幸屋

營業中

休息中

Yuki House Ramen, located at Shop 5-9A, Wai Cheong Building, 5-9A Canal Road West, Wan Chai, is a must-try for ramen enthusiasts. 🍜🐟🐷 Their signature Fish and Pork Bone Tsukemen is an absolute delight. The rich and creamy pork bone broth combines perfectly with the savory sweetness of the seafood, creating a flavorful and indulgent experience. The noodles are springy and chewy, and every bite is filled with deliciousness.The restaurant provides a cozy and comfortable environment, making it an id

係囍帖街行完街，行過少少見到呢間日式小店，裝修有主題特色，而且人流不斷，就入去試下啦。赤武士辛辣拉麵$83湯底有4種辣度選擇，揀左2號辣度，唔算太辣，湯底濃郁，拉麵煮得軟硬適中，而且條條掛汁，口感彈牙。配料豐富，有豚角、叉燒、木耳絲等等。值得一讚係豚角煮得好入味，肥瘦適中，入口油香滿滿，一件就已經夠哂滿足，另外有原隻半熟蛋，輕咬一口蛋黃已經迫不及待咁流出黎，時間掌握得岩岩好。黑蒜濃厚生藥豚骨拉麵$88黑蒜味唔會太出，搶左豚骨湯底味道，生藥令到湯底又加濃厚，配料相同，都係一樣出色，其實份量都好夠，絕對超值。和風餃子$38一碟6件，即叫即煎，賣相已經好靚，外皮煎得香脆，但內餡仍保持肉汁，仲有少少沙律醬酸味味，完全唔會覺得膩。吉列廣島蠔$42有4大件超級抵食，炸粉唔會太厚，炸時間又岩岩好，皮脆肉嫩，鮮味滿滿，點埋沙律醬好開胃。📌幸屋地址：灣仔機利臣街5-9A號維昌大廈地鋪評語食物多選擇，高質素，性價比高店員友善🐵推介🍌🍌🍌🍌🍌（5🍌為滿分）

位於機利臣街的拉麵店 主打以豬骨熬製而成的湯底有數款不同口味拉麵款式亦有不同小食選擇 餐廳位置不算多 平日晚上都多人 等了好一段時間才入座⍢和風餃子即點即煎 賣相猶如大板燒餃子皮厚度適中 入口煙韌外皮則煎得脆口亦都舖了少許沙律醬 更加開胃蟹籽沙律超級清新解膩的一款前菜青瓜絲蟹柳絲搭配滿滿蟹籽啖啖爽口 份量亦非常充足～黑蒜濃厚山藥豚骨拉麵湯底有淡淡黑蒜味 麵身挺彈牙 配料有一片薄叉燒 一片豚角煮半熟溏心蛋 木耳及紫菜等等整體味道感覺上像中式fusion拉麵櫻花蝦味噌拉麵湯底帶有淡淡味噌及櫻花蝦味配料與前者一樣 這款會較為惹味⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐📍幸屋灣仔機利臣街5-9A號維昌大廈地舖

經過灣仔，見到這家拉麵小店，價錢親民，決定去試試看支持一下。看似是家庭式經營的拉麵店，有位很和藹的婆婆也在幫忙，感覺特別親切💞👍🏼 冷豆腐 $32冷豆腐上面鋪了木魚碎和白芝麻，上面還加了大量青瓜絲，令這個前菜更加清涼🌿❤ 吉列廣島蠔 $42鬆脆的吉列外皮, 內裏是蠔味特別濃的廣島蠔，送酒佳品是也 😜❤ 帶子鰹魚湯赤雞胸拉麵 $108湯頭清甜，可以直接喝。兩大片雞胸肉，兩大顆帶子， 還有溏心蛋，筍 ，椰菜等，材料很豐富，份量很足。❤ 蒲燒鰻魚丼 $98不用100元有蒲燒鰻魚丼！鰻魚肥美，米飯煙韌，靈魂的醬汁把兩者結合起來👏 好吃。到我們快吃完，已經坐無虛席了😁支持小店！👏

