張公館

營業中

休息中

喵仔琴晚帶喵女去咗銅鑼灣 V Point 嘅張公館食晚飯，餐廳喺29樓，可以飽覽維港景色，環境一流！食物方面都冇令人失望，整體嚟講，值得一試！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 脆焗鮮鳳尾蝦多士呢個係喵仔嘅至愛！多士炸得金黃香脆，蝦肉鮮甜彈牙，真係好正！✨2) 鐵板西班牙叉燒（半份）叉燒肥瘦適中，肉質鬆軟，蜜汁甜甜哋，好惹味！鐵板上枱，保持熱辣辣，正！✨3) 紅燒乳鴿乳鴿皮脆肉嫩，醃得好入味，好香！✨4) 楊州炒飯（半份）炒飯粒粒分明，鑊氣十足，配料豐富，有蝦仁、叉燒、蛋等等，好滿足！✨5) 薑茶湯丸湯丸煙韌有咬口，薑茶夠辣，暖胃又好味！作為飯後甜品一流！😻吸喵指數：8.5/10🤍景觀一流，可以飽覽維港景色！🤍食物質素高，味道出色！🤍環境舒適，氣氛高雅！🤍服務態度良好，店員細心周到！🤍地點方便，喺銅鑼灣市中心！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃

✨新年同媽媽黎銅鑼灣登龍街 V Point 29樓嘆茶，遠眺維港靚景，景觀一流，心曠神怡！✨🎉🍤 香茜芹菜鮮蝦餃 🥟 呢個蝦餃鮮甜多汁，配上香茜芹菜，清爽可口。每一口都食到蝦肉嘅彈牙質感，好滿足！🤩🦑 鮑汁腐皮卷 🌯 鮑汁腐皮卷口感香脆，鮑汁濃郁，腐皮吸收晒汁，味道非常入味！食落去，感覺幸福滿滿。😊🥬 椰菜長春卷 🍴 椰菜長春卷賣相好靚，金黃酥脆。入口即化嘅口感，椰菜嘅清甜同埋長春卷嘅香脆，真係絕配！🌟🍚 鳳凰煎珍珠雞 🍗 煎珍珠雞外皮煎到香脆，內裏嘅糯米飯軟糯可口，加上雞肉鮮嫩，味道真係一流！👍🍮 香煎黃金糕 🎉 表面煎到香脆，濃濃嘅椰香味道令人回味無窮，口感煙韌，又唔會過甜。加上金黃色油油亮亮嘅賣相，寓意發財！💛

銅鑼灣呢間樓上高級廣東菜館「張公館」啱晒鍾意粵菜嘅朋友仔. 坐低店員先奉上熱茶同前菜. 前菜有炸魚仔、花生同蕎頭，非常開胃. Menu菜式選擇多花多眼亂，今次就揀咗幾款新推介菜式. ⭐️羊肚菌松茸竹笙花菇燉湯呢個湯以羊肚菌、姬松茸、竹笙與花菇慢燉而成，鮮味濃郁。羊肚菌有獨特的山野香氣，與松茸的甘甜相互襯托，竹笙爽滑，花菇吸滿湯汁後軟腍入味，養顏又養生. ⭐️豉椒炒三蔬豉椒爆炒四季豆、涼瓜、青尖椒，鑊氣十足. 越平凡越顯不平凡，好味. ⭐️野菌燒汁牛柳牛柳粒嫩滑肉味濃郁，野菌香氣撲鼻，紅黃椒等點綴色彩繽紛. ⭐️薑蔥鮑汁叉燒撈麵大量薑蔥、芽菜、叉燒絲，配搭鮑汁再攪拌撈麵，吃起來有嚼勁，豐富又有層次. 最近推出咗好多新菜式，記得約人試吓啦.

這間位於銅鑼灣嘅點心館，真係一個令人驚喜嘅地方，特別係佢擁有嘅美麗海景。香西芹菜鮮蝦餃餃子皮薄而透明，內餡鮮嫩嘅蝦仁同西芹完美結合，口感清新爽口。碧綠豆苗素餃亦係唔容錯過嘅，豆苗鮮嫩，餃子皮滑，整體口感非常輕盈。蟲草花棉花雞係一道特色菜，雞肉嫩滑，配上蟲草花嘅獨特香味，味道豐富。椰菜長春卷外皮酥脆，內裡餡料豐富，椰菜嘅清甜同脆口真係令人難以抗拒。五柳炸雲吞外皮金黃香脆，內餡多汁，配上五柳醬更加美味。鳳凰煎珍珠雞係一道絕對驚艷嘅菜式，雞肉鮮嫩多汁，煎得恰到好處，口感豐富。

