平昌

營業中

休息中

肉質是不錯的，牛小排很新鮮很好吃。雖然中午自助本身可選的不多，但是也有牛小排牛肉，也有幾種豬五花，所以總體也算可以的。蔬菜的話就不多，只有杏鮑菇，茄子。然後幾種香腸。雖然味道還可以，但是服務體驗真的很差！可能真的不太適合我們愛吃肉的人，不會再去了。週日中午12點去，五個人，首先本身個鐵板就不大，所以烤肉也烤不快。中間還因為斷了一次煤氣，所以有十幾分鐘是沒有烤的。能理解也明白到點不能落單，但是90分鐘一到，桌上還有一些肉，板上也還在烤一些肉和杏鮑菇，想說至少把這喔案吃完。店員直接把煤氣關了讓離桌…然後把肉倒掉。可能我們大食？反正是都吃不飽😂

與好友開心食一餐，特選了燒肉店，朋友推介唔錯，咁就要開心食吓。 環境十分舒適，每張枱有足夠距離，可以安心出入取飲品甜品。燒肉店最怕油煙大，空氣混濁，能不會煙霧霾漫，整得一讚。對於眼闊肚窄的我們，大君御膳餐已足夠，肉類選擇不少，牛肉有牛排，醬汁牛肉，辣味牛肉，牛舌，肥牛，牛肋骨等；豬肉有梅頭肉，五花腩豬頸肉等；雞腿肉，雞翼，雞肉串……推介牛排，牛肋骨。海鮮類擇：鯖魚，鰻魚，魷魚，扇貝，青𧐢等，已集齊我的至愛。推介扇貝，青𧐢。熟食選擇：味噌湯，湯麵，湯飯，炒飯，牛肉鍋，天婦羅蝦……真心做唔到每樣試一試。推介天婦羅蝦。飲品及甜品：茶，汽水，啤酒樣樣齊，仲有韓式雪糕雪條，記住要留肚食。飽到要行吓路，再hea吓先可以坐。真心值得推薦。#旺角#西洋菜街#兆萬中心#燒肉#free#大君御膳#樣樣都好食

平昌地址: 旺角西洋菜街1號兆萬中心13樓電話:=====================好耐無食燒肉啦，高高興興去食韓燒先。世子餐$318 任食，類別有肉類，salad ,drink seafood 同vegetables,包羅萬有好豐富架，真的如皇室般任性。所有kimchi 都是任食，仲有爐邊蛋哦！用大量蔬菜包任燒肉一起吃，實踐健康生活。香港食好貴的醬油蝦同醬油蟹都有，一定不要錯過，很入味肉很綿豬雞牛肉，有調了味的，大大塊肉燒好剪開，肥美的豬及牛，受到大家喜愛。海鮮類的蜆大隻甜美，魷魚彈牙。另外有熟食，如湯啦炸物啦。仲有好多韓國雪條呀 超開心食到150% 飽哦

好耐都食韓燒，要食就決定揀一間有水準嘅食，今日嚟咗旺角呢間平昌，有唔通餐選擇，每個餐都有牛有雞有豬，仲有海鮮。我地今次決定食世子餐，嘅肉全部都係靚肉😍牛前胸腹肉肥瘦均勻，薄切可以食到淡淡牛味。雞軟骨同豬皮都好正，豬皮香口彈牙，好爽脆。帶子係我地飛佛，連續叫咗幾round, 好鮮甜牛肉眼就好有口感，啖啖肉味。爐邊蛋好好味，係佢半熟未熟透時食係最滑，我係咁食😙醬油蝦同醬油蟹都淹得好好味，好入味，咸咸甜甜，不知不覺食咗好多！原來唔止飲品任飲，仲有雪糕任食，佢啲雪糕係韓國雪糕，食多兩件已經好回本呢間燒肉性價比真係超高

