彌敦左岸

營業中

休息中

朋友心情不太好,工作壓力大, 於是放工相約我到附近酒吧~ 彌敦左岸 ,食野飲野, relax 一下, 傾傾心事 。 這裝修具有英式特式風格,好有西方感覺。 店分別有二層, 這是入門口那層。我地在第二層用餐, 地方寬敞十分舒適。 約7點多起就滿客,所以就要預先訂座。**到了酒吧,當然要飲酒精飲品, 我地二人點雞尾酒! Earl Grey On Rock (HH $98) ~ 聞起來甜甜地,有淡淡肉桂味,入口卻帶點清新,酒精味不太重。 Taste of Life (HH $108) ~ 味道似什果賓治,只不果有少少酒味呢! happy Hour 時間點D酒精飲品會特別平D**【低溫慢煮三文魚藜麥香芒沙律】 $138 厚身三文魚經過低温煮而成,魚肉嫩口魚香重 (朋友仲以為是三文魚魚生), 而底下有高纖維的藜麥口感似芝麻, 搭上甜甜的香芒粒及酸酸的蕃茄作調味,十分開胃健康!**【美式煙燻醬燒西班牙黑毛豬肋骨】 全份 $198 這肋骨烤得剛剛好,入口外焦香內肉質鮮嫩, 又諗又多汁不韌夠晒味,配上醬燒調味,令肉更惹味, 而旁的薯條好香脆口。**【西班牙辣肉腸白酒忌廉汁煮紐西蘭刀貝蜆】 $168

星期六約左舊同事出黎飲野 佢介紹我黎尖沙咀呢間餐廳位置方便 食物質素又高 咁就一於試下喇當日有隊BAND係到唱歌 氣氛幾好睇番MENU食物選擇都吾少喎 小食黎講一見到鵝肝一定係必叫佢有BITE/ FULL 黑我咁中意食當然係FULL SIZE喇鵝肝份量十足又夠厚切 值得一讚配多士呢個組合永遠無得輸 一咬油脂香氣四溢入口半融感覺真係無可替代主食揀左燒羊架 侍應姐姐推介5成熟因為我本時食開7成本身都淆青怕太生但其實可接受喎 5成肉質仲比較冧完全吾UN口羊架羊味夠得黎又吾太蘇味 大家都覺得好正伴碟既黃芥末都幾辣下 吾食得辣既朋友仔要留意另外叫左個牛肝菌意大利飯伴63度温泉蛋牛肝菌夠香口 個汁吾太膩另外特別要讚個温泉蛋 63度有D温度得黎吾會冷冰冰配合暖笠笠既飯一齊食口感一流飲品朋友仔叫左杯COCKTAIL 個名叫 BREAK UP好搞笑酒精濃度較高 入口微微有D橙味我就叫左杯MOCOKTAIL-SWEETIES DREAM第一啖好香白朱古力味 飲落到喉嚨咖啡味就出黎甜味剛好岩我口味吾覺吾覺我地呢餐飲下食下坐左3個幾鍾黎緊聖誕節可以考慮同朋友黎玩

今天是我和男朋友的週年記念，選擇一間有feel的餐廳是一定的吧！在他千辛萬苦，芸芸餐廳之中，他選擇了這間—Nathan left。晚上8時許，我們到達了尖沙咀，我已經抱著興奮的心情前去。穿過尖沙咀站，走到了尖東N3出口，出去再走3，4分鐘便到達，位置方便。餐廳有兩層，地下主要是一些吧枱。不少外國人在這裏飲番一兩杯chill下。上層就主要是用餐的食客。往樓梯上去已經聽到美妙live band的音樂聲。我們被安排坐在live Band前的二人座。一路都很怕live Band的音樂聲很轟烈，很嘈吵，連說話也很辛苦。但我喜歡這裏的原因是因為live Band很柔和，主要是唱Michael Jackson啲歌曲，很溫柔，很享受，聲響不會太大。坐下都已經9時，我們迫不及待地order食物。我們先點了兩杯飲品，再慢慢細看餐牌。Crazy juice $88我一向都是菠蘿汁和椰汁的粉絲。這就是用了菠蘿汁，橙汁，椰汁一起調製的mocktail。椰汁和菠蘿味道非常濃郁，凍冰冰的。上面更灑上椰絲，猶如一個雪面。細心品嚐，能夠吃到一絲絲的椰絲口感。Taste of life $138我男朋友就點了這杯cock

