幸福四季椰子雞 (譽發廣場)

營業中

休息中

最近旺角新開咗一間椰子雞🥥專門店，除咗椰子雞之外，仲有秋冬最啱食嘅煲仔飯。見佢新張期間八折🉐，梗係要一試。主菜味道，先送上前菜——川味雲耳、手拍青瓜。酸甜開胃仲有少少辣味🌶。椰子雞鍋採用咗百幾日大嘅文昌雞，色澤好靚。而湯底則係新鮮嘅椰青水，清澈見底。用沙漏計時5分鐘就食得⏱，湯底比想像中更加清甜。雞肉嫩滑，食落一啲腥味都冇，唔需要任何調味都好好食。而且雞肉肥瘦比例啱啱好，個湯雖然有一層薄薄嘅油份，但飲落去一啲都唔油膩，而且越煲越鮮甜，更加好飲😋。飲完湯食完雞仲可以加啲配料落去做火鍋。我哋嗌咗一盤雜菜拼盤🥬，份量超多，而且超級新鮮，吸晒啲椰青水格外清甜。而佢哋嘅響鈴都非同小可，新鮮炸起冇油溢味，點一點個湯底就食得。佢哋另一樣主打係臘味煲仔飯🍲。雖然我哋嗌左細份，但份量一啲都唔細，我哋兩個咁大食都係勉強食得晒。用料亦一啲都唔吝嗇，有大量嘅臘腸、潤腸、臘肉，仲有芋頭。再配上芫荽同埋蔥，香到令人流晒口水🤤。味道亦都相當出色，啖啖充滿臘味香，仲有超香嘅飯焦，令人一口接一口。飲品方面，我哋揀咗杞子圓肉雪梨茶，清甜解膩，值得一試👍🏻。整體來講，性價比爆曬燈，尤其係呢排有八折。香港好少火鍋餐廳係食物高

愈大愈注重養生，但出街食野唔多唔少都會有好多味精.... 終於比我發掘到一間食完都冇負擔既火鍋店♨極推介！🌟四季椰子雞-半 ($168)最愛就係佢既湯底🤩 個湯底真係好清甜，用左純椰青，再加入雞湯既香味，淨係飲湯底已經好正😛 老闆娘話隻雞係用左走地雞，所以肉質好嫩滑，兩個人半隻剛剛好!!幸福臘味煲仔飯-小 ($98)幾特別既菜式😋 男人的浪漫改良版哈哈～以臘腸、臘肉、膶腸合併，超正啊！！用左油粘米整既煲仔飯，啖啖都食到飯焦，好有口感😚男朋友都覺得好好味😎自家制飲品 ($28)紅棗雪梨茶，超養身又對皮膚好，女仔必選😝自選川菜 (川味小雲耳，手拍青瓜) ($68)呢款小食都幾惹味，中意食辣既人都會好中意!! 同埋份量好大份～最係叫埋雜菜拼盤($68)，結束左養生既一晚😂整體黎講，野食好養生，感覺到真係無添加味精，同埋每樣菜式又落足心機諗，店員服務態度都好好，係一定會encore既餐廳!

今晚同先生去左幸福四季椰子雞 (旺角)，一走進去就聞到好香的椰子🥥香味，服務員態度好好，馬上安排左一個卡位我們坐，位置好闊落坐得舒服，我們叫左前菜，手拍青瓜&川味小雲耳，青瓜加左小小辣加埋蒜蓉的香味，青瓜入口清甜，酸酸辣辣咁好開胃，雲耳加咗黑芝麻同蒜香嘅味道，雲耳好爽滑，好有口感，好好味再叫原味四季椰子雞鍋，椰子🥥湯好清甜，我們連續飲左幾碗，超好味，雞放入鍋裡5分鐘後，雞沒有皮下脂肪，雞肉好滑，雞肉加埋椰子湯一起，非常好的配搭，椰子雞鍋係呢間店嘅主題，系值得推薦的主菜再叫左幸福排骨煲仔飯，落左秘製豉油焗左10分鐘，連飯焦都可以食埋，又唔油膩，排骨好香軟，好幸福的味道，好似番左屋企媽媽住家飯，食完一碗會再想食多碗咁再叫左娃娃菜、響鈴去打邊爐好正呀，叫左兩杯杞子圓肉雪梨茶，又唔會太甜，非常滋潤適合呢一個天氣，好有幸福家的味道

