彌敦左岸

營業中

休息中

赫德道呢度真係好多Bar and Restaurant，鍾意食晚餐有少少氣氛chill吓嘅話，#彌敦左岸 呢度會係唔錯嘅選擇！呢度偶然仲會有Live Band表演，氣氛唔錯㗎！呢度啲Cocktail都幾好飲又有特色，不過啱啱打咗針，今日就唯有乖乖飲住mocktail先🤪🍹THE 菠蘿冰加了少少薄荷糖漿和檸檬汁，飲起嚟酸酸甜甜味道清新！🍸Meh spring 就係甜甜嘅荔枝味，mix咗檸檬汁同蔓越莓汁，仲帶有少少玫瑰香味，好啱女仔飲㗎！🍖燒德國鹹豬手👉🏻絕對值得encore嘅鹹豬手！第一次食到豬手塊皮燒到好似豬腩仔咁脆卜卜😍！而且唔會dry，皮下邊仲留有一層油花，所以食起嚟勁香，真係正到暈！最驚喜係肉質都keep到好鮮嫩，食落好鬆軟，筋位有少少咬口，肉質少少鹹香味道唔錯，好食呀，係隔幾日會掛住嗰種！😋🍝鮮海膽蟹肉自家製手做寬條麵👉🏻澱粉質男孩就揀咗呢個自家歡條麵，除咗鮮甜回咁嘅海膽，仲配上了三文魚子和帕馬火腿，好似糅合左整個海洋嘅清新氣息咁鮮味，然後鮮味之中又有不同嘅層次，加埋檸檬忌廉汁提味，呢款fusion做得好好👍面身質感都唔錯，雖然係扁身嘅面但係食落都夠彈性，而且掛湯力很好👌📍彌

工作過後 總係想搵個舒服的地方食野傾下計 今次黎左尖沙咀彌敦左岸食飯一上餐廳已經覺得好relex 音樂加環境都令人覺得好chill 好舒服 飲下野傾下計最適合不過講下食左咩先～前菜又蒜香大蝦 再配兩片包大蒜超香 虎蝦彈牙蒜油配上麵包一流我地叫左黑松露菌醬烤鱸魚配貓耳朵粉烤鱸魚好嫩滑 配上黑松露菌醬好滋味 貓耳朵粉都好有咬口 松露菌醬 野菌pizza超香好有驚喜薄批配上足料野菌 仲有芝士同醬料令人食完一塊又一塊我哋仲叫咗兩杯Mocktail 菠蘿為主調一杯係荔枝 唔會太甜又有生果清香 正正下次再嚟會試下佢嘅risotto

「彌敦左岸」呢間餐廳好耐之前已經聽過，一直都想試吓一路聽住live band，一路食嘢，感覺應該會十分chill☺️ 直至去到前排終於有機會試到呢間餐廳，雖然暫時冇咗live band，但係變咗播歌同播奧運，同樣都咁有氣氛！而且嘢食質素仲要幾唔錯添😋一向麻麻哋食青口嘅我，去到餐廳淨係會嗌白酒煮青口嚟食，因為貪佢加咗酒可以去咗陣腥味🙈 而呢度嘅藍青口亦都無嗌錯，青口經過白酒忌廉汁煮過後，唔腥不特止，仲食到佢嘅小小鮮甜味😌 份量仲唔少添！不得不讚佢個汁真係好好味，用嚟點蒜蓉多士一流👍🏻本身都已經鍾意食卡邦尼意粉，見到佢係配自家製手工意粉就即刻嗌咗嚟食😍 仲加咗錢要黑松露菌(+$80)，上到嚟聞到好香嘅松露同芝士味！呢個意粉嘅醬汁比較杰身，所以一定要趁熱食，如果唔係啲意粉會痴埋一舊🙈 手工意粉口感啱啱好，每啖意粉都好掛汁，而松露味都幾出下，幾推薦鍾意食carbonara又鍾意食黑松露嘅朋友仔！至於黑毛豬肋骨佢有兩個size可以選擇，由於我哋兩個人食，所以我哋嗌左最細「Bite 」呢個份量，但個份量一啲都唔細，足夠三個人食都得😛 個rib佢燒得啱啱好，配合埋一層酸酸甜甜嘅燒烤醬調味，令佢食落唔會

