廣成冰室

營業中

休息中

以上三個地方都是我與strategic partners常出入的地方。晨早流流, 俾著平時就飲硬茶架喇。但因我好想吃充滿薑味的牛通, 故迫大家來到廣成陪我。4個餐, 有的要蛋治, 有的要菠蘿油; 蛋治又有烘底不烘底, 老式冰室就有著香港人的傳統美德:夠彈性。迫朋友交換一件不烘底的蛋治, 覺得不烘底的蛋治可吃到麵包香, 而烘底的就稍嫌乾硬。牛通加大量胡椒粉很香, 我加太多就變得好辣, 阿姐都好nice地為我另上一碗湯。熱央味道跟熱奶茶沒啥分別, 如終這裡的signature drink乃紅豆冰。話咁快, 又到紅豆冰的季節了。

紅荳冰由細吃到大，像豬手、牛腩、奶茶咖啡一樣，是地道的港式產物。但市面上的紅荳冰，不是用上大粒冰，就是紅荳煲得一塌胡塗，不然就是大集團的產品，鮮有做得滿意的，所以近年已少吃這一味。得知這裡的做得出色，奈何位置實在偏遠，難得一試。趁是日約了朋友在附近玩野外定向，本想去之前吃一次，誰知周未紅荳冰要二時才開始供應，結果是在離開上水前，跟幾位跑友，來這裡一試。這裡是另一間舊式茶檔，綠色灰水的牆壁、硬板直角卡位、頭上的轉轉牛角扇、牆上那手寫的餐牌，全部都是茶記特色。幾位跑友果然是後生可畏，跑左一朝又燒完野食，都可以又牛肉通又蛋牛治又西多士的，我只叫了一杯紅荳冰。如愛美神飛彈、圓錐型的小冰柱，用人手刨出再用模子定型，是這裡紅荳冰的特色。在視覺效果上，先聲奪人。據聞這個做法是避免碎冰過早溶掉，吃落又真的是去到尾也有碎冰，是一個聰明又有賣點的做法；紅荳煲得腍，又香甜，絕不硬掘掘實的的，撈上花奶，拌上碎冰，一羹一羹的吃，冰涼又美味，實在是一個水準很高的紅荳冰，至少市面也難得一見。跑友吃得牛肉通也有水準，湯底清晰，還用上薑絲去煲，應該是用來僻去牛肉的臊味，同一時間令我想起勝香園及維記，也是另外兩間必要一試

餐廳感覺：Menu 好簡單，飲料單都用紅漆寫在鏡子上，感覺就像到了老式的冰室一樣。　椅子和臺面都是老式的茶餐廳的格局，比起電影裏面的九龍冰室還要懷舊。感覺很有風味。　　當然，餐廳的整潔程度和當年代的標準也相差不遠。呵呵。牛肉湯通粉：　湯夠熱，味道濃，胡椒粉夠多。是最好的下午茶選擇。鳳梨油：好味道，包夠軟夠熱，上面的“鳳梨”夠多。紅豆冰：就算冬天都要吃光光，夏天的時候更不用說了。

廣成冰室我去過了。食物方面雖然少選擇,但係食物真係好好味呀!又有懷舊特色,都唔錯。好評黎ge++++

望落間野有d殘,,d 木台木台又搖搖''乞'',,侍應服務麻麻,,由其是收銀個呀嬸,幾假呀!!點假就唔多講喇~~有次去到仲衰,,沖奶茶個呀伯,(應該都係老細黎ga喇)wa..用曬粗口鬧個伙計,,成間冰室,當堂靜晒!咁既服務,你話有幾好,,舖頭黎ga嘛,咁攪發...佢點做生意GA!!講番d食物,,第一次去,,搵餐牌叫野食喇,,認真''羅''命,,原來一間咁出名既冰室,,只得兩個餐,,唔係早餐就茶餐,,但係d野食咪又係一樣,,兩份餐都係通粉,加個包(d包都有得揀既,菠蘿油或者蛋治囉,,但係轉蛋治就係茶餐,唔係早餐囉),,有餐飲跟,只售20蚊,都算抵既..早餐會加隻蛋比你囉,,煎,烚,炒任你揀..但有時d牛通認真唔掂,又淡,又凍,又少。件蛋治仲''羅''命,認真唔岩老人家食,拎到出黎,,d油都已經徹底滲透晒入件三文治裡面,似食豬油多d..no good no good~~食物出到黎,要拿拿淋食..食慢兩啖,d侍應都會係你側邊係咁行係咁行,,你一食完,佢就拿拿淋收起d餐具..仲有,,有時d蛋治,炒到有焦晒都拎出黎...好唔掂..衛生方面呢...真係入到去哎救命..地下都不知幾污漕..可能因為

久違了的紅豆冰, 真係好大杯, 有d 漏添....仲叫o左西多士, 炸得比一般茶餐廳好食,不過細份o左d...

兩點幾到步...為左叫紅豆冰..就散叫...一個牛肉通($17)...一杯紅豆冰($15)...紅豆冰先來...那冰柱叫人興奮...飲落透心涼...正...只是那飲管太細...害我全程要用羹飲...牛肉通...不過不失....個湯好清...有牛肉味...整體都ok!!!

