幸屋

營業中

休息中

今日去會展行展覽，行到出嚟食飯已經兩點，難得天色好啲，特登嚟呢間心儀拉麵店享受一個好好嘅me time幸屋已經開咗六年，我嚟到通常除咗食佢最出名嘅櫻花蝦拉麵，我都好鍾意佢嘅特濃廣島蠔沾麵，因為沾麵唔係間間拉麵店都有，用廣島蠔做湯底嘅更加少見，所以今日都係決定食呢個廣島蠔沾麵❤️首先叫咗食拉麵必叫嘅煎餃子，呢間嘅餃子係大阪燒style，最鍾意上邊啲木魚碎，煎得啱啱好，封住啲肉汁，但又唔會太油，唔使額外嘅醬汁已經好味道👍🏻跟住到我嘅廣島蠔沾麵，水準一如以往咁高，鍾意食蠔嘅朋友一定唔可以錯過！店員介紹原來佢嘅沾麵湯底除咗又好蠔，味增，仲有豚骨，難怪咁湯底咁豐富🥹沾麵嘅麵質係煙靭有口感，呢個亦都係我中意食沾麵嘅原因🫶🏻店員同我講，原來而家推出咗期間限定嘅日本鹽湯蕃茄拉麵，而且佢哋將會有醬油拉麵，好開心嚟到下次又會有更多選擇🫶🏻

📍幸屋灣仔機利臣街5-9A號維昌大廈地舖1️⃣ 櫻花蝦味噌拉麵 $88 🌕🌕🌕🌕🌕選擇咗幼麵、正常軟硬度、湯正常濃度、BBQ叉燒。櫻花蝦嘅湯底有鹹香味，配上爽口嘅幼麵，唔錯👍🏻！有兩片大大嚿嘅叉燒～2️⃣ 廣島蠔沾麵 $118 🌕🌕🌕🌗🌑選擇咗軟粗麵、湯偏濃。麵底有少少似烏冬🤰🏻，有三隻廣島蠔烚得啱啱好，好嫩滑。湯底有少少似麵豉味道。3️⃣ 和風餃子（6隻） $38 🌕🌕🌕🌕🌗日式豬肉白菜餃煎得好脆，配上香蔥同沙律醬食係意想不到地夾😋！第一次食餃子配沙律醬～4️⃣ 芝士年糕（2件） $38 🌕🌕🌕🌕🌑炸衣比較薄，但係都好脆。芝士有啲流心，年糕好煙韌🧀。

灣仔其中一間人氣拉麵店,午市時段人來人往.餐廳樓底高,就算坐滿客人感覺都不擠迫.餐廳主打豚骨湯底,更有季節限定特色拉麵,沾麵,甚至更有熱食丼飯,唔同口味嘅朋友都可以一齊聚餐🔸和風餃子($38)用冰花煎餃做法,一盒六件大片脆皮上放上沙律醬,木魚絲,蔥花味道有大阪燒感覺🔸芝士年糕($38)新鮮炸起,熱辣辣.外皮金黃內裡芝士爆滿,煙韌香口🔸熟成味噌廣島蠔赤雞湯拉麵($128)期間限定款式,賣相吸引.湯底濃厚,醬油味偏重.廣島蠔飽滿新鮮.另外仲有雞叉燒,溏心蛋,甜筍,材料豐富🔸赤武士辛味拉麵($83)四種辣度可選擇,湯底顏色通紅,不油膩.除麵軟硬度,湯底濃淡度,更可揀選叉燒或豚角煮.選擇豚角煮半肥瘦,肉質軟腍

大隱隱於市黑蒜濃厚山藥豚骨拉麵食落去有陣陣黑蒜味，湯比較杰身，麵掛湯，食完唔會口渴。叉燒有2款，豚角煮非常出色，肉味濃而且入口即溶北海道蟹肉湯拉麵哩碗麵材料十足，有雞有叉燒，仲有蟹肉蟹膏，雞肉係慢煮嘅，非常之滑，個湯好鮮，輕鬆飲哂和風餃子一上菜嗰時，嘩！咁靚嘅！餃子煎得香脆適中，juicy唔油膩，配上津汁木魚，食落有少少似小丸子栗子紫薯即叫即炸，外脆內軟，栗子軟糥，紫薯清甜幸屋 (灣仔)灣仔機利臣街5-9A號維昌大廈地舖

