康瑞甜品

營業中

休息中

好耐冇食過芋圓，聽朋友講係深水埗有間食芋圓幾好食，於是就決定買個外賣返去試下去到餐廳，原來除左芋圓仲有出名仙草餐牌選擇以芋圓為主，仲有小丸子同地瓜圓最後叫左個椰汁紅豆沙配芋圓，地瓜圓同小丸子，起初以為只可以揀一樣，原來三種都有哂！椰汁味幾香，但唔會蓋過左芋圓佢地既味道，紅豆沙既豆都煲得岩岩好，唔會過淋或過硬，一次過可以試哂三種真係太好，而且價錢都唔係貴，$30有找，路過深水埗既朋友可以去試試呀，下次去都要再食呀！

夜晚同班friend食完飯未想走，所以去左出名芋圓好食既康瑞食甜品😋雖然九點到外面已經有品少人等緊，不過等地五個等左唔洗五分鐘就入到去食～我同另一個friend叫左最出名既特式仙草配，芋圓，地瓜圓同小丸子都好軟滑，同係台灣食既芋圓好似，夾埋清爽既仙草食好正！糖水都唔太甜，我次次黎都食依個有friend腸胃唔好就叫左暖胃姜汁配，姜汁真係好暖胃😂而且都係唔太甜，好夾芋圓！另外有人叫左椰奶紅豆沙配，紅豆沙有起沙，而且都係唔太甜，好食！仲有個叫左酒釀桂花配，中意飲酒應該幾中意，而且桂花好清新，唔會好膩！最後我地share左個糖不甩，無咩特別，不過裡面有花生餡，好夾啲花生！總括而言係一間唔貴，值得一去再去食芋圓既甜品舖！

好耐以前去過康瑞甜品食芋圓 一試難忘🥰之後每次講開深水埗第一個諗起嘅地方就係佢啦！今次黎深水埗鴨記買開野 之後又無野趕咁就梗係去揾下康瑞胡老闆🤗點知原來四點鐘先開門 真係唔憂做啦🍇仲要等多15分鐘 唯有去斜對面間7-11睇下雜誌睇到4點05分過返去赫然發現鋪頭已經八成滿即係話呢5分鐘入面已經有廿幾三十人入左去Turnover又快 老闆真係豬籠入水啦🤫例牌要招牌「特色仙草百配」我anytime 養生mode on 一定係食熱嘅😉睇起上黎平平無奇 實質內有乾坤材料有芋圓、地瓜圓、小丸子、紅豆、西米、薏米、仙草、奶粉圓有口感唔再多講佢d仙草整得又薄又煙韌！究竟係點做到！同埋平時食甜品叫熱野好易過甜呢度甜度就啱啱好啦☺️ 大滿足呀🥰幾年黎完全冇退步過👍🏼

食完飯梗係要食返個甜品先至圓滿，突然間心血來潮好想食芋圓，偶然嘅機會下比我搵到呢間專食芋圓嘅糖水舖康瑞同一般嘅糖水舖唔同，佢唔會好似其他糖水舖有好多唔同種類各式各樣嘅甜品，因為佢哋專注做芋圓點解我會話適合三心兩意嘅人，係因為糖水可以一次過有哂芋圓，地瓜圓同小丸子，三款都係我好鍾意食嘅嘢，食完辣野食碗綠豆沙清下熱就最適合不過，綠豆沙唔會好甜，都唔會稀到好似水咁，芋圓既大細都適中，撈埋綠豆沙一齊食真係幾好味！

復活節假期最後一天來到深水埗買東西，想起食芋圓，當然想起康瑞啦！下午三點來到，原來四點才開門，繼續行街，之後再來食😋四點多再來到，門口已經有人等位，拎飛後在門口等左一陣有位了。趁等位時間可以先在門口洗手盤洗洗手。我點了一個特式仙草百配，其實係乜都有。 喜歡有暖的選擇。我不吃凍野的。一路食一路覺得好好味😋感覺好養生的，薏米，西米，地瓜圓，芋圓，小丸子，還有仙草。超鐘意食😆細味下，芋圓是有芋泥味道，地瓜圓是有甜甜的蕃薯🍠味道朋友簡簡單單點了綠荳沙，正常野！