今日放工順便係度食少少野, 五點零鐘, 唔算多人, 可能因為呢度收六點有關. 因為唔係太肚餓, 只係叫左個奶油多($7)同紅豆冰($15).奶油多水準同其他茶餐廳差不多. 但個紅豆冰就真係一流, 座"冰山" 好高, 好有風味, 而且紅豆份量又多, 足有個杯既6-7 成份量, 味道香甜, 食完好滿足, 真係要搵日再黎食多次!!相片可參考:http://www.fotop.net/thxdtsdd/eat

久遺了那裡的紅豆冰, 决定北上小肥羊前, 我們都要来朝拜朝拜.除了翻抄紅豆冰外, 也試了他們的:“芝蛋治”: 好好吃, 蛋滑而厚(但現場觀察, 蛋的厚度是每次不同-.-“), 超軟的方包包着半溶的芝士, 真的吃不停口.“奶油多”: 好, 估不到是用厚多士, 但味道没什麼突出. 紅豆冰, 不用多説, 當然没有讓專誠来會她的我們失望吧.

一心去上水的廣成冰室想食紅豆冰點知1:20pm 去到, 排晒隊要等位.....入到去又發現, 未夠2pm 冇紅豆冰,於是我o地好無奈地叫o左兩個常餐....(因為之後有o野做, 唔可以特佢2pm 先食)牛肉通粉同蛋治其實都一般, 冇紅豆冰淨係食呢d 咁普通o既常餐, 早知就唔洗特登o黎上水地方真係好迫, 搭再搭廚房出食物都出得幾慢......

同朋友專誠過來，介紹他們這裡頂級的紅豆冰，而上次已嚐了這裡的皇牌，今次就選了這裡的茶餐，牛通、蛋治及涷鴛鴦小甜。想這老牌茶檔，奶茶咖啡理應不會太差，但杯涷鴛鴦可用一句唔掂來形容，咖啡奶茶好像生死不相往還；牛通因為是茶餐故份量不多，而在上次的食評已提到這個是平平無奇，不值一晒；蛋治味道跟坊間茶檔相約，未見突出，另外試了朋友的蛋牛治，亦不見得有什麼驚典。環境，服務今次不談了，若只談紅豆冰以外的其他，牛通和蛋治一般，但再加上一杯唔掂的涷鴛鴦，差點點就一定要比咸面！

呢度Ｄ紅豆冰！真係好正！因為我喜歡Ｄ紅豆又綿又沙！呢便用既係最香最滑嗰隻植脂奶，用既依然係鑿完又砌既碎冰塔...同用既依然係用既依然係幼到又啜唔到紅豆既飲管。十一五蚊紅豆冰雖然唔係甚麼，但係真係好少茶餐廳可以做到咁嘅水準！紅豆冰-不用多講正!好有以前冰室果種味道.我阿麻以前住慈雲山,樓下間茶餐廳d紅豆冰真係一一一一流,而家呢杯雖然冇咁既水準,但都有8成!算係咁!15蚊抵比!

不嬲都唔鐘意果d舊式瓷磚和有好多紙巾o係地下果d舊式既餐廳,黎哩度食野既原因不外乎都係d野好食,因為在這個十分逼迫既環境下食野一d都唔會舒服,特別在早餐時間唔冼旨意一去就有位,排隊la... 見到果部支裝汽水櫃側面寫住"可口可樂"4個中文字,牆壁上果幅令我想起童年時代我祖父間上海理髮店同樣掛著"一帆風順"既壁畫和果張痴滿牛皮紙既坐位,睇得出老闆係特燈唔裝修,留住哩份現在已經小有既懷舊環境,畢竟有不少客人係莫名而來貪其懷舊既環境,但對我來說還是乾乾淨淨既環境比較食得開心d...今日下午冇野做同亞媽3點黎食野,諗住冇乜人,點知都係full哂,吹脹!!!叫左2個茶餐,叫野食時waiter已說明今日因為假期d野食會等耐小小,眼見出左好多紅豆冰,有d亞媽特燈同d小朋友黎食紅包冰,大大look圓錐冰插住都幾得意,等左15分鐘左右牛肉通粉終於來到,1.今日d通粉林左好多,我灑上一d胡椒粉,胡椒粉好辣,同平時食果d完全唔同,相信都係這間冰室既特別之"柱",湯底幾好味,唔似得其他茶餐廳一味得個雞粉味,2.旦治淡左d,旦應該"家"d鹽,但對我來說係一件好事,因為我自己煮都唔會放鹽,我唔鍾意食禁多鹽,但對其

一入去當然嗌左個大家都話正既紅豆冰啦..之後再嗌個茶餐同哥分..樣樣野都好正,衰在個冷氣真係好凍,食完就走..d服務態度唔係好差姐...有講有笑咁=]

埋位前夕，先降一降溫。理所當然的要了紅豆冰：不是因為它的賣相特別，只是因為喜歡它又綿又沙的紅豆base；用既依然係最香滑o個隻植脂奶，用既依然係鑿完又砌既碎冰塔...同用既依然係用既依然係幼到又啜唔到紅豆既飲管。$15 紅豆冰雖然唔係甚麼激安價，但如果係為佢個「一柱擎天」而來，當然超值抵玩。