廣成冰室

營業中

休息中

上星期6終於都去左廣成度食野啦! 中午收一點就馬上趕過去. 好彩個fd係上水返工, 可以一早去. 嘩~ 去到要拿飛等位啊~ 真係勁!! 好似酒樓咁.我咩住個書包, 行入去都好驚, 坐滿晒人, 行一步就撞到一個人= =!! 唔好意思啊~ 之後叫左個茶餐. 牛肉通,蛋治&野飲. 之前睇左呢度既食評, 知道d牛肉唔係咁好食. 點知自己食落口既時候... 咦~ 點解好似d肉質怪怪地既, 而且無咩肉味. 不過個通粉都正既~ 因為d湯都清清地, 而且食完又唔會口乾~ 唔錯唔錯. 之後食個蛋, d蛋好正啊, 夠滑溜, 不過唔係熱既, 係咪即叫即整架??雖然呢度最出名既野飲係紅豆冰. 不過叫餐無得轉. 而且一杯$17, 本人覺得唔係好抵, 於是叫左杯奶茶. 杯奶茶都唔錯喔~ 好香, 奶味唔會太勁! 食唔到紅豆冰都唔會失望啊XD之後外賣菠蘿油返屋企下午食. 雖然親眼見到佢剛剛拿出黎, 但係拿上手凍凍地, 無咩溫度@.@好神奇啊!! 不過食落口, 上面d皮真係脆, 仲好香~ 好味喔. 不過屋企人話無咩特別, 係脆d咁. 比起樓下個面包咨個菠蘿油仲無咁好食, 因為人地加左少少jam, 仲好食d.要講下既係

見D會員寫得咁好，咪黎試下，重約埋嗰妹添，咁就出事啦。 去到一點半左右，攞咗籌，原來叫咗嘢先可以入去坐底，三個人叫咗2個茶歺，一件散叫旦治及一杯紅豆冰，其中一個歺的蛋治改波羅油。原來散叫的蛋治D蛋係多好多架，食完曬D嘢，除咗紅豆冰，其它一無事處，尤其D牛通真係把鬼，牛肉無肉味重有少少霉霉地咁，D通粉一D都無味，點解D人話好食嘅？ 環境分嗰4分為因係懷舊。

又來到文迪的主場, 其實吃的跟上次來都係一樣, 餐牌都無乜選擇, 當然, 要吃的都係那幾樣, 也不用揀的了. 不變有時又不是甚麼壞事.牛肉通粉: 7分, 雖然係化學過的牛, 不過加了薑絲的湯, 都不錯的, 不過始終有師傅的痕跡, 都係喝兩口就好了.雞蛋三文治: 8分, 另一個這裡的招牌, 但係蛋沒有牛奶公司的水準. 當然, 熱辣辣整出來的蛋治, 也很難會整得難食.奶油多: 6分, 鬆化的, 但係完全唔熱, 好凍. 應該係求求其其的製作效果, 都唔知整了幾耐, 誠意度負分.紅豆冰: 10分, 吃完前面的食物仲未夠兩點, 紅豆冰供應的時間, 等了一輪先有得食. 也不用多評, 總之係得的, 紅豆加上即刨的冰, 係來這裡一定要試的. 不過個冰槌移了位, 賣相差DD, 側埋一邊, 唔係仲好.菠蘿油: 5分, 見有新鮮出爐的菠蘿包, 馬上要一個, 點知食落口係凍冰冰的! 奇怪的係明明見係剛出爐的, 又點會凍呢?食物的水準參差, 當然, 單單要個紅豆冰, 已經值回票價了. 其他的食物, 隨心叫吧! 環境當然係舊式的冰室風格, 服務也不能要求甚麼, 價錢反而值得講一講, 不算便宜的, 跟餐係不能轉紅豆

梗係唔特別啦~你都無食佢出名既野食~佢出名紅豆冰同蛋冶架.最唔得就係菠蘿包(出面買黎)同通粉啦~下次要醒~

2008年3月8日，果日同男朋友諗住特登去呢間野都試下，因為知道好多人話呢間野D野食好好..所以去試左...因為住上水既關係，所以冇咩話千山萬水行黎呢度試...行到門口，竟然出面有人龍???哈哈，諗住真係咁多人，以為好好味啦...佢地個早餐去到下午1點鐘..= =是但啦，都唔知食咩好...菠蘿油：凍冰冰..一D都唔熱..好似擺左成日既感覺咁...牛肉通粉：D牛肉好似俾D粉醃到梅梅地咁...仲有D..唔係D，係好多啡色一粒粒野浮面，睇見都唔開胃..通粉又唔彈牙，一D都唔好食囉...我諗，都係我叫果杯奶茶好D，夠滑..地方：又逼...一D都唔舒服..係，係好有一種老香港既感覺，但係..野食都冇人地講得咁好食..真係誇張到不得了囉!!我諗我同我男朋友都唔會有下次囉..論上水有咩好食茶餐廳都唔會論到呢一間卦???講歷史同背景，呢間真係幾有價值既...睇去環境真係OK..真係好懷舊...我諗...A100(o係上水既茶餐廳)既野食都好食過佢..其實，真係唔明點解好食???