因為正值新年期間，所以晚上人還是很多的，果然新年還是要吃中菜～❤️香炸蝦棗這個比想像中好吃！沒想到是最好吃的！啖啖肉，又彈牙又重蝦味，好想一個人吃完4個。❤️羊肚菌松茸花菇竹笙燉湯有點不捨得叫2碗，所以我們兩個人只叫了一碗吃，不過也勉強夠分。感覺湯燉了很久，超多菇菌加在一起，夠鮮味。平時我不吃湯渣，但是這個全部吃光了。🔅醉乳鴿朋友以為是熱的，但其實是凍的，和平時吃的燒乳鴿有點不同，是另一種味道，有點像醉雞。🔅上湯牛油大蝦球煎脆米粉底沒想到煎脆米粉底有點像鍋巴，本來以為是偏向炒米粉的那一種，但其實不是。一定要加上湯一起吃，不然就太熱氣了。如果可以坐在窗邊的話，其實很有氣氛，因為靜靜可以看到海景，不過可惜當天未能坐在窗邊。

👍 上星期公司開年飯揀咗去【張公館】🍽️，好評如潮，所以特登約我老公再嚟撐枱腳！👫✨🍖 佢哋嘅叉燒真係有質素又穩定，西班牙梅頭肉肥瘦參半，好入味！😋 連墊底嘅蠔油豆都好好味！🫘💯🍲 老公最愛嘅燉湯，有羊肚菌、松茸、竹笙同埋花菇，材料足料得嚟，價錢只係$98！🤩🦐 香炸蝦棗嘅蝦肉又鮮又彈牙，外脆內軟！🌟🌟🍚 櫻花蝦脆米海鮮炒飯加咗脆米，層次豐富，非常有趣！🎆 我個人最愛嘅係蛋白杏仁茶，佢哋用咗燉鮮奶墊底，加入生磨杏仁露，好香好完美！🌰🍵🏙️ 張公館位於V Point 29樓，景觀開揚，夜景靚到爆！✨ 加上殷勤嘅服務，我哋非常滿意！💑🌟👅💕

今晚同媽咪去銅鑼灣”張公館”食晚飯，之前食過因為唔錯所以來encore，我會形容為食材新鮮、睇得出用心煮嘅粵菜。侍應招呼一流，細心體貼有禮。仍然會有下次🙋🏻‍♀️茶壺heat住上，另有兩款小食。餐牌上食物款式種類繁多，定價合理。💥金銀滿屋（脆焗鮮鳳尾蝦吐司）有寸幾厚蝦膠！係平時食開嘅兩倍份量，咬開後啖啖都會食到蝦肉，蝦肉新鮮富彈性，炸粉唔厚，相當脆口，但一啲都唔會有炸野嘅油膩感。誠意之作🔥💥鐵板西班牙黑毛豬叉燒肥瘦比例同燒製皆完美，入口腍得嚟又微帶肉感嚼勁，肉味帶橡果香味，切片做鐵板燒燒至微焦香，令蜜汁醬汁更入味。肥瘦交集，質感鬆化，瘦肉部分仍然juicy，媽咪大讚👍🏻👍🏻💥羊肚菌松茸竹笙花菇燉湯羊肚菌有佢嘅特別香味，有佢嘅湯總係特別鮮甜清新；竹笙好爽好滑。💥櫻花蝦脆米海鮮炒飯集米香、蛋香、蔥香，鹹香海鮮味，櫻花蝦香脆！蝦大隻新鮮，炒飯粒粒分明爽口，份量好多。

新年當然要去飲茶，去左朋友介紹的張公館。入到去幾乎係滿座，生意好火爆。侍應俾左個望到維港海景的位我地坐，美食加美景，難怪咁滿座。我地叫左幾樣點心：香茜芹菜鮮蝦餃🥬🥬🍤🍤一上枱就見到晶瑩剔透的水晶皮包住綠意盎然的芹菜同蝦肉，好有美感。食落仲有少少芫茜吊味，味道樸實，但用料非常新鮮。😛😛蟹籽麻辣燒賣🥢🥢當然要試下佢地嘅新產品，就咁睇同一般燒賣無分表，完全唔會覺得佢係麻辣口味，點知一食，好香嘅花椒味就出嚟啦，食落唔辣，但好麻，有啲過癮。😙😙鳳凰煎珍珠雞🐥🐥完全無諗過珍珠雞會以咁嘅形態出現! 所謂嘅鳳凰，其實係雞蛋，即用雞蛋漿包住珍珠雞去煎，食落香口之餘，反而無咁膩，呢個推介!🤩🤩脆脆笑哈哈🦐🦐腸粉皮包住一層脆皮，再係入面包鮮蝦。用料好實在，每一件都有好多隻蝦，完全唔係偷工減料，而且食落好有層次感。香煎黃金糕🍯🍯新年當然要食啲應節食物，取個好意頭，步步高昇!黃金糕有咬口，又唔甜，比一般係大集團買嘅賀年糕點好食。望住維港，嘆美食，真係人生一樂!😋😋😋