今日係同男朋友嘅紀念日，男朋友最鍾意食燒肉打邊爐嗰啲，所以同佢嚟咗旺角呢一間平昌食下韓式燒肉😋呢度啲座位真係好似韓國嗰啲燒肉店，大家坐喺鐵桶上邊圍住張不鏽鋼圓枱仔，好有韓國嘅感覺～一入座嘅時候，店員已經即刻拎咗啲小菜同埋倒咗啲爐邊蛋上嚟，可以一邊睇Menu一邊等個爐邊蛋熟😋時間啱啱好🤣我地今日食最基本嘅大君set, 每人都係$228加一咋‼️仲要一睇Menu發現有好多選擇，以呢個價錢嚟講，仲可以食兩個鐘，真係非常抵食😆我哋都試咗好多唔同款嘅肉，而部份嘅肉都有唔同味道揀，例如有原味、照燒汁、辣味可以選擇👍🏻個人認為食原味再點啲麻油鹽已經好夠味啦😋呢個價錢仲有海鮮食，真係抵到爛😝啲蝦第一輪嘅時候送嘅😙個人嚟講最鍾意食牛脷、LA牛扒、五花腩👍🏻食五花腩，記得要用生菜包住嚟食‼️會冇咁膩架😙同埋以前睇啲韓國YouTuber, 佢哋會燒啲泡菜嚟食，令啲泡菜多一股焦香味😋小菜方面，我叫咗個炒粉絲、海帶湯、海鮮豆腐湯👍🏻因為呢度擺唔到咁多張相，唯有擺我覺得最好食嘅炒粉絲😋韓國嘅粉絲特別粗，所以零舍有咬口啲嘅😝如果喺呢度飲燒酒要加錢，但啤酒就可以任飲‼️食韓燒呢啲比較油膩嘅食物，配罐啤酒就係Perfect

平昌韓燒係一間任食嘅韓式燒肉店😍晚市去到座無虛席！記得要book位呢餐廳嘅風格亦都好調皮，有好多唔同嘅插畫喺牆上面（餐廳人太多，食到最後先有機會影到🤣）佢哋有好多款餐可以揀，俾你可以按budget 享受😆今次就試咗入門級嘅大君御膳😛價錢比較平，但係都有超多款嘢食！我既狂點之選，當然係牛肉😍特別鍾意醃咗嘅照燒肥牛片同牛舌❤️照燒醬嘅味道，肉質鮮嫩多汁牛舌燒完都好爽口😍仲有，佢哋既豬肉都好出色特別係豬五花腩同豬頸肉😋豬五花腩肉質豐潤多汁，好適合燒烤❤️至於豬頸肉，口感滑嫩，帶有啲油脂，非常好食😛除咗各款肉類之外，佢哋都有勁多小食！其中醬油鵪鶉蛋係我encore 之選😋輕輕用醬油調味既冷盤，好開胃💛$250/一位既韓燒晚餐真係好少有！呢間真係性價比之選🧡🧡值得不停encore😝

收工之後，同事推薦我哋食呢間位於旺角兆萬中心嘅韓式燒肉放題餐廳 平昌。呢一間家餐廳的特色是提供各式各樣的韓式燒肉，包括牛肉、豬肉、雞肉、海鮮等，而且都係好新鮮，醃料好入味。基本上我每一款肉都試過晒，全部都好鮮嫩多汁，而且配上韓式醬料和泡菜，好似返咗去韓國噉。除咗燒肉外，這家餐廳還有其他的韓式小吃嗌，例如炸雞、年糕、冷麵、拌飯等，都是好地道。我特別鐘意呢間嘅的牛骨湯，足料得嚟又好香。個人嚟講，我幾鍾意佢哋個環境，裝修得好現代化，有好多好有趣嘅畫作，令人有一種置身於韓國嘅感覺。而且佢哋嘅冷氣都好夠，燒緊嘢嘅時候都唔會覺得太熱，抽油煙都算夠力，食完唔會成身癡淋淋。而最令我驚喜嘅係佢哋嘅廁所冷氣好足，入到去好似去雪房噉但又唔會太凍，乾淨又冇異味。服務員都很親切友善，最主要係佢哋會主動幫忙換盤子同埋換網，唔洗自己開聲問。我覺得呢一間餐廳幾值得推薦，同事果然冇介紹錯。

除咗打邊爐，小妹另一愛好就係食韓燒，無論喺香港定韓國都一樣，所以生日我都揀食韓燒。因為平時食開嗰間訂唔到，上網search到呢間平昌竟然係連豬認證嘅黃店，而且好評都唔少，一於就試吓！我哋睇完menu後揀咗世子御饍，貪佢性價比高，而且乜都有得食，肉類送嚟確實唔錯，睇色水已經過關，而且肥瘦均勻。我哋嗌咗牛前腹、T骨牛扒、肉眼牛扒、西冷牛扒、牛舌、西班牙捲狀豬腹肉、豬五花、蠔、蜆、扇貝、蝦、帶子慢慢燒。當然唔少得我至愛嘅石鍋飯、牛骨湯、炒粉絲同勁多泡菜啦！佢哋個爐邊蛋都幾好食，除咗各式泡菜、冷盤都有幾款沙律揀，Like佢哋社交平台仲有雪糕送添！PS：寫完食評，收到通知話懷疑係餐廳款待所以唔畀刊登，單已經掉咗，惟有cap張信用卡月結單證明係我自己畀錢食啦！

