幸福鳥 (K11購物藝術館)

營業中

休息中

難得有個空閒既星期一🤣黎尖沙咀行陣街朋友仔食下特色串燒午餐啦🤤🍢幸福串燒六盛合(免治軟骨雞肉串、雞手羽先、雞髀肉燒、秋葵、雞肉長蔥燒、大啡菇)超豐富既串燒盛合🤩🤩🤩爽口Juicy既燒冬菇😋配合木魚絲拌食更增口感之餘😆雞肉慢火燒得有微微鹹香肉質滑嫩亦唔會太燶🐷🤤配合日本長蔥一齊食亦中和肉味無咁漏😋而經慢烤燒香甚有口感既雞胸軟骨串😋配合微微鹹香既薄鹽拌燒更有風味之餘☺️🐔加以青檸汁更為開胃🍋🤤再配以薄鹽調味燒得微微鹹香既秋葵😋灑上木魚絲拌食更添風味😆😋

係openrice 見到730前離席有8折 咁就諗住試試佢啦去到明明訂左枱又話見唔到booking 直到我比佢睇我既booking佢先比我份入😅但係其實6點個陣成間野都唔full訂左枱佢都要我坐bar枱都唔緊要 坐低冇耐 枱面有隻曱甴 當堂嚇左一嚇即刻叫店員 咁佢用紙巾整死佢之後有say sorry 問我地轉唔轉枱咁最後就換左張普通枱比我地去到點餐既部分 我地就叫左佢signature 免治雞軟骨串燒 雞髀串燒 同埋個關東煮D串燒不過不失啦但係好細串 以佢每串成40黎講有d overpriced 而且我唔明點解d串燒會唔熱一入門口已經見到bar枱係對住個爐 咁即叫即燒都可以唔熱 我懷疑佢係一早燒定個d我地叫左個關東煮 hkd88比我想像中細好多 但起碼佢係熱既但係食到個年糕既時候 佢係勁硬 好似唔熟咁即刻同店員講唔熟 然後佢話近排都有客反映呢個問題 佢就話幫我地cancel 左佢最後我地6:15入 7點就走左 最後仲去左食其他野先飽間野有收到前菜 hkd20一位 我叫左二百幾蚊野 計返條數 其實好似冇八折過咁前菜20蚊係好細碟既海蜇青瓜絲而佢d茶都唔係好熱呢間野真係好失望 好懷疑點解

今日行K11，見到呢間裝修得好有日本feel嘅串燒店，好似幾好食咁，就走左入去食🤭雖然鋪頭入面好多人，但感覺唔會太迫，而且裝飾得好靚🥰環境一百分💯店員服務態度都唔錯我地兩個人，叫左一set四串雞同和牛漢堡扒，望到餐牌張相都幾靚，諗住如果好食就叫多份，點知漢堡扒好細份！個汁係好味，但粒漢堡扒真係好細粒，好似肉丸咁，而且有少少散，肉味又唔係濃，$108食咖哩肉丸真係有啲失望。。。😞之後就係個幸福鳥串燒(雞肉)，$138/4串唔同口味口感好食，有咬口，但味道一般，得燒汁嗰串叫做好食少少😥辛辣，鹽燒同芝士都好一般，好淡味因為份量少，味道又普通，最後決定食唔飽都埋單走🥲冇下次

掃黃系列 💛 半價食正宗爐端燒幸福鳥幸福鳥係我其中一間勁想食既爐端燒餐廳宜家佢地全單做緊半價真係抵到傻左 😳 我地叫下叫下叫到成枱都係 😂 而且係open kitchen可以睇住師傅燒，一路飲酒一路食都幾chill 🥃▫️華味鳥雞髀肉燒（原價$158/4） ▫️材用日本鳥所以肉質真係好鮮嫩同有雞味！配上四款唔同既醬料：鹽燒、汁燒、紫蘇梅醬同山葵我自己最中意配山葵，辣辣地攻鼻果下幾正 😂▫️沖繩菠蘿・膠原BB豬及日式BB豬卷（原價$268）▫️呢個貴左d，但係超值得食！個BB豬燒到外脆內嫩，嫩到係滑嘟嘟果種！🤤問返店員原來係每日限定，有既話不妨試下▫️幸福鳥（原價$38/1）▫️呢到既招牌菜！其實係免治軟骨雞肉串燒，但我自己就中意加左月見既馬蹄鮮魷燒肉棒，有馬蹄更有口感😆 沾埋生雞蛋再特別d ▫️醬燒日本魷魚筒（原價$138）▫️黎親爐端燒都一定會叫🤪 個size 都算大兩個人食食下都好飽▫️京都特濃男前豆腐（原價$48）▫️呢個豆腐同男朋友係廣島食過！係超重豆味，淋上醬酒更可以吊返個味出黎🤤