自從幾個月前去完三亞後對海南椰子雞念念不忘，特別係清甜嘅椰青水湯底、鮮味十足嘅雞肉同酸咪咪嘅醬汁，係海南獨有嘅味道。偶然見到呢間主打椰子雞嘅餐廳，應該係新開張冇耐，上網一睇似乎評價不俗。門外整面牆紙都印上字句，頗有特色。我哋嗌咗椰子雞，配搭嘅醬汁由蒜蓉、青檸同辣椒組成，份量可以自己斟酌，雖然同三亞食到嘅青柑桔醬汁唔同，但風格相似。店員極力推介杞子圓肉雪梨茶，自家製之餘仲冇添加冰粒，原杯放入雪櫃雪凍，味道清甜，感覺滋潤健康。前菜係醒胃嘅涼拌雲耳同青瓜，口感冰涼爽脆，味道酸辣清新，加上白芝麻更加香口。同海南嘅椰子雞鍋一樣，湯底係純椰青水，忍唔住喺落雞件之前試一啖，非常清甜。店員介紹佢哋選用嘅文昌雞係先放養大概120日左右再圈養大概一個月，所以肉質結實而且脂肪量低。枱上面放有漏斗計時，雞件煮大概5分鐘左右就可以食，肉質果然結實彈牙，肉味濃而且冇多餘嘅脂肪，沾上酸甜開胃嘅醬汁，係海南獨有嘅味道，別有一番滋味。雜菜拼盤有娃娃菜、小白菜同油麥菜，非常新鮮，份量亦算多。好欣賞佢嘅響鈴，除咗特別大件之外，即叫即炸非常香脆，而且好香豆味。另外人少嘅話仲可以揀半份。排骨煲仔飯份量幾足，細份都足夠兩個人食，

天氣慢慢轉涼，最適合打邊爐的時間到了。 想享受打邊爐既樂趣，又想食得健康少少，於是試食左幸福四季椰子雞鍋；整體感覺不錯，會再想食多次。椰子雞鍋湯底加入新鮮的椰子水，湯底好清澈。 將新鮮既雞肉同埋椰子片放入煲滾的湯後，等候約五分鐘時間，即可以享用。 枱面放了一個沙漏方便計算等候時間，十分有趣味。 推介的食法：可以先飲湯再食雞，最後落配料打邊爐。 椰子雞湯味道好清甜，有好香既椰子味。 雞肉肉質滑嫩而且帶有椰子既香，配上火鍋醬汁試到唔同味道。 雞肉點左火鍋豉油加上柑橘汁，味道酸酸地好開胃，好正！ 食完雞肉，加其他火鍋配料。 推介食響鈴，因為可以吸晒湯精華。 今次除左食雞外，叫左雜菜盤，十分健康。另外，我同朋友點左個煲仔飯。 材料好豐富：有芋頭、臘肉、臘腸、潤腸。 好耐無食飯焦，煲底飯焦真係超級正，好脆卜卜又香。 食完個煲仔飯，個人感覺暖粒粒。服務方面，侍應好有禮貌，周不時會關心我地食物到未、上菜時間都好快。 應該會再幫襯！

好耐都無食過椰子雞，因為好幾間都重味精，回家後要灌水解渴呢間新開，價錢OK, 服務一流到不得了，細心體貼。我們3個人沒有食糯米飯，因太飽的話怕食不到其他，不過店員極力推介我們下次嘗試牛肉…第一估不到大size 只係$200左右，呢個質素好得（用價錢衡量的，一般都要$300）九菜餃…出色好味響鈴…自己炸可即食，推薦一定要試，浸落湯不好太耐，入口超得，就咁食點個甜酸醬又係好好食下次希望有多啲配料選擇，午餐肉質素希望有所改善