今日同班fd黎到旺角既平昌食韓燒，一入到去接待我地既係韓國人，感覺比人非常正宗我地揀左個大君御膳，剩係最低價位已經好多選擇一坐底店員已經好快人咁幫你開爐，加爐邊蛋，上配菜，啲蛋勁滑勁香，食完可以再加添不得不提，呢到上order速度真係幾快，無論係要燒既肉定係煮熟既韓或料理，仲唔會有漏單既情況出現。我地叫既肉好快已經黎左可以即刻燒，比較推咗係調左味既牛同豬，真係好入味，唔洗點醬已經好好食，個人最鐘意辣調味烤牛肉同豬梅頭片，啲肉好嫩之外，個味好似平時我鐘意既辣炒豬肉飯，配飯真係一流呢到仲有燒鰻魚，真係幾好食，encore左一次呢到既韓宗料理都唔會馬虎，味道真係非常合格，同係出面單點既味道一樣，個人幾鐘意個海鮮蔥餅，外層煎到好香脆，但咬落去煙煙unun 食到最後仲可以去雪櫃拎雪條，任食的，因為有兩隻想食既味，最後仲食左兩條雪條食緊既時候不斷傳來歡聲笑語，仲成日有好蛋人合照，好多人都成班fd黎聚會，圓台既設計可以坐到好多人呀

食物可以，服務態度都ok， 上菜 也快，不過如果 打算邊食邊傾下偈 我就唔會推介， 因為 燒肉 都要熟左先食 火是文火 不會大大 所以燒都需時 如果又食又傾 就好似食唔到啲咩 我645 左下 830 要 離開 就算 燒物燒好 未食完 外面沒有人等位 有吉枱 都要比趕走 當然 他們態度語氣不是不禮貌 但係顧客未食完 就張啲食物執走 掃你出門口咁。 所以我們不會去第二次了。

位於旺角兆萬中心嘅平昌，是很有人氣的韓式燒肉放題，平日夜晚去都是長期坐滿人的，所以預先book位最穩陣，我們最早去坐了一陣已經全場爆滿。👍💯店內環境很大，坐的是圓枱圓凳，圓凳內可放個人物品很方便👍，很有韓國餐廳feel，而且抽氣一流，沒有太大油煙。👍💯餐廳內有多幅圖畫🖼️作裝飾，由本港畫家繪畫，很得意。😍🤩💥📸📷💯餐廳有三個套餐可以選擇，我們揀了食中間價錢嘅世子御膳$318/位，可以點世子御膳同大君御膳menu內嘅食物。menu內有：料理、牛肉、雞肉、豬肉、肉類、海鮮、蔬菜和沙律等食物超過50款。👍😋🤤💯飲品就喺出面嘅自助區拎，基本的啤酒、汽水、無糖茶都有，而燒酒就要加錢飲。生菜、泡菜和大豆芽可以Refill,可以向店員索取。每人有三款醬汁，分別為燒汁、微辣麵豉醬和麻油鹽。牛肉類🐮必食推介：西冷🥩、T骨牛扒🥩、牛肉眼🥩牛肉類🐮燒得半成熟，然後用生菜🥬加微辣麵豉醬、泡菜包住一齊食，很好食又解油膩感。🤤🫶👍海鮮類推介：帶子、虎蝦🦐、半殼生蠔🦪、扇貝生蠔🦪燒得半成熟，食落好juicy。🤤🫶豬肉類🐷推介：美國ibp梅頭扒🥩、辣調味烤牛肉🐮、薄切五花腩片🐷調了味的牛肉🐮燒完之後好夠味，不需再加其他

