康瑞甜品

營業中

休息中

唔知點解呢成日都好想食芋圓😂聽同事講康瑞成日都排晒長龍，難得放假，梗係揹埋飯團仔去試下啦🥰原本仲諗住落大雨會少啲人，點知去到都係要排隊，好彩等左5分鐘都唔洗就有位啦🤤鋪面積唔算大，叫做有啲迫，好在店員安排左近門口位置，我揹住飯團都仲坐到👍🏻選擇專供仙草芋圓👍🏻好味又真係唔洗太花巧☺️價錢算抵呢個係飯團婆婆㨂既，一向唔鍾意食太甜同芋圓既飯團婆婆都話呢個綠豆沙唔錯🤣只係覺得個味唔夠濃，但足料👍🏻招牌嘢就梗係飯團爸爸試啦，叫左碗凍既，仙草滑嘟嘟，芋圓等夠淋煙韌，好多料，食完真係飽晒🤣我都係㨂返紅豆沙底，我走左椰奶，唯獨覺得紅豆沙唔夠起沙，再沙啲濃啲會更加出色，芋圓地瓜圓唔大粒，一樣夠淋夠QQ🥰整體我係會再黎架，因為價錢抵，芋圓好味蓋過其他小不足🥰

每次嚟深水埗都會食糖水，而每次都淨係去依間。點解？正正因為佢夠平，味道又唔錯。當然係嗌佢最出名嘅芋圓嚟食啦，只係20幾蚊就食到咁足料嘅糖水。佢啲芋圓幾Q彈，配埋其他配料食真係會飽。

每次經過康瑞都見到門口大排長龍，今次見少人啲去排都等左差唔多二十分鐘先有位。舖面比較細加上多人嚟食所以坐得比較擠迫。糖水製作得好快，等左一陣所有芋圓糖水同糖不甩都已經出齊哂。一行四人皆點了特色仙草百配，除了主角芋圓外，配料都非常豐富，有薏米、紅豆、西米、珍珠同仙草等等，所以食完好飽肚。值得一讚的是芋圓整得煙韌彈牙，帶有微微地瓜香味，唔係色素溝粉個種。另外仙草好滑溜，整碗糖水味道唔會太甜剛剛好。大家去康瑞主要都係食芋圓，但其實佢嘅糖不甩都整得唔錯。軟棉棉的糯米團子沾滿花生碎，食落既香甜又帶有軟糯口感，值得一試。

自從係台灣食過芋圓後就念念不忘，但係香港食到的芋圓質素始終麻麻地。聽聞康瑞的芋圓好出名，所以決定試下。八點幾黎到已經坐滿哂人，好在排隊都唔係等好耐。第一次食發現原來康瑞的糖水款式唔算好多但價錢平，配埋芋圓、地瓜圓同小丸子都唔駛$30，好抵食。今次叫左個西米露試下，西米露正正常常唔會好甜，幾好食，入面啲芋圓、地瓜圓、小丸子的份量都好多。芋圓食落真係有芋頭味，幾驚喜，但我覺得整體上芋圓同地瓜圓都偏軟左少少，口感差啲，不過都算係我係香港食過最好食的芋圓。

一直很喜歡吃仙草和芋圓，在台灣和深圳會食鮮芋仙，但在香港要平食仙草，朋友說就要來這間康瑞啦～甜品的選擇不算多，較集中於傳統糖水和仙草芋圓特色仙草百配 $25 |這碗百配十分足料，除了仙草外，有芋圓、地瓜圓、小丸子、紅豆和西米等，味道好夾。仙草非常滑溜，但無平時飲珍珠奶茶那些仙草那般有口感。另外感覺份量較少，唔係好夠喉～三種芋圓都非常煙甄，好想叫多碗呀～最近銅鑼灣開了鮮芋仙，但價錢非常貴差不多4-50 蚊一碗，但在台灣同大陸食都不用這個價錢。有時寧願俾錢小店賺都不想給這些抬高價錢的大品牌。

食完晚餐特登黎試下呢間嘅芋圓，黎到之後等左幾分鐘就入得都算好快。入到黎坐左中間嘅兩人枱坐得都算舒服，唔算太逼。Order 左「特色仙草百配」，入面有仙草，薏米，西米，珍珠，芋圓，蕃薯同埋小丸子，唔會好甜，剛剛好，分量十足，廿幾蚊碗好抵食，最重要係芋圓做得唔錯，好煙韌，仲食到有芋頭味，抵讚！

由細舖食到喺大街既地舖，向來覺得個老闆有人情味，賣芋圓之餘亦不至好商業化！但今次太失望我本身有奶類敏感，舖內糖水向來花奶另上，所以不以為意，點知放喺眼前既係已經放左花奶既芋圓仙草，自然會叫侍應請求換一換，試問佢客量咁密，我而枱唔要，隔離枱唔夠幾秒都叫番同一款，點知老闆一句:一早落單無講，無得換，即使我講完對奶類會皮膚敏感。個餐牌都無寫有奶！而家間舖野食質素無變，但已經無人情味同機械化。再好食，我都不會再幫襯。

