彌敦左岸

營業中

休息中

餐廳服務比較好, 尤其食ribs會好多骨, 餐廳會有keep住幫我地換碟, 而且都算密, 整體氣氛比較暗, 岩晒情侶食.先講下Pizza , pizza 份量多基本上夠2-3人食, 餅底微脆, 薄底, 芝士味比較重, 黑毛豬就味有點過咸唔可以獨立食, 夾埋比較淡味既餅底食先會岩岩好.卡邦妮另類版, 用既唔係意粉, 係手工粉, 口感都比較爽口, 蛋黃醬汁很重, 所以會比較香. 但就會比較濟小小, 唔好睇佢份量好似正正常常, 由於比較濟會比較易飽.2人食會比較好. Ribs 係全晚我覺得最正, 本身d醬汁十分濃味,仲要ribs好入味.  中意濃味既朋友岩晒.ribs 本身肉比較多, 十分易切,  有d 餐廳既ribs 無咩肉,  所以呢間都比較抵食仲有配埋薯條, 薯條份量足, 會比較滿足, 薯條都炸得脆同夠大條 .呢2杯mocktail 比較熱門小小, 菠蘿冰比較清甜清新.Mea spring 比較甜, 重berry味. 但我覺得都係好飲.整體價錢合理, 呢隻質素,服務,環境

Actually tried really hard to find out if the restaurant name actually had a meaning but failed, perhaps someone can enlighten me. I guess one thing the name and the restaurant have in common is... its quite difficult to put a bearing on the direction of this place. It's a sports bar live band pub restaurant? Kind of a multi theme place but somehow manage to balance each aspect into a unique chill environment.The restaurant is divided into two-level dining areas. The restaurant is dimly lit and

今日同女友黎到呢間又有格調又有情調既酒吧餐廳係呢個氛圍之下，食完真係好開心知道呢到平時仲會有live band show，諗起都興奮炸日本番薯條日本番薯就係日本番薯有陣陣番薯獨有的清甜，薯仔完全比唔上北海道帶子。緬因州龍蝦。自家製手造幼蛋麵幼蛋麵係餐廳自己手造令佢口感非常之新鮮，唔似普通餐廳係來貨既搞到Ｄ麵冇晒口感而且即使係咁濃厚既醬汁之下亦食到淡淡蛋香帶子熟度剛到，食落軟綿綿每一口都會咬出帶子的鮮甜美味龍蝦真材實料又大粒又爽口越咬越食出龍蝦獨有既鮮味至尊Pizza店員介紹呢到既Pizza都係廚房自己搓果然對食物好有要求呢到既餅底你係會食到有陣陣小麥香而且咬落比起平時PizzaHut果D更脆更香雖然只係薄底但係超足料勁多芝士同配料，有雞肉、鮮蝦、西班牙辣肉腸、莫薩里拉芝士、白菌、洋蔥、黑水欖、俄勒岡食落啖啖滿足勁正宗既西班牙辣肉腸食落又香又辣仲要超足料落左勁多知道呢到既cocktail好出名但我同女友都係唔飲酒的所以就叫左兩杯mocktail同樣高水準菠蘿冰菠蘿配上薄荷，陣味幾夾Meh Spring好靚既一杯飲品，打卡一流，味道都唔錯有香濃既梅味同玫瑰香岩晒兩個摸住杯底吹下水

夜晚黎到即刻feel到啲燈光好有氣氛～ 見到有band show位，相信如果唔係疫情底下一定好多表演睇！.<Main>✅ 烤完隻鮮龍蝦·龍蝦汁義大利飯 Grilled whole lobster , lobster sauce risotto $308 :- French chanterelle mushroom, young spinach, tomato龍蝦又彈牙又好好肉！大菇菇好入味☺️.✅ 至尊比薩 Supreme pizza $188 :- Chicken, prawn, spanish chorizo, mozzarella, button mushroom, onion, black olive, oregano芝士拉絲正！鍾意pizza餅薄皮，配料豐富😍.<Mocktail>✅ Meh Spring $78 :- Rose, lychee, cranberry, lemon好靚～ 不過偏甜，比較鍾意下面呢兩杯🤪.✅ The 菠蘿冰 $78 :- Pineapple juice, frozen mint syrup, lemon juice,

