張公子

營業中

休息中

餐廳環境優雅舒適，裝潢融合傳統與現代元素，充滿藝術氣息，營造愉快的用餐氛圍。鮮蘆筍清湯鮮南非鮑魚 $78/位湯底鮮甜，味道很清爽，南非鮑魚滑嫩柔軟，口感彈牙，肉質富有彈性和嚼勁，口感極佳。公子牛肋排 $398牛肋排軟嫩多汁，味道濃郁，帶有獨特的牛肉香氣，脂肪適中，令口感更加豐富和美味。艷影蝦球 $168蝦肉鮮甜嫩滑，酥脆的外層和內裡互相襯托，配合外層的香芒汁和底層的檸檬片，味道酸酸甜甜，開胃而不油膩。秋葵芥末炒帶子 $228第一次嘗試加入芥末的獨特菜式，帶子的鮮甜柔嫩搭配上秋葵的清脆口感，又帶有微微的辛辣刺激，令人食慾大增。薑汁番薯糖水最後餐廳送上驅寒暖胃的薑汁番薯糖水！非常滿足！+ 10% service charge

觀塘依間張公子真係勁有feel特別係秋霧滷醉蝦啦，會有好多乾冰，所以出嚟嘅時候仙氣陣陣。而蝦嘅鮮甜同埋滷水嘅香味結合得恰到好處，仲帶有陣陣酒香味，一食就停唔到口。然後鮮露荀清湯鮮南非鮑，真係唔錯啊！南非鮑鮮甜，仲有清湯嘅味道，食落嘅感覺真係好清新，好開胃。仲有超正嘅公子牛肋排，真係令人驚喜！啲肉質嫩滑多汁，每一口都係滿滿嘅牛肉味道。啲肉燒得啱啱好，非常軟腍！最後就係秋葵芥末炒帶子啦，呢個菜真係平凡中透着驚喜！帶子鮮甜彈牙，加埋秋葵同芥末嘅香味，味道超級搭！唔會太辣，啲調味啱啱好，係道好適合下飯嘅菜啊！

上星期約咗朋友食開年飯，想食好啲，觀塘呢間🥢「張公子」🫖就啱晒，呢度以傳統粵菜為基礎，結合創新元素，廚師手藝精湛，環境寬敞舒適優雅，😀店員態度同服務好好，用餐體驗一流. ✅⭐️張公子叉燒果然係招牌名物，稱之為世一义燒無誤. 💯色澤紅亮光鮮，蜜汁香甜，火候掌握得恰到好處，厚切新鮮豬肉肥瘦適中，外層燒得微焦香脆，內裡粉嫩多汁，口感鮮嫩. keep住加熱保持溫度，加分‼️⭐️公子牛肋排視覺效果震撼，以整條牛肋骨呈現，一早切好骨肉分離夠晒方便. 牛肋肉燜得軟腍入味，醬汁濃厚但不膩，肉質香嫩油花均勻。大量蔥花增添香氣. 伴碟蘆筍清爽減膩. ⭐️艶影蝦球呢度菜酸酸甜甜好開胃. 賣相精美，蝦球外皮炸得酥脆唔厚粉，淋上特調芒果醬汁，大大嚿蝦肉真係拳頭咁大，新鮮爽口彈牙，口感層次豐富。⭐️鮮腐竹蕃茄浸菜苗新鮮腐竹、白菜苗搭配蕃茄湯底，湯汁清甜自然，口感清爽健康解膩. 鍾意食粵菜嘅朋友同屋企人朋友一齊試吓啦. 平日食飯、慶祝同宴客都好適合.

年十一，跟家人第一次試這家位於官塘工業區的張公子飲茶。一入門口的大石receiption 好有氣勢。但餐廳環境確實有點嘈, 可能仲有太多人團拜。星期六11:30開門，已經座滿一半人。我們三個人點了6款點心加一碟招牌西班牙黑毛豬叉燒。點心味道唔錯，正正常常，用料都是中高檔。最好味竟是蟹粉小籠包，出奇地好味，蟹膏蟹肉味超濃，湯汁鮮味。而黑毛豬叉燒是厚切，口感非常正，有點燶邊，叉燒頭十分好好好味,下次一定會再encore.