灣仔呢間低調拉麵小店係我同朋友嘅飯堂! 位置唔顯眼但已經開左好多年都屹立不倒, 可想而知係幾高質😇 我地成日都幫襯嫁! 蟹柳魚籽青瓜絲沙律🥗～好清新嘅前菜! 青瓜絲食落「索索」聲好新鮮, 魚籽同蟹柳味道鮮甜, 同青瓜絲好夾, 係十分開胃嘅一道前菜❤️吉列廣島蠔～蠔嘅size唔算好大隻, 但包裹外層嘅炸粉唔算好厚, 咬落去都有少少汁水, 口感酥脆, 中意食香口野食嘅人會喜歡😊黑蒜濃厚山藥豚肉拉麵～有一隻溏心嘅日式雞蛋, 蛋黃有非常濃郁嘅蛋香味! 另外加入大量青蔥、黑木耳絲、辣肉醉同椰菜等伴菜令拉麵嘅口感同香味昇華左唔少! 湯底加入左大量黑蒜油顏色黑黑的, 但其實蒜味唔算好濃, 反而豬骨湯嘅味道更突出, 要大讚佢嘅豚肉, 豚肉有兩款, 一款係薄切一款係厚切🥰 一次過止到兩種口感嘅豚肉! 拉麵嘅麵質亦十分彈牙, 整體來講係水準之上嘅一碗拉麵🍜魚介豚骨沾麵～用黎點麵食嘅魚介汁上枱時係滾緊嘅好夠熱, 湯汁質地好濃厚, 非常掛湯, 豬骨同魚介味突出, 麵偏粗身, 口感麵好彈牙👍🏻

日本黑豚井（$83）-黑豚肉燒烤，鑊氣味十足。五花腩肉用甜醬醃製。無底深淵之多而且勁大塊🫃。飯用甜嘅日式照燒汁撈。櫻花蝦味增拉麵（ $88 ）-湯底濃厚，櫻花蝦味。唔太甜。新鮮厚切叉燒。成隻糖心蛋甜得來好味。拉麵份量剛好。和風餃子🥟（$38）-有麵筋脆，日式沙律醬，同埋甜日式餃子汁。豬肉夠新鮮、夠熱。芝士年糕 （$38）-熱辣辣嘅芝士奶，油炸年糕包住。麒麟一番搾啤酒 ($48半升/$68升）-溝咗提子味嘅啤酒。冰爽。口感順滑。總括：第X次返黎食。適合一家大細。無味精之選。雖然冇+1，但係服務員非常勤奮。不時關心客人需要。不但斟茶還關注冷氣溫度。

灣仔機利臣街試有間拉麵店，環境好寬敞，樓底超高，係少數食拉麵唔使逼住逼住食坐得舒適嘅舖頭. 店員好似一家幾口咁應該係家庭作業式小店. 餐廳裝潢滿滿日本元素，不過啲拉麵同食物就有啲中華風. 同平時拉麵店唔同，餐廳係用茶包茶，加水都加得幾密，唔錯. ⭐️和風餃子🥟😋呢個好好食. 一大塊薄脆鋪面，灑上大阪燒醬汁、木魚絲同香蔥，賣相吸引，下面覆蓋多隻餃子，皮薄餡靚，有肉汁有肉味食落開胃可口. 呢個係必食. 而且佢好平，$38超抵食！⭐️芝士年糕表面香脆，內含熱熔芝士，好邪惡，滿足. ⭐️鹽湯黑松露元貝拉麵呢個係期間限定. 湯底較清淡，不過散發淡淡黑松露味，配料豐富，叉燒、赤雞胸、溏心蛋、竹筍、紫菜等. 炸牛蒡幾特別. 面底份量好多. ⭐️赤武士辛味拉麵店內最受歡迎拉麵. 今次改咗麻辣口味，食落好有fusion感覺. 未食過有麻嘅口感拉麵. 份量都係好大，豚肉同叉燒好厚咬落幾腍. 整體炸物小食非常出色，拉麵性價比唔錯，仲有好多款小食未試，下次嚟一定要試吓.

