張公子

營業中

休息中

之前兩次到張公子晚飯，雖然價錢略貴，但食物質素同服務都不錯，所以今午想去試午茶點心，順便爲4月有2次同朋友飯局，睇下菜單。二人坐低落左幾樣點心，就碰到熟朋友又剛到飲茶，所以立即想加位，或轉枱一齊坐，但帶位女侍應即時斷言拒絕，態度非常差，話我地落左點心order, 轉厨房好麻煩，當時成間酒樓衹有一半枱有客，我地得5碟點心，又坐近出菜，幾個侍應企係度無野做，衹要交待一聲，有幾麻煩？？我唸佢係可能唔想再執枱。就算我地再提出要求，佢都say no.其實合併枱同轉枱係其他酒樓係好普通事，點解呢位侍應咁嘅服務態度？？？？就算張公子出品幾好，同朋友飯局就打住先，如果再遇上服務態度如此咁樣，食到一肚氣就無謂。

今晚諗住同個朋友傾吓心事但係好多西餐廳或者係日式餐廳，都係會有限時思前想後不如直接去中菜館度食嘢中菜館整體嘅感覺都非常之好燈光非常之光猛舒適嘅環境的確係營造咗一個好嘅氣氛俾我哋傾偈 。枱與枱之間係好有距離，傾偈好有私隱度！講返食物，公子牛肋排嘅肉質超腍同鬆化，就算老人家食都冇問題完全唔會失望！另外，蠔仔餅份量超大，三至四人都夠食。秋霧鹵醉蝦一絕，隻蝦厚肉又鮮，五隻蝦入面有三隻都好多春，超級滿足！芥末秋葵炒鮑魚角，鮑魚角嘅鮮味加上秋葵嘅脆感，味道搭得非常好，令人驚喜。正當我哋諗緊等陣去邊度食糖水嘅時候，職員就送咗兩碗番薯糖水俾我哋，好正。

朋友帶我黎觀塘食中菜，呢度餐廳裝潢充滿中國風韻，營造出古色古香的用餐氛圍，仲有屏風設計。食物方面：我地叫左原條牛肋骨肉質鮮嫩，火候掌握得恰到好處，而且牛肋骨已經起好晒d肉，方便客人食用。茶會用蠟燭火保温唔會凍晒。秋霧蝦口感清爽，蝦肉彈牙，入面仲有好多橙色既蝦膏視覺效果帶有煙燻香氣好似仙境甘。蕃茄腐竹炒菜酸甜開胃，腐竹滑嫩入味，是一道清爽的家常菜。整體而言，菜品口味俱佳，值得推薦，仲有蕃薯糖水蕃薯粉嫩又唔甜。

📍觀塘同事介紹觀塘區中菜館，今日就等我哋試下有幾好食張公子位於觀塘工業區，地點算稍為隔涉，但佔地全層，座位頗多，屬酒樓格局首先係食佢哋嘅名物，張公子叉燒 - 選用伊比利豬肉，冇筋，入口即溶，上品👍艷影蝦球 - 好新鮮大隻嘅蝦，加上薄衣炸完之後，再沾上檸檬醬汁，外脆內軟，開胃之選公子牛肋排 - 老實講外表並唔吸引，但食落發現原來肉質鮮嫩，充滿肉味，幾有驚喜瑤柱扒豆苗 - 正常發揮，不過不失張公子炒飯 - 以為係普通炒飯一碟，但食落非常足料，每粒飯都炒得均勻，鑊氣好夠，好食最後夥計送咗一客薑汁糕，一客桂花杞子椰汁糕同兩碗陳皮燉雪梨作為甜品；服務態度滿分

