廣成冰室

營業中

休息中

剛從深圳回來，火車停在上水火車站時剎那間想到廣成，需然橫風橫雨又沒有帶雨傘，但一想到這裡的紅豆冰就不其然的在這裡落車。首站先到牡丹樓借了一把雨傘後繼續行程。來到裡客人很少，時跟阿姐問起可能風雨關系而顧客不多；而外面風雨飄搖加上古舊環境再加上客人不多，好像回到七八十年代的上水；當年的行樂戲院真是帶給筆者美好的回憶。茶餐不能改紅豆冰但沒關系，固散點了紅豆冰加牛通；牛通因是散叫固分量不小，煮法跟維記一樣及加上大量薑絲但食味差很遠，試過可以；手鉋冰粒的紅豆冰是這裡的鎮店之寶，整杯紅豆冰一滴水都不會添加，只是大大粒紅豆加上大量淡奶再加上一個圓錐體的手鉋冰粒，當三者合而為一之後的化學反應就出來；其實這食味筆者兒時大部份冰室都是這樣處理紅豆冰亦經常品嘗，但現今已是買少見少故甚覺特別而矣；當然能夠一再品嘗亦相當開心但不致於驚喜無窮；若下次天氣酷熱再加上這杯紅豆冰的話，效果可能更好。跟阿姐閑聊，得悉這食肆已有四十四年歷史，究竟四十四年前的紅豆冰跟現在有否不同呢？這點亦希望下次再有機會探討一下。另外若這杯紅豆冰的杯是用玻璃制的話，絕對比起現在的膠杯強得多。下次再來一定試她們的蛋治是否傳說中的好味及滑溜。

呢間野都係呢一年先比我同女友發現,星期六日要排隊入!食物都係一般貨色,但係要識揀先有好野食!1 )紅豆冰- 不用多講,一個字-正!好有以前冰室果種味道.我阿麻以前住慈雲山,樓下間茶餐廳d紅豆冰真係一一一一流,而家呢杯雖然冇咁既水準,但都有8成!算係咁!15蚊抵比!2 )蛋治- 雞蛋滑,味道唔似澳洲牛奶公司般咁濃味,反而更食到有蛋味既存在,面包就普通貨色!3 )牛通- 個通粉應該係連埋牛肉一齊煲,所以個湯有d牛肉味,好正!而且通粉都彈牙!上次去食叫左個奶油多,d奶"叔"既,不過費事晒野先食左佢!

我和家人第一次去食，我們叫了兩個茶餐配凍飲($22)，茶餐有：1.蛋治：麵包好吃，蛋炒得好滑，不過有少少'火農'，否則就滿分。2.牛通：牛肉口感和味道都好像滑牛，好特別，也很好吃，網友推介要加少少胡椒粉，加了後真係更好味。3.凍檸茶、凍檸水：一般茶餐廳的水準。另加了一份腿蛋治和紅豆冰，紅豆冰幾好飲，我自己就覺得甜度剛好，可能我鍾意吃甜吧！

尋日等咗大約30分鐘先入到去, 坐低即叫一份茶餐同紅豆冰.茶餐好抵食, $20有牛肉通粉, 旦治, 同一杯凍檸茶, 除咗杯檸茶外, 食物非常好. 紅豆冰真係非常正, 愛食紅豆冰的人一定要試. 門外派籌位亞姐無禮貌, 但係鋪內的嬸嬸好好禮貌同主動, 抵讚!可能太旺, 無時間清潔, 所以地下真係好dirty

叫左個牛肉通粉, D牛肉好嫩, 個湯好清, 但係清得黎又鮮甜, 十分好食. 而且只係$20, 非常抵.

星期六下午.等了半個鐘才可入座...已冰室來說都算係第一次.公司:叉燒...太大片+好一般差(只食了2片)牛肉...新鮮嫩滑太陽蛋...一般,茶餐廳水準火腿...一般,茶餐廳水準...一般,茶餐廳水準湯...不俗評:$25並不化算,因真係好一般,不值得企/等半個鐘食碗o甘既茶餐:牛肉通粉...牛肉新鮮嫩滑,茶餐廳食不到.湯有些浮浮下既白色物体,影響買相,通粉一般,茶餐廳水準蛋治...即叫即整有誠意.凍奶茶...冰室應有水準.紅豆冰:紅豆好多好淋+起沙,加上煉奶...正...但甜度偏甜,人手刨冰唔知真定假,但一定好食過用冰粒,$15杯唔算貴.總評:茶餐的通粉不能改,飲品不能加錢轉紅豆冰,不便(被茶餐廳"種"壞了),牛肉通粉卻可以拼(無蛋治)三拼(加錢),蛋治又可以改油占多,菠蘿油(對它有利就得)...紅豆冰散叫都一定要叫,茶餐抵食.阿姐既服務態度對熟客都唔差,對生客一般.環境:好懷舊,好逼,好無feel,好多人面對面陪你食(我最憎)

