廣成冰室

營業中

休息中

Environment: dirty and small not comfort.Taste fair. No service.

住上水既人一定去過....住0係上水六年上星期第二次去...都係食得好唔享受...我叫左紅豆冰d紅豆係腍但好甜我平時好食得甜但我呢次飲到喉嚨都好辛苦d痰係喉嚨"cake"住....我朋友直情飲左一半就唔飲我男朋友叫左菠蘿包..嘩凍冰冰...係上水成發麵包店買好食十倍.其實我好耐之前已經知道廣成菠蘿包佢地都係0係出面攞貨.唔係自己製造..d 野食已經少菠蘿包都0係出面攞貨....話佢保留傳統...我唔覺..我覺得佢對d客已經冇heart 對食物對冇對$$$就有我諗住第二次0黎可以改觀...因為佢真係好出名...點知都係咁真係好沮喪

廣成冰室: 專一用心做!必試之選食物的選擇雖然不多,最好的必選\"牛肉通粉\"牛肉新鮮布肉味,通粉彈牙,加上少少薑絲(個人喜好再加少少胡椒粉)..一個字\"正\"另外旦治佢\地都已經有好多報導讚賞,旦做得夠滑而且佢\地既早餐\供應時間可以去到下午一點,牛肉通,旦治,男仔都夠飽加飲品都係$20,幾抵食嫁不過黎廣成要選擇合適時間,因為假日實在太多人,最好平日朝早8點前或9點半後,假期8點開始已經很多很多人!另外如果要食紅豆冰就要留意佢\地既供應時間啦!

舊式餐廳服務態度係咁架喇, 本身都食開就知呢間d服務態度一般架喇, 但試均咁多間既紅豆冰就只得呢間最正囉...所以我通常揀閒日下午黎食架喇...如果星期6日就真係人好好好多囉...紅豆冰係我至愛^^ 有時食一杯都唔夠喉, d奶好香好滑, 紅豆又夠林, 17蚊唔算貴了. 出面個d餐廳收你22-3蚊一杯都仲冇咩豆添喇...

本身,都有好幾次去lee間野既經驗.等? 唔係問題,都已經幾習慣係.響上水黎計.. 有兩間都係出名要等既.一間係珍苑,一間係lee度.大約1030 入座(點解咁清楚? 要預時間開工) ,order 左兩份茶餐再加上餐飲.等,再等,等左十分鐘.女朋友話想買份蛋冶俾同事.已經同女朋友講,早少少叫定好d ,唔係唔知佢幾時會到.well ..一路等.餐飲? 冇影.食得既? 都係冇影.俾盡耐心..一等等到十一點.終於有野到左就係後叫既蛋冶.好鬼神奇? Right ?後叫既先到.而等左半個鐘既.. 除左對住台面兩杯茶,就乜叉都冇."已經追緊架喇" ,某伙記說.追? 伸駛乜追.如果唔到份外賣先就唔火滾.餐飲冇乜叉都冇... 係唔係做生意既?ok .. 好食丫嘛?好食到冇得食? 一世BLACKLIST如果大家唔係有一個鐘或以上既"早餐時間" ,我唸,都唔駛預去lee 間咁既野.真係離叉唒大譜.亦都係第二間,完全唔上餐飲既所謂餐廳,真係難得!

真係唔明白,間冰室d餐單已經冇乜野選擇,個個客人差不多點相同的餐,都可以整一個餐俾客人整左半粒鐘有多.....仲有其實佢個餐收費偏貴...分析見下:大家樂早餐:通粉+雞扒+腸仔+蛋+多士/蘿蔔糕+凍飲= $22-23廣成冰室早餐:通粉+蛋+菠蘿油+凍飲= $20差$2-3 人地有扒食同多樣食.....

食物味道一般, 食品單一化選擇,以老字號掛帥,要幫襯它要好有耐性, 因等位排隊, 落單後也要等多半小時才有得食個早餐.....勁慢效率......

除了紅豆冰外, 只有牛肉通粉這一樣招牌菜.鮮牛肉, 湯底不是什麼味精+色水, 這樣是值得加分的.本來, 牛肉通粉+蛋治沒有什麼特別不過, 如果你是喜歡的, 就是喜歡這一家店的感覺. 又何必斤斤計較呢.坦白說, 服務是麻麻地的.要是喜歡的話, 選些不太旺的時間吧我通常都是清晨, 又或是下午四五時才去.