難得同男朋友過嚟尖沙咀拍拖，梗係要搵一個地方浪漫咁撐枱腳。左揀右揀，揀咗一間喺赫德道嘅酒吧餐廳，叫彌敦左岸。入到嚟環境唔錯，餐廳嘅燈亮度唔光，但每個座位都有一盞枱燈仔，營造浪漫嘅效果。位子坐得舒服，環境好chill 好relax。好！叫嘢食先，我地叫左:意大利生牛肉韃靼配薯條生牛肉賣相好靚啊！特別中間嘅蛋黃，顏色非常紅，同平時食開嘅黃色蛋黃唔同。以前非常抗拒食生牛肉，而家越食越鍾意，因為生牛肉食落一啲都吾生，食得出有洋蔥味，好fresh，味道仲帶甜。點蛋黃食真係非常之夾，食完返尋味。薯條好大一兜，炸得非常金黃香脆，每條都好粗，好有口感。同男朋友邊傾邊食，咁大兜最後比我食晒啦。米蘭式燴牛仔膝•蕃紅花意大利飯以為係好細碟嘅意大利飯，點知上碟先見到好大份量，岩晒一齊Share。牛仔膝都係第一次試，肉既質一啲都唔鞋，仲有啲滑，好易甩骨，啖啖肉。美中不足既係醬汁有啲淡，如重味少少會更為加分。烤低溫慢煮西班牙黑毛豬鞍(黑胡椒燒汁)係厚切既豬鞍！足足有10安士。由於係慢煮嘅關係，黑毛豬口感仍然保持嫩滑多汁，外面仲有小小香口既感覺。雖然邊邊有少少🤏肥膏，但食落完全冇油膩感，仲覺得好好味。側邊紫色嘅係紫

*鵝肝多士 ($178 3pc)*鵝肝偏腍身，多士有烘底，最驚喜係佢既無花果完全能夠中和鵝肝既油膩感，食完吾覺得滯😋*威靈頓牛柳 ($368)*酥皮呈金黃色，香脆得尼吾會一切就散，所以吾洗擔心酥皮同牛柳要分開食。牛柳五成熟，有肉汁而且肉味重。牛柳都幾大塊，即使大塊都吾韌，所以吾點汁食都吾會覺得乾。佢地都比左黑松露汁同芥末汁我地點尼食。私心偏愛黑松露汁 更夾牛柳既肉味🥩*烤黑松露醬海鱸魚柳貓耳朵 ($188)*海鱸魚柳相比龍利柳口感更結實，而黑松露醬意外地加重魚柳本身偏淡既口味。貓耳朵既汁偏清同鮮味，吾會蓋過主角魚柳既味道。*THE ($78)*尼一杯mocktail係菠蘿冰尼，不過佢既成份吾止係菠蘿汁，仲有檸檬汁，所以飲落更開胃🍋🍊*Meh Spring ($78)*尼一杯幾新奇，因為佢用好幾種花果汁溝埋既，有荔枝，玫瑰花蜜，檸檬等 好fresh🌸😙彌敦左岸 (尖沙咀)地址：尖沙咀赫德道5-9號德裕中心地下及1樓

約朋友見面吹下水，但唔知去邊好，最後就揀左呢間餐廳，呢度燈光昏暗，營造成一個比較令人放鬆既環境，非常適合坐底傾計談心Spanish Iberico ham pineapple pizza西班牙黑毛豬火腿菠蘿比薩($168)看似普通既麵團加埋大量芝士同菠蘿一齊焗之後再餔上,西班牙最有名的伊比利火腿,只係將PIZZA拎起已經見到已經見到上面既芝士「藕斷絲連」,令人胃口大開,放入口後先係食到火腿既咸香,之後就到煙韌既芝士同酸酸甜甜既菠蘿,最後就係焗到香脆既PIZZA批底,一啖入面有幾種滋味同口感Mexican spicy beef nachos 墨西哥香辣牛肉芝士焗粟米片 ($98)先將墨西哥粟米片舖上車打同水牛2種混合芝士一齊焗,再配上莎莎醬、牛油果醬同酸忌廉。頭先PIZZA先拉完絲,估唔到粟米片又有得拉,今舖想唔肥都難,好彩有牛油果同莎莎醬扮下健康,而且清新D,仲可以減低油膩感,食完仲好好胃口Fried chicken combo($128)雞翼、雞槌、雞寶同日本甜蕃薯條,雞寶幾特別有D似麥樂雞,蕃薯條都幾甜。雞翼同雞槌本身其實冇乜特別,但點埋跟配既泰式酸汁,就好似神來之筆咁,成年事唔同