今次已經係不知第幾次黎到廣成依舊茶餐,熱奶茶,蛋治味道完全一樣,10幾次黎食都一模一樣(除左上次個蛋治差左0的)不過呢,今次係咁多次以黎最少人既一次,全場靜到乜咁,個waiter竟然可以坐0係度同客傾偈,今次可以講係最relax既一次,杯奶茶竟然可以慢慢歎只不過唔知點解廣成好越黎越少人咁,希望係因為落雨先少人喇但願0的上水人繼續幫襯佢喇

18/2，其實已經聽好多人話正，但都係第一次嚟試！叫咗牛肉米、熱奶茶，兩樣都好味！牛米加咗薑絲，好正，天氣凍凍地都幾暖胃！而個奶茶好香滑！聽人講個紅豆冰都幾得，下次會試下~

曾經在上水住過，好多時上班前也專程去那裡吃個早餐。較特別是，他們提供的套餐只有2個。做餐和茶餐。還記得牛上湯肉通粉配少少薑絲，好味到暈。加埋個蛋治就剛剛飽。陳年舊店，值得推介。

今日打完波,去左果度食...好多人等位...入面都幾有懷舊feel...自己叫左個茶餐同紅豆冰...紅豆冰好多紅豆,又夠'霖',加埋舊冰,正~個牛肉通粉d通粉夠入味,加埋糊椒粉仲好食...個蛋治都唔錯...但衛生就唔係咁好lo...地下勁多食物碎同tissue...

與朋友們上大陸前食的一個早餐。踏出火車站,徒步約十分鐘便到。外表與一般的冰室無異，內裹卻人頭湧湧。叫了一個早餐,有菠蘿油,烚雞蛋、牛肉通粉及熱奶茶。菠蘿油似是交來的貨,凍凍的,表面不夠脆,但牛油都幾香滑。烚蛋是用一個盛蛋銀器放着,是本地貨,雖不大隻卻勝在時間剛好，不會過熟。牛通份量不多,大食的會嫌少。牛肉新鮮嫩滑,通粉一般。加點胡椒粉更美味。奶茶夠香濃,茶味重,很有水準,值得一讚。一個餐有咁多嘢食,只是$19,冰室水準來說算是不錯。

0個日星期日11 點度去到,見到就知道間野好出名,因為實在太多人排隊喇~有成十幾個人係度圍住間舖等位,終於入到去,見到入面既裝修真係好懷下,不過有點兒不修篇幅,但係去得呢0的冰室都唔會預佢有咩靚既裝潢~但係估唔到佢最出名既牛肉通粉個買相都唔係好得...難聽0的講句有0的似嘔吐物,而味道感覺都係一般,不過就好過出面0的茶餐廳既,可能我對佢既期望太大,所以有點兒失望,希望第二次有機會再試佢其他野...

星期六下午三點幾都好多人,點了個快餐\:-牛肉通粉-牛肉好嫩,湯底夠味,佢\d胡椒粉好胡椒呀!雞蛋三文治-我改為我最鍾意食嘅油占多,多士好鬆化,果占好好味!包餐\飲,不過紅豆冰要散叫(不過一場嚟到,一定要試嘅!),紅豆好淋,加上煉奶,夠晒甜,因為佢\用刨冰,我覺得比普通茶餐\廳嘅冰粒正好多!下次我會約朋友再去!!p.s. 服務唔係好差啫,d亞姐都ok啦!!

小女子的男友係住上水,自從佢帶咗我去食第一次後,就好似上咗癮咁,現在差不多每個星期都去一次, 久而久之就變咗熟客啦!!睇咗咁多篇食評, 大都係讚佢哋嘅牛肉通粉, 同埋紅豆冰好好味. 無可置疑真係好正, 但我今日就想同大家推介吓以下兩款:1)公司麫/米粉/通粉-- 配料有牛肉,叉燒,火腿同太陽蛋,份量十足.我多揀配米粉,夠幼,湯底入哂味.麫比較"漏",食完好飽,但ok.(最緊要記得落辣椒油呢)2)凍/熱奶茶-- 我係個好鍾意飲奶茶嘅人,去到廣成又怎會唔叫番杯.熱的香濃,凍的香滑,又唔澀,兩樣都正!雖則啲阿姐的服務態度一般,但勝在夠哂懷舊有feel,老闆同太子女都算親切!

食牛通或腿通一定要落少少胡椒粉呀，夠哂野味．如好辣者，可落多一些．很香口．但係千萬不要落辣椒油，這裡的辣椒油最唔好食．