平昌

營業中

休息中

媽咪平時好少食韓燒,專程帶佢去旺角分店試下,地方都幾大,仲幾有韓國地道feel🎎 入座後店員會先送上配菜同加蛋漿喺烤爐邊！我叫咗世子御膳set♨️媽咪唔食牛,叫咗好幾款嘅豬🐖♨️厚切豬五花腩,肥瘦分明,燒到油香四溢,燒脆之後就咁食又得,配泡菜食又得,包生菜都好得😋♨️薄豬片一燒已經好香,最好食係燒到表面有啲焦,卜卜脆,好好味🤤♨️辣汁薄切五花腩片,佢啲辣調得啱啱好,惹味得嚟,又唔會遮蓋肉味😜♨️燒豬皮,睇落普普通通,但燒完食落好有膠質,好煙韌,真係好有骨膠原🤤♨️鯖魚燒到兩邊脆邊,又有魚油 ,魚肉味勁出🐟 另外叫咗好幾樣海鮮,蠔、帶子、魷魚、扇貝都好鮮味🦪🦐 帶子牛油燒,帶子鮮甜細嫩, 虎蝦厚實鮮甜,蝦殼好薄,肉質好彈牙😋♨️雞腎串燒香爽脆有口感, 牛舌唔會太厚又唔會太薄,口感一流, L.A牛扒,牛味濃,肉質超鮮嫩🥩♨️韓式炒粉絲好多料,係好家常嘅韓國菜, 海鮮豆腐湯非常足料,幾好食,微辣,好解油膩🤩飲料方面都係韓國飲品為主,有大熱嘅忌廉溝鮮奶、烏龍茶、啤酒、礦泉水等等服務質素方面都非常唔錯,店員每次留意到我哋燒到咁上下都會幫手換新燒版,真心好有服務👍

唔好有期望，味道一般。韓國人既說話語氣真係好差。食物：一般，味道無驚喜。你只需要選擇最平既餐單，因為個爐非常之細，中價錢係有海鮮，但用鐵板點燒貝殼類食物呢？玩命？個火仲要無乜力。服務態度：某幾個香港服務生係幾好既，上菜速度都好快。但個兩個韓國人d 態度同語氣真係非常惡劣，我知我地食到8點半架，但個韓國人由8點鐘開始用廣東話同我地講左4次，而家我黎食野，好似我爭你錢咁。臨尾都起身走啦，都仲要俾說話我地聽，我睇鐘真係8點半架喎。環境：無意見。總結：食物一般。最尾個半個鐘俾兩個韓國人摧到有d 不滿既感覺。另外，如果兩個人黎食既話都仲夠燒，但如果你係超過兩個人既話，一定唔夠食，一係同職員講分開爐坐。同埋記得選擇最平個餐，唔好貪有得食醬油蟹醬油蝦，因為你絕對唔會食得晒兩個餐牌上邊既野。**無影到相無辦法提供個爐有幾咁細****想去體驗韓國人既態度，最要說話講三次記得選擇最平個餐**

呢間韓國燒肉一直都穩守OpenRice嘅熱店榜，平日夜晚去都長期坐滿晒人，人氣程度一定毋庸置疑。店內環境乾淨整潔，大家圍住坐就好似去咗大排檔一樣。最搞鬼係牆上面一啲圖案，帶點兒調皮的氣氛。今次我就帶咗最平嗰set，但係都已經有唔少嘢揀👍🏻講到食韓國燒肉，最開心就一定係有一大堆前菜同埋有得食邊爐蛋～海鮮整體都好新鮮，唔會有雪藏味，肉類都醃得好入味，尤其是牛肉，喺出邊韓國店買一盒都唔平，所以喺度食真係好抵！不過食吓食吓或者會覺得醃咗嘅肉會咸，所以建議嗌個飯或者面一齊食。特別推薦大家試吓佢嘅芝士魚腸，出邊冇得食，夠晒特別之餘又好味～嘢飲方便就正正常常有啲韓式飲品，亦有啤酒提供，如果想飲清酒就要加錢。餐廳人手雖然充足，但係因為太多客人，所以店員都有點兒忙，但係佢哋都好盡力服務，真係好難得😉

