影片
更多
2008-01-07
23 瀏覽
星期日, 我同肥妹去o左上水探朋友o既BB女, 咁順道梗係要拜訪吓係上水石湖墟有成40幾年歷史o既『廣成冰室』啦!! 話晒都有幾十年歷史, 所以佢o地o既樓底極高, 差唔多有成2層咁高, 天花掛住已發黃o既吊扇, 門口亦擺放o左一個麵包櫃放菠蘿油, 不過地方不算大, 但十分懷舊, 牆上餐牌仍然係手寫o既, 真係好典型o既老冰室模樣.『嘩』一聲, 洗唔洗咁墟堪呀? 竟然要排隊攞『飛仔』, 雖然係落緊雨, 但亦無減我同肥妹o既興致, 仲有好多一家大細o既家庭慕名而來. 相反, 同一條街o既其他食店卻得小貓三四隻.先來個菠蘿油, 菠蘿油係比出面麵包鋪o個D大個, o個層皮係大塊D, 厚D同脆D, 不過可能不是熱辣辣新鮮出爐o既關係, 味道只係一般而矣!! 正o既菠蘿油應該係菠蘿包要熱辣辣, 皮係要厚同脆, 加埋凍冰冰o既厚切牛油, 個種『冰火』o既感覺先為之正.跟住就係招牌牛肉通粉喇, 我加o左兩塊餐肉, 其實佢o地D牛肉只係用清湯o黎煮同埋用o左D薑絲來醃, 味道當然唔會好似沙爹牛肉咁濃烈, 不過卻有著沙爹牛肉沒有o既牛肉鮮味, 同埋, 食得出係冇落味精o既, 食完一D都唔覺得口渴. 重有
『嘩』一聲, 洗唔洗咁墟堪呀? 竟然要排隊攞『飛仔』, 雖然係落緊雨, 但亦無減我同肥妹o既興致, 仲有好多一家大細o既家庭慕名而來. 相反, 同一條街o既其他食店卻得小貓三四隻.
先來個菠蘿油, 菠蘿油係比出面麵包鋪o個D大個, o個層皮係大塊D, 厚D同脆D, 不過可能不是熱辣辣新鮮出爐o既關係, 味道只係一般而矣!! 正o既菠蘿油應該係菠蘿包要熱辣辣, 皮係要厚同脆, 加埋凍冰冰o既厚切牛油, 個種『冰火』o既感覺先為之正.
跟住就係招牌牛肉通粉喇, 我加o左兩塊餐肉, 其實佢o地D牛肉只係用清湯o黎煮同埋用o左D薑絲來醃, 味道當然唔會好似沙爹牛肉咁濃烈, 不過卻有著沙爹牛肉沒有o既牛肉鮮味, 同埋, 食得出係冇落味精o既, 食完一D都唔覺得口渴.
重有梗係唔小得o既係主角『手刨紅荳冰』啦, 限時供應o架, 我o地2:30pm到, 時間o岩o岩好, 呢樣最正, 大大杯o既紅豆冰, 圓錐型o既小冰柱, cone shape既外表已經好吸引, 如愛美神飛彈一樣, 係用人手刨冰再用圓錐體o既模定型, 視覺上已先聲奪人, 亦係呢度紅荳冰o既特色, 同出面大集團D貨色完全唔同; 紅荳好腍好香甜, 係一粒粒o既, 仲煲到有d起沙, d奶好香好滑, 勁好味, 真係無懈可擊.
奶茶我冇落糖, 茶味雖然有小小苦澀, 但卻很香濃, 飲落尚算香滑, 正合我心意.
蛋治的雞蛋七成熟, 不會死實, o岩晒我, 不過唯一敗北o既係竟然有小小燶味. 其實好多呢類比飲食雜誌報導過而"紅"起來o既食店, 水準很多時會變得不穩定, 有一種"比乜o野你食也心甘情願o黎排隊"o既姿態, 原來"質"與"量"真係好難共存的...
張貼
