廣成冰室

營業中

休息中

因為睇到雜誌介紹,加上呢間野又位處於屋住果居果頭,於是我、豬仔同baby gary專誠黎食$20 一個set,每個"course"都有得揀,一個粉(有兩款揀好似...不過唔記得左有咩揀)、一個包(可揀菠蘿油、蛋治)、一隻蛋(可揀唔同煮法: 烚、炒、煎)我地三個都要牛肉米,湯清清地,有少少薑絲鋪面,牛肉夠林,可能落左好多梳打粉三個都要左炒蛋,味道太淡由於已經食左蛋0既關係,包我就揀菠蘿油冇要到蛋治,菠蘿油唔熱,包底唔係特別好食,皮唔夠脆,麻麻,冇我食開0既菠蘿油咁好味,以佢單買價要$6就太太太唔值至於豬仔同baby gary叫0既蛋治0既毛病都係同個炒蛋一樣,蛋太淡味三杯凍檸茶一般,甜左少少呢間食肆最出名係紅豆冰,但我地去果段時間未有住所以冇試到,下次有機會要試下整體而言食物質素一般,唔係話難食,但並唔係好食得咁緊要而值得出面有咁多人排隊(我地都響出面門口等左幾個字)地方唔算污糟,但幾殘舊,另外由於太多人0既關係要撘枱(我地三個人坐4人卡位所以唔駛"被"撘,但其他"臭"唔夠數0既就要,仲有唔可以慢慢食,要拿拿林食埋就走因為太多人等位,相信如果你夠膽厚面皮慢慢食慢慢"hair", 班侍應門

雖然我自己住粉嶺, 不過可能只係住左三數年, 所以唔知上水有呢間冰室. 早幾年前有個住開上水既大學同學帶我去食豆冰... 嘩, 第一次食完就上左癮!! D 紅豆煲得好"林" 同夠甜, 唔似出面D 又硬又冇味! 仲要大大杯, 食完好飽架. =P果時讀書多時間, 有時早放學就會同我個同學去食tea. 已經放工, 都會耐唔耐搵個星期六下晝過去食.

呢間冰室o既紅豆冰係一絕!好多雜誌都介紹過! 老闆話佢地係用至靚o既天津紅豆...又用d特別o既煮紅豆o既方法, 所以特別好食喎...再加埋個"一柱擎天"o既碎冰柱...好多人都特登去幫趁...再加上呢種懷舊冰室已經見少買少...只係o係舊區如上水,粉嶺,元朗先至有...去感受下舊香港都好丫...

整體來說也是好味呢！我最喜歡那裡的牛肉通粉、紅豆冰和蛋牛治，十分正！蛋牛治用新鮮牛肉製成，牛肉汁滲入麵包之中，正！紅豆冰用碎冰製成，又一正！牛肉通粉加進姜絲，再一正！串就是串一些，很早關門，而且來來去去也只是幾個餐，散嗌的價錢也不平，但好味ma~沒辦法la~環境十分懷舊，地下也不是十分乾淨~

星期日終於試到聞名已久既紅豆冰,比一般茶記紅豆冰煲得林同多條冰柱,d奶係黑白奶都算香滑,但可能自己食得淡口,所以覺得都幾甜下,ok啦。茶餐(牛肉湯通粉、蛋治+飲品)相對黎講較抵食,個湯係有小小牛肉汁浮浮下,就好似阿媽滾牛肉湯、豬潤湯咁,今次牛肉煮得幾滑;但件蛋治仲較得手,d蛋炒得唔錯!呢度既熱杏霜沖得唔錯,夠濃!唔似有d茶記沖到好似水咁,平均黎講都試得過既,有機會懷舊一下無妨,只係上水食肆多的是,平過佢又舒服過佢真係好多,話晒咁既價錢又坐得唔舒服,見到出面成村人等位,自己都唔好意思坐耐小小。不過位收銀小姐態度唔錯,好落力幫客人搵位,送客出門口又好好笑容同人講"多謝晒"

上個月我無啦啦去上水,突登去搵呢一間冰室,好難搵呀...搵咗四十五分鐘,到咗目的地,間嘢真係好殘....同打價有d貴去到就立刻order好出名嘅紅豆冰同白灼牛肉通,人手刨冰紅豆冰好香牛奶同椰子味,係隻幾殘嘅杯可以見到一粒粒紅豆,紅豆入口即溶,諗起都想食不過,個牛肉通就一般,d湯唔清,大家可以隻盤d湯生灼牛肉嘅水,有d嘢浮面,唔...唔太雅觀,食落去真係一般...如果大家父母想懷舊一下,suggest呢一間冰室啦(之前一定要清清楚楚教佢地點去)

我都覺得幾殘舊，除o左杯紅豆冰真材實料，與其他茶餐廳不同之外，其他食品都不外如是。奶茶一般，菠蘿飽亦不是十分好食，牛肉通粉d牛肉「鞋」過亞婆塊面。

紅豆冰好正!!! Yummy yummy ar !!!

d坐椅...全部都九唔搭八...乜野椅款都有..都唔懷舊...而且有d重爛,點攪好呀!!

廣成好...樂滿城重好...細佬教正你呀,重話尤細食到大,牛肉通粉鮮...舊時重正,奶茶掂,佢老豆沖的重濃......

廣成冰室係好不過都係好耐之前, 近5,6 年水準都日漸下降, d 牛肉通粉舊時就好, 就家真係麻麻地, 我都係上水大,睇住佢慢慢差落去,尤其係舊街市搬左後(上水居民一定知), 差時d 生熟蛋就正, 依家食唔食都無所謂啦...你話茶餐廳feel...你真係發緊夢, 果間係冰室...你知唔知冰室同茶餐廳有何分別...學人寫食評!!!... 重有呀, 環境都係一般,得過樓底高!<br>講ma 比你知,只從佢個仔接手呀, d 奶茶都麻麻,佢老豆就堅啦...始終有分別!!!

最鍾意o個度的早餐, 真係由細食到大(雖然個早餐好似十幾廿年都冇變過)<br>牛肉通心粉牛肉好諗,湯好鮮, 同出面一般茶餐廳的湯底有所不同, 唔鍾意烚蛋可以改煎蛋,加落去牛肉通度令你食完後有莫名的滿足感。<br>油餐包/菠蘿油, 牛油係用塊狀的牛油, 略略溶化,夾o係新鮮的包裡面真係一絕。<br>呢度的奶茶咖啡都好濃好滑而且仲係用好舊式好厚的咖啡杯, 可以保持溫度嘛。<br>如果係王家衛迷一定要黎,因為呢度好有阿飛正傳入面的茶餐廳feel, 不過人很多,想追求浪漫免問啦。

環境十分有懷舊的感覺, 約莫二三十年前的茶餐廳裝修. 喜歡懷舊感覺的朋友可以一試.<br>茶餐有牛肉通心粉, 蛋治和茶, 約$19 左右都幾經濟, 牛肉通心粉的湯都幾濁, 和一般茶餐廳的清湯有D 唔同, 蛋治十分好味, 蛋味十分濃郁, 而D 咖啡都好滑. 不過上菜時間都幾慢, 都要等幾耐下.

我諗佢o既紅豆冰敢認第二,好難搵人認第一,用圓錐體泡冰, 紅豆唔硬, 又唔太腍,又夠多, 總之好夠紅豆冰味,正到痺!環境有懷舊冰室feel, 值得去

傳統冰室的風味, 平凡得好好味. 雞蛋三文治十分之好食, 紅豆冰就更加唔洗講啦!