建興亞婆豆腐花

營業中

休息中

因為次次去到檔口都大排長龍, 今次終於嘗試到南丫島阿婆荳花, 真係好滑好滑, 熱食非常正, 阿婆你係得嘅, 有機會去南丫島嘅朋友一定去要試下

熱豆腐花配薑味糖水,最簡單的材料,做到最好的味道(豆腐花不夠熱,再熱D仲好)

跟老公興之所致到南丫島遠足一番先在榕樹灣的附近吃一碗冰冰的豆花以支持接下來到索古灣的路程豆味不是太濃換來的是滑得要緊的口感分不清是豆花還是豆漿..糖水亦下得剛好..伯伯跟婆婆都很好人..有食客把整碗豆花弄翻在地上不但沒有動氣更是匆匆的再奉上一碗即使十二大元我亦樂意奉上!!

估唔到呢度的豆腐花會咁滑,好似牛奶一樣. 我同男朋友都係第一次食到咁滑的豆腐花啊.婆婆好勁呀,點整ga呢??????

after walking along the trail for a while, we sat down for several bowls of tofu fa. they were absolutely the best thing that has ever happened to lamma island. i mean it makes the bak fook tofus bought from seven eleven taste like sponges soaked in syrup.the ah por was so nice too. she gave us two extra bowls of tofu (free of charge) as we only ordered two bowls for five people. Love her =]

主人與奴隸獸一年之中都會去南丫島兩、三次行山遠足，每次從索罟灣出發，就快到達榕樹灣中心區時，必然會經過此豆腐花檔，而我們都會幫襯兩碗凍豆腐花（HK$12）。行山行到身水身汗，坐在帳蓬樹蔭下歇一會，吃著冰凍豆腐花，雖然味道一般，但此時此刻亦變成人間美味。享受自然清風，一樂也。

香滑豆花,女友本想吃熱的,但感覺上只得一點點暖,那麼我們便選了凍的來吃,真的不想,但喜歡甜一點又想有口感的我,再加多一點黃糖,那就更好味了!因不是假日關係,人也不多,更有外地遊客來品嚐,不過蚊就多了一點,但勝在風味嘛!

剛剛的星期日，同男朋友去南丫島游水，去之前已經聽朋友介紹一定要黎lee間食豆腐花，但係都唔抱咁大期望(費時失望ma~)，出發個日，天氣熱，又冇風，行左15至20分鐘已經熱辣辣，冇耐終於到左，即刻就叫2碗凍的豆腐花，未食之前望落去已經好滑，一食真係滑到不得了，入口即溶，涼浸浸，而且用薑汁做底，真係好清甜，黎南丫島必食啊!

今日終於食過豆腐花界最出名嘅南丫島阿婆豆腐花，但真係不外如是，我食凍，好似食撞奶咁，所以都係大埔阿婆好食啲！

建興阿婆豆腐花坐落榕樹灣至索罟灣必經之地，是不少遊人的歇腳點，儘管地方不算乾淨，但為了見識當地特色，都會不惜成為蚊蠅的點心來一碗山水豆花。凍豆花是必吃之選，或許是因為沒有雪櫃存放吧，雖說是凍，但其實只是常溫，所以未能解渴。不過它的質感滑溜，甜甜的，有獨特的豆香，和外面吃的很不同，可說一試難忘！補充完體力過後，又要啟程了，滑滑的豆腐花，後會有期喔！

去得南ㄚ島... 預左喂蚊... 係咪?係山腳有間食豆花o既"客棧" ...好似係無線客串古裝劇..."整多碗熱花ㄚ~ 婆婆... 唔該"簡單而言... 都係熱真正感受其軟滑...當然咁o既天氣... 冇咩人會咁做... ^^

在南丫島要吃豆腐花的地方多的是, 雖然不知道此店的豆漿及豆花是否最掂, 但要數人氣之選則非建興莫屬; 由於人太多之故, 只得兩個人、四隻手的公公婆婆做到一腳踢, 相比起其他豆花店就冷清得多了。

今次再食原因: 上次覺得好食, 好滑!!今次食凍!!依然好, 滑, 但糖漿好似有d 怪我諗唔係碗碗都係不過都幾低死!!

同朋友入嚟南丫島,其中一站就係專程嚟食阿婆豆花!因為天氣太熱所以不得不食凍的~雖然係凍,但係都食得出佢好滑,而且我好鍾意喺呢d環境食野,令我諗番細個住村屋嗰陣時~可惜我嫌佢d糖水太甜,不過又唔係貴,行得耐坐低食番碗都唔錯^^

昨天一行13人到南丫島青年訓練所，經過一問後，才得知這個團是不會出外進食，而且2整天一整夜都要留在camp內渡過．．．我怎會忍心手空空不帶食評回來呢．．．幸好，在上山入營途中，經過or食友一致讚好的阿婆豆腐花，我立即大喊：『停！我要食呢間豆腐花！！！』領隊看見我這麼想吃阿婆豆花，又看見大家都累得很，決定中途休息，讓大家坐下來喝喝豆漿，吃吃豆花。我當然知道吃熱豆腐花才可真正感受到其滑的程度，但在30餘度的天氣底下，汗水都就快"標"乾了，為了降降體溫，只好來碗涷豆腐花。『涷豆腐花走甜唔該』阿伯聽到後立即片了一碗，效率其高，阿伯拿起盛著糖水的壺再問我:『加糖好味D，真係唔要？』，『真係唔洗加啦伯伯，我鐘意食走糖。』，拒絕伯伯的好意，真不好意思，sorry。豆腐花$6：第一口吃下去，黃豆味豐富得很、破口而出，確實有料到！卻不夠滑，但我記得or食友都說這裡的豆腐花滑得很，所以再吃一口細嚐其真味道，Sorry，仍然不夠滑，呀！我明白了，我吃的是涷豆腐花呀，當然不及熱的滑，但可以吃到豆味豐富的豆腐花，小弟滿足矣。PS:趣事發生，同桌的朋友竟跟我說：『點解我食到有D豆味既，係唔係壞左呀碗野。』哈哈哈哈