今晚book左位近近地試下呢間西餐，一入到去環境氣氛幾好，見到有live band位可以有現場歌聽，行入少少有桌球枱，因為可能本身呢間餐廳前身係一間酒吧關係所以都有呢d設施。🤘🏻🤘🏻🤘🏻呢杯係一杯無酒精嘅mocktail, 叫做passion fit, 用咗西柚汁做底，之後再加埋熱情果肉同埋梳打水混合。香蒜辣椒欖油煎虎蝦配多士啲蝦好香蒜味，亦都好新鮮彈牙，一定要用塊多士去點啲蝦油食落去好香口。西班牙辣肉腸白酒忌廉汁煮紐西蘭刀貝蜆你到個感覺係超大隻嘅顯，佢個汁用黎點蒜蓉包可以食到好多塊，超級好味。法式龍蝦湯一嚟到好香龍蝦味，個湯仲好creamy，入口好滑，呢個湯值得推介。手拆鮮蟹肉蟹粉粟米意大利飯配低溫慢煮烤黑毛豬腩肉鍾意食意大利飯嘅人一定要點呢個食，唔好錯過，佢個黑毛豬腩肉好林，啲意大利飯果汁配合得好好，好惹味。

As I stepped into the dark and sophisticated pub, I had a feeling like I was in another country. The interior decoration was unlike what I had imagined, and the place was well furnished and had a relaxing, yet jazzy vibe to it. Coupled with the jazz music playing in the background, the place was very suave indeed.Arriving at such a place, it was only appropriate that we had ordered drinks first. Being the non-alcoholic, I had a Nathan Garden, which was appropriately named as it was very floral a

與朋友行街， 經過尖沙咀這條街，看見很多酒吧！上前試試（其實之前喺網上已留意這餐廳）。 時間尚早，人流不多！餐廳設置有情調，燈光灰暗，還有酒吧風格！一入門口就看到調酒位...每檯均有一燈，幾有情調餐廳已西餐為主，食物種類多。 首先試：低溫慢煮三文魚藜麥香茫沙律 如圖所見，10分吸引，美觀！藜麥、香茫與其他配料，攪拌而成。口感爽，清涼。上層鋪上一大塊低溫慢煮三文魚，口感淋身易入口，幾清新，特別！再黎：手折蟹肉蟹粉意大利粉配海膽 最愛海膽，邪惡、吸引，份量十足，用新鮮蟹肉加上自家製意大利粉， 配上特製醬汁而成，最上層鋪上邪惡嘅海膽，上檯即時手機拍照先 意大利粉軟硬適中，有口感，一口意粉中夾新鮮蟹肉，好滿足西班牙黑毛豬燒肋骨（半份） 因為二人關係，當然係叫半分啦！但其份量很足的！豬肋骨燒得很香，肉質嫩，多汁！淋上秘制醬汁，！沙律新鮮，薯條大大條，是厚切的，口感佳，熱辣辣，薯味十足

放假同朋友落去happy hour，這間彌敦左岸是在尖沙咀赫德道，近寶勒巷那邊的街頭。餐廳食物款式頗多，實有一款啱食。先點了兩杯飲品，傾下計，之後再點了幾款食物share食。Earl Grey on rock 開始時酒味比較嗆喉，越飲伯爵茶冰開始溶化，茶味滲出，越飲越有味道。Highland orange 橙味濃郁配上whisky的酒味，配搭不錯。Caesar salad with smoked salmon羅馬生菜爽脆新鮮，煙肉碎炸得香脆，表面舖上大量的芝士碎，咸香味十足，煙三文魚有咸香味，整體有濃郁芝士味，非常清新。西班牙辣肉腸香辣牛肉pizzaPizza是薄的餅乾底，焗得香脆，表面有大量的芝士，辣肉腸不辣，有咸香味，所以薄底都很濃郁，但不過不會太咸。鹽焗去骨時令鮮魚配蔬菜鮮魚表面是厚厚的海鹽，食前要去掉整塊的海鹽，魚肉多汁嫩滑，魚肚內放有辣椒及檸檬去除腥味，所以魚肉有點辣但完全唔腥及有點檸檬香，味道帶點清香。配菜是西蘭花、椰菜花及蘆筍，蔬菜爽脆。半溶芝士撻伴雲尼拿雪糕芝士撻皮焗很鬆脆，一切開芝士呈cream狀，不會太稀，芝士味濃郁，甜度適中，但比較膩，雲尼拿雪糕的雲尼拿味很濃郁，