好耐冇食燒肉 好掛住燒肉陣味(⁎⁍̴̛ᴗ⁍̴̛⁎)所以趁放假約朋友出去旺角食講到韓燒 呢間係我心目中嘅NO.1 ~\(≧▽≦)/~以前一個月最少去一次 好似上咗癮咁(´･ω･`)介紹咗好多朋友去食 個個都話好得！佢有三個set 價錢高啲 食物嘅種類會再多啲 再高質啲種類包括有 牛 雞 豬 海鮮 蔬菜 料理入座先送上芽菜 泡菜同爐邊蛋今次嚟食揀咗中間set 世子御膳叫咗好多嘢食 我唔逐樣講喇(˶‾᷄ ⁻̫ ‾᷅˵)總之就係好食 高質(^з^) 食完會想再食最鍾意就係佢哋碗牛肉紫菜湯 好入味 好正每次去都一定會飲返兩大碗(◐‿◑) 韓燒放題嘅食物水準嚟講都算高質👍🏻食物飲品種類多 上菜速度算快 店員會主動幫你換板不過覺得嘢飲fill得唔夠快 第二次出去拎嘢飲就已經得返可樂同紅茶選擇(｡ ́︿ ̀｡)通常都要提早幾日打電話訂位 因為真係太多人食啦

兆萬日式放題居多,今次上多幾層試左呢間望落好地道嘅韓燒放題餐廳🤤有去過韓國嘅燒肉店就會發現呢度裝修得好似樣😂櫈墊仲可以拎起放隨行物品喺入面身為食肉獸嘅我地緊係叫左貴少少嘅世子set,一次過食唒世子set同大君set嘅野食😋除左menu上嘅肉類、海鮮、蔬菜,仲有韓式料理可以叫😋入座會有員工加左爐邊蛋先,另外亦有前菜~唔夠可以叫員工加😋超驚喜超開心竟然有醬油蟹同醬油蝦食😍平時出面買同食超貴!!依加有得任食即刻食返夠本🤩醬油蝦蟹唔會好鹹,反而甜味較多,食多幾隻都唔怕😍我地食左好多款肉,最中意係牛前胸腹肉同香草五花肉😍牛前胸腹肉牛味好重而且幾滑👍🏻本身冇醃過但點啲燒汁超好食!而五花肉好夠厚,唔易煎乾同變柴👍🏻包生菜夾埋佢嘅醃蒜同韓式辣醬一齊食好好食西冷同肉眼都好大塊!大過個爐面🤣炎炎夏日order左兩個冷麵,麵底好出色,好煙韌!特別係水冷麵帶啲酸甜開胃之餘仲可以解膩😋呢度嘅韓式料理都幾好食~👍🏻總括黎講都幾抵食,會再去😋

實不相瞞呢間韓燒店已留喺Be嘅口袋名單十數載😎諗諗吓已經好一段時間冇嚟過！是晚決定即刻book位寵幸一下🤟🏻🤟🏻嚟到已經差不多全場滿座！想要食餐勁一於揀✨世子御膳 $318@位(另加一) 嚟個韓食大滿足之夜‼️. 飲品可以無限自取汽水🥤韓國啤酒之餘🍺食物可以揀嘅種類更係目不暇給🤩🤩除咗必須有嘅韓式前菜泡菜之外, 先講韓食類有:🌶️炒年糕, 🍚石鍋飯, 🐮牛骨湯, 🍘炸物 等等！最離譜係連醬油蝦🦐醬油蟹🦀都任食❗❗之後燒烤食材類有:🐂牛(必點✨牛肋骨肉,✨T骨牛排), 🐖豬(必點✨五花肉, ✨豬皮), 雞(必點✨雞肉串), 🐙海鮮(必點✨油蛤, ✨蠔, ✨鰻魚, ✨魷魚, ✨扇貝)……而且質素真心唔錯🤝🏻🤝🏻真係唔怕你食唔飽😌只怕你眼闊肚窄！

好多年冇食韓燒，但又想食放題於是今日嚟到平昌燒肉放題。呢度面積非常大係13樓全層入到嚟好有韓國燒肉嘅感覺。我哋今次就叫咗大君御膳款式十分多，淨係牛肉已經有十幾款。佢仲包咗個爐邊蛋同生菜俾你做生菜包。我哋叫咗唔同款式嘅肉類，最驚喜係佢哋嘅signature LA 牛排其實係厚切牛仔骨非常juicy.另外套餐亦包括唔同款式海鮮，例如帶子，海蝦，鰻魚等等非常鮮味去唔去佢哋嘅五花肉即係厚切口感10分豐富包埋山菜食可以減去油膩感。蔬菜類，我哋叫咗杏鮑菇原來燒出嚟可以咁Juicy。依度放題亦好好咁包埋啤酒任飲。食燒肉配埋冷麵，就可以減去油膩感，我哋亦叫咗牛肉大醬湯。職員亦非常友善提我地記住like 佢哋Instagram會包埋任食雪條㗎，有我鍾意食嘅西瓜雪條。大家如果想食韓式放題，記得嚟試吓啦，推薦大家。