康瑞甜品係我眼中大份又抵食! 雖然唔係成日食, 但有時都會心思思想買一碗^^今日放工突登黎呢度買一碗番屋企, 因為天氣有D焗, 唔想食飯既話其實食一碗都夠飽!!!今次都係揀左<<特式仙草百配>> $26入面有好多配料, 包括: 芋圓, 地瓜圓, 小丸子,珍珠,意米,西米等.芋圓, 地瓜圓等都係標榜自家每日新鮮製造!仙草好滑而且味道甘涼^^ 芋圓, 地瓜圓好煙韌, 而且都食到原材料既味道我mami食過都覺得OK! 而且覺得性價比好唔錯呀~

夜晚喺深水埗食飽飽，行咗兩個圈睇完電子產品，口痕好想食嘅糖水，記得深水埗有間食芋圓嘅甜品譜好出名，大食妹即刻發揮foodie 本色將佢搵山黎就系你喇- 康瑞甜品！！8點幾去到唔駛等位就可以入座望下個menu ，其實選擇唔算多，黎黎去去都係紅豆沙、仙草、西米露等等咁隔離嗰個都嗌芋圓，幾飽都要揀返有芋圓的甜品<特色仙草百配$26> (好味:4/5) (抵食:4.5/5)好豐富嘅配搭，有芋圓、仙草、西米露、地瓜圓、小丸子。。。芋圓、小丸子好煙un ，仲要超重芋頭同地瓜味，食完有幸福滿滿嘅感覺仙草好滑，仙草味好fresh，加埋椰奶點綴真系無得輸<椰奶紅豆沙配$26> (好味:4.5/5) (抵食:4.5/5)紅豆沙煲到起沙，好感動呢芋圓、地瓜圓一樣咁好食，值得一提的是椰奶配紅豆沙多左份香滑感，好味呢好彩大食好早到，落左單冇耐出面條人龍愈黎愈長，到走個陣排左差唔多廿個人，康瑞的名氣果然系名不虛傳

因為係附近食完大排檔既關係見到附近有糖水就入左黎啦望到個menu嘩頭先仲諗緊食咩好 因為身體唔太舒服既問題 點知原來係有多款養生糖水而我就揀左桂棗雪耳糖水個糖水好暖好舒服一開始我驚佢會落好多糖落去令到佢好甜但係食落原來係無既 甜度係岩岩好~仲有係真心多雪耳 食完大排檔係熱氣野再飲一碗暖胃又暖喉的糖水 真心開心我地4個人有3個都係飲桂棗雪耳糖水只有另外一個friend叫左特式仙草百配芋圓、地瓜圓、小丸子望落去雖然無桂棗雪耳糖水咁吸引但係原來佢地既特式仙草百配係主打試左啖食落去全部都係煙靭野但係好足料 成碗都係芋圓、地瓜圓及小丸子所以大推，下次黎要試其他野!

由一間涼茶鋪變成甜品鋪，心諗佢既甜品都一定健康啦哈哈。每次黎到都一定要食返碗特式仙草百配，啱曬鍾意食煙煙靭靭既我。一碗有齊所有煙靭既美食，芋圓煙靭有芋頭南瓜粒、珍珠夠甜、仲有小丸子同大小西米，除左一眾煙靭仲有薏米紅豆真係超足料。最後仲有仙草既襯托，真係一碗令人滿足既甜品～

呢間糖水店小編由醫管局街食到荔枝角道.特色仙草百配地瓜芋頭芋圓、薏米、西米露、紅豆、、小丸子、仙草再加上濃濃既淡奶唔同既口感，煙煙韌韌得黎又滑劣劣食完飯再食返碗，幾飽都有第二個胃🤤.人均消費：$26推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻🤙🏻（9/10）