小編與朋友叫了二人套餐 $299軟殼蟹沙律 -軟殼蟹一上枱已經淋咗😀-軟殼蟹都大隻-沙律汁幾開胃好食仼選4串串燒：(我們選擇了)- 免治雞肉串- 燒雞肉串- 燒鯖魚- 燒多春魚小編覺得餐廳嘅串燒唔錯，免治雞肉啖啖肉😋雞肉串燒得香，但仍然保持到嫩鯖魚有魚嘅鮮甜味👍🏻多春魚正常發揮芝麻手羽 x2雖然炸粉唔薄，但雞肉極嫩滑仲有肉汁、油脂。炸得啱啱好😋😋😋黑蒜濃厚山藥豚骨拉麵 x2呢個我有啲食到黑人問號…拉麵底應該喺廠買返嚟，咗粗麵但都偏幼身叉燒質素我覺得似好多年前嘅味千拉麵，係老同乾😓湯底唔覺有山藥？？？亦冇山藥黏稠嘅感覺喎🫣湯底唔係高質拉麵舖花長時間熬製嘅湯底，我食完麵都冇飲湯😓小編仲要食到有少少鹼水味😭成碗嘢完全唔似拉麵，反而似中式麵大失望😭見Openrice咁多好評，可能廚房失手掛…🙏🏻菠蘿蘆薈(罐裝) x2-正常發揮，少甜，有蘆薈粒結論餐廳嘅小食比拉麵好食好多😩我俾呢間既分數俾拉麵拉低咗好多不過香港地呢個價位係抵食既🫶🏻Ps 當時係晚市，人手比較少，staff落單好混亂

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，食到後期都唔會太腍，而且蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜兩片同蔥花，帶黎唔同口感。面頭再灑上白芝麻粒。日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，仲有少量梛菜。飯量好多，個汁送飯一流，而且都好夠汁餸飯。另外叫左兩份小食分享。芝麻手羽 $38芝麻手羽一客兩隻，炸得熱辣辣雞全翼滿佈芝麻粒，塊皮好香口，入面肉質嫩口。伴有沙律醬。和風餃子 $38和風餃子一客六隻，係六隻塊皮煙煙韌韌嘅餃子面頭仲有一塊又薄又脆既脆皮，上面加上大量沙律醬，醬油，蔥花同木魚花。餃子入面有肉又有菜，食落又脆又煙韌，醬汁豐富，好邪惡。呢個價錢都幾抵。辣芽菜

位於灣仔與金鐘之間，下班後於小巷中搵到呢間隱世又好吃的拉麵店。🍃蟹籽沙律經典前菜，青瓜絲🥒夠新鮮，內有蟹子同沙律醬。🍃和風餃子係冰花餃子呀😍薄脆粉漿調得好，煎出冰花狀。餃子皮薄餡多，佈滿蔥花粒。🍃鹽湯黑松露赤雞胸元貝拉麵呢個係期間限定，滿足各位又想食豚，又想食雞同海鮮嘅慾望。湯底唔會好濃，正好食到食材的味道。拉麵係幼麵，偏軟身。🍃黑蒜濃厚山藥豚骨拉麵鍾意重口味要揀黑蒜湯底喇，半熟蛋、木耳絲同叉燒等浸在濃濃湯底之中，非常美味。🧸評分：🧸🧸🧸🧸 4/5

1. 櫻花蝦味增拉麵 $88拉麵入面有2片叉燒，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有一隻，而且好唐心。🌟 評分: 8/102. 醬燒牛肉丼 $93表面鋪滿牛肉同埋大量葱花，牛肉醃左醬油去燒，燒到表面少少焦香，食落甜甜鹹鹹好入味，啲米飯好軟熟，非常之惹味既丼飯。🌟 評分: 8/103. 冷豆腐 $32豆腐表面有好多京蔥絲，豆腐浸住係啲濃郁既鰹魚高湯到，豆腐炸到好香脆入面好嫩滑，豆腐吸滿滿高湯既清華。🌟 評分: 8/104. 和風餃子 $38大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍幸屋 (灣仔)灣仔機利臣街5-9A號維昌大廈地舖

