建興亞婆豆腐花

營業中

休息中

聖誕活動拖拖下改為除夕活動當然不用改為農曆年或下一聖誕活動已是萬幸出席人數有點古怪船期關係由索罟灣向榕樹灣方向行差不多走畢全程再跑上令人「嘩」一聲風光明媚的風力發電站後天差不多黑齊才來到吃豆花足足是出發後的兩小時多!是誰說勁慢也不用一個鐘就到???看不見阿婆看檔的是一位阿伯說話不多只把八碗熱豆花悄悄地送上慷慨地滿瀉的豆花令人未吃已一手都是可是實在實在很滑糖水也沒有over地甜山水真的有如此神奇的本事嗎?暖暖的豆花確能為飽經風吹的我們補充不少熱能不用再左手拖右手…首領說豆花加豆漿會再滑一點是故多叫了一杯供全體備用事實的確如此可惜豆漿有點燒焦了是人太多要趕製所以出事了?幸好沒有破壞整體的感覺吃著吃著身邊同行的遊客忽然全消失掉人人都趕船去了其實最趕的應該是我們一行啊..

吃完炸物, 最好的安排當然係吃點甜品潤一潤, 選擇也係自然不過: 已經變做中外聞名的亞婆豆腐花.來到時係大概兩點幾, 條人龍係好長. 因為這裡係先買豆腐花, 之後再自己找位去坐. 於是出現了有空位, 但係仍然排長龍的情況. 其實年前來的時候係不用排大隊的, 係傳媒的力量? 根據"飲食雜誌"的報導, 亞婆下午時間要返屋企煮飯, 較後時間先出返來的. 煮飯期間, 係亞公一腳踢, 效率比較慢, 我們也等了十幾分鐘, 人龍自然更加長.凍豆腐花$7: 7分, 本來天氣熱, 不太想吃熱的豆腐花, 但最後都係要了凍熱各一豆腐花. 凍的其實不算太香豆味, 也或許雪凍了, 質感係差了.熱豆腐花$7: 8分, 雖然一樣無乜豆味, 但係吃落口係覺得比較滑. 其實也不是很特別又或者最出色的豆腐花, 但係在這裡吃係勝在有好好的田園風味.是否又香又滑又平實在見仁見智. 不過, 亞公的衛生意識係比較差, 只見佢筆豆腐花時係兩三隻手指叉了落碗度. 而是日或許實在太多人, 係無乜人清理現場的碗碟, 衛生情況係好一般. 都幾嚇人的.行開山的話, 路經此地, 吃碗豆腐花, 也是賞心樂事.

呢幾日都天陰陰~心情都有d不知怎樣的~好擔心入Lamma島的這一天會下起雨~好多謝個天都幫我~今日入黎竟然有起陽光來由榕樹灣慢慢的走著走著~有點開始熱必經的阿婆豆腐花就在此刻出現了~~~~~當然~~~每次也必定坐下來吃一碗才捨得繼續上路~haha今天是weekday~而且時間尚早~11點幾~人不多黎食個Pre-lunch~今次也是捨豆漿取豆花也一碗透心涼ge豆腐花~真是人生一樂也阿婆可能係對面屋企煮緊午餐比阿公食~在檔口的只有阿公在~在此刻吃著新鮮的冰涼豆花~再加上舊舊的田園風景薑糖水與豆花匹配之餘~再加上點點黃糖~甜得來卻有種幸福ge感覺每一次來Lamma~都會繼續來~~支持阿婆阿公ge心思手作!!

和男朋友遊覽間, 一路大家也記得好像有一間很出名的豆腐花店, 但就忘了是在那兒....幸好, 在行的途中就被一群人圍著的店子吸引, 也心知我們找的地方到了~找了個座位, 男友去買, 要排隊, 見到阿婆不停地"puk" 豆腐花, 也暗中想阿婆也真有活力, 不覺累~好了, 食物到了-- 豆腐花和豆漿一入口~ 真的是我吃過的豆花中最滑, 入口即溶, 勁過食朱古力!!!! 也有豆味~~再飲豆漿, 有點兒覺得過甜~走的時候發現有一篇關於豆品店的訪問, 每人總有自己一個獨特故事~ 直得一看~

本來都食到好飽,見咁多人排隊,又試吓係咪真係咁好味,滑真係好滑囉,但只得滑同甜,無乜味,唔值$7皮一碗

見咁多人排隊....原本有d 唔想排...但係見一場尼到...算啦~~都係食下啦之前都尼過...但係今次專登試真d....呀....真係幾滑...佢一倒d糖水落去已經沖爛左少少豆花....真係堅~~不過就好似唔夠甜....個人like 甜多少少下次要叫熱的....咁就可以落到d 砂糖喇