今日同朋友兩個人去到尖沙咀 見到呢間野幾有酒吧feel就上左去環境比較暗 張張枱都有細細地既燈仔照著（上一次來既時候 疫情冇咁勁 個場好嘈😂 今次就冇呢個問題）上菜時間都算快單骨雞翼 不過不失 如果保留到多d肉汁會好d 個醬（蒜蓉咸蛋）怪怪地 唔係好夾一杯波羅冰 一杯“乜春”（呀姐係咁樣叫紅色果杯野）個pizza 係足料既 不過個底就黑晒食到苦苦地最後既豬手 係最好食既一道菜 不過有d肥膏位 如果配到碗白飯就正啦🤩最後來講 除左燒焦個pizza底 其他都還好既 不過特登再番來就未必啦

第二次來到彌敦左岸了，第一次是在這邊飲酒聽音樂。這次時間來得比較早，未有LIVE BAND表演，但有播放不同的國際流行音樂MV，間中也有本地的歌手。至尊比薩 - $188 這款Pizza走拿坡里風，餅皮麵香十足，外圍較厚特別酥脆，中間帶點柔軟有彈性，表面呈現少許焦黑虎斑，搭配新鮮莫薩里拉芝士，淡香的芝士味黏著其他食材如雞肉、鮮蝦、西班牙辣肉腸等，而白菌、洋蔥和黑水欖等配料增添口感。燒德國鹹豬手 - $268 超大原隻金黃焦脆的豬手上碟，單看表面已經知道脆卜卜，外皮鬆脆而不硬，肉嫩而不散，咬下陣陣的鹹香，不過整隻要自行切開。配德國酸椰菜獨特的香氣好減膩，還有香口的脆薯角。脆辣單骨雞翼 - $88 單骨雞翼特別容易進食，整隻炸得好酥脆，有少許辣粉調味，配蒜茸蛋黃醬綿滑又帶點香甜。The 菠蘿冰 - $78並非沙冰那種，而是以蘇打水為基底，加上酸酸甜甜的菠蘿汁和檸檬汁，再加入冷凍薄荷糖漿帶點冰爽感，好清爽。Meh Spring - $78主要以檸檬汁和蔓越莓汁兩種酸甜的水果製成，但加上偏甜的玫瑰花和荔枝糖漿，整杯非常香甜。

難得約咗朋友收工時間食晚飯又想飲少少嘢傾偈諗起以前成班朋友去彌敦左岸飲嘢再聽live music 🎶🎷記得佢好似仲有得叫嘢食係尖沙咀 又近地鐵站 就揀呢個地方去girl's talk。香煎鵝肝多士🥖配無花果醬 2pcs $138鵝肝非常厚身 鵝肝煎得外香內嫩 濃濃鵝油滲入烘得香脆嘅多士 平常鵝肝多士都配青蘋果 呢個無花果口味完全解開鵝肝既油膩入口清新 一件唔夠喉 🤤不過因為我要留肚食其他嘢就冇再encore啦🤣。香蒜辣椒橄欖油煎虎蝦🦐 4pcs $98送緊黎已經聞到陣陣香味 上到枱仲係熱辣辣見到泡泡 虎蝦大大隻又彈牙鮮甜 仲有微微蒜香帶出蝦嘅鮮甜仲有2片法包點橄欖油食朋友唔習慣點橄欖油食 而我自己就好鍾意呢一個食法。烤原隻鮮龍蝦🦞 龍蝦汁意大利飯法國雞油菌 嫩菠菜 蕃茄 $308一上枱比隻龍蝦🦞嘅size嚇親非常大隻 我由佢條尾開始食上去越近頭位嘅肉越濃龍蝦鮮味 有淡淡炭燒香氣 唔會乾身食落juicy可能隻龍蝦太新鮮 個意大利飯食落都好味 啖啖都有嫩菠菜 唔會食少少就膩不過就唔太食到個龍蝦汁味 帶有蕃茄香味。THE 菠蘿冰🍸 $78炎炎夏日飲呢一杯好fresh 即時解渴菠蘿清甜加上少許