寒意突襲❄️不其然想起打邊爐🍲香港人打邊爐真係無分時候。一年四季都打得💫。只係冬天嘅時候會食得狠D😂。椰子雞鍋在內地早已聞名，椰子雞店係內地開到多不勝數，如今終於係香港都可以食到，咁就不用北上又可以止止癮。😘幸福四季椰子雞位於旺角彌敦道558-560號譽發廣場3樓，餐廳🍴環境寛敞，座位坐得舒服，有卡位、圓枱等，無論幾多人都容納到。員工服務態度好，又有耐性去推介美食。馬蹄椰子雞鍋🥥（半份雞）：用上嚴選期為一百五十日至一百六十八日未下過蛋既文昌雌雞🐥望落脂肪比例比平時食既雞無咁肥，因為係用上椰子🥥做飼料，雞肉都會滲透一彈淡淡椰子🥥香，雞肉鮮嫩，皮下脂肪比較薄，食落健康。鍋底使用百分百椰青水，不添加任可味精調味/清水，保證清甜健康。即刻淥完隻雞之後吾會話太多雞油係湯面，就是用上椰子雞既可取之處。好特別好美味。😍靜候5分鐘，先飲一啖湯，清甜潤喉，之後挾一舊椰子雞食，雞件肉質飽滿，散發啖啖椰子🥥香，之後先再加上打邊爐🍲配料。前菜：手拍青瓜：酸酸甜甜，清爽青瓜配上白醋，超開胃🙂🥒川味小雲耳：啫🌶者必試，雲耳爽彈，伴隨適量辣油，咸咸香香。追加打邊爐🍲配料：手工響玲： 手工自家製，腐皮炸至金黃色，喜歡💕

四季椰子雞煲湯底用椰青水做膽再配椰子肉味道清甜可口, 再加上餐廳選用文昌雞,因為文昌雞主要飼料係食椰子, 更加特顯到雞的鮮味, 雞的油脂分布好平均,平時食的雞煲湯底會好多油, 但這次的湯底油分相對比平較少, 越煲湯底越香的椰子味但又不會遮蓋雞味, 最重要係食完之後沒有口渴的感覺, 另外可能因為雞係走地雞的關係,肉質好嫩滑,真係值得一試再試! 幸福排骨煲仔飯本人第一次食雞煲配搭煲仔飯 因為職員話雞煲的湯底同煲仔飯一齊食味道會好夾 於是我就選擇左佢的建議,當煲仔飯一大開,己聞到好香的飯味,再配上湯底一齊食更加突出飯的香味,食落口飯的質感剛剛好, 同時再食埋飯邊的飯焦 燶燶地的味道簡直係煲仔飯的精華所在,當然煲仔飯另一主角排骨無論味道同肉質都冇得輸啦！ 排骨唔算多根,好容易離骨,好入味 都係值得一試的選擇!響鈴店主自家製的響鈴即叫即炸 比市面的大舊 一舊等於市面的兩舊 不錯之選!職員服務職員的服務良好, 佢地會詳細解釋雞煲的湯底 選用材料的相關知識比我地知 另外每當傳一道菜都會講解一次要點煮先好食, 仲會幫我地落火鍋料落湯底,相當貼心! 餐廳環境因為剛開業不久所以見餐廳外圍好多花牌 店內都傳