鮮露荀清湯鮮南非鮑（位）$78南非鮑魚非常大隻，而且洗得好乾淨，配上一個清清地嘅湯，更加可以突出到鮑魚嘅鮮甜味！秋霧鹵醉蝦🦐 $168極力推介呢一個醉蝦，一碟有八隻大頭蝦，每隻蝦嘅size唔會太細，每隻醉蝦都鹵得好好食，唔會太重酒味恰到好處，而且大頭蝦出名隻隻都爆膏，真係好味道停唔到口！公子牛肋排🐮 $398第一次見餐廳有牛肋排，上枱非常大碟好有氣勢🤣🤣佢哋嘅牛肉烹煮得好腍好入味，牛肉同埋油脂嘅香味會一直喺口入面迴盪！而且份量好多，四至六個人share都冇問題！黑松露醬炒野菌🍄‍🟫 $138一上枱就聞到好大浸黑松露味，黑松露煮咩食都真係世一！中菜廳比較少見用黑松露嘅菜式，用黑松露醬炒野菌味道好match，但係菜式就略為偏油一啲，配返兩啖白飯就Perfect啦！

今次去咗官塘一間頗受歡迎嘅中餐廳，聽聞佢哋嘅菜色、味道同服務都好好。今日特別試咗幾樣嘢，感覺真係不錯。公子牛肋排，肉質軟嫩，醬汁入味，咬落去有一種滿足感，真係好好味。張公子叉燒，叉燒表面嘅焦香同埋肉質嘅嫩滑，搭配一啲甜甜嘅醬汁，令人食得不停。每一口都好有滋味。秋霧鹵醉蝦就更加驚喜，上碟時酒香樸鼻，蝦肉鮮甜彈牙，配上調酒味道， 令人不禁一口接一口。鮮腐竹蕃茄浸菜苗， 鮮腐竹嫩滑口感配搭蕃茄的鮮甜味， 口感層次豐富， 菜苗新鮮翠綠，清新醒胃。總體嚟講，今日呢餐飯非常滿意，無論係味道定係服務都令人有返來嘅衝動。下次一定要再嚟試其他菜色！

公司請食飯食過兩次，今次同屋企人食，整體用餐體驗好，所以想分享吓。-環境：環境比較豐富 門口有種中式格調 適合宴客或者朋友家庭聚會服務：熱心 會主動幫加茶 換碟 有禮貌 上菜速度OK先講頭盤：秋霧滷醉蝦，一直都好鍾意食醉雞，當然要試吓醉蝦，玫瑰露和花雕香氣好夾，熟醉蝦食得更安心。 蝦🦐質地好新鮮 記得咬埋佢個蝦頭 精華所在！公子特色凍豆腐：口味有少少似豬腳薑咁開胃，酸酸地幾有創意。艷影帶子球，有小朋友嘅拳頭咁大，外層香脆，大大粒帶子，食得好滿足，醬汁帶少許香芒味道，整體好高質！ 帶子質地好爽，味道比較鮮最難忘的就是呢度嘅招牌菜，公子牛肋排，牛肋排軟淋入味，肉質鬆軟，牛味好香，可想而知是用上好食材，比起好多西餐的牛肋排更加好食，一家人分享都足夠，油脂好香！