朋友生日，搵左間食物質素不錯又有氣氛既餐廳食😋呢間之前食過，印象不錯😆睇睇餐牌先，好多野簡😍😍Scottish smoked salmon($158)三文魚低溫慢煮，所以口感相當鮮甜嫩滑，配埋香芒同藜麥，味道幾refreshing!German pork knuckle($268)豬手配酸椰菜同薯角，豬手大大份，好彩店員好好會幫手切開，呢個豬手比想像中有驚喜，一開始驚會烤到好乾，但肉質其實幾嫩滑，而出面外皮同時又好香脆，Sea urchin, crab meat, hand-curved tagliatelle($258)好鐘意呢個飯！海膽份量有半隻手掌，入口即溶，相當新鮮，配埋蟹肉、紫菜、芝士，味道都幾豐富～特別欣賞手製意大利，口感無彈牙煙韌啲！叫左兩杯mocktail

今日同同事happy hour不如就順便食埋晚飯喇 黎到尖東嘅呢間彌敦左岸 裝修非常有架調 好似去咗外國嘅酒吧咁 仲有得睇波同埋有live band 不過今日就冇喇餐廳做緊Promotion 黑海龍 有半價優惠$399超級抵呀 入面已經有一斤半重嘅鮮澳洲龍蝦 上面鋪滿海膽醬同埋原片嘅黑松露 新鮮澳洲龍蝦係唔同啲 肉質非常彈牙 而且好鮮甜 海膽醬味道濃沃 令到龍蝦肉增加一份軟滑嘅口感 極度奢華嘅原片黑松露 香氣十足Supreme pizza 餅底係薄批 薄脆得嚟有少少煙韌嘅口感 上面加上海量嘅水牛芝士 同莎樂美腸 口感豐富又夠足料Mea spring 係少女嘅粉紅色 甜而不膩Pineapple 非常清甜又夠解渴 夏天必飲

閨蜜生日🎂，想搵間餐食飯慶祝🎉閨想食pizza 去openrich 睇佐啲介紹，彌敦佐岸餐廳的pizza🍕🍝都唔錯，餐廳仲有歌廳，就去試試😋先叫2杯飲品，因2個都唔太飲酒，所以叫2杯Mocktail，一杯菠蘿冰🍹，酸酸甜甜，大熱天飲一口舒服，一杯Mea spring🍸，有啲似荔枝味道，清甜。好姊妹喜歡食菌，就order佐籃芝士野菌比薩，籃芝士配野菌，好夾，厚厚一層芝士，餅底博脆，真係好食😋跟住是12小時低溫慢煮烤乳猪件，本來都怕會不會太肥膩，但食落一啲都唔會，係皮脆肉諗滑，點上秘制無花果蜜糖燒汁，2個就把整件食曬☺一點都唔覺食好溜😋最後點鮮魷魚自家手制寬條面，制作需時😅因手制寬面🤭寬面依依勒勒，配上帕馬芝士忌廉汁，太滿足啦😍因疫情都真好耐冇出街食飯，今時晚簡佐這間餐廳，食物真不錯，下次一定要帶老公來食☺😚

今日嘅晚飯黎到尖沙咀，揀咗呢間，環境幾舒適，夠晒chill嘅餐廳。叫嘅嘢食並唔多，但都夠晒飽，有飽足成晚嘅感覺。分別叫咗個海膽蟹肉闊條麵同德國鹹豬手。嘢飲我叫咗杯mocktail try try, ginger and tonic. 闊條麵用料豐富，有蟹肉，海膽，三文魚子，蕃茄仔同芝士碎。忌廉同芝士非常掛麵，淡淡都食到蟹肉加三文魚子嘅感覺。海膽就有兩大舊，食落一啲都唔失禮。德國鹹豬手就有酸菜同薯條，有茄汁同埋芥末醬。我覺得豬手整得非常好，外皮脆到不得了，但裏面啲肉仲係好柔嫩，少許粉紅色，仲保持到個水份。薯條亦都非常新鮮好味，口感極佳。嘢飲味道有少少似薑味汽水，但唔會好甜，微微嘅酸味，幾好飲。總結：場內環境幾好，嘢食亦都幾好味。款式多選擇，下次黎會試唔同嘢。