今日晏晝兩個人去到嗌咗一碗魚骨豚肉沾麵、一碗胡麻拉麵同埋一碟和風餃子。見有咁多好評，諗住食好西。點知沾麵麵太糊，魚介湯只有鹹味，極鹹。胡麻王得燶味，煮咗碗麵出嚟先話無日本芝麻，完全無胡麻味。得個和風餃子係好食，建議轉行做餃子店。總之就唔會再幫襯喇。

今餐繼續係灣仔區拉麵主戰場搵間拉麵店試試佢😌幸屋主打嘅係博多豚骨湯頭嘅拉麵！不過佢地啲期間限定口味嘅拉麵都好吸引🤩所以叫左兩款唔同嘅食啦😎黑蒜濃厚山藥豚骨拉麵湯頭聞起黎有濃厚豚骨香氣同啖啖黑蒜味，飲起黎清爽得黎無豬臭味😉叉燒肥膏位唔多，但肉質都好多柔嫩❣️拉麵我揀左粗麵，軟硬度圈左要硬一啲！好開心呢度真係會煮返出我所想嘅軟硬度😝熟成味噌廣島蠔 赤雞湯拉麵廣島蠔都有三、四隻，每隻都脹卜卜好飽滿😆廣島蠔肉質鮮甜嫩口又滑溜，蠔味濃郁甘香💖仲有兩塊嫩嫩嘅雞叉燒！湯頭帶點奶黃色，飲落Creamy滿滿骨膠原嘅感覺😚和風餃子係日式最經典嘅冰花煎餃子🤤一層脆卜卜嘅薄脆，另外兩面餃子皮軟軟！餃子肉餡Juicy鮮味十足😇芝士年糕我一見到芝士年糕就一定會叫😉口感外脆內軟不油膩😍幸屋 (灣仔)灣仔機利臣街5-9A號維昌大廈地舖

平價拉麵小店🍜灣仔真係有好多拉麵舖,呢間拉麵既位置唔太顯眼,隱藏左係街市入面,但原來都有好多拉麵選擇,當日仲有啲期間限定款式,除左拉麵仲有沾麵同丼飯🙈《和風餃子 $38》賣相一流,如果煎得脆啲會更好,餃子表面加左啲醬令個味道有啲似章魚燒個隻味😂《紫薯粟子餅 $28》即叫即炸,擺左一陣先食都仲好熱,外皮炸得幾脆,幾薄粉,紫薯味好香,仲有啲粟子粒係入面🙈《北海道蟹肉湯拉麵 $138》期間限定既拉麵之一,真係有啲蟹肉係入面😀仲有好多蟹籽,湯底相對比較清,唔會話好油膩!《櫻花蝦味噌拉麵 $88》加左好多櫻花蝦,蝦味幾香,湯底比起蟹肉湯拉麵濃郁少少😌兩款拉麵既麵質都偏軟身小小,但拉麵配料都幾多下,每碗都有一隻溏心蛋,兩片叉燒,好多木耳絲同小小竹筍,食完都好夠飽☺️幸屋灣仔機利臣街5-9A號維昌大廈地舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

今日黎到灣仔特色人吃拉麵店，店舖間格精緻，有日本拉麵小店嘅感覺😉拉麵有好多款，仲有啲係期間限定🤭而且又有沾麵同丼飯，食物都好多選擇👍🏻和風餃子🥟，相當不錯，佢哋個底又大塊又香脆，上面仲有啲小丸子嘅醬汁同沙律醬，好好味！而家餃子入面啲料都好香口，愈食愈好味！蟹籽沙律🥗，又健康又邪惡，上面啲沙律醬真係好好食，撈埋啲蟹籽同蟹柳一齊食，好爽😄赤武士辛味拉麵：呢個係佢哋轉Menu入面有嘅，可以揀好多款唔同嘅煮法，例如面嘅硬度，湯嘅濃度甚至乎辣到都有得揀，食落去個辣味真係提升左呢碗拉麵嘅味道，叉燒大大塊，入口溶化嘅感覺🤟🏻北海道蟹肉湯拉麵：上面鋪左蟹肉，鮮味十足啊！個湯超級濃郁，仲有我超鍾意佢嘅面嘅煙靭程度啱啱好👅