又一個北上團,既然有新朋友加入,點都要盡地主之宜.從火車站信步前往都要十幾分鐘,說說笑笑很快便到,反而要等位才是問題,星期六的早上已經人頭湧湧,單是等位已經去了十幾分鐘.搭檯是必然的事,位子實在太窄,踫踫撞撞少不免,左一聲唔該,右一聲借借,此起彼落,去慣高級餐廳之流,奉勸一句咪黎,扮潮人,學懷舊者,都可以試試.此店早餐變化不大,可以說是毫無變化,單是改麵已經不可以,遑論米粉.不過另叫一碟就可以.一般餐廳會提供炒蛋或者煎蛋,但此處卻有烚蛋供應,放在盛蛋器皿上,既特別又健康.牛肉通味鮮,雖然有血水絲在湯中浮沉,對個人而言不成問題,我最欣賞的是每一碗都是即叫即煮,熱氣騰騰下加入少許胡椒粉,以價論貨,其他地方是吃不到的.有不少人盛讚的紅豆冰箇然水準高,但大家不妨試試其他食物,也有意想不到的收穫.

身在石湖墟肚餓得作響,自自然然會想起廣成。以往星期六日路過都會見一大群人在門外等位,但那天是平日,故去碰碰運氣。其實已是五時多,人客不太多,一坐下,呀姐即走過來說「牛通賣哂,茶餐牛通改為腿通。」心想不打緊,反正也想試試其他,便要個茶餐飲熱奶茶。先來的是火腿通粉,火腿絲偏鹹,今次通粉被湯浸得腍腍,欠缺彈牙口感,雖然是清湯底,但都幾夠味。之後來的蛋冶,蛋非全熟,炒得滑之餘,其蛋汁滲進鬆軟的方包中。而杯熱奶茶,奶味稍重而帶點澀口。如果想感受這裡的懷舊氣氛,慢慢嘆茶,還是建議平日來,否則又要等一餐迫一餐。

冰室要拿籌等候，少有。的確很多人呢!進到去就會見到樓底超高的舊式冰室，下午的陽光射進冰室裡，感覺不錯。他們主要提供早餐和茶餐以供選擇。由於下午時間才去，所以就order茶餐。不久，熱辣辣的雞蛋三文治送上!牛肉通伴著薑絲就幾惹味，柱狀紅豆冰就更要一試。順帶一提，若你真的是怕迫和怕多人的話就不要去了。

本身聽人講呢間野幾好食.咁咪同朋友去食囉. 個到既環境保存得幾好既. 好有香港舊式茶餐廳feel但系好迫. 坐到吾系咁舒服叫左牛肉通. 檸茶牛肉通好淡. 好似完全冇味咁.食左吾夠半碗就吾想食.而個d通粉好怪.好似冇咩口感. 牛肉吾似牛肉. 種之就系完全食吾慣啦!碗野種有d 啡色既野浮浮. 見到都冇咩胃口!如果比我去多次上水食.我會去返後面個間樂園美食.衛生情況又理想.d野都幾好食. 好多野都系個到d人自己人手切(eg.炸菜肉絲)吾系用罐頭野. 真系好食好多!而且多選擇.價錢又合理!

「不如去廣成食野囉。」「廣成？係邊架？」「呢，扑雞蛋個間呢…」「哦－－好呀」細個個陣呀媽間中都會帶我去個邊食早餐，但個陣細細個既我完全唔知間野叫咩名，但一講到「扑雞蛋個間」就知，因為個早餐係有隻熟蛋放係個鐵杯仔上面，用匙更扑。但大個左之後就無再去lu。直到有日係本講香港旅遊既書上面睇到介紹，加上聽到人地話呢幾年好多「九龍人」星期六日會專登過黎食，就諗住再去食下喇。個日去到見到口門真係有唔少人，但係等得都唔算太耐就有位。唔知係因為我大個左定係多人左，入到去覺得細左好多。叫左紅豆冰同蛋治，等左都算耐既時間，D野食先到，好彩有伴傾計。細細個去親都食熟蛋早餐，未試過紅豆冰同蛋治，今次第一次食。個紅豆冰除左條冰柱同D 紅豆真係有小小起沙之外，其實都無乜睇頭，完全唔算係話特別好飲。反而我覺得件蛋治好味好多，因為我本身鐘意食蛋，D蛋夠厚，但又唔會話太誇張。其實我覺得好多人都係去個邊"食"佢個裝修，因為舊式冰室都真係少見。但係懷舊係咪要等於殘舊呢？而且感覺上唔多衛生。加上真係好逼，唔係一個好既食野空間。整體黎講，我覺得間野無人地講到咁好。可能坐係身邊既人唔同左，感覺上間舖差左。