赫德道是尖沙咀的酒吧街之一，兩邊除了是餐廳就是酒吧，現時的酒吧多數已轉型叫Restaurant & Bar，即是做餐廳，有正正經經的Dinner set，而這間彌敦左岸有分上下兩層，地下主要是做酒吧，樓上會坐得舒服一點，所以是做西式晚餐。餐廳有很多西式食物，包括基本的扒、意粉及伴酒小食等，款式甚多。當然最主要既都是酒類飲品，happy hour時間為4至9。炸日本甜蕃薯條bite 炸蕃薯條外層炸得香脆，質感跟炸薯條一樣，不過味道比較甜。手拆蟹肉蟹粉汁自家製意大利粉伴鮮海膽意粉表面有很多的海膽，海膽鮮甜有淡淡海水咸味，意粉是自家製，質感似中式麵條幼身，有咬口且彈牙。番茄汁中有蟹肉及很多蟹膏，整體汁多豐富。低溫慢煮乳烤乳豬件配茴香手指薯及芥杍蘋果燒汁乳豬脾外面焗得香脆，肉質鮮嫩多汁，不會太油膩，而且沒有豬騷味，配上帶點酸甜味的蘋果汁，減輕油膩感。法式綠茶拿破崙伴紅莓雪葩拿破崙又薄又脆，中間的綠茶餡不會太甜，綠茶味很香，配上紅莓雪葩酸味比較重，非常消滯。Taste of Life橙汁溝酒，甜度比較高，有淡淡酒香。Peachy coco桃味比較淡，茶味較濃，甜度較低，淡淡的茶香很消滯。總括而言

星期五放工後，約下朋友飲嘢、吹下水，輕鬆下，迎接愉快週末赫徳道有很多間酒吧，彌敦左岸喺其中一間，樓下喺酒吧，而樓上喺餐廳酒吧中央設有舞台，侍應姐姐話一陣有Live Band 表演， 暫時播放著輕快音樂，配上柔和燈光，令人好relaxEarl Grey on Rock 喺餐廳signature cocktail 自己調製出來的酒，earl grey 味道好香，冰塊唔喺普通既𣲙，用左earl gray 做basic, 所以可以保持茶茶，酒份量適中，加埋肉桂條，味道特別，客易入囗辣肉腸白洒忌廉汁煮刀貝蜆刀貝蜆新鮮肥美，味道鮮甜，辣肉腸切成碎粒粒，令到刀貝味道更為突出西班牙黑毛豬好厚身，表面烤到好香，裡面依然幼嫰多汁，唔會靱想吃埋心太軟甜品，不過，實在太飽，唯有下次再試啦

呢度一大班朋友gathering ，拍拖甜蜜，慶祝生日，都非常適合而且仲有樂隊live表演，超值最重要係啲野食全部都好好味！溫馨提示，呢度既食物份量都幾大架叫左個沙律開開胃先，凱撒沙律$98菜夠新鮮，配埋凱撒醬，已經無得輸呢個非常抵食，必叫！烤西班牙黑毛豬扒配法邊豆及燒新薯 $158塊黑毛豬好大塊，烤到個面有少少脆，而且將啲肉汁鎖住，就咁食或者點醬食都好好味配料都一樣咁新鮮，我連薯仔都食晒呢碟用料十足！手拆蟹肉蟹粉汁自家製意大利粉伴鮮海膽$208請注意，係限量發售架海膽有兩層架，仲要係鮮海膽，再加埋大量蟹肉蟹粉，已經超值啦！啲蟹粉汁都幾濃味架，配埋啲意粉特別正甜品出場心太軟，$68一切開，中間朱古力既流心就不停湧出，配埋雲呢嗱雪糕就最夾一定俘虜唔少女仕既胃叫左兩杯mocktail $68@BC punchPeachy coco賣相吸引，唔會太甜兩杯都可以試下！呢度坐得好舒服架，服務態度都好好仲要喺尖沙咀咁方便下次約朋友食飯都要揀呢度！

甫踏進彌敦左岸，就覺得呢度係非一般酒吧。除左有酒吧應有嘅小食同酒精類飲品外，仲有西餐食物供應，例如意粉、扒類及pizza...除此之外，仲有live band坐陣，可惜當晚有function...冇得聽live band表演添！原來柳暗花明又一村，行入少少仲有桌球檯，食客都可以玩！Mocktail類有好幾款，我地揀左BC Punch ($68)及Peachy Coco($68) （Happy Hour價）先來一個小食拼盤（$298），嘩！好豐富呢！有澳洲和牛串，德國腸，香蒜辣椒橄欖油煎虎蝦，法式焗田螺，炸雞槌，脆炸軟殻蟹及Parma ham 配蜜瓜。咁多樣小食，啱晒樣樣都想食少少嘅我，最好食係德國腸，炸雞槌同Parma ham呢！另外一個主食係限量發售嘅手拆蟹肉蟹粉汁自家製意大利粉伴鮮海膽（$208），超濃郁蟹粉味道，蟹肉蟹膏份量都頗多，自家製意粉好有特色，第二度都食唔到呢！