以前因為撞時間而不能到的一家餐廳今天終於能到此一嘗Open Rice訂位有5折優惠大家莫要錯過（好像它們本來就是15：00有5折？）在等朋友到的同時先點了一份酒盜芝士＄68配著芝麻梳打餅一起來不過。。怎麼份量那麼細。。？是因為在下太大食還是因為半價或是因為小食了滋味？早知道自己自私來食。。🤫咸咸的酒盜跟Cream Cheese就是好一對加埋芝麻餅更香更脆更豐富朋友到處然後前菜也到是可愛的なす🍆然後在下點了味噌煮豬腸 ＄68味噌味不濃 大腸切成細片可惜沒有了腸腸應有的口感或許由得它們圓桶形會比較好如果他們煮的時間能夠長一點 會更適合在下的口味食白果 💚＄22馬蹄鮮魷燒肉棒＄42吃到馬蹄的爽爽 魷魚的彈牙還有肉的質感也因為肉的比例偏多 所以也較突出沾上月見和醬汁就是一次過滿足在下3個慾望的肉肉棒了😍馬蹄＋ 肉棒＋ 月見＝ 💛雞盛＄188 有6串有雞腎 雞心 雞脾肉 雞肝 雞肉長蔥 雞手手跟朋友仔一人一啖好開心幸福三素食＄58在下是被山芋吸引的 還有納豆和秋葵都是在下喜歡的東西讓他們糾纏在一起就可以吃了清清的帶著淡淡優香好喜歡豉汁活鰻＄78味道上來說這是在下今天最喜歡的一道菜色了活鰻連細骨都

📍幸福鳥 Shiawase Yakitori平時係日本都鍾意食串燒 不過太耐冇去日本旅行🙋🏻‍♀️忍唔住要周圍搵下 香港有無又好食又抵食嘅串燒店行開K11竟然見到 ❝幸福鳥❞ 主餐牌有半價😍😍Woo∼半價真係好抵食 而且仲有午市套餐set🌀 幸福串燒四盛合見到午市套餐都好抵食有齊➿ 免治軟骨雞肉串 雞髀肉燒 雞肉長蔥燒 燒秋葵 雞髀肉夠嫩滑 加上秘製日式燒汁食就已經好出色❤️秋葵燒得夠香 唔會有滑“省省”嘅口感定食配上白飯 醃漬物 冷奴豆腐 味噌湯都幾豐富 可惜當日軟骨雞肉串 已經售罄😭呢款係必食推介嚟㗎 好可惜😥如果想試多d 口味 仲有一個選擇係六盛合🔥會多咗雞手羽燒 同大蘑菇串燒 🌀 咖哩吉列豬扒丼試咗朋友既吉列豬扒 炸得超香脆🐷而且豬扒算厚切 食落啖啖肉😌😌 咖喱少辣夠惹味🌀 京都特濃豆腐好滑!📢 都推介第一次黎一定要試豆香味超濃 不過我就麻麻地薑蓉所以..用咗自家方法調味 (落咗好多7味粉🙊🙊)不過可能我太晏去 幾款想點嘅串燒都賣曬😭😭

我是第一次嚟幸福鳥。一入去，我覺得好眼瞓，因為個燈光好暗。我今次係食午餐定食。待應俾咗一張餐牌我，睇完第一版，諗住揭去第二版，點知，已經冇。。。最後，我叫咗一個烏冬餐，雖然幾好食，不過食得唔係幾開心。

阿妹放假自從疫情佢幾乎冇出過去食飯趁閒日放假 比較少人就去食 佢一直想食的幸福鳥~我之前食過一次                                                                                                                     野食係唔錯 環境都舒服                                       上次係食咖喱和牛                                                                                                                     今次就去食牛小排   （148）                                       超好味~牛牛的嫩肉 看到都流口水~                                                                              阿妹的串燒 都非常豐

每次晚上經過K11幸福鳥門外，都會聞到一陣陣串燒的香味。終於有機會同朋友去試試這家餐廳，但我們今次試的是午市套餐。門外的裝修十分用心，就如去了日本的神社。由於我們沒有訂座，所以店員只能安排我們坐吧檯。我們分別點了牛小排和串燒套餐。牛小排十分嫩滑和充滿肉汁，可以選擇蘸鹽，原味和加鹽都別具風味。而串燒套餐則是這裡的皇牌，十分多款式，雞肉有口感又多汁，並配搭了幾款蔬菜，可以中和油膩感。原來店裡採用的雞肉都是日本的華味鳥，米飯也是日本米，十分用心。