今晚搵到間正野❗係旺角開左間新既火鍋店, 叫幸福四季椰子雞鍋, 位於譽發廣場3樓, 餐廳環境好闊落, 用落地大玻璃, 今晚好好彩被安排坐卡位, 張卡座椅造得好高, 坐低左好有私人空間, 直情有半包箱廂既感覺, 對住街景食椰子雞鍋, 店員又好service, 餐廳彌漫住一種relax感, 同平時打邊爐感覺好唔同。餐廳主打椰子雞鍋, 而椰子雞鍋有三款, 分別係原味, 野生竹笙同埋野生馬蹄, 另外仲有沙爹湯同麻辣湯, 不過我地就梗係食番招牌主打, 叫左個原味四季椰子雞鍋試試先。另外依度仲有前菜, 海鮮, 肉類, 丸類, 蔬菜等等一般火鍋店有既都會有, 最特別係依度有煲仔飯, 開頭覺得有d奇怪點解會配煲仔飯, 後尾店員講原來煲仔飯係同椰子雞鍋好夾, 平時無食開真係唔知, 攪到我地都忍唔住叫左個煲仔飯試下要特別講既係依度既豉油! 提供左新鮮柑桔仔, 桔仔汁混埋豉油估唔到係咁夾, 多左種清新, 完全提昇左椰子雞既味道。主角出場, 鍋中只有清澈見底既純椰子水同椰子肉, 先煲滾後店員會幫忙落雞, 會放低漏斗, 5分鐘後雞就係最perfect嫩滑既狀態, 可以食得。係等待既時候, 我地就叫左即炸響鈴食住

喺openrice book枱有8折優惠，加上等到呢個季節啱食火鍋，就同呀媽嚟試下，早早地6點就嚟到，已經有人食緊，但我地都獲安排坐窗口位，望到唔太繁忙嘅彌敦道🌃。環境好光猛闊落，好舒服，冷氣充足唔驚會食到熱。一坐低女店員就向我哋介紹有乜食，呢到主要食椰子雞鍋，可以打埋邊爐，仲有煲仔飯食。見佢咁落力，我哋就一於跟佢叫啦。首先要咗自選涼菜(雙拼)($68)，揀咗青瓜🥒同雲耳，開咗個胃先。兩樣都好爽好入味，微酸，有啲麻辣，但愈食愈辣🥵，可能索哂啲汁，我要飲水！主角無幾耐就出場喇，原味四季椰子雞鍋(半)($168)，2個人就呢個量都好夠。首先上咗個鍋，滾下入面啲椰水，過多五分鐘左右店員就會將碟雞🐔放落去，期間佢介紹呢隻係海南文昌雞來，無咁肥。等多陣就食得，個湯一開始入口比較清，唔同平日🥥椰奶嗰種咁濃，但愈滾愈出味，雞肉唔錯，滾住都無特別變鞋👍。見到有鍋底所以叫咗🥬雜菜拼盤($68)淥下，都幾大盤，有生菜、白菜仔、油墨菜同娃娃菜，娃娃菜索埋湯特別甜。另外亦叫咗手工珍寶響鈴(半)($36)，店員推介係即炸可以即食，真係熱辣辣炸起。呢到醬油特別有沙薑同柑桔🍊俾你配，比較特別，味道又幾夾幾惹味！因為

其實今日係第一次來這間餐廳同時間是我第一次知道有這間餐廳的存在，雖然她在3樓，但在旺角的街道上只要向上望就很容易看見餐廳的蹤影。不得不說今日來到這裏主要因為椰子雞火鍋，二想不到的是他的椰子雞湯雖然是打邊爐的但是他的湯可以飲清甜的椰子雞湯很清甜的味道要讚好的是他的雞，他的雞只需煮5分鐘便可食用店員告訴我們他們的計時有質素的是很清脆的!我喺度再介紹S可以叫他們的豬豚肉雖然份量少但質素高，他的外觀很像非常高級，不要被他的價錢欺騙，他的價錢是便宜，而好味的

