廣成冰室

營業中

休息中

呢幾日差不多日日去上水一次,都幾煩,突然想起廣成既牛肉通~~~ 正!早餐原本想叫'烚'旦,點知叫錯,又係荷包旦~~~失敗一次!自己平日都係食下午茶餐,早餐第一次,傻下傻下話要改菠蘿油,點知比人話不嬲都係菠蘿油喎~~~失敗兩次,菠蘿油我就喜愛熱食,點知上檯時凍到D皮甩皮甩骨~~~失敗三次,死未?

第一次去覺得好懷舊同埋唔敢去佢個廁所囉..但係D牛通真係正呀..睇佢個樣真係估佢唔到

選擇唔多, 不過0岩我呢d 懶人而且佢既牛肉通粉真係好好食蛋治都好有茶餐廳feel~heeheee....我鍾意

牛肉通粉:牛肉唔un又夠味，通粉彈牙可彈地!!加咪糊椒粉就更加正....油占包夠軟....不過有時d煎蛋就熟透晒!!有機會試下紅豆冰先!!

今日同爸爸媽咪返舊屋執野, 搞掂晒後就散步到石湖墟, 黎廣成冰室重溫美味O既紅豆冰爸爸同媽咪唔好甜味, 所以就share 一個茶餐, 爸爸鍾意菠蘿油, 所以就將餐裡面O既蛋治轉菠蘿油, 餐飲叫奶茶.再一次食紅豆冰, 真係無得頂! 大大粒天津紅豆到起沙, 加上份量適中O既花奶, 我覺得水準尤勝於美都!至於個菠蘿油, 包應係來貨, 不過質素都唔錯. 牛肉通賣相麻麻, 食落都okay.下次唔知要幾時先得閒再黎食紅豆冰啦!

唔知點解佢D 野食咁鬼普通，但真係覺得好好味。佢既裝修真係超懷舊，同埋佢間鋪都算係上水區既山卡啦咁遠，但次次唔同時間去到都係要等位，我覺得係上水區既一個神話囉。每一次都係叫茶餐，牛肉通既味道雖然好清簡，但係就帶出左牛肉本身既鮮味，真係超正，蛋治記得加少少鹽呀，好味好多呢，佢既麵包好軟熟，平時好多麵包都好乾身同埋少少硬呢，佢真係整得好好食。我仲未試過紅豆冰，不過見佢既賣相真係無得彈，真係超懷舊。唔係住上水既人都應該去試一試，不過如果唔係住上水既人都有少少難搵呢。

從前在上水讀書，經常會來這兒吃lunch，不過要同o的的士大佬逼。上星期日跟舊同學相聚，因很懷念這裡，便來吃個late lunch ，一坐下二話不說要紅豆冰同餐蛋治，紅豆冰不用多說，真係超級正斗！不過佢o地o既三文治都好好味，無論甚麼餡料都係，因為最正係塊方飽，軟綿綿，滲著溶了的牛油香，真係非叫不可，其實仲有通粉都唔差，有機會的話，不妨一試。

睇到呢度既食評,又見到d相,又諗起阿媽成日都好懷念以前既刨冰.於是叫佢望下,佢答我話呢d同佢以前食個d個樣一樣.於是星期日同佢去試.下午去到,好彩係紅豆冰時間否則唔知點算.間野裝修同幾十年前既冰室一樣(唔知係咪未裝修過,最岩懷舊人士.)叫左兩杯,我咁大個人都係第一次見呢種紅豆冰.個樣真係好正.d冰咁刨法真係好食d,易入口好多.(佢係用個好似刨木咁既刨來刨)而家餐廳用個d碎冰無得比.d紅豆又正,大粒起沙又夠諗.十分滿分,真係冇得頂.可惜我唔係住上水,佢向九龍開間就正羅.

都有成個月無去,今日有事去上水,順便tea一tea,例牌得一種茶餐,牛肉通,旦治同奶茶,點知阿姐竟然問我想要乜,我都覺得有d奇怪,原來佢話d 食品可以亂改,牛肉通可以變火腿通,旦治可以變奶醬多,波蘿油或火腿治,不過我始終鍾情牛肉通(因為我係一個長情既人ma),之前睇網友寫,話'老'老細沖d奶茶好掂,我又試下'嫩'老細得唔得先~~~~~!結果係我埋單時同'老'老細講,你幾時出山ar?

