廉記冰室 (春園街) (已結業)

男朋友說灣仔利東附近開了一間冰室 中午排哂長龍一聽之下 為食既我點會放過呢！呢日收工之後7點就去左廉記冰室 好彩無人在外排隊 入到去有卡位坐🙌 見到餐牌 選擇吾算多 但勝在吸引 我點了一個茶餐配mushrooms omelette,叉燒好厚肉 ，同煙un.....還叫了一個焗豬扒意粉好好味 又大份 ，而且蕃茄味好重！不過意粉有d稔。整體黎講係高質茶餐廳，環境優美，服務很好 而且好乾淨係灣仔食到咁抵食算吾錯啦！下似想試下菠蘿包

春园街上开业不算久的一家冰室，层高在冰室里算是特别高的，装修，采光等也非常好，用餐环境比较舒适，不会显得压抑。入座后看看餐牌食品种类还是挺丰富的，价格也适中。点了黑椒牛柳配例汤，柠檬水。例汤的南瓜汤很好喝，味道不错。主食就有些失望了，七成熟的牛肉很不好吃，基本没什么口感，同档次的价位比起翠华餐厅之类的差不少。服务态度还行吧。

平時食開啲日本野同西餐，忽然好想懷舊一番，就去左冰室飲紅豆冰同埋菠蘿包，順便去睇下利東街嘅紅燈籠🏮😝😋一坐低就點綠茶菠蘿包試吓，連埋不可缺少嘅紅荳冰。脆卜卜嘅菠蘿包有淡淡嘅綠茶味，不會太濃，亦不會太淡，濃度剛剛好，同時亦唔會搶咗傳統菠蘿包嘅味道，nice! 嚟到冰室，點可以唔叫炸雞翼薯條呢！最掛住嘅就係傳統冰室嘅薯條，粗粗的，又有波浪紋，不是平時食M記嗰隻😋點埋酸酸美味的茄汁，一個字，正！朋友好想食下咖喱🍛，就點左個咖喱吉列豬扒飯，賣相雖然普通，但聞到已經好想食，香噴噴嘅咖喱味已經令到人流口水，一啖咖喱飯配一啖沾有咖喱味嘅吉列豬扒，食到停唔到口😋食飽飽就去附近嘅利東街同埋啲紅卜卜嘅燈籠影相留念，好開心可以懷舊一番❤

今日黎到灣仔做野，平時比較少黎呢邊，咁就一於係度搵下有咩好野食先返屋企啦。行行下經過呢間冰室，出面望落已經覺得好吸引，因為佢係懷舊feel，感覺上可以食到回憶既味道，就一於入去試下啦。睇menu見到野食都幾平，灣仔黎講簡直係超級抵呀。咁我就揀左呢個晚餐c，西冷牛扒黑椒汁，跟意粉。呢個晚餐仲有湯有甜品有野飲tim呀。一黎到就聞到好香啦，牛扒食落一d都唔硬，又唔會太稔，岩岩好唔會咬唔爛。最重要既係佢有勁香既牛味，唔會好似其他茶記咁比塊薄薄既無味牛扒交貨，真係性價比極高啊。意粉方面，撈埋佢個少少辣既黑椒汁，真係勁開胃呀，雖然好大碟但我最後都食哂。而最值得一讚既係佢杯凍奶茶，茶香奶滑，飲落唔會太甜，夠哂醒神。冰室/茶記呢d餐廳，睇杯凍奶茶就知質素，試完就知道呢間冰室絕對係用心做，唔係交行貨嫁。總括黎講，呢間餐廳環境同食物都好好，係灣仔黎講絕對係性價比極高啊。