🍊 餐廳名稱：張公子 (觀塘)🐝 味道：8.5/10環境：8/10整體分數：8.5/10💰人均：$250+———————————————————秋霧鹵醉蝦💰168用左大頭蝦，肉質爽口彈牙之餘，蝦膏都係多到滿瀉。鹵醉方式係鹹同酒味間攞左個平衡，唔會死鹹又有酒香。艷影帶子厚多士💰268賣相平凡但食落好有驚喜！帶子肉質軟嫩，咬落去又香又軟綿，配上牛油香極重嘅脆厚多士，口感好豐富。必叫！原隻膏蟹蒸肉餅 💰338一般中菜廳好難搵到呢道菜式，難得有當然要叫黎食啦！肉餅係蒸嘅過程入面吸晒膏蟹嘅精華，每一口除左啖啖肉之外，仲會有蟹嘅鮮味。而且加埋啲蟹膏落去撈飯，真係人間極品。公子牛肋排💰398牛肋排已經煮到好腍，係基本上唔洗點咬。牛香味好突出，份量又多，性價比高。🗺️ 觀塘駿業街58號3樓🔍#FlavorforToday觀塘🚆 觀塘站A2出口，步行約5分鐘#觀塘#觀塘好西#香港美食#美食#週末#探店#foodie#hkfoodies#hkfoodie#foodieshk#foodiehk#hkfoodblog#hkigfood#hk#hkfoodlover#hkfood#hkfoodblogger#hk

位於觀塘駿業街商廈內的「張公子」，是一間以傳統粵菜和鲁菜為基礎，結合創新元素的精緻中菜館。甫入門口，大型水墨字牌匾和仿石製的收款台映入眼簾，氣派十足，環境光猛寬敞，裝修雅致，無論是平日用膳、慶祝或宴客都極為適合。「張公子」的招牌菜包括黑毛豬叉燒、艷影蝦球、牛肋排、銅鍋石爆筍殼魚湯、龍皇吐霧酒香鮮鮑魚⋯我選擇了以下幾道菜式：✨張公子叉燒，選用優質黑毛豬肉燒製，厚切的叉燒，外層微焦，色澤紅亮光鮮，蜜汁香甜，肉汁豐富。上枱時仍保持加熱，確保每一口都是最佳溫度，配白飯更是絕配。✨ 豔影帶子厚多士多士香脆而不乾，帶子的鮮味與多士的脆香完美結合，每一口都充滿層次感，讓人食到停不下來。✨鮮腐竹蕃茄浸菜苗腐竹滑溜和鮮嫩的白菜苗，搭配清甜的蕃茄同煮，口感清爽，十分解膩。✨碧綠川椒雞這道菜式雞肉嫩滑，非常惹味，川椒的香氣與辣味恰到好處，食落麻麻辣辣超過癮😋

🌸秋霧滷醉蝦（八隻） $168 🌟🌟🌟🌟🌟超靚呀！有秋霧既視覺襯托住醉蝦，蝦是採用了大頭蝦的，酒味濃郁但沒有遮蓋大頭蝦味道，而每一隻大頭蝦均有蝦膏及肉質結實。🌸公子特色凍豆腐（位）$38🌟🌟🌟🌟🌟這個非常特別，凍豆腐本身夠滑，配搭著薑醋汁食用，薑醋汁內還有薑粒配搭，每一口都有薑粒、薑醋汁及凍豆腐非常開胃。🌸艷影帶子六件$268🌟🌟🌟🌟🌟金黃色，每一件都大大件，非常鬆化而酸甜外表，內裡鮮嫩彈牙既帶子，還有配搭著蘆筍及檸檬片，非常精緻。🌸潮式蠔仔餅 $188🌟🌟🌟🌟🌟大大塊蠔仔餅，鋪滿滿滿的蠔仔，食落蛋香味濃郁配搭着鮮嫩的蠔仔，還可以加魚露一齊吃，非常惹味。🌸金牌蒜香骨 $158🌟🌟🌟🌟🌟份量十足，濃郁蒜香味道，每一顆排骨都炸得非常香脆，肉質非常嫩滑，配搭金蒜一起吃非常惹味。