聽朋友講呢間中菜好高質，終於試到啦😍 環境舒服裝修好grand，啱晒同成班親戚朋友嚟慶祝節日🥳張公子叉燒💯必食！真係好正！🍖 叉燒外焦內嫩，肉質鮮嫩肥美，醃製得恰到好處，鹹香又帶有甜味，令人一口接一口，根本停唔落來！叉燒的表面微微焦香，咬下去肉汁四溢 非常滿足🤤🤤秋霧鹵醉蝦（八隻）🦐 店舖推薦菜式🌟好多蝦膏，蝦肉鮮甜，口感彈牙，搭配上香料的香氣，食唔停口！擺盤相當吸引，好啱打卡😍😍公子牛肋排🥩 超大條牛肋骨😍😍 肋排肉質豐腴，經過慢火煮得軟嫩，肉質入口即化，汁多味美，搭配特製的醬汁，整道菜更加美味🤤每一口都能感受到牛肉的鮮香，真係好滿足！鮮腐竹蕃茄浸菜苗🍅🥬健康開胃之選～腐竹的口感滑嫩，搭配新鮮的蕃茄和菜苗，酸甜又清脆，好味有營養！😋

食左個醉蝦，蝦膏鮮甜味美，食左個張公子牛X 骨，肉好滑，食左個叉燒，貴，但我三十幾歲人第一次食咁好食既叉燒，叉燒呀！我即時變左家燕姐。。。我向同事推介，我既評語係” 好L 好食” ，咁你知咩料啦服務好，招呼周到，值回票價

今日同老公去咗張公子中餐廳食飯，整體體驗非常滿意！🌟 首先，黑毛豬叉燒真係一絕，肉質鮮嫩多汁，外層微微焦香， 質地好有彈性， 味道濃鬱。🐷🔥 脆漿炸蝦球亦係亮點之一，外皮酥脆，蝦肉彈牙，沾上柚子 甜酸醬，味道更加豐富。🍤💛 秋葵炒帶子就清新得嚟又帶點鮮味，帶子大粒又爽口，秋葵嘅黏滑口感同帶子好夾。🥒🦪 最後，避風塘茄子令人驚喜，茄子炸得外脆內軟，配上避風塘嘅香辣蒜蓉，味道層次豐富，食到停唔到口。🍆🌶️ 整體嚟講，每道菜都做得精緻又用心，絕對值得再嚟！👫💖🍽️

秋霧鹵醉蝦蝦肉爽口彈牙，味精清甜且伴隨著微微既優雅酒香，感覺清新，令人一試難忘蒜茸炒豆苗豆苗碧綠鮮嫩，以蒜茸炒熟，微帶草青味火焰松露野菌文昌雞雞肉選用文昌雞，雞肉味香濃且肉質彈牙爽口，質感豐富，配上松露野菌，非常滋味勁量重手芝土大蝦球伊麵邪惡精選！芝士控不能錯過！芝土份量非同凡響，大蝦球巨型，質感爽彈，蝦肉鮮味，伊麵沾滿濃味芝士，正！ 張公子📍觀塘駿業街58號3樓

#小秘書 對 #港式點心 情有獨鍾😉 所以講到「飲茶」，我一定隨傳隨到🐾 趁住🐉龍年最後一個週末，跟埋幾個朋友仔嚟到位於 #觀塘 嘅 #中菜館 「張公子」 嘆吓 #點心，好好享受呢個年廿六🥳餐廳嘅門關，攞咗個巨型「聚寶盆」做接待，雖然樓底比較矮，不過整體都裝飾得幾骨子😉 我哋叫咗9個點心再加個煎米粉，整體食物味道都唔錯，尤其係佢哋個 #張公子招牌腸，嫩滑嘅腸粉皮，裡面包住脆脆嘅網線、冬菇、西芹之類嘅配料，口感非常豐富🤤 另外佢哋個 #咖喱蒸土魷 亦相當出色🤩 每件土魷都非常好肉地，咖喱醬汁掛上每件土魷同麵筋上面，加埋淡淡嘅咖喱香，實在令我呢個「魷魚控」喜出望外🤤 不過我就對佢哋個 #豉椒魚腩煎米粉 有啲失望，調味唔太突出，而且舖喺米粉上嘅醬汁比較油膩😅 加上我食正魚骨嘅位置，味道特別腥😅 而我最抗拒係佢哋用嚟沖茶☕️嘅水長期都係得八十度左右，令本來至愛飲普洱茶嘅我，都無晒茶癮🤪📍 張公子 (觀塘) 駿業街58號3樓

