建興亞婆豆腐花

營業中

休息中

呢兩日去左南丫島, 昨天經過冇去食, 今日特登去食, 嘩 勁多人, 有十幾二十個人排隊...嚟到緊係食豆腐花啦, 佢會加糖漿, d糖漿比較深色, 但唔係咁甜, 不過我覺得加黃糖好食d, d豆腐花唔係咁滑, 但嚟到自然會去食不過今日公眾假期, 可能人手唔多, d碗放係枱上冇人收, 衛生一般..... 多謝7蚊

嚟南丫島,無理由唔去食亞婆豆腐花,由於係國慶日關係,買豆腐花都要排隊,不過都係幾分鐘啫.$6杯豆漿,荳味非常濃,亦很大杯,很扺飲.$7碗凍豆腐花,味道比較淡,但非常非常滑.總之一句:去南丫島唔食過亞婆豆腐花,等於無去過南丫島一樣.

生日前夕去南丫島，知道最出名係豆腐花，當然要試吓。果日勁熱，行到身水身汗終於搵到建興，兩碗凍豆腐花，本身鍾意食熱，因為熱比凍滑好多。好大碗，但唔知係咪真係太熱，唔夠凍，味道ok啦，不過行到咁辛苦有個地方hea吓都唔丫

某星期日下午時間左右去到, 雖然當時個lunch都未消化哂, 感覺仲好飽, 但係黎到冇理由唔食啦! 照殺~~好彩當時唔係好多人, 四五個人排隊, 好快就買到!叫左例牌凍豆花, 雖然碗豆花係唔夠凍 (冇計, 天氣熱), 不過仍然係咁滑! 食完都冇滯既感覺~推介推介~~

難得黎到南丫島, 緊係試下咁多好評ge 豆腐花la~~經過5 次問路..行到好遠終於黎到亞婆豆腐花~點知...一試就好失望...唔覺得好滑..texture 是怪怪的...而且仲有少少"火羅"味...一d 特別都冇..我屋企附近個間都好食過佢..失望~!!!!!唔值要行咁遠黎食!!!!!好彩可以順路行去睇風車~如果唔係真係蹝哂d 腳骨力!!!

We checked OPENRICE before going to Lamma Island~Since Kin Hing Tofu Dessert is highly recommended, we made it the first on our must-try list.The tofu dessert is fine, but personally I could not tell its difference from other ordinary ones. Anyway, it only costs 7 dollars.You can always have a try.P.S. It's so hot that day and I got sun burnt. Gee~

行去洪聖爺灣泳灘途中....終於見到食豆腐出名既"建興亞婆"la~哈哈…拿拿聲就坐低食飯碗先!!!Um..其實我本身係個唔食豆腐花既人..但既然佢出名…就試下la~~^^叫左2碗豆腐花之後…阿婆就”不”俾我地la~~唔知e個阿婆係唔係負責整豆腐花呢??拎住2個碗豆腐花返埋位坐…見住碗豆腐花好似滿到就快瀉咁…呵呵“不”一啖食落口…個感覺好滑!!!好易入口..而且又唔係好甜wor~~~~原本豆腐花都幾好味wor…呵走個陣仲買左杯豆漿..邊行邊飲!!但杯豆漿甜左d ar~~~>_<搞到飲左一半度就丟左la~~~

我之前試過,再加上唔舒服,所以我無食,男友自己食一碗熱豆腐花熱豆腐花 ==> 唔熱,唔滑總括來說,H&K都覺得唔好食不知何解亞婆豆腐花會有咁多好評$7 一碗==> 老實講不太值

果日和朋友入左南丫島行去沙灘途中見倒..就叫左一碗同個fd share先講碗豆腐花天氣熱..就變左唔凍..唔夠滑...好似豆粉開咁......另外...講環境...感覺上.....好唔乾淨...不過都預左...好在叫左一碗...一碗都無食晒

一話入南丫島, 朋友就已經一路 "提醒" 我哋要去食阿婆豆腐花. 諗住去完沙灘回程經過既時候去食, 所以even一落水就覺得肚餓都無去到海灘嗰d餐廳到食就係專登黎等呢碗豆腐花. 雖然嗰日好熱, 不過我始終認為熱豆腐花 + 黃糖係最好既選揀. 不過當我落完黃糖好期待咁放左啖豆腐花落口我就好唔開心. 因為佢唔係熱既.... 基本上連暖都稱唔上.... 只可以話佢係唔凍. d豆腐花又真係好滑既. 不過, 一罐暖既可樂都會扣分啦. 唔知係阿婆熱既定義就係唔凍呀, 定只係咁啱呢桶係咁呢?如果佢係熱既一定好好食!!

同男朋友入去南丫島玩行去海灘途中見到呢檔野~之前睇過OR ge食評唔差再加上熱到爆就入去食左碗豆花好冰凍的豆花!解暑一流!!但就唔係特別滑不過聽阿媽講正ge豆花係唔太滑喎因為加左石膏粉唔知佢有冇呃我呢~~去完海灘返黎又買左豆漿飲嗌o個陣冇即時比錢之後飲完就o個陣比錢阿伯伯以為我地再嗌多兩杯哈哈~當然我冇呃到佢錢啦

我已經食熱 , 不是凍....老實講...真的唔太滑...可能係南丫島最滑$7 唔算平 ,係順路先食...如果你一心行入去...會失望都要行成4~5個字 , 大熱天時行入去...可能個心情覺好食d掛...同西貢"璋上"豆腐花一樣....行咁耐入去~(成個半hr wor) 當然...好食啦~

好難食到咁新鮮既豆腐花, 雖然唔知佢係咪山水, 但係非常咁...滑!而且味道好清甜, 不過如果你唔係好食甜就要叫大叔唔好落咁多糖,因為大叔佢係會一時時重手左既, 我睇返其他人既食評先知道原來仲有小食食既, 下次要試下, 地點好仲貓咪陪你玩, 我地兩個兩日食左四碗, 走時都要特登返轉頭去食, 就知有幾好味!

2-7-08 (三)快要中暑了，終於見到豆腐花店，阿婆不在店內，阿伯主持大局，平日下午也有幾檯客人。坐在好像茶寮的店內，竟然不覺炎熱，想要凍豆花，阿伯說只有暖的，暫時沒有凍的。豆腐花的質地特別，不是很滑，但配上有薑味的糖水也很好吃。再試了凍豆漿，覺得不夠凍，味道普通。總算試過了，秋涼來行山也會再來吃的。

南丫島很出名的亞婆豆腐花........滑是很滑.......但一畢就散.......味道嘛........一般而已..........行了一段路~~吃碗豆腐花的確不錯~~!!亞婆豆腐花地點好~~!!其實真是沒有什麼特別............