康瑞甜品王牌係「特色仙草百配」有齊哂兩種芋圓（黃係番薯n紫係芋頭）、仙草、薏米、紅豆、西米、珍珠。再會配埋淡奶最欣賞整個甜品係微甜，如果係減緊肥既女仔食左都唔會太over quota仙草好滑滑到可以“sir”入口芋圓好煙韌而且無麵粉味。仔細啲食會食到兩種芋圓本身原材料既味道。亦即係番薯🍠同芋頭。如果一啖食幾款配料會有多層次既口感成個感覺好豐富好滿足到食甜品既慾望。仲有不可不提係佢價錢好平$25碗咋性價比咁高去邊度搵啫！但缺點係好食既野就多人爭好多人排隊！哈哈！就算買外賣都要等一陣。但無阻吃貨吃好西的決心

康瑞出名食芋圓應該街知巷聞每逢去到深水埗都要報一報到夜晚時間去等位就一係一定不過當晚我哋四個人去食15分鐘就有位之後安排到去門口出邊張枱上菜嘅速度十分之快，大概5分鐘到就已經有了今次都係叫咗呢個招牌芋圓嘅數量好多，配料亦都好足芋圓亦都十分口感黏韌但個湯偏甜

黎到呢到，行咁遠都係得一個目的，就係佢地既自家制芋圓同地瓜圓！呢間離深水埗地鐵站都幾遠，隔離間越南食店，可以直落。咁我地就當然叫左個特色仙草百配。唔，芋圓同地瓜圓味道唔錯，食到香味，亦都Q彈。但係呢，除此之外都幾多缺點。糖水味道唔夾，佢唔係台灣食開既黑糖味糖水，我地一致覺得夾埋一亦好怪，仲要加上花奶，更加唔match 。另外成碗野都唔凍，入口微涼，成碗野整體就係好一般，唔會想再食，不過店員態度唔錯，唔忍心比負評，但評價過高啦。

呢間出名賣仙草芋圓既糖水舖響盡全深水埗，佢冇話好似其他糖水舖咁咁多野食揀，比盡得廿樣野食，不過老實講入面有8成客都係會食佢既皇牌—特色仙草百配。😍😍呢樣皇牌食品勝在佢夠經典同埋多料，（珍珠，仙草，紅豆，薏米，西米，芋圓，地瓜圓）一次過滿足哂你N個願望🤪當中地瓜圓同芋圓都做得好入味同埋夠哂彈牙，細細粒咁又唔會話好粉；仙草真係超級超級滑；珍珠都做得相當有水準唔太淋或太硬都幾彈牙；紅豆薏米西米都係軟身得黎又有口感唔太硬，簡單d黎講就係各個小部分都做得相當出色！同埋夠哂平！廿幾蚊一碗咁多料既糖水依家真係邊到搵到🤤🤤不過食呢間野就真係要些少耐性，因為真係幾多人排隊，兩個人食就好易涉到位同人搭枱，多人少少就真係有排等，呢次就特登早d去食，咁岩插到兩個位唔洗排✌🏻✌🏻如果唔係過往我會唔等索性叫外賣😂😂

呢間芋圓糖水舖好出名，喜歡吃芋圓既朋友應該都有留意，康瑞最初係一間涼茶舖，個時我已經試過，係用外賣膠兜裝仙草芋圓，依家舖頭大左好多，客似雲來。今日咁岩去深水埗食晚飯，所以就去左康瑞會一會我最愛既芋圓。特式仙草百配芋圓、地瓜圓、小丸子 $26，可選凍和暖，因為天氣都涼涼地，所以揀左暖。芋圓、地瓜圓都好煙靭，裡面仲有西米，面頭有d椰奶，仙草如果結實d口感會更好，味道不會太甜，而且價錢好平，性價比好高，芋圓愛好者有機會記得去試下。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

晚上跟數名友人來到小店，由於時間尚早（約9點多）等了十多分鐘後便安排了入座，點了1號特式仙草百配，上檯速度很快，不消一會便可享用整碗糖水的甜度剛好，不會過甜或是過膩，所以整碗吃下去也不會覺得太飽濟的。仙草滑溜，味道清淡，芋圓、地瓜圓口感煙韌但芋頭和地瓜的味道不太突出；其他配料如西米、薏米、紅豆則表現正常，沒太大驚喜。對小編來說，康瑞甜品的芋圓仙草不是很驚豔的甜品（在同區還有數間糖水店也能品嚐到呢）大家如果想以二十多元的價錢吃一個糖水快吃快結單還可以，不過想在這糖水店聊聊天就恐怕萬萬不能了。

突然心思思想食仙草芋圓，就落深水埗試下康瑞甜品。餐牌選擇唔多，主打傳統糖水。上網睇最多人食嘅都係1號仙草百配，勝在咩都有，芋圓、地瓜圓、小丸子、仙草，一次食晒舖頭最推嘅仙草芋圓。外賣拎走食，份量適中偏少，甜度岩岩好唔會太甜，仙草夠滑、芋圓有咬口，搭加紅豆西米等配料，非常夾。好食推介 (8.5/10分)

「康瑞甜品」之前是在深水埗醫局街的康瑞涼茶只做外賣，而且每天由中午4點開門直到晚上，而搬到前一條街在荔枝角道開了一間可提供坐位的甜品店。甜品店也裝修帶點中國風味，非常整潔。甜品有19款，有凍還有熱，但熱的不會燙口，是溫暖的，貼近身體溫度的，價錢由21蚊起。來到必定要吃芋圓啦，我點了椰奶紅豆沙配芋圓，份量十足，椰奶香濃，甜度剛好，不會太甜，芋圓彈牙煙韌，紅豆沙粒粒分明，西米細細粒，一碗甜品內有多層口感，有軟有硬，非常美味。