廉記冰室 (春園街) (已結業)

平時食開啲日本野同西餐，忽然好想懷舊一番，就去左冰室飲紅豆冰同埋菠蘿包，順便去睇下利東街嘅紅燈籠🏮😝😋一坐低就點綠茶菠蘿包試吓，連埋不可缺少嘅紅荳冰。脆卜卜嘅菠蘿包有淡淡嘅綠茶味，不會太濃，亦不會太淡，濃度剛剛好，同時亦唔會搶咗傳統菠蘿包嘅味道，nice! 嚟到冰室，點可以唔叫炸雞翼薯條呢！最掛住嘅就係傳統冰室嘅薯條，粗粗的，又有波浪紋，不是平時食M記嗰隻😋點埋酸酸美味的茄汁，一個字，正！朋友好想食下咖喱🍛，就點左個咖喱吉列豬扒飯，賣相雖然普通，但聞到已經好想食，香噴噴嘅咖喱味已經令到人流口水，一啖咖喱飯配一啖沾有咖喱味嘅吉列豬扒，食到停唔到口😋食飽飽就去附近嘅利東街同埋啲紅卜卜嘅燈籠影相留念，好開心可以懷舊一番❤