呢日行過深水埗，食飽晚飯就已經一早預咗去食康瑞甜品😆之前一直都係屋企人買外賣俾我食，自己就冇食過堂食，難得依一日經過深水埗就去朝聖啦！雖然已經差唔多夜晚10點，但係門口依然超多人，等位都差唔多等左20分鐘。入到去座位雖然有啲迫，但係勝在佢落班同上枱嘅時間非常之快，等左都冇5分鐘，本甜品已經送到喺眼前啦！叫咗依個招牌，佢嘅份量非常之多，芋圓，珍珠，小丸子同西米嘅份量都係非常大方，依幾樣配料加埋一齊口感好煙銀，啱晒啲鍾意食煙銀野嘅人！而且個糖水亦都唔會話好甜，佢嘅仙草亦都非常之嫩滑，好易入口，好似食緊啫喱咁😍另外，呢一碗就係我平時食外賣嘅招牌1號，賣相好似同喺堂食差好遠，但係只不過係沉晒喺底姐，味道都係一樣嘅！😋💕😍

😑芋圓好粉，唔夠Q彈，扣曬分😐仙草都好軟好軟😪唔知點講好，可能真係各人口味唔同啦，我就比較注重個口感😌😌平心而論，個味道都唔係話差嘅，價錢又好便，當搵個地方坐下吹下冷氣吹下水😂😂真心，唔係我杯茶就唔會再黎啦🤭👀眼見都真係多人排隊👂🏻聽講都係熱店🔥😋試過就知唔適合自己🤔

晚上食完晚飯後, 去了這間甜品店外賣了一碗熱椰汁西米露帶回家吃。餐牌上的糖水選擇不太多，每一款糖水的價錢不高、幾親民的。差不多所有糖水也會配上芋圓及地瓜圓，亦可配上湯圓。芋圓是台灣出名的甜品配料，我幾喜歡它的口感，它為甜品增添層次感。椰汁西米露的甜度剛剛好, 椰汁味香甜、突出。糖水裡面還有三款配料, 分別是芋圓、地瓜圓、小丸子。裡面的西米露份量有很多, 每一啖都吃到西米, 配上煙煙韌韌的配料, 口感幾豐富的。

其實自己一直都好鐘意食竽圓，每一次去台灣都必食的🙆‍♀️雖然近呢幾年來，香港開始多左地方有得食竽圓，但老實說唔係間間都整得好食！記得之前有朋友帶我食過深水埗既康瑞甜品，真係挺不錯🥳今次同密友去開深水埗食晚飯，就決定帶佢去食我最愛既竽圓🤗今日係星期五，可能因為聽日唔洗返工既關係，店舖外面特別多人排隊。買外賣既又有，排隊食既都有😂我地兩個大概等左半小時左右終於入到去食了😋-🎈特式仙草百配竽圓、地瓜圓、小丸子我一如既往都係叫左呢間店舖既經典—特式仙草百配竽圓、地瓜圓、小丸子😊諗諗下我真係冇食過呢間既其他甜品🙈我覺得呢個係最好食，佢啲竽圓地瓜圓都好煙韌😍仲要既係佢有超多配料，真係好吸引！！！-🎈椰奶紅豆沙配竽圓、地瓜圓、小丸子而我密友就叫左個椰奶紅豆沙配竽圓、地瓜圓、小丸子🤣係熱既，感覺好養生喔😳佢話都好好食，同個紅豆沙都好夾🙆‍♀️-我真係好鐘意食呢間既糖水，重點係好食得黎又唔貴🙈因為宜家出面食個糖水真係都要三四十蚊😂呢個水準真係好okay😊😊

其實本人唔中意食芋丸，所以唔會評論質感及味道。首先要讚佢本來係涼茶店轉行做糖水店殺出一條路係唔錯嘅決定。但真心糖水質數係一般，除咗價錢貼地會回頭之外，其實好普通嘅一碗糖水。我叫咗熱嘅綠豆沙加咗芋丸小丸子。上菜速度好快，熱嘅望落去有煙，但其實食落去唔熱嘅，溫暖至常溫感覺，而綠豆沙比較甜。朋友叫咗薑汁芋丸，同樣都係甜咗啲。總的來說，普通，糖水款式唔多，唔差但無乜特色。正正常常，但唔明點解可以入圍熱店名單？