餐廳分兩層，地下是開放式設計，如果選擇這個用餐區，可以飽覽尖沙咀繁華嘅景象，把酒談歡，其樂無窮☺️而樓上地方寬敞，座位設計多元化，有高枱，梳化椅，圓枱等，適合不同組合，設計頗花心思，我們選擇了樓上位置，有美妙音樂伴奏🥰細看餐牌，以咁好嘅格局來説，價錢應該算好抵，無限時，真心覺得好公道，難怪客人陸續進駐，口碑應該唔錯👍🏻不含酒精mock tail 好多選擇，價錢都係幾十元，賣相靚又好味，特別係呢杯Ginger & tonic，真係要推薦比大家，甘甘甜甜，開胃醒神👍🏻烤低溫慢煮西班牙🇪🇸黑毛豬鞍10安士$288，份量足，八成熟🔥肉味甘香，與別不同，真係跟普通豬好大分別，建議一定要試吓👍🏻旁邊嘅紫薯配菜，亦好好味，上面沾上蜜糖，好用心烹調比客人享用😬低溫慢煮乳豬件$278，烤足12小時，慢煮嘅重點係保存肉味最好嘅方法，外皮脆卜卜，下面第一層脂肪層甘香可口，再下面嘅肉香吸收左肉脂嘅精華，好Juice超級好味👍🏻👍🏻👍🏻真係食到骨都啜埋，太邪惡了，可能Order多一份都可以，實在太正了🥰聽住醉人嘅音樂，把酒談心，人生幾何，而且服務質素高，絕對高度推薦比大家☺️

第二次去呢間餐廳/酒吧，上次感覺普通，無話好又無話唔好。今次因為無訂枱，本來想食韓燒，點知想去果full左無位，只好搵其他野食，行過見到，記得呢間都ok所以上左左食！叫左杯白酒Sauvignon Blanc $88杯，意外地唔錯，一般餐廳做得by glass既酒當然係平酒，一般都好差，不過張價就貨無法，但呢支酒真係唔錯，好滿意！之後叫左個Caesar Salad, 諗住無得錯，點知唔係太啱口味，佢應該係加左anchovy鹹魚d油，我覺得怪怪！其次叫左個鹹蛋黃同蟹肉醬麵包，超好食😋，我覺得係必食！重叫左個乳豬，都好好食，好滿意！👍🏻👍🏻👍🏻

-🔸Supreme Pizza $188🔸墨西哥香辣牛肉芝士焗粟米片 $138/Full🔸美式煙燻醬燒西班牙黑毛豬肋骨 $138/Bite🔸半熟芝士撻配自家製開心果雪糕 $72🔸The 菠蘿冰 $78🔸Meh Spring $78-收工同男朋友撐枱腳，嚟咗赫德道搵嘢食，依間酒吧啲嘢好食，而且仲好有氣氛，非常推介呢！先叫咗墨西哥粟米片，份量好大，仲有三種唔同嘅醬任你dip，有牛油果蓉醬、蕃茄莎莎，同埋乳酪醬，三隻試勻晒都好味，係飲嘢傾計必備嘅小食👍🏻主食叫咗半份ribs同一個pizza～豬肋骨燒得剛剛好，啲肉唔會鞋，同美式煙燻醬好match，半份都有成5-6支骨幾多㗎！Pizza揀咗至尊薄餅，超多配料，有雞肉、開邊蝦肉、辣肉腸、生洋蔥、菇，仲有大量芝士，豐富又好味😋最後叫咗芝士撻做甜品，咸香嘅芝士配上鬆化嘅牛油撻底，仲有自家製嘅香濃開心果雪糕，超滿足啊！

我一直以為，酒吧嘅食物都未必有好好嘅質素，專注西餐嘅酒吧少之又少！今次嚟到呢間係尖沙咀，估唔到佢嘅西餐非常有質素，坐得好舒服，氣氛好好，啱晒三五知己傾偈飲嘢！鮮魷魚自家製手做闊條麵配帕馬臣芝士忌廉汁呢個我真係超鍾意估唔到佢嘅闊條麵做得非常好食，又有啲彈牙，忌廉汁有煙肉嘅香仲有芝士，掛上去真係非常唔錯！如果再多啲醬汁就更加好啦！烤12小時低溫慢煮乳豬件製作需時，上枱熱辣辣，豬皮超脆，都比較多肥膏但豬肉好嫩！佢仲配左個燴煙肉皺葉甘藍蘭度豆，係好特別！最後呢個係爆漿芝士蛋糕配自家製開心果雪糕！同一般嘅芝士蛋糕唔同佢係一個蛋糕件，配一啲爆漿芝士。有啲似芝士奶蓋係個蛋糕上面，我覺得幾特別，唔會有芝士厚重同肥膩嘅感覺！