新年黎港島同長輩拜年，順便飲茶。呢到午市全院滿座，非常受歡迎。係29樓遠眺維港呢個靚景，景觀滿分。新年呢度有不同好意頭的賀年點心，我地點了發財好市大利燒賣燒賣上面放了厚肉花菇軟腍入味，豬脷鮮嫩有彈性而且無異味，一籠點心便包含了大部分的應節食品。節節高升(百花竹笙)呢個手工菜，很少地方可以食到。係竹笙入面釀入蝦膠，加上蛋白煮成的芡汁，食到食材的原始味道，又沒有負擔。年年有餘(奶黃金魚餃)金魚餃好吸睛，望落好神似。餃子外皮通透，入面餡的蛋奶香味濃。香煎黃金糕黃金糕四大件，發酵成蜂窩狀質地。表面煎到香脆，食落濃濃椰香味道，口感煙靭，又不會過甜。脆脆笑哈哈 腸粉皮薄幼滑，加上脆卜卜金黃色的網皮和彈牙大蝦，口感豐富，值得一試。生磨蛋白杏仁茶杏仁的香氣四溢，飲落滑不溜口，蛋白絲都好柔滑，好滋潤。今餐大家都好滿意。餐廳果然沒有另大家失望。

新春飲茶去咁張公館飲茶🫖，啲賀年點心幾得意。先有發財好市大利燒賣，名改得好有心思！燒賣上面有冬菇、蠔豉、髮菜、豬脷。個餡料係用豬肉，肉質夠新鮮，調味夠香。個size大大粒，一啖咬落去夠滿足！過年必吃糕點。櫻花蝦蘿蔔糕，上面鋪滿櫻花蝦，啲櫻花蝦又香又脆。蘿蔔糕煎得好香，好食！另外、香煎黃金糕賣相好靚，金黃色油油亮亮，寓意發財！口感軟綿綿，甜度啱啱好。脆脆笑哈哈（炸両）：笑哈哈個名改得幾creative！啲腸粉幾滑，入面脆口。甜品年年有餘（奶黃金魚餃）：造型超得意！整到成條金魚咁。咬開仲要係奶黃，甜度唔會太overdose。新年必試嘅打卡靚品！

年近歲晚想去維園行個大運就喺銅鑼灣搵咗間中菜諗住食點心飲茶見到呢間咁多好評就決定去試試佢點知真係同啲評論講嘅一樣咁高質👍🏻💫酥皮菠蘿叉燒包💫百花釀竹笙💫脆脆笑哈哈💫香煎黃金糕💫蟹籽麻辣燒賣💫清心丸綠豆爽兩個人啱啱好嗌咗六樣嘢攞個好意頭每款我都覺得做得唔錯😌上菜速度適中，每樣都維持到熱辣辣咁上枱叉燒包底部有烘到脆皮餡有嘅菠蘿同平時嘅唔同釀竹笙係厚實嘅竹笙加蝦膠個汁仲加咗少少蛋白～唔會太鹹～而燒賣同腸粉嘅蝦好大隻又新鮮爽口燒賣嘅肥豬肉唔多麻辣味剛好唔搶喉腸粉係做得最好嘅點心，三種口感層次分明最後食埋個只要餐牌有就會嗌嘅傳統綠豆爽🥹食完之後開開心心行維園～好滿足！

