康瑞甜品

營業中

休息中

自從朋友介紹過康瑞，食過第一次之後就上左癮喇😍😍😍 香港依家有好多甜品舖都有芋圓食，不過都係康瑞最最最好食!!! 每次必食1號：特色仙草百配!! ❤️ 有芋圓、地瓜圓、仙草、珍珠、紅豆同西米，一次過食晒佢嘅招牌😋 而且依度嘅芋圓煙煙韌韌，真係可以用台灣嘅Q黎形容。另外其他選擇都好好味，例如酒釀桂花、椰汁西米、桂棗雪耳、紅/ 綠豆沙等，都可以選擇單叫或者配芋圓。依家食糖水真係越來越貴，$26有一碗好食嘅糖水實屬難得，值得行過黎一試😋

食完triple steak，朋友覺得唔夠喉(唔係我，真係唔係我)，就去左附近既康瑞甜品食糖水，側聞康瑞甜品既芋圓好好食5分鐘內到左，真係轉個彎過條馬路就到，大大個好光既門牌，好搶眼好易望到餐牌，平均二十幾蚊就有一碗糖水食，好抵食 我叫左餐牌第4樣：椰奶紅豆沙配芋圓、地瓜圓、小丸子 (熱)本來會擔心咁既價錢會唔會好細碗，但又唔會喎碗糖水甜度適中，好香椰奶，份量都足，芋圓地瓜圓都好食，小丸子正常不過我唔太鍾意紅豆沙入面加西米，連埋芋圓、地瓜圓、小丸子就太多料係入面，唔夠紅豆沙得黎又分散左注意

👆餐廳環境2人餐單參考（飽足程度：★★★☆☆）：綠豆沙配（芋圓、地瓜圓、小丸子） x1特色仙草百配（芋圓、地瓜圓、小丸子） x1 一共HK$52👆特色仙草百配（芋圓、地瓜圓、小丸子）$26（推薦指數：★★★☆☆）芋圓做得算是新鮮Q彈，餐廳刷桌律那麼高，這也證明東西都會比較新鮮，起碼不會過夜！！！其中地瓜圓最好吃，吃得到🍠的香味，另外，由於我們是吃飽飽來的，一直很擔心會吃不下，或者很膩！但是這個不會，因為甜度一般，湯汁也夠多，吃完不會太大負擔！👆綠豆沙配（芋圓、地瓜圓、小丸子）$26（推薦指數：★★★☆☆）

心思思~~今晚大约10：00再來康瑞食糖水!來之前,已心想一定又是店外不少人在外等候. 果然真的哦~但都要食無論等幾耐！因已有兩個月無吃過。等了大约一小時後，终於有位。我们落了1號的特式仙草百配及3號桂棗雪耳湯底配芋丸再加一個19號湯不甩。我試過其他都是终情於1號，我不喜歡吃涷的，所以叫的是熱的。不過店员说是暖的。果然是剛好的温度。最喜歡它不是太甜的，是刚刚好的味道。另外的3號也不错，有很香的桂花味。而芋丸很煙韌，份量不多不少，剛好。通常食完正餐，才吃糖水。感覺剛好滿足而湯不甩也是有口感，最喜歡是它的椰絲，很香！總数$72.真的是值回票價！如果真的要说美中不足就只是铺內比較迫，快食快走！總体，很十分满意食物的質量！

呢間係妹妹極力推薦，我地一行6人係荃灣食完dinner後妹妹堅持要特登搭車黎呢度食糖水，佢真係無介紹錯🤩🤩！係香港依家愈來愈多地方有芋圓食，但之前試過幾次都唔好食，啲芋圓好硬。但呢間真係做到台灣當地既感覺，芋圓又香又煙煙韌韌👍🏻👍🏻👍🏻，叫左個凍既招牌仙草芋圓，老公就叫左熱既，強烈建議各位黎時食個凍既，比起熱食好味好多，老公試完我果份之後後悔左🤣🤣🤣呢間除左好味之外係超抵食，20幾蚊就有一碗😍😍但份量當然唔會太大啦

難得過嚟深水埗打波，打完波成身汗當然要食返碗糖水啦～經開呢頭就見到有一間好多人企喺門口嘅糖水店，就知情原來就係勁hit嘅康瑞。真係聞名不如見面！👋🏻👋🏻👋🏻等咗一陣，好快就已經入得去啦叫咗碗最出名嘅黎try try，芋圓好彈牙，湯水唔算太甜，味道適中。有機會會再嚟食下，不過地點就唔係話好就腳，唔太近地鐵站，但康瑞瑞確係令到呢度人流幾旺！

跟媽媽來食飯後甜點，仙草很滑，芋圓Q彈，份量不大但料很足（有紅豆西米珍珠等）不甜膩，也不會很凍。在門口看到老闆，面也和善。支持用心開店的人！下次同朋友約埋再去幫襯

每次黎都會叫佢個特色仙草百配，因為好大一碗都只係$25嫁炸🤩而且佢唔單單只係仙草芋圓，裡面仲有地瓜圓、小丸子、西米、薏米、紅豆、珍珠添嫁😚 (唔知仲有冇漏左冇講🙊) 呢碗乜都有，真係啱晒有選擇困難又貪食既人士😋包括我💁🏻‍♀️

唔係講笑，我做咗康瑞涼茶嘅粉絲好多年，又嗰陣時仲係涼茶鋪已經開始幫襯（仲有SHARE過比大家），食到而家，對而家去咗大鋪之後，質素真心不跌反升～只需要$26嘅甜品，有齊芋圓、地瓜圓、小丸子，超級超級足料！紅豆沙真係有沙（呢個好重要🤔），甜度啱啱好；綠豆沙味道就會偏淡，但兩者都超級好食！對於我呢啲超鍾意食芋圓嘅人，匿埋咗係糖水入面嘅三寶超有咬口，岩晒我呢啲鍾意趙野嘅人！真心推介，我次次黎深水埗都忍唔住食😋-椰奶紅豆沙/綠豆沙配芋圓、地瓜圓、小丸子 | $26-