很久沒有和好朋友聚舊，趁暑假放低仔女，特登來尖沙咀Chill 一下。炎炎夏日，我們先來兩杯Mocktail ， 菠蘿薄荷檸檬梳打，so fresh ! 另一杯係玫瑰檸檬荔枝，好香玫瑰味。前菜點了低溫慢煮三文魚香芒木瓜藜麥沙律$158，比想像中大碟，三文魚大件厚切，低溫慢煮令三文魚入口即溶化，而粒粒有咬口的藜麥混合了香甜芒果和木瓜粒，好醒胃，口感層次豐富。我和朋友吃了這道前菜已經飽了一半；主菜係鮮海膽蟹肉自家製手造寬條麵 $258這個闊條麵鋪滿了紫菜，撥開見到有好多海膽、蟹肉以及三文魚籽，全部都非常鮮甜。檸檬忌廉汁混合了海鮮津白、Parma Ham, Parmesan Cheese，令整個忌廉汁芝士濃郁中帶點海鮮鮮味。視覺及味道都一絕。之後我們點了兩個甜品share食。爆漿芝士蛋糕配自家製開心果雪糕$88 ：芝士蛋糕creamy 香濃；開心果雪糕是自家製，好多碎粒有咬口嘅開心果配上軟綿綿嘅雪糕；蘋果撻配自家製開心果雪糕$78撻皮酥脆，蘋果餡料甜度剛好。同朋友來Chill 一下，呢間的確係唔錯嘅選擇！

呢間餐廳已經係第二次來，除咗地點方便，可以飲酒之餘，野食款式多而且仲唔錯添！疫情前仲會有live band表演，依家就望住電視睇奧運直播先！THE 菠蘿冰～除咗有菠蘿汁，飲得出仲溝咗啲檸檬汁同梳打水，仲有少少薄荷味，酸酸甜甜，超消暑同解渴！生蠔🦪：海洋女神～味道清甜，蠔肉飽滿而且口感爽滑白珍珠～海水味適中，肉質creamy頂級吉拉多～海水味重啲，蠔肉較結實香煎鵝肝多士～鵝肝都幾大塊，配埋無花果醬同一片新鮮無花果，食落清新啲絕不過膩！西班牙黑毛豬火腿菠蘿Pizza～除咗火腿同芝士，裡面仲夾雜菠蘿同白菌，味道唔錯又唔會過咸，最欣賞佢批邊烤到好似餅乾咁薄脆！

某日路過尖沙咀見到呢間新開餐廳,覺得幾得意同埋菜式幾岩胃口就bookmarked!!預約左又再次改時間,好彩服務生都好好,好順利!到左之後發現menu熟口熟面!同之前食過位於觀塘ge登堂一模一樣!唯一唔同應該就係飲品,呢到酒精類多d就更有信心!但好可惜當晚無乳豬!我心心念念的乳豬!由生蠔/pizza/意粉/包/香腸拼盤都有高水準發揮!雖然我會中意觀塘個間多d,呢到係環境比較熱鬧,輕鬆,比較岩多d人一齊圍爐!

鮮魷魚自家製手造寬條麵，寬條麵好有口感，麵質彈牙，芝士亦都好足料，煙肉亦都煎香過，寛條麵做得幾出色。🥰烤12小時低温慢煮乳豬件，乳豬件用咗12個鐘慢煮，外脆內嫩，用刀叉慢慢切開，唔洗好用力切乳豬件已經可以分開😍飲品就叫咗波蘿冰同Meh Sring爆醬芝士蛋糕配上自家製開心果雪糕，蛋糕上面的奶蓋醬好多，芝士蛋糕配上奶蓋醬幾好食😋整體黎講估唔到一間酒吧餐廳的食物幾高質，水準屬於中上水平👍🏻💗

尋晚趁住放假就同friend嚟到尖沙咀呢邊食餐dinner,咁啱見到呢間酒吧餐廳好似幾吸引，就入嚟試吓至尊Pizza $188好大份Pizza，入邊有好多配料，包括雞肉，鮮蝦，西班牙辣肉腸，芝士，白菌，洋蔥等等🧅Pizza有芝士拉絲，感覺好邪惡！食落脆卜卜，幾香，幾好味😋烤原隻鮮龍蝦龍蝦汁意大利飯$308有兩大隻龍蝦🦞龍蝦肉幾新鮮，幾香甜～意大利飯比較淡味，配埋龍蝦肉還好Ginger and tonic $78飲落有汽水嘅感覺，帶少少薑味因為係Mocktail，冇酒精成份，幾啱我呢啲唔飲酒嘅人士Mainstream $78有玫瑰荔枝糖漿，仲有檸檬汁🍋同埋莓汁，幾香甜，幾好飲