今次同朋友去到灣仔區搵好嘢食～係隱蔽小巷裡面，發現咗一間隱世拉麵店，一於入去試吓佢哋嘅日本拉麵。餐廳以的木裝潢為主，同日本嘅拉麵店一樣，而且佢哋有得揀拉麵嘅軟硬度、湯底嘅濃度等等，以客人喜好和口味為先。胡麻王豚骨拉麺以香濃胡麻香氣融合於豚骨湯，特製拉麵入口彈牙，非常有口感，把湯汁都掛上。另外，推薦一下呢個食法，可以自行再加入黑胡椒粉調味，可以加強味道層次感，超美味！熟成味噌廣島蠔赤雞湯拉麵呢個係限定期間推出嘅拉麵，色香味俱全！ 自選咗濃度高嘅湯底，味道非常濃厚，面且廣島蠔肥美，赤雞胸肉非常嫩口，拉麵入口彈牙，超有口感！餐廳仲有提供檸檬汁，用嚟辟廣島蠔腥味，但個人覺得一啲都唔腥，相反仲食到鮮甜味！見到仲有得叫就快啲叫一碗嚟食吓啦，因為係限定拉麵嚟架！日本芝麻手羽雞翼惹味香口嘅日本小食，雞翼炸到皮脆肉嫩又多汁，裏面嘅雞肉仲係保持得好嫩滑，簡直係邪惡級小食！

我地星期六2點去到都爆場嘅拉麵小店，一於就試下有咩好食！.▪️熟成味噌廣島蠔赤雞湯拉($128)🦪湯底十分濃郁夠味，麵質彈牙，加上檸檬汁可以更顯湯底的鮮味和蠔的香味。而廣島蠔有4隻，每隻都好新鮮肥美✨仲有大大隻嘅溏心蛋同香辣肉碎亦醃得香口👍🏻配料仲有叉燒同豚肉，真係大滿足！▪黑蒜濃厚山藥豚骨拉麵($88)🧄山藥即係淮山能夠強健身體，改善虛勞與咳嗽等，係一種含澱粉嘅植物✨加上黑蒜油去拉麵湯底，山藥味較重。湯底比平時拉麵嘅咸度少一半。係一款好健康嘅拉麵有大大塊叉燒同原隻溏心蛋。▪和風餃子($38)🥟面頭有一大塊薄皮冰花脆脆，有啲似薄皮芝士嘅味道。底下係椰菜豬肉餃，煎得十分香口。配上木魚絲同沙律醬，真係幾好食😋▪芝麻手羽($38)🐤雞翼醃製得好入味，外皮脆脆地，入面雞肉嫩滑有鹹味✨.✍🏻整體:拉麵份量算多，佢期間限定拉麵仲有蟹肉湯底。叫嘅2款小食都好好食。下次會想試下其他款式~

行完貓咪展之後去咗灣仔個邊多野食既街揾食，見到有間拉麵幾好咁。而且好耐冇食過拉麵咁濟。佢算小巷既隱藏拉麵鋪嚟，門外俾好多車位檔遮住咗#蝦汁帆立貝沾麵 ($128) – 沾麵有得揀凍或者熱，今次揀咗凍配埋熱既湯汁入口啱啱好係暖暖地，適合係依家咁熱既天氣又想食沾麵。蝦汁好濃郁但唔會過鹹而且好掛汁。有兩粒帆立貝同埋一舊厚切既角煮豚，帆立貝幾好味配埋蝦汁同檸檬汁好鮮味。另外好少見拉麵會跟角煮豚㗎，佢煮得好淋身😋😋#赤武士辛味拉麵 ($88) – 有4種辣度可以揀，唔知依間啲辣度係點就叫咗2度。食落少少辣，想食辣啲就要叫勁啲喇。佢跟嚟唔淨係得叉燒仲有角煮豚都係大大塊好厚切👍🏻👍🏻而且蛋幾好味仲有少少糖心另外我哋叫咗小食 #餃子($38)- 佢煎到個底係有脆脆個款，個脆脆令到佢有少少外脆內軟既感覺。而且個面放咗大阪燒既醬汁幾特別，有啲似食大阪燒🤪#炸蠔($42/4P) – 炸蠔個炸皮幾薄身而且蠔肉好厚實，食落去係幾實在唔係食炸衣個啲嚟。好食👍🏻👍🏻

