但係又知道你唔會食得哂 好彩朋友眼利
見倒個小食併盤 岩哂數 就呢一個喇
建議大家一黎到要食左個香蒜辣樣欖油煎虎蝦 同埋 法式焗田螺先
兩個都係熱辣辣送上枱 虎蝦要拆左殼再狠狠咁點下D欖油同香蒜 咁先食到呢味小食既精髓
澳洲和牛串 每人可以食一串唔洗爭 肉質大約係6-7成熟 岩哂自已口味
咬落去仲會FEEL倒啖啖既肉汁保留左係肉入面 正呀!
炸雞鎚 差唔多時間可以食喇 始終都係炸野 我唔敢一擺上枱就食 怕熱氣麻!
脆炸軟殼蟹 反而有少少驚喜 炸完出黎一D都唔油膩 有手心咁大隻嫁
同樣係二人份量 唔洗爭
德國腸 不過不失
巴馬火腿蜜瓜 就最岩留到最後先食喇 食左咁多濃味野食
食返幾件蜜瓜 感覺都特別甜
飲品方面我地一共叫左兩杯Mocktail - Left Ice 同埋Sweetie Dream
個人比較中意自己杯 Left Ice 其實佢係一杯沙冰 唔太甜岩岩好 想解渴既話就一流
另一杯Sweetie Dream 如果鐘意飲甜野既朋友 呢杯一定岩你口味
檸檬撻
朋友覺得未夠喉埋單前追加左個檸檬撻
其實原本想食個心太軟 不過店員建議我地可以試下呢個檸檬撻因為佢配既雪糕係第度食唔倒嫁
點解? 原來都係因為廚房師傅自己整嫁
食落又真係有D唔同
如果想達到最住味覺效果呢 最緊要一啖檸檬撻一啖雪糕
咁就可以唔太酸又唔太甜 岩岩好喇!
坐左成晚 同朋友傾下計 又唔錯呀
坐得舒服 野食又好味 又多一個可以放落我個尖咀既餐廳LIST 喇
張貼