【瘋癲試食】｜幸福鳥💕早兩日又突然好想好想食串燒 咁岩經過K11 Art Mall附近就見到尼間日式串燒店 就一於排隊試試啦😋門口個裝飾都幾特別 整左一個日式神社既水手社⛩️ 仲係牆上掛左一排排繪馬 寫滿客人既心願💮個日就叫左幾款串燒黎試吓啦 雞翼 雞軟骨 雞肝 都好好味😋 但係雞皮我就嫌未燒得夠脆 變相就淋左少少🙁 雞泡魚干就係厚身個隻黎 唔似出面個啲薄薄一片無口感 仲有個茄子就係我諗唔到既整法黎 原本以為會原條上咁樣 結果黎到係已經將茄子肉夾哂出黎 一口一啖 非常方便👍🏻 仲有尼到店員都非常細心 見到我地叫左類似既食物會問埋你考唔考慮轉套餐 唔似有啲地方理得你點叫就落單🤨 另外環境都坐得非常舒服 好適合搵埋班朋友一齊坐低食兩串飲兩杯 吹吹水🤤🤤

第一次黎到K11呢度食係冇任何食評或人影響底下首先講下點左咩食，點左個雞髀肉燒（4款）4種口味點曬，得個鹽味叫做好些少，另外再叫左個魷魚筒，燒得稍為略乾，因為佢係冇汁配比你，咁多款我得魷魚筒可能會再叫，仲叫左個原條茄子，不過所謂既原條，只係起左幾舊野出黎，呢個茄子都係冇調味，唔太香，最後埋單兩人接近六百，仲有一件事，係我坐bar既位置時候，見佢燒果時會用手 禁同埋轉，有個waiter仲得閒到玩手機，再用同樣手切野，呢餐飯有五百蚊係比個環境，食物好一般，怕怕

尖沙咀K11商場內黃店日式串燒居酒屋必食串燒盛合 輕鬆適合同朋友chill下飲酒傾計-I love visiting Izakaya (Japanese style bar) and having different kinds of skewers with beer or sake. This restaurant in K11 mall is specialised in Yakitori, with some other dishes as well. I personally think that the chicken platter with 6 skewers is the must-try dish as they have different parts of chicken and they grill quite nice with perfect sauce and timing. The cod fish is so good too! The texture of the fish is smooth and the sauce goes so well

一家大細去完海洋公園阿仔話想食日本野咁咪試下呢間幸福鳥入去比較早得一個客服務員帶埋位點完餐就等叫左個咩波蘿 膠原bb 幸福鳥串燒4串和牛漢堡清酒煮蜆冷面飯團野食ok但超細份量標價好平但$20茶位再加10%服務費抵唔抵就見人見志點完發覺有少少水滴坐過少少食到一半發現個袋濕晒我大大聲話個袋濕晒個服務員收緊碟扮聽唔到咁既態度我一家大細廢事嘈到埋單再同佢便服既人收錢再同佢講佢「吳」左聲就算咁即係明知啦仲要特登帶我埋去成個場咁多位要我坐過去仲要出門見到便服條友同另一個服務員笑笑口講滴水 真係人善被人欺我未飽都費事再叫野食埋單走人兩大兩細 $883貼錢買難受

早在星期一（14/9）經openrice訂坐，一直沒有人通知有任何問題，咁就跟約好啲朋友期待今晚嘅飯聚。到今日9月18日17:23，突然收到餐廳電話，話因為限聚令，openrice系統問題，要取消今日18:30的訂坐，完全沒有任何歉意！會有餐廳係一個鐘前通知客人訂坐取消嗎？星期一訂坐，有問題會唔會可以盡早通知客人？到即日，中午的時候都唔發現問題？呢間餐廳連客人訂坐都管理唔到，不敢想像食物質素同服務態度。如果全地球只剩下呢一間餐廳，可能每一餐食即食麵會比花時間同金錢幫襯呢間餐廳黎得開心！

好耐無食過日式串燒，朋友介紹依間位於K11內嘅串燒店，午市價錢亦合理，就決定簡依間試試。叫左幸福串燒六盛合，女仔一個人食都飽肚，溫泉蛋仲可以拌飯食，但青瓜只係普通生青瓜而唔係漬物，有d失望。串燒左起分別有雞肉長蔥燒、雞髀肉燒、免治軟骨雞肉串、雞手羽先、秋葵同大蘑菇。味道主要靠燒汁，而個汁亦好惹味。每串嘅味道都好平均，不過不失。雞肉串燒得岩岩好，肉質嫩滑，而雞翼皮都燒得香脆。雖然未到十分驚艷，但以依個價錢黎講水準係絕對接受，加上環境寬敞，想同朋友lunch time食幾串日式串燒嘅話，會係唔錯嘅選擇。