食完晚餐後，當然要加多個甜品做圓美既終結啦。同朋友晚飯後，飽飽地就由太子行去深水埗食人氣芋圓。其實有好多間人氣芋圓選擇，但我只鍾情於康瑞甜品嘅芋圓。佢地既芋圓夠Q彈軟夠足料新鮮，勝價比高。行到去都差不多11點，等左唔使15分鐘就有檯入得。叫左特色仙草百配，同埋暖胃薑汁芋圓。叫左無耐食物好快就上檯。如果第一次食我會建議選擇特色仙草百配，因為咩都有齊，可以一次過滿足咩都想試既需要。如果食得薑辣既朋友，就一定要食薑汁芋圓，有雞蛋花同夠薑!

之前已經聽朋友介紹過呢間舖頭，但一直未去食過，咁岩前幾日下午4點幾行經過見無咩人，唔洗等位，馬上入去試食，可能唔太多人架關係，唔會坐得密質質服務員態度都好好，叫左一碗姜汁芋圓(熱) , 已經有埋地瓜圓，芋圓同小丸子，唸住只係$26一碗, 應該好少料啦。點知黎到係超多芋圓地瓜圓，小丸子。佢哋真係一啲都唔孤寒，芋圓又煙韌又有芋頭味姜汁又夠辣，好好味又抵食!食完一碗已經好飽！CP值真係好高! 下次會再嚟試食其他野

想試康瑞甜品的芋圓好耐，但一直就唔啱時間，今次終於可以試到啦！入夜後既深水埗冇咩車，好多人就咁泊架車係馬路邊就入去食糖水。康瑞既糖水選擇唔算多，而我為左食芋圓而黎就當然係幫襯芋圓啦！1. 特色鮮草百配店鋪主打，非常足料，有冷熱選擇，因為覺得鮮草係要凍食所以叫左凍既，但略嫌芋圓比較少，有少少失望2. 桂棗雪耳湯底配芋圓我個人比較推薦👍🏻 桂棗雪耳清甜好飲，配合埋煙韌既芋圓，效果好好，材料都好多，見到好多雪耳總括黎講，係一間不錯既小店

星期五夜晚成11:30去到都大排長龍超多人！👓香滑腐竹蓮子配蛋(凍) $21原本唔想食仙草所以求其叫咗個腐竹糖水點知出奇地好好食！糖水底同平時唔同唔係腐竹煲到奶白色，而係透明色飲落去好透心涼嗰種清甜；腐竹未煲到爛晒，一片片腐竹帶點蛋花，仲有隻金黃色雞蛋。如果唔要雞蛋都可以轉做芋圓添。評分：8.5/10👓椰汁西米露配芋圓 $26正常！好香椰奶味評分：7/10👓特色仙草百配(凍) $26有芋圓地瓜圓小丸子珍珠薏米，非常多料好大碗！芋圓煙煙靭靱非常好食，有口感得來又唔會好硬，食得出番薯同芋頭味，果然名不虛傳。滑嘟嘟嘅仙草係正宗燒仙草而唔係偷工減料嘅涼粉，同花奶係好好嘅配搭，係因為我唔鍾意食仙草所以先覺得未夠完美😂評分：7.5/10秘制軟滑糖不甩 $20糯米皮好軟熟，係花生餡評：7/10

作為芋圓控，之前康瑞未搬舖前，已經食過佢既芋圓。今次響深水埗呢頭食飯，飯後當然要黎食康瑞啦我地去到都已經成10點啦，門口都有一堆人等緊，好彩等左15分鐘左右就入得。因為我地有3個人，所以係雙人位再加一張凳咁坐，有少少逼呢。我每次黎都會食佢個特色仙草百配，貪佢有齊芋圓、地瓜圓、珍珠、薏米、同埋仙草等等，咩都可以試，又大份又足料。仙草百配都係保持到水準，味道唔太甜，岩岩好，芋圓地瓜圓夠煙韌。而朋友就分別叫左椰奶紅豆沙配芋圓、同埋腐竹蓮子蛋配芋圓。但食腐竹蓮子果位就話味道麻麻，我就偷食左佢果碗少少，同一般既腐竹糖水差唔多，都係仙草百配最好味。

許多年前仍然喺學生時代，已經食過康瑞甜品，由以前需要坐街嘅舊鋪，走到今日嘅地下鋪，每次嚟幫襯都有不同感受。今次叫左3樣甜品：特色仙草、薑汁芋圓、糖不甩。特色仙草百配（$25）只能講，每次都一定會叫特色仙草。因為有好多料好滿足，呢種滿足正正就似填補生存嘅失落。味道當然係我覺得最好食嘅，味道無變，仍然係舊鋪水準。暖胃薑汁配（$25）薑汁底一直以嚟都無食過，今次就試試佢。應覺試個薑汁好柔軟，但我覺得薑汁應該要有返相應嘅霸氣，即是薑汁味可以再勁d，再辣d。以一碗熱食嚟講，佢嘅溫度幾好，唔係暖而係真係熱嘅，但又未去到熱手熨手。秘製軟滑糖不甩（$18）糖不甩都係一直以嚟未係康瑞試過嘅，今次亦都試試佢。糖不甩有6粒，3粒有料，3粒無料。有料嘅比較好食，因為入為係花生碎嚟，所以好香。呢個粒不甩幾好食，值得推介食！