建興亞婆豆腐花

營業中

休息中

同大同入南丫島 camp...大家去完沙灘，十幾人去食豆腐花，仲叫左 d 小食..."豆腐花": 好滑，但係我對豆腐花無咩研究，真係唔知算唔算出色，2 號話好食 wor~~~ 炎炎夏日，很不錯吧~~~"小食": 我都唔記得食o左咩 la... 因為要搶住o黎食... 唔係一定連汁都無 ar... wahaha ... 下次食o野真係要悠閒 d 先得... 唔係試唔清味道... @@...不過真班人食，又另一番樂趣呢~~~

人人讚好，難得o黎到就梗係要試o下因為甜o野?!?! 有蜜蜂在場飛o黎飛去……有o的桌又無人得閒執o野………因為我個friend 遲到要請，佢去o左好耐，點知原來佢自己拎埋o黎，唔通係自助？唔，豆花一碗，豆腐中間係凍o既；口感，唔係食開就好似唔慣咁；糖水，太甜喇我似乎較鍾意傳統山水式豆腐花，香o的滑o的

人人都話去南丫島必食!!!~終於食到喇!!!~同班fd 行左半個鐘到就到~之後就order豆腐花~豆腐花都冇我想像中咁滑!!~不過都幾好食~^^

游完泳 疲累 口渴 一碗冰凍的豆花，夠爽快！品質不太穩定，曾經吃過太多石膏粉的，吃兩口就吃不下去，昨天的蠻不錯，滑滑的，很清甜

通常路過這兒而會入內幫襯都要有個必要的外在條件：熱天。這次不例外，在大熱天路過，吃碗凍豆花繼續上路，才合情合理。依舊很滑兼沒甚麼豆味，習慣了，也覺得是這兒的獨有風味了。香港也沒甚麼類近的地方賣豆腐花吧？

前幾日去南丫島食過，特別之處係真係同一般豆腐花既質地唔同，佢好粉，而且好輕，好似食緊泡泡咁。不過，就真係無乜豆味，可能落得太多石膏粉，所以無左豆腐花應有既豆香味。

7月13日 熱爆 南丫島一天遊我地由索罟灣開始行,邊行邊影相,大約行1.5小時到洪聖沙灘,行到身水身汗,再往榕樹灣方向行多15分鐘,就見到建興,比想像中簡陋,不過最緊要好食,叫左兩碗凍豆腐花,見到伯伯係一個鐡兜到"畢"出嚟,我心諗,個兜無雪住,d豆腐花咪會唔凍囉.但係..................一食落口d豆腐花真係凍,仲好滑好甜好好味,大約30秒內,我地已經食哂,因為我地好熱,豆花夠凍(為我地降溫) 食完起程,再去下一個地點搵食~~~

吃過早餐, 本打算到處逛逛, 吃完午餐才出發上風車發電站,但時間尚早, 很多店鋪也未開門, 所以把行程一改, 先上風車站。在榕樹灣大街步行上山的途中, 必會經過這間南丫島「旅遊點」之一的亞婆豆腐花。經過便當然要坐一坐, 吃一碗豆腐花, 我和朋友本想要一碗凍及一碗不凍的,不過公公(應該是亞婆的丈夫吧)的聽力不好, 加上人很多很吵耳,所以他給了兩碗凍, 一碗有糖水, 一碗走了糖水。不過不打緊吧, 自己加些黃糖, 輕輕拌勻一點, 吃一口, 是真的吃到有荳味,在不同的地方吃豆腐花, 很多只靠糖水及黃糖來帶出甜味,但這間是真的吃到有一絲絲的荳味。環境很天然, 有點微風, 吃著凍的豆腐花, 是炎熱天氣的好活動,只是有些蚊子, 要多噴蚊怕水。

我地行去海灘，行呀行，咁岩比我地搵到阿婆豆腐花既所在地~知道呢度既豆花係南丫島好出名，緊係要食返碗啦！同男朋友一齊食一碗凍豆花，第一啖既感覺：好冰凍呀！涼透心~好滑，有豆香，$7一碗，唔會貴。阿伯人好好，問伯伯有無水洗手仲帶埋我地去，檔口仲有隻貓，走黎走去，會係你附近喵喵叫！小插曲：我地去完海灘玩完之後，行經返呢度，見到檔口對面間屋上面有好多隻貓仔係度玩，仲見到豆花檔既婆婆丫！我男朋友諗都無諗咁問左阿婆一句：可唔可以影相呀？阿婆即刻話得~~~~哇哈哈哈哈！上到去，果度係阿婆屋企黎架！好多好多隻一個月大度既貓仔跑黎跑去係度玩，阿婆應該都係愛貓之人~粗略估計，有三隻白貓，兩隻黃虎紋，一隻灰虎紋同一隻三色，有一隻貓媽係度，灰虎紋的~姐係頭先吃豆花見到果隻。問阿婆，佢話三隻貓媽一齊生的。我地係度同貓貓玩，影相相，同阿婆傾傾計，講下貓貓，打擾左阿婆一段時間，唔好意思^^"不過真係好開心呀！但竟然唔記得同阿婆影相呀.....||orz

吃完燒乳鴿，回程時見這裡已開始營業，當然要試一試。這裡有凍的及暖的﹝注意，是暖而不是熱﹞，我當然是吃暖的。豆腐很滑溜，有豆香，有一點點的煮焦了的味道，更顯出是自家製的。山長水遠專誠來吃豆腐花當然不必，但路經此地來吃一碗，又真的不錯。7蚊一碗，不貴。特別是襯托著背後的田園美景，很寫意。

今次和 BCPNM fb 輻射 一齊去 camp 我地吃完 lunch 之後由索罟灣行去榕樹灣...途中見到有遠近馳名的阿婆豆腐花當然要試試 我地叫了四碗凍 tofu 花 幾好味... d tofu 很滑...

是日一行人到南丫島行山,行榕樹灣條路準備去洪聖爺灣之間,見到有豆腐花食,而且依間又遠近馳名,當然要入去試下啦!我地一行人叫左3碗豆腐花,有熱有凍,熱豆腐花比凍既香滑得多(我覺得),加埋黃糖,正!不過環境就熱左d,同埋個日無乜人,d位任我地坐咁濟~

冰凍豆腐花～他們說是用山水製成的加上薑汁，令滑滑的豆腐花更加好味～

今日天氣好熱，唸起可以食番一碗冰凍既豆腐花就爽啦~但呢度既豆腐花唔夠凍‧‧‧而且環境好差：焗、有蚊、多小昆蟲 (我明白係山邊食野係甘既環境，所以我都係鍾意係舒適既地方享受美食~)味道方面，我好同意之前既食評所講：燉奶質地既豆腐花，唔係平時食開個種滑既口感~另外，豆味未夠香濃~雖然呢度既豆腐花唔係好正，但我覺得去得南丫島，點都要食番碗豆腐花，話晒都係呢度最出名既食品~

酷熱天氣警告下入南Y島見OPENRICE中阿婆豆花的評價不俗當然要引證一下豆花應該要用那個特製的<殼>將豆花一層一層的皮起, 再放入碗不過眼見用的是湯<殼>!!一<殼> <不>起一碗豆花..很拿西..豆花質地並不像平時食開的,有點像燉奶, 有小小黏..而且還有點燶味....食佢, 都係因為天氣熱, 而不是因為佢好味~