幸福四季椰子雞 (譽發廣場)

營業中

休息中

今日喺旺角去咗一間火鍋店食幸福四季椰子雞。呢間火鍋店喺新開張嘅佢地主打係養生同埋係最新鮮嘅文昌雞。做一個用純椰子水做火鍋。好清啱哂又想食火鍋但又唔想咁勁卡路里超級矛盾嘅我。呢間火鍋店嘅特色之處就係用純椰子水做嘅火鍋，所以好清到食完都一啲都唔油，佢好細心教你點樣等5分鐘再先食啲文昌雞，好好味，飲埋啖湯簡直完美。之後店員會再次加水可以再食其他配料，推介佢哋嘅雜菜，因為有成4款菜咁多，仲要新鮮又靚，唔似出面有啲啲菜係要再揀。好健康食完之後個湯底都係清嘅冇油一啲油都冇另外佢有自家製嘅響鈴即炸嘅好新鮮 呢排天氣又開始轉涼，所以佢鋪頭亦都有煲仔飯食咁於是乎我哋叫咗個排骨煲仔飯煲仔飯。好香好多飯焦睇得出用料好新鮮啲排骨好靚， 有肉味又新鮮舊舊排骨都好大嚿。之後最正係個甜品，用椰子水燉蛋白，唔甜好清香嘅椰子味，好食。值得再試 趁住新張期間有八折可以再同朋友嚟試試。

餐廳對住彌敦道街景，一路打邊爐一路望街景，非常寫意餐廳座位闊落，適合一大班人聚會叫咗個餐前小食，川味蓮藕同川味雲耳， 兩款都係辣辣地，好有四川風味話咁快個椰子雞湯就到啦，餐廳用咗新鮮嘅椰青水加埋半隻文昌雞，滾咗5分鐘之後，就可以先飲番個椰子湯，再食雞，第一次覺得打邊爐係食得咁健康，椰子湯非常清甜，毫無雜質，而雞肉嫩滑，而且雞皮非常彈牙想加湯可以揀加水或者加上湯，想原汁原味既話就可以加個原隻椰青水，都只需加$48墨魚丸係我食咁耐手打墨魚丸以來最彈嘅一間，我相信如果有張乒乓波枱，呢粒墨魚丸真係可以當乒乓波咁打，所以真心推介俾大家打邊爐叫什菜，真係可以吸收晒成個湯嘅精華，而且啲菜都會變得甜啲響鈴係自家製㗎自家製嘅雪梨茶非常新鮮清甜，一啲都唔似有加工過，打完邊路飲番杯就啱啱好啦，清熱又潤肺最美仲叫左個椰子奶凍甜品，鍾意食椰子甜品嘅朋友一定要試

天氣開始轉涼，同事提議不如打邊爐，當然非常贊成。我上OpenRice發現這間餐廳，決定一試。這間餐廳的環境非常清靜，坐卡位很舒服。職員很細心為我們介紹餐牌上的食物，我們選擇了椰子雞火鍋，再選擇了好些配料。婆婆錢，我們點了前菜，木耳及青瓜（$68）麻辣的味道非常好味。椰子雞火鍋（$168）根據職員介紹，我先將雞倒入火鍋裏面，等5分鐘後，就可以先飲雞湯。椰子雞湯非常清甜。飲多兩碗也不會覺得口渴。然後兩個人可以分享半隻雞，雞身嫩滑。我們點了菇類，水餃及響鈴。我們還點了兩杯飲品，雪梨水及椰子沙冰，這兩杯飲品配上火鍋，簡直一流。

呢期天氣開始轉涼，打邊爐的心引又突然湧出來了，但得我同仔仔唔可以食辣食濃味野 ，我就問仔仔想食邊種打邊爐，仔仔話好想食椰子雞，我問佢點解啦！佢話我曾經係深圳同佢食過，未係香港食過喎，ok 既然你咁講我又係時候找一找邊到有好食的椰子雞。皇天不負有心人，我找到間新開食椰子雞的店，終於唔洗特登帶仔過關食了。座低望完餐牌叫了，原味四季椰子雞鍋(半隻)，川味小雲耳和蓮藕，雜菜拼盤，特長皇帝蟹柳，脆皮芝士腸，手工寶響鈴(半份)，杞子元肉雪梨茶2杯， 甜品椰子奶凍。服務員為我地送上食物後，即教我們用5分鐘去煲熟d 雞，差不多夠鐘時，他們就過來提我們先食雞件和飲湯先，真係好細心， 當我和仔仔食完雞時，侍應主動過來話幫手加湯，我話唔洗，我想用餘下的雞湯去打邊爐咁d食材會仲甜。一餐開心和窩心的晚餐。