上個星期六我終於食到紅豆冰啦！因為我每次都是早上到此店，所以如果要食紅豆冰哩，一定要在下午去．ok啦d紅豆冰，比較甜咗少少，但係一攞到來，見到個三角冰都幾開心．我覺得旦治很好食，很香旦味，旦很滑．叧外，食牛肉通粉記得落胡椒粉喎，帶出咗牛肉味，好食好多

有一段長時間無黎上水, 咁o岩今日公司要我去上水做信差, 當然約埋上水朋友出黍蛇一蛇, tea一tea. 大熱天時一坐低就叫左兩杯紅豆冰, 兩杯尖頂既紅豆冰平排, 真係有d似馬來西亞雙子塔咁宏偉~ 紅豆都好多下, 好香紅豆味, 同刨冰比例都算唔錯, 亦唔係好甜~再叫一個茶餐, 牛肉通粉今次一般, 整體上無上次咁好, 蛋治反而唔錯, 麵包軟熟, 蛋香而厚仲有d蛋汁. 另外杯咖啡唔錯. 朋友叫左差燒通粉, 望落去d差燒一般.服務已茶餐廳算唔錯, 地方懷舊整潔, 冷氣充足~ps.馬來西亞雙子塔外觀http://avbuzz.htfriends.net/dt/dt.htm

紅豆冰真係幾好, 紅豆多, 又甜又夠稔…最好就係可以再多少少冰啦, 因為溶得好快呀!不過我覺得更好0既係佢0既旦治同埋牛肉通!旦治散叫要$11, 唔平架, 不過真係好正~ 旦又滑又多, 方包唔係澳洲牛奶果隻咁厚0既~不過又係好軟熟! 仲有大大pat好香0既牛油tim~好得!牛肉通方面…我同下面Mr.美食焚化爐0既意見一樣! 又係好得!叫茶餐真係抵好多架! 有旦治+牛肉通+熱飲(凍飲+$1), 都係$19 ja!另外, 佢d絲襪奶茶都十分之唔錯! 香滑~唯一唔好就係…有d品流複雜0既感覺…

上水粉嶺畢竟是舊區,很多店鋪都是有長久曆史,而味道亦各有特色.廣成在上水算是一成功例子,很多時都坐無虛席,其實廣成餐牌變化少,紅豆冰亦非我至愛,但我卻為了'牛肉通'而三番兩次幫趁.牛肉個人覺得好滑,有肉味,而湯底應該是和牛肉一同煲的,所以湯水有很多應該是'血水'經煮過後的異物,可能有很多人感到不安,但我卻反而覺得可以帶出鮮味,薑絲可除去鮮肉的'腥'味烚旦是很多茶餐廳不會提供,但廣成用一個'旦'座奉上,好得意乾淨度,我食幫趁左咁耐,好彩未見過'小強'~~~touch wood環境其實好多人在煲煙,所以我好快走........!

咁o岩黎開呢頭,我女友話呢間野o的紅豆冰好正,就泊左架車係附近o既咪表位,過黎,點知黎到剛好六點正,佢落哂閘,見佢入面仲有人,就問下個阿伯啦,佢問我地食乜野,我地咪話係想食紅豆啦,佢就比埋我地入去喇, 幾好人喎.紅豆冰都有好多人講過,我唔講喇.我想講佢地果o的多士,我叫左鮮油多,入面牛油份量都夠,味道不如何文田的文香園,不過呢道o既多士就好正,麵包烘得好好,密度高但不硬, 要試下!

大熱天時想食一杯冰涼的冰飲，search到上水的廣成冰室的紅豆冰好味，便立刻起行，嘆番杯。由上水火車站到廣成冰室有一段路，行到目的地時已經一身汗，但見全部客滿，要在外面等位。不過，坐收銀的姐姐很好，見我們一行三人未有位，見我們進裏面搭檯等，一有位便給我們。套餐有牛通、蛋治跟餐飲，但我們想便牛面及紅豆冰，套餐不能改，故祗好散叫了。先來紅豆冰，一支導彈般的碎冰，賣相很吸引，加上用充滿冰室色彩的高身玻璃杯，加了不少分數。紅豆其實是紅豆沙，我比較喜歡粒狀的紅豆，不過，大熱天時，這些都沒所謂了。蛋治很有雞蛋味，加上煎得剛好的蛋，軟軟的，很好味。而牛麵的牛肉是鮮牛肉，肉質很滑，牛肉的精華也在湯中散出來。令整碗麵的味道生色不少。不過麵質則是一般，我叫隔離枱的米粉好像比較好味。3杯豆冰、2分蛋治及2分牛麵共$100，唔算好平，不過好味就得啦﹗