今晚又約左大忙人食飯 為左佢 我決定過海但佢實在收得有啲晏 我地就近近地去左廉記雖然叫做冰室 不過環境同味道都唔錯架兩個人叫左三份野食係咩玩法 好彩份量唔大先黎黑椒牛扒配薯菜 真係好冰室feel嘅牛扒味道唔錯 牛扒入口唔會太老 重有至愛嘅粗薯條跟餐有埋餐湯同飲品 幾抵食喎是時餐湯係南瓜湯 如果有埋餐包就完美了老友㨂左羊架 有驚喜喎 一啲都唔”蘇”而且唔會太多肥膏 入口重好juicy 有黑椒汁配埋 不過唔點汁已經好夠味 最尾重有豬肘肉 啖啖肉 入口帶點咸味 唔錯

月頭通常食豪d，之後食下食下... 糧尾就要慳d使～唔好以為食冰室/茶餐廳一定好頹， 呢間冰室外表一d都唔頹，成間鋪都係薄荷綠色，非常光猛。炸魚配薯仔沙律 魚炸到外脆內嫩，唔腥冇雪味。沙律唔係d出晒水，得d雜果的頹頹沙律，而係我最愛的薯仔沙律～ 炸雞脾咬落好多肉汁！ 皮脆，唔肥，連皮食都唔會太罪疚女人餐裡面的烏冬係靚烏冬，彈呀的湯底係什菌湯，鮮甜配埋照燒鰻魚！ 估唔到冰室有鰻魚食！ 味道仲唔錯。 仲有溫泉蛋 + 忌廉菠菜加埋野飲，呢個女人餐都幾豐富公司三文治一個字，豐富！必食！油脾 + 咖哩汁撈丁～邪惡度爆燈！另一個必食！食咁多野，埋單都係$200！抵～

呢間冰室既裝潢好文青, 影相打卡都一流店外仲有麵包區, 睇落d包都幾吸引, 價錢唔算平但係賣相唔差 今次叫左既係dinner set既咖哩吉列豬扒飯$62元不用加一, 都比起要加一的店打了9折一樣 即叫即整的關係, 都要等一段時間才送上台一看到就哇了一聲!! 塊吉列豬扒也太大塊了吧足足有我手掌咁大, 而且仲係熱到出煙的 一啖咬下去, 外脆內嫩!! 再加埋港式咖哩汁, 整個飯不消10分鐘就ko了我覺得個醬汁不錯!! 而且食材豐富, 食哂成個已經很飽肚了 我地仲叫左個火腿奄列配奶油多士share火腿奄列賣相同其他餐廳一般, 但係重點係佢入面勁rich既火腿, 同埋入面個層既蛋係半固態的, 食落有流心蛋既感覺而塊多士就烤到脆脆的, 兩者都是屬於很高水準的茶記必點小吃!!!

白汁鮮菌焗海皇飯茶記入面我最鐘意食既首推一定係焗飯所以今次揀左呢個白汁鮮菌焗海皇飯晚餐都只係需要68蚊, 以焗飯黎講係相當抵食 等左大約10分鐘先送到出黎我諗等咁耐是因為即叫即焗需時既關係聞到香噴噴既海鮮同菌味我便知道這是值得等待的 焗飯上面除左舖滿了白汁以外, 仲有好多海鮮係飯入面有魷魚等等, 將佢成個飯撈埋, 啖啖都係海鮮既香味 友人就叫左個黑椒牛柳配飯, 想不到吃牛柳都只係需要80蚊免加一價錢黎講真係性價比超高!! 我見到牛柳既份量都幾多下而且牛肉相當嫩滑, 鐘意食牛既都可以試下!!

每逄利東街有新嘅裝飾我哋都會去影相因為每次都整得好靚睇完我哋就去咗搵食啦今晚想食啲懷舊冰室，上OpenRice搵到呢一間冰室出邊睇夠光猛，入邊裝修好精緻！嘢食方面我哋叫咗一個晚餐黑椒牛扒飯配南瓜湯仲有杯野飲同甜品👍🏻抵牛扒一上枱我哋眼都凸😂因為佢有兩大塊牛扒而且仲好鮮嫩好好味餐湯係南瓜湯，唔會太杰又不失南瓜蓉好香好好飲除咗一個晚餐套餐之外我哋仲叫咗奄列，一個火腿奄列同鮮菇菌奄列！火腿奄年同平時嘅差唔多不過呢度做得好好啲蛋唔會整到熟晒變旦餅而個菇菇奄列就比較特別啦出邊未食過，非常足料好多菇菇！😂另外我哋叫咗個吉列魚柳沙律吉列魚柳炸得好香好脆仲好抵食只係＄37跟住再試埋佢哋嘅豉油王雞脾🤤超大隻＄23超值而且好入味最後，上甜品！好驚喜！好少茶記或者冰室會有木糠布甸而且仲要整得咁好食為個晚餐畫上一個完美嘅句號❤