２００８／３／２２小食１早幾日已計劃在今天放工後去南丫島行山+重溫南丫島特有的美食﹗﹗(<--重點XD)可惜天有不測之風雲，下午開始下起雨來。冒著時大時小的雨，山頭也行了大半過，連鞋子也濕透了，體力已消耗大半...努力行的同時亦在想''到站後不大擦一餐真對不住自己啊﹗''XDDD因為我們由索罟灣行去榕樹灣，第一站就是亞婆豆腐花。排隊的時候，見旁邊有一盤東西，面頭全是白泡的，又多又傑，行過的人看後還說是否是發毛的.......我聽後心開始有點動搖，不過來到又不可能打退堂鼓吧﹖到我的時候，賣開的那盤賣完了，還以為要等一盤全新的送來，見阿叔走去這泡泡盤，用剷子畢走面頭成吋厚的泡泡，一股熱氣即時四散......原來泡泡下是豆腐花來的啊﹗真正是剛出爐的豆花，要了少糖漿。第一啖，沒有任何味道，但很滑很滑，跟本是入口即溶﹗再吃多幾口，發現淨吃就真的沒豆味；連同帶點微微薑味的糖漿吃，甜甜地，剛剛好。另外要了魚蛋和魷魚，各是$6，普通貨色；對比$7的高質素豆腐花，就覺得小食不抵吃了　:b

阿婆豆腐花變得遠近馳名，看到輪候的人龍真是南丫小見。來試一碗熱豆花，吃一口，好像無味，再吃一口，又真的很滑，再挑底一點稍為攪拌，終於有些味，但只是些少薹味，沒有所說的那麼好食，失望。而且吃第二口時便發現白雪雪內裡有一點黑色物體，雖不肯定是什麼，但已給我們不清潔的感覺。至於環境，就是簡陋小食店格局，不過遠看是在大樹下，幾得意。下次可不用再湊熱鬧。

由榕樹灣行去索罟灣，估唔到建興豆腐花咁近榕樹灣。期待已久(有幾年吧)，個個都讚，我又怎能不試呢。吃了一個熱豆腐花，無錯係好滑，不過同其它食到好滑豆花既地方一樣，都係無乜豆腐味，凍豆花更差。我相信最好味既豆花只得深水公和！

每次入南Y島, 都會心掛掛, 一定要去食亞婆豆腐花。豆腐花, 有凍有熱的, 都是$7.兩種味都有試過, 自己覺得凍豆腐花好難食, 好似食緊豆腐甘, 不滑。相反, 熱豆腐花就真的非常好食, 又熱又滑, 入口即溶, 好好味。推薦熱豆腐花, 不可不食!!!~~~

是日帶隊入南丫島遠足, 行到尾聲經過呢度, 細佬之前食過大讚, 為食朋友之前食過都大讚, 在OR亦獲不少食家的好評. 於是, 今次一經過點都自私一次, 拉大隊0黎食下豆腐花! 我要左個熱的, 所謂熱0係咁0既天氣之下都變成暖暖的了, 不過都無所謂. 未放入口用匙羹"BUT"已經FEEL到佢好滑, 食埋入口都真係好滑! 對面的妹妹話"哇! 真係好似入口即溶咁呀!!". 試0左佢地一啖凍豆花連糖水, 仲正! 糖水薑味好夠, 亦很濃稠, 凍豆花雖經雪藏仍不失滑溜口感!搭建出來的小舖頭都別有一番風味~~~~~ 阿婆, 你係得0既!! 我會再返0黎搵你!!!! >3<兼且, 7蚊碗又確係唔貴喎~!

姨母把大街的商鋪留到最後，說回程時才看。經過泰國串燒，她覺得肥膩，沒有停步，但卻說想試南丫島的豆腐花。記錄在案。順着往海灘的方向，當然會經過建興，就來吃了個熱豆腐花($7)。豆腐花味道較清，豆味不太濃郁，但滑溜，石膏粉下得不重，不會死實實。我們也買了咖哩豬皮($6)魚蛋($6)，咖哩汁不是很辣，不會搶去豆腐花的清甜。建興後邊有小路，路旁有菜田，姨母興致極高，在那裏不停拍照，並且要勇闖‘無人之地’，拉着我的手說要看看小路到底通往那裏去.....

新年快樂！南丫島遊人如鯽。亞婆豆腐花檔前要排長龍。要了杯豆漿($6)，朋友要了碗熱豆腐花($7)，說做得幾香幾滑。豆漿清甜，行完山來一杯滿滿的，解渴潤喉。天朗氣清，坐在樹蔭底下，頂着一頭藍天，預示着新的一年，好的開始！

日期：2007年12月25日豆腐花係滑，但無豆味，有燶味．豆漿更有渣，更稱不上咁有口味．

唔係話唔好, 不過未算超班lor普通野者, mk 街市果頭都有2 間好過佢係滑不過冇豆味, 本身想試埋豆漿但係, 免了.........