原味四季椰子雞鍋🐔$168 (半隻)超清甜椰子做湯底🤩煲滾之後，店員會親自倒入雞肉🐓然後用沙漏計時煮五分鐘⌛️煮出最佳效果🤤初初覺得湯底可能會太清淡單調🙈但其實無額外嘅調味同配料😉都已經可以帶出雞肉原有鮮嫩多汁☺️而且清甜嘅湯底，真係好飲到停唔口😛幸福臘味煲仔飯🍲$98秋風起，除咗食椰子雞鍋外😎熱辣辣嘅煲仔飯都係一個好選擇😉入面有臘腸、潤腸同臘肉😜上枱嘅時候已經香噴噴🤤然後店員加入香蔥同芫荽☺️多少隨自己喜歡，唔落亦可😉淋完豉油，再焗多一陣😎當然鍾意食飯焦可以再焗耐少少😋挖到底部又厚又香的飯焦真係好吸引🤤手工寶響鈴🔔$36 (半份)遠處已經聞到陣陣既香氣😛即叫即炸，非常脆口😋個種鬆脆既感覺，真係好正👍杞子元肉雪梨茶🍹$28健康飲品，唔會好甜😎純天然，感覺清新😉雜菜拼盤🥬$68川味小雲耳😎$48手拍青瓜🥒$38椰香奶凍🍮甜品食完之後，店員附送一款甜品☺️食落有啲似椰汁糕👍椰香味道相當濃郁😛奶味亦夠香😋整體而言，店內環境非常舒適☺️食材用料非常新鮮😋完全唔落味精👍真心覺得好食😉而且價錢合理😎值得一試🤩幸福四季椰子雞 (旺角)旺角彌敦道558-560號譽發廣場3樓

見到譽發廣場樓下有人派傳單-【幸福四季椰子雞】見到有新開的「椰子雞煲」，午市套餐只是$68，火鍋又有雞送，於是就試下。.環境舒服，又有彌敦道街景看。招牌是椰子雞，好吧就來一個火鍋午餐吧！.雞同平時食開的不一樣，沒有肥厚的皮肉而是斯文切得有條有理的文昌雞在餐桌紙中有寫，原來雞是嚴選飼養期為一百五十日至一百大十八日且未下過蛋的文昌雌雞！難怪肉質鮮嫩，沒有「激素雞」的感覺。.看湯底也是清清的，只有椰肉絲？Oh 原來不簡單呢，入面全是使用百份百純淨椰青水，無添加其他調味與清水。因此火鍋配料添加了一份清甜，雞肉滲透淡淡的椰子香味。最重要是無味精添加劑，健康又美味！加雞後5分鐘先飲湯（有計時）後火鍋，湯是非常的清甜，真的是椰子水，加上雞肉，更是鮮甜，沒有很濃很搶的味，但不油膩，清新健康！.自選涼菜點了川味蓮藕及川味木耳，辣得很過癮！.而火鍋配料點了蔬菜拼盤、手工響鈴、美國黑豚肉。響鈴很特别，是大大卷的，更有豆味。黑豚肉很新鮮，賣相也真不錯！.飲品有自家制的飲品-雪梨茶，凍熱各一杯。.這是比較健康的雞煲，也是我第一次在香港食椰子鍋。

今日經過旺角同媽咪想食正宗海南島嘅椰子雞,突然間見到這間新開張嘅餐廳，同媽咪即刻上去食。入到去覺得空間好大好闊落而且好乾淨。侍應生態度唔錯。佢哋教我呢個火鍋特別之處係湯底用純正海南島椰汁,椰子水。經過五分鐘嘅烹調過程，雞肉鮮嫩無比。椰子湯非常鮮甜。係我一生食過最好嘅。最緊要雞味好濃郁一啲都唔肥好啱我哋女仔食。另外佢哋有非常之抵食嘅炸魚皮而且就係即刻咋。簡直做到色香味俱全。配上佢哋其他嘅時菜油菜俾你做火鍋配料,直情慳返機票唔使去海南島。夢想之鄉就係呢間餐廳。😘