去完深圳食完椰子雞好想再食，今晚就去左油麻地新開既幸福四季椰子雞。有新張八折！呢度主打健康飲食。就算係調味料都係用豉油加桔仔既汁，可能再加辣椒仔，就已經好夠。我地決定試試佢地的原味四季椰子雞鍋($168)，我地叫左半隻雞，份量算多。服務好好，上菜時職員會主動同我地介紹點食法和背景。佢地的雞係用本地走地bb雞，所以皮不會好肥膩，非常切合佢地標榜自然的主題。再加上新鮮的椰子採出的汁，清甜美味。黎左個煲之後等椰子水滾，然後落雞肉，餐廳仲提供個漏斗計時。5分鐘就可以食啦，唔會煮得太熟。建議大家先撈起雞肉，再飲飲椰子雞湯，然後再食雞。等雞熟時就食下前菜，前菜有手拍青瓜同川味小雲耳($68)，酸酸地辣辣地好開胃。個椰子雞湯好清甜，一試難忘！我地仲叫左手工珍寶響鈴半份($36)，呢間d響鈴好大隻，係出面街的2倍，半份有3隻。雜菜拼盤（$68），有好多唔同的菜，例如娃娃菜，好大碟，超級健康。窩蛋牛肉煲仔飯($98)，好香口。上面舖有牛肉餅，加上特有的飯焦。可以分到4碗飯。侍應仲介紹可以試下新食法，就係將地椰子雞湯加落煲仔飯度變成茶漬飯，果然特別而且味道更特別！飲料方面有雪梨茶（$28），甜而不膩。如果

非常推介大家試一下呢間椰子雞火鍋店。湯底都係百分百新鮮椰子汁製作，雞肉雞湯清香且鮮甜。火鍋食材新鮮，各種冷盤亦好有滋味。手工餃、手工魚丸、蝦丸、肉丸足見師父功底。煲仔飯現點現做，有料有品味。

又係嚐鮮的時間，旺角有一家新開的幸福四季椰子雞，餐廳地點易搵，而且卡位景觀非常正川味蓮藕 $48(美味指數: 😋😋😋😋)平時唔太中意食蓮藕既我，從此對蓮藕改觀🤗。蓮藕香香辣辣，非常爽脆好味鮮蝦餅 $68(美味指數: 😋😋😋😋)蝦餅非常彈牙，真材實料既蝦肉🦐打成既蝦餅，炸得金黃脆口原味四季椰子雞鍋(半隻) $168(美味指數: 😋😋😋😋😋)先煲好椰子水湯再落雞件，用沙漏計時，煮好後先飲湯。店家堅持用天然椰子水，椰子雞湯有清新椰子味又有雞既鮮味🥰，雞皮爽口，肉質嫩滑。調料方面用左簡單調料，柑橘、沙薑提鮮除腥手工寶響鈴 $68雜菜拼盤 $68(美味指數: 😋😋😋)食完雞件之後，可以選擇加水或者加配椰子水做火鍋。響鈴係店家手工自製既，超級驚喜，超大一個，脆脆的🤩。雜菜拼盤都有唔少蔬菜款式幸福排骨煲仔飯(小) $98(美味指數: 😋😋😋😋)椰子雞同煲仔飯係黃金配搭😍，店員會先詢問客人要唔要蔥同芫荽。打開煲蓋後，傳來陣陣飯香😋。煲仔飯火喉岩岩好，米飯飽滿唔鬆散，煲仔飯既鍋巴係我既最愛，脆口不痴牙海底椰子冰沙 $36杞子肉圓雪梨茶(熱) $28(美味指數: 😋😋😋😋)杞子肉圓雪梨茶熱熱既唔太甜，感覺

聽聞新開咗一間椰子雞，於是同女朋友一齊抱著試一試態度walk-in ，可能係因為新開嘅原因，人少少環境安靜，位置闊落坐得舒服，並且服務態度好，食物仲好驚喜tim ah！湯係用新鮮泰國椰青做底，煮滾之後落新鮮雞，檯面有⏳，漏完啱好5mins食得。不過梗係要先啖清爽鮮甜嘅湯喇😋😋雞肉食起身有椰香味而且好嫩，不過我超級鍾意點佢哋嘅豉油，加入新鮮柑橘汁去代替傳統陳醋，淡淡嘅天然果酸果香令我哋嘅味蕾措施雞肉原本嘅鮮味。據店員介紹，墨魚丸、蝦丸都係手打製作，食起身好彈牙👍👍奶凍椰漿味超濃，口感細膩軟化另外，湯底幹底之後可以選擇加水或者另外order新鮮泰國椰王。