呢間酒吧喺尖沙咀K11 後面，地點就腳，依家晚市訂枱仲有折添酒吧環境好大，有兩層，二樓係幾大幾寬，環境好正，中間有個台，應該間中會有live band食物方面，選擇都唔少，正常西餐有嘅佢都有提供煙三文魚凱撒沙筗：好好味，啲沙律菜真超級爽脆，食得出好新鮮，煙三文魚都好香半份焗芝士薯皮：焗得好香脆，芝士都俾得好重手，送酒一流黑海龍：依家做緊特價，398$就有一隻足斤半嘅新鮮龍蝦，龍蝦肉鮮甜彈牙，仲有海膽，超香蛋香，好滑溜，面頭仲有原片嘅黑松露，真俾好豪華。連配菜都好好味

跟朋友來了尖沙咀吃晚飯其實都不是第一次來的了之前不是疫情, 有LIVE BAND SHOW很可惜疫情期間都停了表演項目不同了的是燈光, 光了不小。座位夠闊很好坐, 2人聊天來喝酒吃飯也很好情調-今天同朋友叫了一人一杯MOCKTAIL朋友喝的是MEH SPRING然後叫個陣, 同事說OK 一杯”乜春”好搞笑好HK地道的名字都幾好味>w< 係好似lychee jelly味的飲品好岩女仔!我就叫左菠蘿冰, 都好好飲! 相比起MEH SPRING呢杯再FRESH D同埋有小小MINT好開胃的感覺!-同朋友叫了個SWEET POTATO FRIES (FULL SIZE) $78勁抵食(._.) 來到勁大盤嚇死, 皮好香脆內心好軟又有香甜的蕃薯味, 朋友都話好中意食但2個女仔建議可以叫番BITE SIZE >V< 多人先叫FULL-然後叫左個SKEWER PLATTER 勁多野食串燒熱辣辣,影相又打卡ABLE*海鮮串有帶子,鰻魚, 三文魚&蝦 (^___^) 都好新鮮同埋燒到岩岩好佢配有沙嗲汁, 泰式生蝦汁, 同埋 羅望子醬我最中意就係生蝦汁, 因為咩野點完都好F

想搵一個方面又浪漫嘅地方好好享受2人浪漫嘅一餐？我諗彌敦左岸幫到你。步上二樓，見到極具英式風格，酒吧餐廳配上liveband表演，感覺特別醒神。咁浪漫西餐廳有美食、生蠔外...更有羊架、串燒、龍蝦等...非常吸引。Mocktail 正有優惠$78/杯...當然唔可以執輸，叫番2杯慢慢歎。THE 菠蘿冰/ Meh SpringTHE 菠蘿冰清甜易入口，檸檬跟菠蘿汁配合得剛剛好，冰涼感覺！Meh SpringMeh Spring味道較甜，玫瑰跟荔枝味，顏色酒紅，相當少女心，一飲愛上。脆香雞翼 (6件)雞翼加上香脆炸粉，每一口都食到脆香嘅味道、而雞翼中仍能保持嫩滑彈牙，非常不錯。黑海龍 - 烤焗 黑松露 海膽 龍蝦一睇個名已覺勁...仲要係一斤半重嘅新鮮澳洲龍蝦，現在仲做緊限量半價，唔食真係走寶。來到時龍蝦大大隻上面鋪滿金黃色嘅海膽、黑松露片，聞起來已香味十足！輕輕拆開龍蝦肉非常多肉，肉質結實有彈牙，配上海膽、黑松露更顯鮮味。自家製意大利芝士餅意大利芝士餅質感香滑而濃郁，啖啖creamy。

燈光比較暗 環境幾寬敞～ 適合情侶們談談心🥰法式干邑龍蝦湯 $78半熟芝士撻·自家製榴槤雪糕 $72因為當日無榴槤雪糕 所以佢地比左開心果雪糕比我地 芝士撻好流心 裏面仲超級熱🤩 味道都唔錯 食到有啲膩時可以食返個雪糕 不過甜品等得有啲耐🤔至尊比薩 $188比薩都幾多料既 但唔知點解比薩底比較濕 但邊邊又好脆 唔知係味因為散唔到熱搞到咁🤣經典意大利卡邦尼·自家製手造幼蛋麵 + 新鮮冬季黑松露菌(5g) $80由於我同男朋友都未試食真正既黑松露菌同埋唔係好多餐廳有提供 所以今日就點左黎試～ 食落口感幾特別 不過又唔係好重既黑松露味