幸福鳥 (K11購物藝術館)

營業中

休息中

食物是正常的，加上餐廳的環境，$400多 $500人頭費可接受。可惜店鋪（不知道是該餐廳的政策還是店員本身）的座位安排欠佳，令人吃得不安心。明明餐廳有足夠空間和座位，但居然把所有客人密集地安排到同一角落用餐，而且是枱貼枱（有貼上分隔紙板但感覺擠逼）。即使是走廊位的座位，雖然和另一張枱之間有空位，但非常狹窄，也沒有安裝分隔的紙板。原本來這裏吃飯的原因是覺得這裏空間夠大，可安心進餐，誰不知連普通茶餐廳/ 快餐店的安排也比不上。另外，店員持續性地聊天，而且聲浪過大，完全不介意客人聽到他們的對話內容，略欠專業，有點受騷擾的感覺。總結是這餐廳的食物算得上是好吃，但不是令人再三回味的那種。由於用餐體驗方面欠佳，試了一次便可以了，畢竟還有許多同類和好吃的餐廳可選擇。

同朋友晚上約會飯局，行過K11 見到泥個門面裝修好日式😙感覺去咗日本咁🙈🙈食物質素好⋯不太濃味⋯我和我朋友都喜歡😆店員服務態度非常好，亦細心介紹不同既優惠，環境舒適👍🏻

必定先要讚店舖設計好有特色，就似去左日本神社⛩️，同埋帶位前會敲2下門口超大既鼓🥁 幾得意咁不過坐低左叫野食就另一個世界，店員服務比較懶散，唔係好理啲客，無論係收碟定添茶，都一樣咁慢。 🥺男豆腐係比較出色既一道菜，因豆腐有豆味。但諗深一層 啲豆腐都係買返黎，如果為左件豆腐去食就有點傻😂另外都想講下乳豬，好嫩，有bb豬既味🤪🤪出世無耐就被人食（本人就唔喜歡未成年既小豬，覺得有陣奶羶味。）其他菜式請參考圖片，中規中矩啦。喺bar枱睇住佢煮特別有風味，間中見到爐中一條火舌伸出黎，襲擊最近的串燒，佢地彷彿大叫if we burn u burn with us！ hahahaaa總結：其實就唔係難食既，但又唔係好好食，服務亦一般，一講錢就傷感情。😢所有野加加埋埋，都係再不再見👋🏻食過一次幸福鳥就夠未必有下次😣

放假出尖沙咀搵食，唔覺意又走左去食日本野🙈係K11行左個圈，見到呢間幸福鳥！記得呢間好似係黃既，望望menu都算吸引，一於試試佢！幸福串燒四盛合$118秋葵、免治軟骨雞肉串、雞髀肉、雞肉長蔥真係要講下秋葵先！人既口味真係好奇怪，秋葵係我近年黎覺得最怪既食物！而今日呢一餐我竟然乖乖地咁食，仲要食晒！師傅燒得好，加上醬汁搞到呢樣野出奇地變到好食！其他三種燒雞，一樣燒得好好！味噌湯正常，溫泉蛋ok！總結！性價比高！又多個懷念日本既好食處！

和朋友兩個人去試吓呢更外貌幾好嘅串燒店，入座環境服務衛生都可以，地點又很方便，但食物就好壞參半，例如青瓜味噌，青瓜配味噌係好好食，粟米就燒得很夠熱和加些少牛油在面係唔錯👍🏻一啲就做得好啊，其他如豉汁活鰻強差人意，講明係活.鰻，但係冇活嗰種口感👎🏻雞翼正常，沖繩菠蘿乳豬肥到爆和太鹹👎🏻，肉條都係熱道晤夠，豬肉蘆筍卷和煙肉番茄卷都可以，食串燒最基本就係要夠熱。有改善食物嘅溫度嘅必要，因為都想再去。

今天和朋友相約在這午餐先說食物，不錯的，串燒ok, 免治雞肉串加了軟骨，很好吃，雞翼也不錯，蔥雞肉串大蔥好吃。和牛小排的確食到和牛的肥美。（星期五在太古廣場的Lumi也吃了牛小排，價錢不能相比所以好吃的程度也是不能想比，Lumi 太好吃了！）但這家店讓我吃得不安心的是，弄食材的職員一直和旁邊另一位職員交談，但口罩只蓋了咀，沒有蓋著鼻子。而另一位弄爐端燒的全程把口罩拉到下巴，又用手背抹鼻子... 其實我還看到有別的、挺嚇人的、防疫意識不高的行為，但我又不能100% 肯定這其中有沒有我看漏或搞錯的地方... 就不亂說了...總之食物是好吃的，但我應該不會再光顧了...