本人乃上水老居民一名，在下小時候爺爺已經常帶我到廣成。到了現在我已年過三十，但間唔中都仲有幫襯。其實食了這麼多年廣成，得出的結論是：如果你鍾意食紅豆冰，你一定會俾好高分。相反，如果你唔食紅豆冰，呢間對你來說可能只會係一間好普通甚至麻麻地的茶餐廳。我鍾意食紅豆冰，所以我會俾笑面lor..haha

星期日下午同女友去食...叫２個茶餐...落單之後先係惡夢開始坐了15分鐘未有任何柯打到聽隔離吹單個樓面重話爐得一個慢慢等吧啦~我聽到火都滾足足20分鐘先有一杯檸茶第35分鐘上令一杯檸水5分鐘後2碟牛肉通粉到鬼晒檔期間重不斷入客最後我不斷不斷不斷不斷不斷不斷不斷不斷不斷不斷吹單先上２件蛋治檸茶<-----淡而冇味牛肉通粉<----牛肉硬過....通粉未熟...湯底淡蛋治<----麵包鋪柯打...冇誠意...蛋半生熟半生熟蛋有沙門氏菌嫁....一間餐廳有人等位,有68個冇良心人給好評天理何在..........................

第一次寫食評.心情真係好興奮. 住上水既我差唔多每星期日都會黎食.大約下午茶時間.黎呢度都一定要排隊.真係有上水板前之稱.今日落雨,去唔使等位.同老婆一齊食.已經叫慣叫熟.以下有0的野推介.茶餐中($20):蛋治既蛋份量應該有1.5隻蛋.厚厚的.好有質感.牛肉湯通粉超正.加少少胡椒粉就更野味.謹記餐飲無得轉紅豆冰! 唔好問點解~全店之最: 紅豆冰($16)cone shape既外表已經好吸引(見圖),紅豆一粒粒係食得出既.誠意之作. (如果想食餐又歎呢杯正野.就先叫茶餐,另叫紅豆冰.茶餐餐飲拎走. $20+$16=$36)

睇雜誌介紹過N 次....想試N 年....去開粉嶺就順路去埋....搵左一輪先搵到....位置好唔似香港....附近D樓好似長洲咁....攪到好有旅行feel.....去到成間舖都係人....門口泊哂單車係度...D人踩單車經過就黎tea 一tea .....好彩岩岩有人走唔洗等位....見雜誌話過呢度D 蛋治好得...叫左一份黎試...加杯紅豆冰.....蛋治冇我想像中咁好味...好普通...紅豆冰賣相可愛....紅豆起沙....甜度剛好....消暑冰涼....

4/28/2007 3:30pm一直想去廣成好耐,為既係佢出晒名既紅豆冰.下午3點幾, 離遠都見到10個人o係度等位. 我同bf等左15分鐘先”攝”到兩個搭枱位, 仲係背頂背o個隻. 地方不大, 但十分懷舊, 牆上餐牌仍係手寫的, 有著70-80年代既味道.坐落就覺得同”牛奶公司”相似, 都係無咩選擇, 又係茶餐($20).要了鮮牛通, 配蛋治, 餐茶無得轉紅豆冰, 只好另加($16).人又多, 但水吧只有一人, 另一個就負責通粉, 包類, 所以個個都等好耐, 一係唔出, 一出就十碟八碟咁出, 我都等左15-20分鐘先有野食.鮮牛通: 賣相麻麻, (見圖) 湯很清淡, 牛肉不太有牛味, 通粉質數一般而已.蛋治: 門口雜誌寫得好好, 又話半生熟, 有蛋汁…可惜, 我既蛋治卻其熟, 沒有半點蛋汁. 可取既係, 白麵包柔軟非常, 好香, 正!紅豆冰: 無懈可擊! 大大杯既紅豆冰, 有70% 係紅豆, 30% 花奶, 仲有超高冰柱. 好味既原因:佢既紅豆靚, 仲煲到有d起沙, 食落味濃. 而冰整碎左混入紅豆仲正. 一試難忘.p.s 除左紅豆冰, 茶餐都係牛奶公司好. 夠快,靚, 正!

由於要重返上水工作關係,大清早就先到廣成食個豐富早餐,牛肉通改火腿通,餐包改菠蘿油,太陽蛋加熱奶茶,好好味,仲要係$20,好抵.下次要試紅豆冰^o^P.S.此店逢星期四休息

同男朋友在上水尋找廣成冰室,因為一心諗住想試下個招牌紅豆冰,好彩都好易搵.廣成外表同埋裡面都好古老/懷舊.坐位好迫,地下都好污糟.服務態度真係ma ma地.不過一場黎到,點都試下個紅豆冰啦.個外表真係幾得喎,個冰柱好高,好多好多紅豆.姐豆仲係起沙的,奶又好味.個紅豆冰係必試,因為出面都搵唔到咁正的紅豆冰.男朋友出去比錢時...個收錢阿姐...好假......(佢咁講令我覺得好攪笑)