節日要獎勵自己， 品嚐優質中菜， 之前朋友介紹觀塘的張公子， 點心非常精緻， 今次來享用晚餐 ，果然很有驚喜。秋霧鹵醉蝦(八隻)好有驚喜 視覺效果一流， 非常適合打卡， 醉蝦肉質實淨 又多蝦膏， 花雕酒味清香 配搭獨有香料味道， 味道有層次質感。膏蟹蒸肉餅膏蟹好大隻食落啖啖肉， 蟹膏味濃， 油潤 甘香 ，蟹膏及蟹肉的精華全被嫩滑的肉餅吸收。真是色香味俱全，而且價錢非常優惠 。公子特色凍豆腐公子特色凍豆腐口感嫩滑，豆味香濃實在， 配上特色豬腳薑醬汁， 清新開胃又消油膩。 擺盤精緻， 大家就更加鍾意。鮮腐竹蕃茄浸菜苗經理的好介紹， 白菜苗使用最幼嫩部分， 非常嫩滑爽口， 配合酸酸甜甜蕃茄 ，仲有香濃豆味腐竹， 整體感覺清爽健康。

✨ 張公子叉燒 🍖 - $258 厚切黑毛豬叉燒真係非常吸引！肉質鮮嫩多汁，油花分佈均勻，每一片燒得香氣十足。外層微焦香，內裡粉嫩，肉汁豐富，味道真係讚不絕口！大廚嘅火候掌握得一流呢！✨ 膏蟹清蒸肉餅 🦀🍢 - $298 膏蟹清蒸肉餅係呢間餐廳嘅最強推薦！蟹膏多到爆滿，小肉蟹放喺肉餅上清蒸，好多蟹汁滲入肉餅到，啖啖鮮味無比！呢道菜嘅精緻度毫不遜色，非常值得推介一試！✨ 秋葵芥末炒蝦球 🍤🌿 - $168 新鮮秋葵加上鮮蝦球，配上微辣嘅芥末醬，真係一下一下俾人驚喜。蝦肉爽口，秋葵清爽，撈埋芥末一齊炒，絕對係一道醒胃之選呀！✨秋霧鹵醉蝦🦐💨 - $168 一上枱嘅時候就被個陣陣嘅酒香吸引！新鮮嘅大蝦琥珀色，睇見都立刻覺得流口水！蝦肉爽口彈牙，帶有微微酒香，非常惹味！呢個詩意嘅名字真係加晒分啊！不過下次應該叫多啲先夠啦，8隻先係完美選擇~✨鮮腐竹蕃茄浸菜苗 🍅🥗 - $138 呢道菜竟然用鮮腐竹配埋菠菜苗，搭配蕃茄湯底，清甜又開胃，個味道真係舒服又唔失口感，係一個值得一試嘅素菜！✨公子特色凍豆腐 🍮 - $38/位 凍豆腐冰冰涼涼，滑溜細緻，入口即溶，真係完美配搭啊! 薑醋汁調得恰到好處，酸

之前食過張公館，係好好嘅體驗，今次嚟到旗下嘅張公子，非常期待品嘗佢嘅招牌菜！ 秋霧鹵醉蝦嚟到張公子，梗係要試下佢嘅名菜啦。乾冰加水造成秋霧嘅效果，未食已經有視覺上嘅享受。鹵醉大頭蝦彈牙入味，有少少麻辣味，非常開胃。 黑毛豬叉燒半肥瘦嘅叉燒真係不得了，肉質軟嫩又多汁，叉燒蜜汁香甜，食到停唔到口。 公子牛肋排原條牛肋排炆得好腍好入味，唔使點咬，入口即化。加咗大量蔥花增加清新感。 奶湯雲吞鍋雲吞飽滿，蝦肉實淨，個奶湯十分好飲，好滑好creamy。