大癲!! 無諗過人頭3百幾就可以有醬油蟹既韓燒放題今日食既世子餐, 剩係料理已經超過20款,當中仲要包括醬油蝦, 醬油蟹平時出而餐廳剩係食醬油蟹都已經幾百蚊套餐仲要有埋韓燒. 燒肉有雞/牛/豬/海鮮牛肉必試佢既西冷豬肉就係食五花腩, 配埋生菜食減低罪惡感食唔落太多肉, 雞就揀左雞軟骨, 粒粒肥大又惹味海鮮就必點帶子!!今日主攻左好多款既料理醬油蝦/蟹, 水冷麵, 魚糕湯, 牛肉海帶湯, 炒年糕...等等可能因為係韓國人既加持, 正唔正宗我就唔識食啦, 不過真係樣樣都咁好味!不過可惜係張台比較細, 放食物之後就有D迫飲品款式唔算多, 但就連支水都係韓國貨, 問你服未!

上次個月來的時候，某些侍應態度很差當日埋單後向經理反映意見經理知道後也即時連忙道歉 告訴我那些是兼職的工作人員 他們會檢討一下 我明白可能是個別員工的問題 ！因為上次覺得食物不錯所以今次再一次過來食今次體驗大不同 發現侍應態度都很好 面帶笑容 😊甚至會雙手遞物品給我 十分有禮貌 一坐低就向我介紹餐廳的餐牌 不同價位有什麼可以食 今次明顯多了很多有耐性的工作人員 證明上次反映意見 老闆有在用心改善 👍🏻👍🏻食物也很不錯 很多種類可以選擇放題上菜速度很快 值得推介！

今日6月28日，心血來潮想食韓燒，3點鐘一個人行入去，個場吉既，點知佢哋話一個人唔接喎😓要2個人起先可以食😤我吾明點解有生意都吾做🙄仲望住我好似一個人韓燒有問題咁😓一個人吾係都係照收費咩？我覺得咁對一個人去既人有啲吾公平囉，都係比生意你做，一個或兩個以上有咩分別，有好多人都好似我咁早享受一個人燒嘢食，希望店舖可以改善下，覺得好失望

今日去旺角兆萬中心13樓食韓式燒肉放題🤰🏻我地揀左最實惠既- 大君御膳$228一位 任食兩小時🫶🏻雖然係最平既餐，但野食種類都算幾多，有五十幾款唔同種類既食物選擇，海鮮、豬牛雞，蔬菜、湯飯類 每樣都有幾款！仲有配埋前菜 ～韓式泡菜、芽菜 無限添加另外韓式飲品、啤酒雪條 任飲任食 （韓國燒酒都有，呢個就要加錢）我就試左二十幾款野食，本身個人比較鍾意食牛肉 感覺 *LA牛扒同*牛肋肉骨 最好食既！好重嘅牛肉味，同埋啲肉都比較嫩口 👍🏻👍🏻正！追加咗兩次 。豬五花腩，脂肪分佈均勻，配上生菜、泡菜及韓式辣醬食，更加別具風味！上菜速度都好有效率 ，叫完之後就即刻上全檯都係食物 😋另外一個好好食嘅 就係*燒洋蔥🧅 洋蔥係燒既時候吸左啲牛肉汁，咬落之後又香又爽！而且健康👍🏻 推介！另外有五六款韓式雪條🍭 任食，好正 🍓士多啤梨味最好食 😋每款我都試咗食左5條雪條😂全程都係食嘢 食到飽😆 店內職員都好勤力服務好好，我地用餐時兩小時入面店員幫我地換左幾次燒烤爐板，值得一讚！我眼見飯點時，店入面都坐滿哂好多人食！食物新鮮，餐廳座位都坐得舒服 牆壁有畫 裝修都好靚！好適合一班人聚餐👍🏻平昌-（旺角）📍旺角西