一分錢，就真係一分貨，去完日本已經感受到呢個大道理，所以book呢間外貌都似日本居酒屋既地方已經預左，但…絕對值得！餐廳主打串燒，open kitchen就係面前即嗌即燒，要等但期待個下都幾正😝黎前菜(麻醬凍豆腐)既時候黎埋咖喱牛肉烏冬，前者fresh後者入味，真係食得出咖哩香同用料鮮，更加期待未上枱既串燒🤤嗌左菠蘿bb脆豬，即燒唔太肥但夠脆同juicy，真係好好味😭重要無豬既穌味，少貴但真係值！之後仲有茄子，雞皮，雞脾，和牛，粟米同冬菇，即時燒出黎上枱就肯定無得輸㗎啦，但和牛香得黎唔靭，粟米埋有紫菜味既牛油，肥仔但升華左成件事！😍😍😍串冬菇仲好貼心咁分頭同尾，頭冧尾爽，貴都抵！

第二次嚟先寫架啦。間嘢幾好。人唔係多。好乾淨。 靜靜地。食set lunch。試過咖喱和牛腩，牛小排，咖喱吉列豬。都係牛小排最好食。推薦一試，因為人唔多傾計最好。

本來吃日本爐端燒，可說是一種享受，可近距離欣賞廚師手藝，還可直接品嘗美食，輕鬆自在。幸福鳥爐端燒，供應一系列招牌串燒及特色日菜之餘，環境設計更以日本神宮作主題，充滿東瀛風味。但服務卻差得一團糟，進店後沒水沒餐具沒餐單，招手半天沒人理，感覺成了透明人，要跪著求人拿餐單和下單一樣。食物味道呢，好壞參半。-🍢醬燒日本魷魚筒這道菜刷新了我對魷魚的印象，腥得一批，難以下咽，問了經理是否變壞了，經理堅持是食材的特性，海產都有腥味的。作為從小吃海產長大的孩子，無數問號浮出頭上，恕在下不懂欣賞貴店對鮮味的定位🤷🏻‍♀️，還是先行告辭了。基本上整盤魷魚筒沒怎麼吃過就走了。.🍢沖繩菠蘿·膠原BB豬大愛燒菠蘿得我當然點了這道菜，菠蘿的火侯控制得很好，不會過乾，烤乳豬的火侯也很好，外脆偏嫩，但是有點偏咸了，吃了兩塊就不想繼續吃下去。.🍢幸福鳥·免治軟骨雞肉串燒比較好吃的一道，4根都是不同口味的，包括鹽燒、汁燒、芝士、激辛，師傅燒得恰道適合，雞肉不會過老，還帶很多肉汁。.🍶越乃雪樁花純米吟釀就是普通的米酒，配上燒物吃還是不錯的，味道偏女性化一點，易入口的米酒，-🙅🏻‍♀️總結還是別去了。

第一次寫食評請多多指教🙇🏻‍♀️幸好有訂座，餐廳都坐得滿滿的。我們安排了吧枱位置，可以欣賞師傅的手藝，不過油煙會比較大一點。當晚第二次下單就比較亂，有些食物等了很久還沒有送到來，不過服務員都有幫我們立刻安排，免你一死啦疫情下沒有coupon 沒有減價促銷，都座無虛席，因為真係好好食仲叫多咗兩杯生啤埋單大約$700仲有好多嘢想試吓會再encore