每次食韓燒嘅首選都係平昌，價錢唔貴，選擇又多，位置又好方便，今次有朋友提議去食韓燒，我又即刻提出：去平昌啦！～依家任食有三款套餐，我哋揀咗中價嘅「世子」餐，我平日食就$318一位，不過weekend其實都係差$20一位，唔算差太遠，而且「世子」餐仲要有醬油蝦、醬油蝦，就咁食呢啲都回晒本就咁手寫返number俾職員就可以叫嘢食~職員一開頭已經幫我哋加咗蛋漿，韓燒其中一樣最開心就係無限添蛋，我哋仲食咗兩次添一坐低就忍唔住叫咗個醬油蝦同蟹，好好味仲有唔同嘅肉同海鮮，例如豬頸肉同鰻魚其他海鮮當然唔錯過，特別呢度居然有埋任食蠔同帶子，蠔仲要唔洗隻添除咗蠔仲要有扇貝燒肉都有好多款，每款有唔同嘅醃料，我哋都係主力放係牛度!唔止燒肉出色，一啲小食同熟食都好正，食食下居然又想食返個蟹肉薯餅，呢個都好好味食得個人太燒，叫返個水冷麵balance吓

突然間好想食韓燒黎到旺角兆萬13樓全層的平昌燒肉放題餐廳播放著韓國流行音樂細圓枱+圓櫈好有韓國燒肉店feel圓櫈可以揭起放袋好方便呢度任食120分鐘有3個價位套餐可以揀今次就揀左食中間價錢的世子御膳($318/位)而MENU入面基本是應有盡有有牛肉、雞肉、豬肉、海鮮、蔬菜、沙律、料理飲品就出面自助區自己拎基本的cream soda、啤酒、無糖茶、檸檬茶都有 想飲燒酒就要加錢 韓燒放題黎講食物水準都幾高食物選擇多而且仲要任食而且上菜速度都幾快特別一讚係燒到中段時間職員會主動幫你更換鐵板值得一提是呢度的抽風做得好好食完身上無乜油煙味！ 講番個世子餐剩係料理已經超過20款當中仲要包括醬油蝦, 醬油蟹等等 入座先送上前菜及生菜，可以REFILL的仲有我好耐無食過的爐邊蛋爐邊燒蛋我自己加入泡菜，更加好味 調味醬料分別有燒汁、微辣麵豉醬、麻油醬 牛肉類：必食推介:肉眼、薄切牛舌大大塊剛好放滿整塊鐵板肉眼肉質嫩滑牛味濃郁剪細件後可以幾個人分享夾生菜食，再配以微辣麵豉醬相當惹味另外最好食就是薄切牛舌，encore左幾round牛舌好有口感而且牛舌味濃豬肉類：必食推介:香草五花肉，肥瘦比例好好燒出黎

今日約咗班朋友嚟旺角兆萬食平昌🥩之前都食過 貪佢又平又抵食😁今次一行三人嚟到食大君御膳👑雖然係最平個餐 不過都唔錯 有齊牛肉、豬肉、雞肉仲有海鮮😁坐低已經有啲韓式前菜比我哋食而我最期待嘅當然係爐邊蛋🍳仲要係任添 真係超正🥹嘢食嚟講 無論你叫幾多碟 佢都係跟人頭上餐 不過佢上得好快 所以又okay👍🏻 肉方面 佢隻牛肋骨肉 同 豬梅頭片 都唔錯😋 其他嘢食都好豐富 芝士腸、台灣腸、扇貝、菇等等佢嘢飲選擇都有兩個雪櫃咁多 仲有臨走前唔好唔記得食甜品 雪糕款式都算多 尤其是佢有我最愛嘅melona蜜瓜味雪條食😋咁抵價錢可以食到2小時都算係咁!!👍🏻 仲要上菜快 幾乎冇停過手食嘢😋

早排朋友介紹兆萬中心有間好食既燒肉，叫平昌。今日早左收工，當然要試下啦！我地兩個人就叫左大君set。打開餐單都幾多選擇，包括：🔸牛：牛排，烤牛肉，牛舌，牛肋骨，肥牛🔸海鮮：扇貝，青口，魷魚，虎蝦，魚柳，鰻魚🔸豬：梅頭片，豬頸肉，五花楠🔸雞：雞肉串，辣味雞腿肉，雞翼🔸芝士腸，芝士魚腸，台灣腸，午餐肉肉類本身都有好多選擇。不少肉仲可以選擇不同醬料，例如辣醬同秘制醬汁，醃得都好入味！而我大力推介佢既牛！牛好重牛味，肉質嫩滑。加埋本身切得好薄，好快就煎熟，唔怕會搞到好老。海鮮都非常新鮮，值得推介係扇貝！燒完後非常香，又鮮甜juicy，正！除左肉之外，餐廳都有不少熟食。值得推薦係海鮮蔥餅、炒粉絲、水冷麵同埋牛肉海帶湯。