今日同朋友去咗一間叫做平昌嘅韓國燒烤餐廳，間餐廳喺兆萬中心，好近地鐵站。佢哋嘅服務非常出色。服務員上菜好快，仲會主動幫我哋加爐邊蛋。跟住講下佢哋嘅食物。我哋叫咗佢哋嘅大君御膳set，好多嘢都可以任食 。前菜方面，佢哋提供泡菜同埋芽菜，生菜亦都可以refill。佢哋啲燒肉好好吃！尤其是辣調味豬五花腩同埋LA牛扒，肉質非常嫩，口感好好，而且肉汁好足，包住生菜食清新啲無咁油膩。好鍾意啲肉嘅調味，食落好惹味。我哋仲點咗一啲小食，每一個都好好食，尤其是炒年糕、海鮮煎餅同埋水冷麵，而且份量好足，非常適合同朋友一齊share。總體嚟講，我非常推薦平昌呢間韓國燒烤餐廳，啲嘢食好味之餘，價格非常實惠。強烈建議約4－5個friend嚟呢度食飯！

韓式燒肉放題，我真係第一次食🤭估唔到呢個價錢可以有咁多選擇同咁抵食! 其實都係朋友介紹，同埋見到OpenRice好似攞過「最優秀開飯韓國菜餐廳」，而且地段真係非常就腳，距離油麻地地鐵站或者喺旺角地鐵站都只係7分鐘步程，而且兆萬中心地下有一部直通升降機上到嚟！就算係平日嘅時間都非常多人！好在有先打電話來預約。佢哋有三個唔同嘅價錢選擇，有大君$228、世子$318同國王$658，我同朋友就揀咗一個中間價位嘅試下🤭有兩個餐牌俾我哋睇，再喺白板寫低編號落單，會再根據人數給予份量！出面半自助形式嘅仲有雪糕同飲品，仲有一個雪櫃喺電梯隔離，係送埋俾follow 社交平台嘅客人，享用「朱古力餅夾棉花糖」。世子套餐入面，真係有好多海鮮同高級肉類！淨係豬肉單一個餐牌已經有至少有9款選擇！海鮮更加係有齊晒石蠔、青口、油蛤、蝴蝶蝦、帶子、扇貝、虎蝦、魷魚、鰻魚…因為我真係好鍾意食海鮮，真係睇到個餐牌嘅海鮮已經開心到不得了！而我朋友就係牛肉嘅Fans！見到有牛肉眼、西冷扒、T骨牛扒、牛前胸腹肉同牛舌多種選擇，仲未計其他前菜料理小食，老實講就算咁大食如我，都真係食一次都食唔晒咁多款式，雖然我都好貪心，每樣都叫咗啲

今日去咗旺角平昌食韓式燒肉，真係好正呀！餐廳有分世子同大君御膳，今次點選咗貴少少嘅世子餐，但一分錢一分貨，材料肉質真係升級！最近啲肉好味啲，仲有多啲款式嘅海鮮😋先講燒牛肉同埋豬，有不同嘅部位選擇，有啲比較嫩滑唔會太肥膩，有啲較彈牙有口感，加上配料同埋醬汁，搭配住燒肉一齊食更加好味。 除此之外仲有燒海蝦同埋花甲，好鮮甜，最正係大蝦都有兩款，同朋友一路傾偈一路反下反下，非常享受。最後再嗌咗個熱食辛辣麵同埋冷麵作為今餐嘅碳水化合物就夠晒飽～總括來講，呢間平昌地理位置非常方便，喺香港嘅中心油尖旺旺區仲有無論住邊度出嚟聚會都方便～韓式燒肉真係好高質，食物種類多兩小時任食包你飽，仲有啤酒供應，下次一定會再黎食！

平日夜晚嘅韓燒放題都勁多人😂難得咁多人都俾左個好坐少少嘅corner 俾我地🙌🏻叫左價錢相宜啲嘅大君set🔆每台都有爐邊蛋，生菜 ，泡菜 同芽菜 🔆主要叫左牛排 / 肥牛片/ 牛舌/ 豬頸肉/ 台灣胡椒香腸/ 涼拌海青菜/ 醬油鵪鶉蛋/ 吉列炸蝦/ 海鮮蔥餅/ 炒粉絲/ 牛肉海帶湯/ 肥牛大醬湯/鯖魚柳/ 魷魚/ 半殼扇貝/ 虎蝦/ 調味鰻魚食完再叫嘅係d 肉同鯖魚柳💕炒粉絲好香麻油味，醬油鵪鶉蛋都好正但唔可以食咁多🥹 鰻魚我開頭以為係就咁食😂放左一件入囗，凍的，然後另一件燒一燒，即刻出左好多汁，好味😂😂😂另外仲有飲品甜品，試左Melona 蜜瓜味雪條💕💕💕Skippy 花生醬雪條Melona 無敵😆萬歲😆唔係冇quota 真係想食多支😆放題唔敢飲汽水，所以都係飲烏龍茶😆