為慶祝升職加薪，好朋友book左依間餐廳請我食飯。依間餐廳既坐位都好闊落，坐得好舒服，我哋坐左係近馬路位，個景都幾OK。因為我哋得兩個人，所以我哋叫左前菜：川味小雲耳&手拍青瓜。主菜叫左半個四季椰子雞鍋，雜菜拼盤，手工寶響鈴&幸福臘味煲仔飯。飲品就叫左杞子圓肉雪梨茶&士多啤梨沙冰。前菜：川味小雲耳&手拍青瓜：兩種都係有少少酸辣，小雲耳&青瓜都爽脆。四季椰子雞鍋：依個真係值得一讚。首先佢隻雞只係好嫩滑，無雪味，有淡淡既雞香。而且佢哋有漏斗提示客人要比D雞肉滾5分鐘先開始食。我跟佢職員建議，雞肉滾熟後，先飲一碗湯底再食雞。嘩，個湯清甜到一個點。完全無想過只係雞同椰青水己經可以甘好味。值得提一提既係，如果你飲哂第一鍋湯底，你原來除左可以選加清水/雞湯外，仲可以選加錢落椰青水。我之後問職員，點解隻雞同我平時去打邊爐食既有D唔同？原來佢哋用既係用某個日數既文昌雌雞。幸福臘味煲仔飯：依個係另一種值得讚既餸。成個煲仔飯充滿哂臘味既香味。最重要係佢既飯保持到粒粒分明，煲底有飯蕉，但飯蕉完全唔會黐底，好易潷起嚟食。比好多自稱煲仔飯專賣店既做得仲好。杞子圓肉雪梨茶&士多啤梨沙冰。：杞子圓肉雪梨茶就清清甜甜

最近好想食椰子雞，有日經過見到就好想試，座位好寬闊，又冇乜客人，兩個人都俾咗卡位，兩個人叫咗唔算好多野食，個湯好清甜，同埋啲侍應都好熱心，成日加水，主動較火加湯，好仔細，最後又問我地意見，味道點咁，又送咗個椰子涷俾我哋食，味道幾好，環境都好舒服，新開又有八折，唯一就係太熱心😂😂我同朋友都好緊張哈哈

我第一次食椰子雞煲同第一次寫食評，本身都無諗住寫食評，所以D相唔係影得好靚。因為我太鍾意食椰子，所以想試下椰子雞煲好耐。首先因為間餐廳都好新，我地20:00左右入座，入座果陣都係得3檯客左右。侍應服務同態度超好！ 個個都好有心機講解餐牌同介紹，周不時都睇我地有咩需要 （例如幫我地計時提我地幾時食得、Fill茶水同收盤，同講解每一道菜有咩特式）等左5分鐘終於食得，個湯好味到不得了！ 超清甜，侍應姐姐話D雞係佢地自己農場養，所以超滑。配料既墨魚丸超好食，蟹柳本身同朋友都以為係街市d假蟹柳。點知都好高質！ 黑豚肉同肥牛都十分十分之高質 但當然一分錢一分貨。食左一轉之後就要加水（可以揀加38蚊買隻泰國椰青水 或者 加滾水）我地第1次食就決定豪比佢加錢倒隻椰青落去！ 侍應姐姐即開即倒，佢知我鍾意食椰子，即刻拎隻長匙跟比遲下我刮埋D肉食加左個椰青之後，個湯清甜到爆！！！ 我地3個人不停喪飲湯底侍應姐姐服務超好！焗煲仔飯前問清楚有無人唔食芫茜、蔥，仲幫我地裝入碗分好晒！ 食飽飽之後期待已久既招侍甜品- 椰子啫喱出黎喇！ 最後我地3個人食左859蚊，留尾單下次食1-4個人送半隻雞，5個人以上送一隻。

在現在社會經濟不是最有利的條件下，還有心，有力投入飲食界，已经是非常難得首選天然椰子水做湯底，配合走地雞，非常健康老少咸宜煲仔飯即叫即做，飯焦脆脆的，很野味特别一提椰子奶凍，外面應該吃不到午市精選海南雞飯套装$68海南雞十時菜十自家制飲品超值