近排又同T小編想食拉麵，咁啱T小編係灣仔附近收工，咁啱就見到有人介紹過呢間係巷仔入面嘅拉麵鋪~呢到如果唔細心留意應該未必會見到🙈入到去環境雖然唔係好大，不過算坐得幾舒服。拉麵店嚟講真係算好多選擇，所以小編都叫左兩個小食、一碗拉麵、同一碗沾麵食😝呢到除左有拉麵、沾麵、同埋各式各樣嘅小食之外，仲有飯提供比客人，又多個選擇haha不過小編覺得最窩心係叫咩呢度嘅服務好好，店員都好有禮貌，真係值得一嚟嘅小店呀！

餐廳樓底好高 拉麵小店嚟講環境都算闊落☺️而且Lunchtime都唔洗等位 好啱打工仔去試-👩🏻‍🍳Idiots翻兜之選❤️‍🔥和風餃子 $38一碟有6隻煎餃 冰花上面淋咗大阪燒醬汁加埋木魚同蔥花 打卡一流！😽而且煎餃皮薄餡靚 睇得又食得～😋-👩🏻‍🍳Idiots食過就算⚡️金武士豚骨拉麵 $78拉麵配菜有1隻溏心蛋 2片叉燒同木耳絲、蔥絲但湯底偏淡 呢個價錢嚟講不過不失咁啦😗

呢間位於灣仔嘅拉麵店都幾有人氣，隱身喺街市旁邊，無店員企喺門口宣傳，但一拉門入去，就會發現幾多人食緊拉麵😂 環境幾有日式風味，牆身貼滿拉麵、食物海報，店員服務態度又幾好，refill水超快👍🏻🥢和風餃子 $38一份有6隻，好似冰花餃子咁，加咗沙律醬、蔥花、木魚絲，味道幾好！🥢吉列廣島蠔 $42一份有4隻，香脆可口！🥢特濃味噌廣島蠔沾麵 $118見到就好想試！有3隻廣島蠔，幾肥美！配料都幾多，有一隻溏心蛋、大量木耳、椰菜、紫菜、洋蔥～ 沾麵湯係超濃味噌湯，好濃厚又唔鹹，配埋麵一齊食都幾夾！沾麵麵條幾掛湯，都算有咬口，如果再爽啲同煙韌啲就更好啦，我比較鍾意煙韌啲嘅麵～～麵條可以揀冷/熱，冷麵應該會更好食！🥢黑蒜濃厚山藥豚骨拉麵 $88湯底呈淡黑色，應該係因為加咗山藥，同平時嘅黑蒜湯底唔一樣～ 有兩塊叉燒，都幾大塊，肥瘦均勻幾軟熟。幾鍾意有啲肉碎粒，更加惹味！溏心蛋都幾流心，好食！整體味道都唔錯，可以試試～

感覺灣仔是拉麵店的匯聚點，每家各有特色這次是被他們的和風餃子吸引過來😜 🦀北海道蟹肉湯拉麵 $138 (無加一)色彩繽紛非常漂亮😚有叉燒以外，還有慢煮雞胸片。有一點蟹膏在面上，如果多點蟹肉就更豐富👍湯底選了濃味，也不會過鹹值得一提溏心蛋很入味，質感軟軟😳暫時是最符合我口味的版本 黑蒜濃厚山藥豚骨拉麵 $88 (無加一)濃度選了正常，不過應該選濃味，因為我係黑蒜的超級粉絲 (討厭黑蒜的友人表示普通的已經太濃味😂叉燒以外，有豚角煮，就是一塊入味軟爛的邪惡豬腩🤤溏心蛋也是同樣高質 🌮和風餃子 (6件) $38 (無加一)薄脆底部、肉汁內餡配上章魚燒調味 (沙拉醬+木魚絲+紫菜碎)就是我要的味道👅 🧀芝士年糕 (2件) $38 (無加一)餐牌上沒有，但我看op食評有的，就問了一下(幸好🤣)這個不是拉絲，而是流心的，奶味濃趁熱吃，但也小心不要被燙傷😜 每位有免費的一杯茶樓底高，空間感很足夠，挺舒服的用餐體驗