復活節的第四天假期，已經忘記今天是星期一，一早起身興致勃勃搭巴士專登早d去排灣仔大王東街的牛角包，諗住今天早起的鳥兒有蟲吃...一路上仲估今日會有幾多人排隊，終於去到那個街口....靜雞雞的靜吖....腦袋突然閃過朋友曾經提起過，牛角包每逢星期一就放假灰到就黎喊，一場來到，點都要彌補心中缺憾先得，搵其他野食。行下行下就來到春園街的廉記冰室，聽講平時好多人排添，今天反而一來到就有位，真系受寵若驚。門口擺有好多包點，好似好靚仔咁。男友點左一份經典早餐，沙爹牛肉公仔面，司華力腸煎蛋配自家包，飲好立克原來經典的意思就是不過不失，正正常常，岩晒難做決定的你。而我就單點左一個蛋撻，綠色墨西哥包，結果侍應拎上來時錯比左菠羅包，侍應話菠羅包系新鮮出爐哦，問我要不要。好吧，試下新鮮菠蘿包吧。蛋撻味道一般，有d膩，不夠食開太子果間好味，嗯...下次介紹比大家。菠蘿🍍包大愛！可能系新鮮出爐吧，真的零舍好味！十分鬆軟！一個不夠，又加單食多個不過店員的服務態度麻麻地

以前响灣仔，都是他帶我去飲飲食食居多，不過隨著時間的流逝，商鋪都變了不少，加上他又唔係成日來呢邊，所以我早前同客開完會，路過見到呢家店，所以決定帶他去食一次。來到門口，有兩樣嘢很吸引到我的注意，第一就係出爐的菠蘿包，另外就係 '廉而有信' 四隻大字响大廳。除了套餐、散叫... 之外，最搞怪的是有幾個餐的名稱真係好特別，什麼「女人的浪漫」、「頽廢餐」等等...我們分別點了周五套餐和撈公仔麵套餐，先來他的周五套餐，就來個南瓜味濃郁的 南瓜忌廉湯，再加杯凍檸樂。而我的撈公仔麵套餐便先來個熱檸水，再加個火腿奄列。荷包蛋煎得很薄和滑，一刺穿蛋後入面的火腿好似跳出來咁～而多士烘得均勻，裡面軟軟地，面仲有薄薄一層牛油，好滋味。芝士焗龍脷柳整條龍脷柳鋪滿一層微焦的芝士，肉質軟軟的，添上一層滑溜，配埋個飯老公都食得飽。叉燒出前一丁不嬲唔太鍾意食肥叉，幸好上枱的呢一碗只係得少少肥，加上瘦叉的部份很厚肉，很合我心意。芒果布丁而周五套餐仲多咗個是日甜品，而呢日的係芒果布丁。食落非常滑，仲有粒粒芒果，很新鮮很有口感。

「男人的浪漫」就知係豆腐火腩飯，但「女人的浪漫」又係乜呢？位於灣仔的呢間茶餐廳就給了我答案！原來「女人的浪漫」就是忌廉菠菜溫泉蛋+蒲燒鰻魚烏冬+咖啡或茶套餐，盛惠$69-。忌廉菠菜好翠綠，但不夠唸，太梗；溫泉蛋蛋心不夠流心；鰻魚都算厚身，但燒汁有D醎！烏冬湯底幾好味，但烏冬則不夠煙靱，不過要讚的是算多秀珍菇；奶茶則一般。這樣的組合都幾啱女士們食，因為唔會太多，亦都唔會太肥膩，用魚代替肉，比較多茹莱，夠健康。可能係因為咁，店主就改咗「女人的浪漫」呢個菜名。妙！