今日放假陪媽咪去維園行年宵，行之前醫下肚，又唔想去皇室堡啲酒樓咁嘈，就去登龍街樓上中菜餐廳，貪佢裝修新淨，可以舒舒服服嘆個茶，食少少點心～-呢度嘅茶會用蠟燭一路熱住，唔怕放到凍哂，幾貼心🥰-酥皮菠蘿叉燒包嘅叉燒都幾大粒，皮又有啲酥脆，啱啱熱辣辣整起好好味🤤脆脆笑哈哈有啲似炸両，但入面仲有蝦肉，食落層次好豐富，又脆口又彈牙～-櫻花蝦蘿蔔糕好香蝦米仔味，蘿蔔比例幾好，唔會好粉～麻辣燒賣幾啱我食，辣椒油都唔駛點夠哂辣～🤣-羊肚菌素餃有原隻羊肚菌同切碎咗嘅菇類，味道幾多，唔會因為素食而無乜味～翡翠明珠球望落去以為係綠茶味甜品🤭佢好又心思用竹笙包住，咬落去有啲爽口感覺

銅鑼灣高質中菜館🥰飽覽維港景色，十分適合與家人或朋友聚餐！魚翅灌湯餃餃子皮十分透薄包裹著濃郁的湯汁，湯底鮮美，魚翅一絲絲的質感，口感非常有層次。麻辣燒賣燒賣的內餡選用鮮美的肉類，配合椒麻辛辣的調味，很有特色。酥皮菠蘿叉燒包酥皮外層金黃酥脆，內裡的菠蘿包甜香鬆軟，配合那略帶蜜汁香甜的叉燒餡，令人每一口都充滿驚喜。櫻花蝦蘿蔔糕糕體軟糯，帶有蘿蔔的清香，而櫻花蝦更是為整道糕點增添了海洋的鮮味和一點點的脆香，特別在煎得微焦的邊緣，更是增添了風味。脆脆笑哈恰滑溜的腸粉包裹著皮脆一點也不油膩，內裡蝦仁飽滿彈牙，味道鮮美，令人一試難忘。五色糕每層不同口味與顏色，色香味俱全，滿足視覺與味覺的享受。

想揾個靚地方飲茶食點心 可以去銅鑼灣V point嘅張公館🥢餐廳位於29樓 可以180度望到維港景 對靚景有興趣 建議提早打去book定window side坐位🌅ꕥ 脆脆笑哈哈笑哈哈即係蝦 我諗大家都估到🦐腸粉皮包住網絲春卷皮 十分鬆脆 而每件都有2-3件蝦肉 爽口彈牙 係充滿豐富口感嘅點心 ꕥ 櫻花蝦蘿蔔糕蘿蔔糕質感做得比較軟綿 外層裹上櫻花蝦再煎 令效果外脆內軟 亦增添咗香氣🥢ꕥ 魚翅灌湯餃先嚟試下湯汁 用魚肚同瑤柱嚟熬製 好鮮香🐟灌湯餃非常飽滿 原隻大蝦加份量唔少嘅魚翅 矜貴得來亦都真係好好味ꕥ 麻辣燒賣去飲茶必須要有燒賣 今次食特別啲嘅麻辣味🌶️豬肉中帶麻香 唔會好辣 唔太食辣嘅朋友都食到ꕥ 秘製醬乾炒九肚魚河粉九肚魚配炒河都幾新穎 絕對建議大家趁熱食 九肚魚熱辣辣時食 更加能夠食到脆口感 而炒河粉嘅鑊氣亦都一樣🔥調味啱啱好 醎味適中 唔會太油膩

要過年啦，家姐話請我食好嘢，book咗哩間高檔中餐廳。餐廳裝修得古香古色，今日晚市full曬，好旺。一座低會送上兩小碟小食，藠頭酸脆爽口，花生酥脆好味。茶壺會用蠟燭護住溫度，幾有心。鐵板西班牙叉燒，叉燒好大一件，用鐵板裝可以一直keep到溫度。叉燒肥瘦均勻，入口微甜伴有少少焦香。肉質軟嫩唔柴，底下花生用鹵水煲制過，食落鹹香軟糯。香炸蝦棗，蝦肉錘打做成丸子，再落油炸。蝦棗表皮焦脆，內裡鮮甜彈牙，再點埋搭配嘅酸甜醬汁，食完一個好飽肚。豬油渣大地魚粒炒菜芯苗，用大火爆炒菜芯，炒得好有鑊氣。菜芯鮮甜脆口，再加埋豬油香味，好味。櫻花蝦脆米海蝦炒飯，配料好豐富，有蝦仁，帶子，菜芯等，最得意係落入鍋巴同櫻花蝦。飯炒得粒粒分明，海鮮增加咗鮮味，鍋巴豐富咗口感。生磨蛋白杏仁茶，用個荷花碗裝住，好靚。杏仁味道好香濃，飲落唔會好甜，反而好清爽。下麵仲搭配埋少少杏仁凍，甜品黎講好滿足。