獲邀餐廳前往體驗。東西非常好吃美味，平常不吃拉麵的（因為怕鹹）黑松露或是帶子味的拉麵都很好吃，而且重點是吃完後完全沒腫跟變胖，這是我第一次吃拉麵有這麼好的事後體驗，代表他們的湯頭高級而且調味適當！店家環境熱鬧，十分適合在很嗨的情況下過來。旁邊貼很多火影忍者之類的圖，看了覺得蠻開心🥳座落在地鐵站旁邊，步行過去很方便。身為Taiwanese 我必須說, very relaxing, delicious, friendly, high quality food, and environment

見到間居酒屋，門外放咗燈籠同武士掛畫🏯室內裝修用木做主調，幾有日本feel⛩️👘原來入面主打係拉麵🍜 芝麻手羽（$38💰) & 吉列廣島蠔（$42💰）先講小食，好有火候，食落脆口！櫻花蝦味噌拉麵（$88💰）配料豐富，有啲嚇親我。櫻花蝦數量充足，每啖湯都會食到蝦🦐豬腩肉外層燒到有啲焦香，入口溶化🐷仲有溏心蛋🥚同叉燒，唔使嗌小食都夠曬飽🌝帶子雞胸拉麵（$108💰）同樣配料豐富，湯底用鰹魚湯🐟，配上大大粒原隻帶子🦪，有提鮮作用。荀口感淋爽，吸埋鰹魚湯食都正。仲有埋3塊雞胸🐣，分量真係好有誠意😍

我今日約同好友去灣仔漫遊，順道去位於灣仔機利臣街5-9A 號維昌大廈地舖的幸屋食日式拉麵，環境舒適自在，樓底高，佈置俱備日本風情，坐得舒服。我點左個櫻花蝦味噌拉麵$88，好友點左黑蒜濃厚山藥豚骨拉麵$88，另加蟹籽沙律$48，吉列廣島蠔$42。櫻花蝦味噌拉麵賣相不錯，材料豐富：有櫻花蝦、青葱、碎海草、椰菜、豚肉（肥瘦適中）、紫菜和原隻溏心蛋，口感豐富，湯底濃郁又富有蝦味，拉麵有咬囗👍👍；黑蒜濃厚湯底亦好好味；吉列廣島蠔炸得外脆內嫩，滿口好鮮味多汁的蠔肉👍；蟹籽沙律好清爽又好食。

朋友推介我食呢間店鋪好耐，身為屯門牛牛嘅蘑菇上星期日終於得閒出港島，於是決定去一探究竟未入鋪頭就已經比充滿日式居酒屋風情嘅裝潢吸引，步入店內，好似去左日本拉麵店咁。由於入座率高，真係幾熱鬧。入座個陣店員會問需要飲水定煎茶，我哋揀咗煎茶，需要用茶包自己泡黎飲🍜帶子鰹魚湯赤雞胸拉麵（$108）期間限定怎可錯過～配料超豐富，忍唔住讚嘆👍毫不誇張講，實物仲靚過圖片！三大塊雞胸肉貼住碗嘅邊緣，兩隻超大帶子好吸引眼球，新鮮肥美。配搭鮮甜筍乾、皇帝菜、海帶、溏心蛋、木耳絲、鰹魚碎等配料。湯底鮮味十足，飲完都完全唔覺得咸同口渴🍜櫻花蝦味噌拉麵（$88）一眼就比超足料櫻花蝦所吸引，與味噌湯底相得益彰。此外，配有薄叉燒和大塊叉燒各一款，肥瘦相間，口感軟嫩。配菜有溏心蛋、椰菜、木耳絲，以芝麻點綴，增添風味🥢冷豆腐（$38）好特別嘅前菜。嫩滑豆腐豆味十足，口感好似豆腐花咁入口即化。配搭青瓜絲食口腔中更清新涼爽，好有夏日氣息。自家製涼拌汁嘅咸香味恰到好處