灣仔利東街附近有很多食肆，最近發現開了間新的冰室，主色是我喜愛的湖水綠色，所以吸引了我入去食午餐。冰室正門在春園街，午飯時段將至就開始大排長龍。冰室算大，有兩層之多，而且有很多坐位，中央還有「廉而有信」的題字，近門口位置還放滿了傳統的麵包在櫃給食客或街外客人選擇，香氣四溢。Women's in Romence女人的浪漫（$69）這套餐名字吸引到我們落單，原來就是忌廉菠菜溫泉蛋+蒲燒鰻魚烏冬+咖啡或茶套餐。菠菜焯得青綠，溫泉蛋蛋心嫩滑。鰻魚肉厚，燒汁濃郁。Panfried Salmon Steak with cream sauces香煎三文魚忌廉意大利粉+ 咖啡或茶套餐（$70）三文魚魚皮煎得很香脆，有兩大塊之多，上枱已經聞到陣陣三文魚香味，食落肉質鬆軟，沾上忌廉汁一齊食好配合。西多士 + 咖啡或奶茶 （$30）西多士足有幾厘米高，炸得色調均勻，食落鬆軟

喺香港正宗嘅港式地道冰室數量越來越少，大多原因都係因為租金問題，特別係灣仔地區好多地舖飲食店都轉為連鎖式餐廳或者係高級食材店，不過前兩日俾我發現到喺灣仔就有間叫做廉記冰室，對於鍾意食港式地道野嘅我同朋友沒有考慮地走入去試一試。餐廳環境光猛，座位都幾寬闊，服務員介紹咗我哋有happy hour時段嘅小食, 我同朋友就叫咗個一口牛柳粒同埋一個脆炸龍利柳，怕唔夠飽我哋仲叫多咗個西冷牛扒。港式茶餐廳有樣特點就係上菜速度非常之快，三樣嘢都食唔夠10分鐘就已經上齊晒。我真係要講一講，三樣嘢食份量非常之大，個龍利柳分量足足有一隻半手掌咁大，食落去魚柳厚身而且鬆軟有魚香，炸粉上到係好薄身！配合佢哋自家嘅煙肉酸菜，真係非常之醒胃，提提你唔好唔記得食happy hour小食一定要比＄12飲返支小麥啤，呢種享受只應天上有。正所謂有魚就要有肉，佢哋嘅牛柳粒都絕對唔失禮，牛柳粒每一粒都煎香封邊焦糖面，大約五成熟食落口外面脆口肉芯軟滑牛味濃厚！不過牛肉始終都係濃味嘅食物，食完一兩粒之後，最緊要食下佢哋嘅薯角再食一淡酸菜，就會平衡返成個感覺，最後再飲返一啖小麥啤，美食好環境之下同朋友談笑風生爽死了。怕唔夠飽最後就食

興複古，新開的茶餐廳都加了冰室兩字，行過灣仔見幾大間又多野食，一於去試下先女人的浪漫$68有菠菜溫泉蛋，配鰻魚烏冬麵，個餐仲會有野飲架！菠菜都好腍身，溫泉蛋creamy 加埋忌廉汁一絕。饅魚都幾大塊厚身，皮肥美，烏冬彈牙d更好。朋友點左三文魚餐跟薯菜，嘩好大塊魚扒呀，2大塊一人一塊岩岩好個餐仲有南瓜湯小食好平，索性點幾樣share豉油雞脾$23 好好味大隻咬下啖啖肉架,肉腍好香，街邊小食檔價呢！火腿奄列$28 仲包2片牛油厚多士，正竹炭熱狗$20 個飽係黑色，其他同普通熱狗無大分別，都係長長仔蕃茄生菜醬汁等，係個黑包幾特別有芝麻。