高級精緻嘅粵菜食府，餐廳服務好足，由入餐廳到坐低講飲咩茶,介紹,叫嘢食都係一步到位，非常有顧客心。環境乾淨闊落，唔會擔心隔離左右都坐到勁逼豔影帶子厚多士（六件）都炸得幾脆，平時食開蝦多士今次變左帶子多士，帶子嫩，上面仲淋左D酸甜汁，脆又香又開胃秋霧滷醉蝦（八隻）有乾冰係碗到，飄D煙出黎好靚肉質好爽好新鮮，每隻都有膏，用酒同滷汁醃過好入味，唔會太重酒味又有鮮味。剁椒蒸大魚頭D皮同軟骨都仲係彈，本身見到多辣椒擔心會好辣，但食落又唔係特別辣，但係又好香芥末秋葵炒鮑魚角鮑魚切左角粒形狀方便同秋葵一齊食，芥末食落有少少攻鼻

今次試咗幾道菜，每樣都令人印象深刻。「豔影帶子厚多士」帶子大大粒，煎得啱啱好，外脆內嫩，多士香脆得嚟又唔會太乾，帶子嘅鮮味同多士嘅牛油香完美結合，食落好滿足！「芥末秋葵炒鮑魚角」呢個組合真係夠晒特別！鮑魚角爽口彈牙，芥末味唔會太嗆，反而帶出咗秋葵嘅清新，秋葵炒得剛剛好，唔會太腍，整體口感豐富，味道層次分明。「碧綠川椒雞」夠晒惹味！雞肉嫩滑，食落好過癮，食完唔會覺得膩。「鮮淮山雲耳百合」個菜好清爽！淮山爽脆，雲耳滑溜，兩者配搭得好好，食落好舒服，仲好健康添！總括嚟講，張公子嘅菜式有創意之餘，味道同口感都拿捏得好好，絕對值得再encore！

觀塘其實真係好多名物，有時喺啲工作嘅大廈入邊都可以搵到間好好食嘅餐廳。今日就去咗位於電訊數碼大廈3樓嘅一間中菜館，佢鋪面唔算好大，但係裝修好精緻，有細枱同大圓枱。豔影帶子厚多士厚多士已經唔係周圍有得食，呢個多士味道好出色，每一口都有濃濃嘅帶子味，外脆內軟，真係食到唔想停。潮式蠔仔餅呢個蠔仔餅真係一絕，外面金黃香脆，裡面蠔仔鮮嫩，每一口都有鮮味，吃完之後口腔都充滿香氣。口水汁雲吞皮蛋呢個雲吞真係好有驚喜，皮蛋嘅味道好特別，加上口水汁，整個味道層次豐富，食完一粒仲想再來。張公子叉燒叉燒肉質軟滑，蜜汁味道入味，甜中帶鹹，食完真係令人回味無窮。糟滷鳳爪鳳爪滷得恰到好處，咬落去啖啖入味，醬汁香濃，真係一款下酒好選擇。公子特色凍豆腐呢個凍豆腐清新可口，搭配特製醬汁，口感滑溜，食落去好舒服。

上次食飯先知道原來電訊大廈全部都係餐廳，今次就試吓另外一間中菜 🌟秋霧滷醉蝦 $168一上枱就就哇一聲，因為有好多乾冰，噴晒煙咁好有仙氣😂蝦有八隻，係凍食嘅😗酒味就冇乜，反而有一種椒麻嘅味道，但完全唔辣😙另一方面佢個蝦頭都係一大重點，因為好多蝦膏好新鮮😚🌟秋葵芥末炒帶子 $228帶子粒粒飽滿，煎得金黃香脆，配上翠綠嘅秋葵好有食慾😌芥末嘅辛辣恰到好處，唔會太辣，但又有少少刺激感😛🌟張公子牛肋排 $398一上枱就霸氣十足！ 牛肋排烤得外焦內嫩，秘製醬汁有啲似滷水汁，但係就再甜啲，同埋有大量蒜蓉同香蔥做點綴，增添香氣，好適合送飯😋🌟鮮蘆筍清湯鮮南非鮑 $78每人叫咗一客😆湯底清甜，蘆筍好幼🤣南非鮑魚鮮嫩彈牙，唔會好似橡膠咁韌，但係又有口感🫶🏽