14Sep2007 1557出到群記門口，準備到最後的目標廣城時，諗緊有乜方法唔駛行路搭火車再行餐死，前面有架無號綠van到上水，救星終於都到左。到達時附近的舖頭差不多收曬，但入到食店內卻熱鬧非常，形成強烈對比，來這裡緊係飲紅水豆，再追加奶油多。紅豆粒粒分明兼還有可以「趙」頭，冰粒亦係用刨冰機做出的圓錐體形狀，不像快餐集團般只用冰粒，我自己不識分辨好與壞，但知道有誠意用心去做，奶油多亦較一般的鬆化，都不差。如在上水路過的，這裡是不錯的選擇。

21/1/08下午兩點陪女友去睇醫生之後經過廣成冰室，記得OPENRICE上水區最多好評就係呢度，之前經過呢度成日爆滿，而今日見有位，就入左去試試。　叫左兩個茶餐（牛通＋蛋治）跟凍奶茶，另外再叫一個紅豆冰，牛通通粉彈牙，湯底有少少薑絲，幾特別，可是我個人並不喜歡，但仍可接受，因為薑味並非好搶。蛋治幾好食，蛋份量很足而且很香滑。凍奶茶一般，沒有特別。試試這裏出名的紅豆冰，餐飲不能加錢轉紅豆冰，結果一個人飲了兩杯飲品。經常見這裏食評對紅豆冰的評價非常咁好，紅豆冰的味道的確不錯，但可能期望過高，覺得有點名過其實，總覺得並非咁神級。座位不是很舒適，太密了。總括來說，好食，但未吸引到會第日特登入黎食第一次食評^^

本身住上水都好鍾意去廣城去到成日都聽到有好多人冒名而來佢d紅豆冰同蛋冶係我最愛！d 紅豆好好好大粒同大家樂個d冇得比蛋冶入面有dd 燶味都正d蛋又唔會熟過龍正！

星期日, 我同肥妹去o左上水探朋友o既BB女, 咁順道梗係要拜訪吓係上水石湖墟有成40幾年歷史o既『廣成冰室』啦!! 話晒都有幾十年歷史, 所以佢o地o既樓底極高, 差唔多有成2層咁高, 天花掛住已發黃o既吊扇, 門口亦擺放o左一個麵包櫃放菠蘿油, 不過地方不算大, 但十分懷舊, 牆上餐牌仍然係手寫o既, 真係好典型o既老冰室模樣.『嘩』一聲, 洗唔洗咁墟堪呀? 竟然要排隊攞『飛仔』, 雖然係落緊雨, 但亦無減我同肥妹o既興致, 仲有好多一家大細o既家庭慕名而來. 相反, 同一條街o既其他食店卻得小貓三四隻.先來個菠蘿油, 菠蘿油係比出面麵包鋪o個D大個, o個層皮係大塊D, 厚D同脆D, 不過可能不是熱辣辣新鮮出爐o既關係, 味道只係一般而矣!! 正o既菠蘿油應該係菠蘿包要熱辣辣, 皮係要厚同脆, 加埋凍冰冰o既厚切牛油, 個種『冰火』o既感覺先為之正.跟住就係招牌牛肉通粉喇, 我加o左兩塊餐肉, 其實佢o地D牛肉只係用清湯o黎煮同埋用o左D薑絲來醃, 味道當然唔會好似沙爹牛肉咁濃烈, 不過卻有著沙爹牛肉沒有o既牛肉鮮味, 同埋, 食得出係冇落味精o既, 食完一D都唔覺得口渴. 重有

我住系上水咁耐都系食過一次呢間野...地方又舊又烏糟... 又迫...又唔好食..其他評語過好囉... 可能我唔系食家...唔知點分d牛肉邊d系靚邊d唔系但系點解咁多人中意食呢d(感覺)好似用生粉"那"左一日既牛肉??? 係唔系d人覺得口感唔同, 又有人話正, 所以羊群心理又話好食呢??我諗極都唔明.. ! 因為真係再行過呢間鋪都唔想再入去... 菠蘿油就真系成堄塊牛油夾入個菠蘿包入面... (洗唔洗咁大舊牛油啊, 好冇益)就地方環境來說..話佢懷舊, 不如直接話佢殘舊仲好..因為真系好舊, 一d現代化少少既裝修都冇..4個字" 認真唔惦"