彌敦左岸單看呢個餐廳嘅名字，起初以為係食中菜，點知原來係赫德道其中一間酒吧。平時經過都唔會留意到呢一間酒吧，原來酒吧嘅一樓別有洞天，係一間西餐廳，情調非常好，餐廳嘅座位好寬敞，傾計傾得好舒服。餐廳設有一個舞台，令一邊仲有一張snoker檯，好適合放工來輕鬆一下。食物方面，有set dinner亦有其他沙律、小食、主菜、pizza……等等西班牙辣肉腸白酒忌廉汁煮紐西蘭刀貝蜆$168白酒忌廉汁煮得香滑，配上切成小方塊的西班牙辣肉腸，出奇地配搭，而刀貝蜆鮮味肉嫩，最好係一粒沙都無，而且肉厚兼大大隻❤此菜還配上烘香的蒜蓉包，將蒜蓉包沾滿香滑的白酒忌廉汁，好滿足，好味。西班牙黑毛豬火腿蜜桃BB菠菜沙律配芥末籽蜜糖油醋汁$118呢個沙律個名真係好長，但係真材實料，好有驚喜，所有嘅食材都好新鮮，桃嘅份量都好多，亦都係新鮮嘅蜜桃，略嫌有少許生，不過都算甜，並唔係罐頭桃，而菠菜都係好嫩綠，配合埋個汁好醒胃，呢一個沙律真係唔錯。 手拆蟹肉蟹粉汁自家製意大利粉伴鮮海膽呢一個菜式混合左西式同日式，配搭幾新鮮，係一間西餐廳食到海膽意粉，雖然有啲奇怪，但係味道未去到好驚喜嘅質素，但係都唔太差。不過值得一讚係蟹肉

好開心有機會嚟到呢間尖沙咀佐敦附近嘅西餐廳因爲一直都想食，叫左個好正嘅墨西哥嘅黑毛豬，肉質柔嫩。再嚟多士蝦，好野味，大大隻蝦，好想再食。Pizza d 芝士拉曬出嚟，唔會孤寒。呢邊好大間環境好優雅 ， 估唔到裏面有酒吧又有桌球，可以一邊用膳一邊玩，係一個好快樂嘅地方 ， 下次有外國朋友嚟都可以帶佢哋嚟呢間餐廳另外仲有樂隊表演，好有氣氛，又浪漫。然後同我朋友每人叫杯雞尾酒， 雖然我我唔太飲酒嘅， 但係因為呢度氣氛實在太好喇，又見到隔籬飲飲得好滋味咁，所以都屈服左。服務員好有禮貌，仲會主動問我有咩需要。今次令我流連忘返 ， 好地方!!!

約咗朋友出嚟飲杯野敍舊想搵靜靜地，嘢食又好味嘅地方暢談即刻諗起呢間之前已經嚟過兩次嘅酒吧餐廳印象中佢哋嘅食物好好味，分量又足，成日都好想介紹朋友黎同朋友都唔係太好飲酒，所以叫左兩杯mock tail 朋友果杯係紅色既left ice, 我果杯啡色既sweetie dream，有espresso 啱哂我因為時間尚早大家都唔係好肚餓所以只係輕食上次黎叫咗個小食拼盤令我念念不忘！今次推介朋友一定要食強烈推薦！一次過滿足六個願望！二人份量剛剛好！有牛肉、軟殻蟹、蝦、田螺、炸雞鎚同Parma ham!上次來最令我難忘就係呢個牛肉串！肉質嫩滑！真係好好味好juicy我個人鐘意再生啲，但朋友話啱啱好呢款蝦好爽好新鮮，食既時候再沾下啲油，更加香口焗田螺又係我真心推介，夠哂入味，下面薯蓉都好正！得兩粒真係好唔夠喉！下次要獨立叫一碟田螺慢慢食！Parma ham! 本身自己冇特別鍾意食風乾火腿，但係呢個真係不得不讚佢個哈蜜瓜好甜，完全同火腿非常配合！我仲食埋我朋友果份軟殻蟹外脆內軟，點隔離個他他醬好開胃！成個小食拼盤真係冇得彈，下次黎都必點另外叫咗一個手拆蟹肉意大利粉伴鮮海膽！同朋友都係海膽忠實fans!