今日朋友提早請我食生日飯， 帶左我嚟張公子。我㨂左以下菜式：👎🏻膏蟹蒸肉餅：點解隻蟹咁細隻嘅， 而且啲膏好實， 肉餅跟本冇混合到蟹味。👍🏻艷影蝦球：皮脆， 蝦新鮮，醬汁酸酸甜甜，好好味。👍🏻張公子叉燒：厚切叉燒有燶邊又唔韌， 仲有個蠟燭係碟下面，暖住嚟食好有誠意。👌🏻米皇淮山浸菜苗：冇乜特別服務兩極化：一位負責開茶執枱嘅服務員，服務態度非常好，見我食蟹即刻攞一堆濕紙巾俾我，會主動睇吓茶壺使唔使加水。 後來因為冷氣太凍，問佢可唔可以校細啲，佢嘅回應係「可能唔得，因為係中央冷氣，不過我都同你去問吓」，終於係有另一位經理級去較細咗個冷氣。👍🏻而另一位負責寫單收錢嘅服務員，應該係高級少少，服務態度就強差人意啦，寫單嘅時候面黑黑，問佢冷氣可唔可以校細啲，佢只係答一句「冇得較」，最後收錢嘅時候，都係面黑黑就咁俾張單我哋，多謝都冇講聲👎🏻我覺得呢兩位服務員嘅級數應該對調😂

呢間中菜坐得舒服，適合同朋友慢慢食傾嚇偈。我哋兩個人叫咗幾款菜已經飽飽，每一碟餸份量都多，多啲人食就可以試多啲款式。首先上嘅係鹵醉蝦，一上枱有乾冰效果。蝦肉飽滿有彈性，食落爽口有花雕香～～接住嘅係膏蟹蒸肉餅，蟹肉鮮甜。肉餅腍身帶有海鮮味。再來炸牛肋肉，表層炸得金黃酥脆，食落脆口，肉質似牛腩肉。最後係凍豆腐，酸甜滋味。～～夜晚好多人，相當受歡迎！環境好，食物好，下次會同多啲朋友一齊嚟，試多幾款嘢食！

和朋友在這品嘗了幾道菜，不僅展現了精緻的烹飪技術，也讓人感受到食材本身的鮮美與搭配的巧妙。無論是家庭聚餐還是朋友聚會，這裡都是極好的選擇。ღ 陳醋海參脆青瓜陳醋的酸甜味與海參的滑嫩口感相得益彰，脆青瓜的清爽則為整道菜增添了層次感。ღ 秋霧鹵醉蝦（五隻）好有仙氣！鹵醉蝦充分保留了蝦的鮮甜，配上香料的獨特風味，每一隻蝦都被鹵汁浸潤，味道醇厚，令人陶醉。ღ 秋葵芥未炒帶子秋葵的脆嫩與帶子的鮮美交融，讓每一口都充滿驚喜。ღ 豔影蝦球（六件）外酥內嫩，搭配特製的醬料，蝦球的鮮美與醬汁的香濃交織出獨特的風味，讓人一口接一口，無法抵擋。ღ 膏蟹蒸肉餅膏蟹的鮮香與豬肉的細膩結合，蒸出來的肉餅軟嫩多汁，讓人回味無窮。

呢間中餐廳地點幾就腳經APM行5分鐘左右就到環境又新坐得又舒服啱晒聚會邊食邊慢慢傾- 豔影蝦球大大隻嘅蝦肉外層炸粉唔厚而且蝦肉仲爽口配上特製醬汁味道帶點酸甜好好入口食多幾隻都唔漏- 公子牛肋排成條大骨連肉上好有氣勢牛肋肉煮得好稔好入味超啱伴白飯一齊食- 黑椒銀絲蝦煲我最愛就係惹味嘅蝦煲而呢個做得非常正大蝦香口而且粉絲掛滿黑椒汁同三色椒粒食到停唔到口 - 鮮腐竹蕃茄浸菜苗呢個清清哋嘅浸菜蕃茄湯底加埋腐竹浸上清清地之餘又有蕃茄酸甜好開胃- 公子特色凍豆腐好特別嘅一個冷盤小食冷豆腐上面配上我形容為豬腳薑醬汁酸甜薑味加埋一齊又幾得意喎