行行下經過呢間冰室，出面望落已經覺得好吸引，因為佢係懷舊feel，感覺上可以食到回憶既味道，就一於入去試下啦。
睇menu見到野食都幾平，灣仔黎講簡直係超級抵呀。咁我就揀左呢個晚餐c，西冷牛扒黑椒汁，跟意粉。呢個晚餐仲有湯有甜品有野飲tim呀。
一黎到就聞到好香啦，牛扒食落一d都唔硬，又唔會太稔，岩岩好唔會咬唔爛。最重要既係佢有勁香既牛味，唔會好似其他茶記咁比塊薄薄既無味牛扒交貨，真係性價比極高啊。
意粉方面，撈埋佢個少少辣既黑椒汁，真係勁開胃呀，雖然好大碟但我最後都食哂。
而最值得一讚既係佢杯凍奶茶，茶香奶滑，飲落唔會太甜，夠哂醒神。冰室/茶記呢d餐廳，睇杯凍奶茶就知質素，試完就知道呢間冰室絕對係用心做，唔係交行貨嫁。
總括黎講，呢間餐廳環境同食物都好好，係灣仔黎講絕對係性價比極高啊。