唔記得影相，因為太肚餓😂😂味噌牛腸：蘿蔔冇渣，好嘢！牛腸入味，好嘢！腸壁肥膏清理乾淨，好嘢！腸頭軟身唔痴牙，好嘢中嘅好嘢！第一道小菜是誠意心思之作！燒雞泡魚乾：剛端上桌就香味四溢。燒得很香，但是應該浸泡味琳時間不足，中間厚身的地方比較硬。不過也許是習慣了吃外焦外軟的魚乾，有點先入為主罷了。燒鱔：這個是全晚亮點，買相好普通，放進口中滿滿的油脂帶來滿滿的驚喜，火候掌控得非常好。青椒仔，銀杏：可以擠進香港頭五位，保留到食材的香味及口感，青椒仔可考慮放少點醬油。可是仍比不上東京，沒法子，食材先天問題，非戰之罪。燒雞盛合：中規中矩。內臟方面，腎及心比較乾，肝臟竟是意外地好吃，粉、香、糯，沒有生腥味，非常好！馬蹄鮮魷棒：模仿煎肉餅的作法，不錯但沒有驚喜。雞尾：是日最後一串，也是最好的一串！外脆內軟，沒有多餘的氣味，輕身的咸度，完美作結這一頓飯！服務方面，是日晚飯時間滿座，大概25-30個客人。可是鋪頭只安排兩名樓面伙記。雖然完全冇漏單，但見到他們跑足全場疲於奔走有點於心不忍。希望管理層加多點人手，好食嘅餐廳要多支持，能幹嘅員工要多珍惜。會再光顧！

在OpenRice app 訂了週一的晚餐，店內人不多，但對於訂座帶位量體溫，店員有點混亂。餐廳在k11 一個較隱蔽的地方，入口一個在商場內一個在街牛脷串 芥辣醬好味黑毛豬露筍免治雞肉串 x 4 辣的那款對我來說真的有點太辣秋葵沖繩菠蘿 膠原bb豬為什麼這會是推介菜式，傳統乳豬好吃多了雞軟骨凍稻庭烏冬新鮮磨的wasabi 加分，擺盤也見心思，易夾起銀鱈魚西京燒又香又好味食物整體是好的，服務普普通通，但未必會有下次。

最近同朋友B慶祝生日，去左呢間K11入面嘅日本串燒餐廳。入去到都好多人，我同朋友B當然叫一啲招牌菜式，特別係燒雞類嘅食物。因為呢間店提供好多唔同的雞部位，例如雞屁股等，而雞屁股係我去日本旅行最鍾意叫嘅，因為日本串燒鋪燒雞係特別好食，或者叫好擅長處理吧，所以我會好放心去嗌雞屁股。而係香港，唔係好多間串燒鋪會賣雞屁股，而呢間店就有做，可惜黎食個日就咁岩賣哂。不過唔緊要，佢嘅燒牛舌同埋燒魚都係同樣完色，由尤係個牛舌，只需要少量嘅鹽就帶出牛舌嘅鮮味，食落去啲油脂香實在係不得了。其他熟物都係唔錯，所以呢間店係值得平時黎食下，過下日本癮，因為呢間真係做到日本串燒鋪嘅水平。

每次行過K11都好想試嘅一間日式居酒屋/串燒店。見到佢喺同日山同一集團，相信有一定保證🤔 結果大失所望，好彩今次有K11 $100 coupon，感覺上都冇咁唔抵。茶芥附送的小食～（值$20 㗎）馬蹄鮮魷燒肉棒，口感幾唔錯，配埋蛋汁，好味！燒牛脷幾好食，但$88就一啲都唔值鐵板日山和牛漢堡，完全食唔到係黃牛，份量勁細，成$98 ，一啲都唔抵唔值！ ！雞俾肉串燒四串，係燒得幾好味的，但朋友話有一串個味怪怪地，我就覺得還好啦呢個係我覺得全晚最抵食嘅一味，燒茄子，佢幫我起晒啲茄子肉出嚟，唔使我慢慢整，而只係價值$58 ，超值啊！ ！ ！總括而言，如果唔係有$100現金券，我係絕對唔會再去食，又貴又唔值又唔係特別好味，仲要收我食$20位茶芥，連加一，市面上有更加多嘅選擇囉。

老公用了openrice訂座，去到都唔使等位，呢排疫情咁，都要出去唞下氣，去k11食個午餐順便行街街好舒適，我地叫左個6品串燒，燒得剛剛好，冇燶到，有秋葵，雞翼，雞軟骨，燒冬菇，仲有嘰唔知道咩黎但都好好食，另一個午餐燒牛肉，以為好大塊但原來是牛小排，雖然份量不太多，但配一碗飯都剛剛好!我地加左錢叫特飲都不錯啦！我們畫左繪馬，免費的，畫完自己搵位置掛上，好滿足的一日啊！希望疫情快點過去啦！😅